رواية نجمة هزت كيان ظابط الفصل الرابع والعشرون 24 - بقلم جاسمين محمد

وقفنا البارت اللي فات لما صقر خلص كلام مع الراجل العجز وطلع يجري على نجمة. بص لقى خديجة وحور بيعيطوا وبيصوتوا. صقر، وقلبه مقبوض وخايف: "حو.. حور، في إيه؟ نجم.. نجمة كويسة، صح؟ حور بعياط: "نجمة خلاص سابتنا ومشت يا صقر، خلاص مش... صقر سمع كده وفضل يرجع لورا لحد ما وقع على الأرض. قعد على الأرض. حور قربت منه وخدته في حضنها: "حبيبي يا صقر، اصبر واهدي." صقر بعياط وزعيق: "نجمههههه! بتسبيني ليه؟

أرجوكِ ارجعي، والله مقدرش أعيش من غيرك." وقام من على الأرض وجرى على أوضة العمليات. الدكتور: "يا أستاذ، اطلع بره، مينفعش كده." وشاور للممرضة تطلعهم. الممرضة قربت من صقر: "يا أستاذ، لو سمحت اطلع بره لحد ما نشيل الأجهزة من عليها ونطلعها." صقر بزعيق ونرفزة: "محدش يشيل حاجة من عليها، هي لسه عايشة." وزاح الممرضة وقرب من نجمة ومسح دموعه.

صقر: "نجمة حبيبتي، قومي، والله مش هزعلك تاني. وإيدي اللي اترفعت عليكي دي هقطعها، بس قومي عشان خاطر صقر حبيبك. عارفة، هما كلهم فاكرين إنك متي، بس أنا قلبي بيقولي لأ، إنتي لسه عايشة عشان حياتي وحياتك مرتبطين ببعض. يعني لو حياتك انتهت، فأنا حياتي تنتهي. وأنا لسه عايش، فإنتي عايشة. يلا قومي بقا عشان نروح البيت. وأه، صح، أنا هتجوزك ونعمل فرح كبيررر جدا، بس هخطفك من وسط المعازيم ونسافر نعمل مكان حلو إنتي بتحبيه، وبعدها نروح نعمل عمرة. يلا قومي، إنتي مش بتردي عليا ليه؟

ومسك كتفها وبيهز فيها. صقر بعصبية: "أنا قولتلك قومي، يلا. لو مسمعتيش الكلام، أنا هضربك تاني. نجمة قومي بقا، ليه عايزة تخليني أضعف؟ أنا قوتي هي إنتي. نجمههههه! قومميييي! الدكتور قرب منه ومسكه وبدأ يبعده. الدكتور: "يا صقر باشا، مينفعش كده، هي خلاص ما... صقر ضربه وزاحه على الأرض وبغضب: "إياك تكملها! هي هتقوم وتروح معايا، بس هي بتمثل عليا. من وهي صغيرة بتحب التمثيل وبتحب تقلقني عليها عشان تشوف معزتها عندي، صح يا نجمة؟

قومي بقا." وبيبص لقى الجهاز اللي بيعملوا بيه صدمات لنبضات القلب ومسكه وبدأ يعمل لنجمة. الدكتور والممرضين جرو عليه. الدكتور: "يابني، والله عملنا كل حاجة، مفيش فايدة." صقر بصوت عالي من جوه قلبه: "لااااا! نجمههههه! قومي." وبدأ يهز فيها. حور راحت حضنته وهو قاعد جنب نجمة وماسك إيدها: "أرجوك اهدى، أرجوك." صقر عمال يعيط على نجمة. الدكتور: "ممكن لو سمحتي تاخدي وتطلعي بره؟ حور: "حاضر. صقر حبيبي، تعال نطلع بره."

صقر بانهيار: "لأ، مش هطلع وأسيبها وحدها." ومسك إيدها. حور: "أرجوك، لو بتحبها تعال نستناها بره، وحياة نجمة عندك." حور مسكت إيد صقر وبتحاول تفك إيده من إيد نجمة. وصقر لسه هيسيب إيد نجمة، بيبص لقى صباعها اتحرك. صقر بفزع: "نجمة! حركت إيدها! حور: "حركت إيدها كيف؟ إنت بيتهيقلك." صقر: "والله حركتها، بصي كمان." حور بتبص لقت نجمة بتحرك إيدها. حور بفرح: "يا دكتور، نجمة عايشة! حركت إيدها، أنا كمان شوفتها."

الدكتور قرب من نجمة وبدأ يتأكد. الدكتور باستغراب: "كيف ده؟ بسم الله، دي معجزة." صقر ماسك إيد نجمة بيبوسها: "حبيبتي، قومي." نجمة وهي بتفتح عينيها: "صقر... وصقر غمض عينها تاني. صقر: "قلب صقر، أنا جنبك أهو." الدكتور: "طيب، ممكن تطلعوا بره؟ أفحصها وبعدها أنقلها أوضة تانية، وابقا شوفوها. ياريت يا صقر باشا تسمع الكلام." صقر بفرحة: "حاضر، حاضر." وطلع هو وحور بره الأوضة. لقى خديجة قاعدة بتعيط. حور قربت من خديجة: "بتعيطي ليه؟

نجمة صحت تاني." خديجة بعدم تصديق واستغراب: "بجد؟ احلفي." حور: "والله، نجمة صحت تاني." وحضنوا بعض بفرحة. وصقر رن على فاطمة عشان يعرفها. بعد شوية، نجمة اتنقلت أوضة تانية خاصة بيها. صقر دخلها لوحده وقعد جنبها. صقر: "بوعدك إني هفضل جنبك ومستحيل أزعلك أو أنزل دمعة من عيونك تاني. سامحيني على كل اللي عملته. والله كان غصب عني." نجمة وهي بتفوق وتفتح عينيها وبصوت واطي: "صقر... صقر: "قلب صقر، أنا جنبك أهو." نجمة: "أنا فين؟

صقر: "إنتي في المستشفى، متخافيش، اطمني، أنا جنبك." فاطمة فتحت الباب ودخلت: "ها، نجمة فاقت؟ صقر بفرحة: "آه، فاقت." فاطمة وحور وخديجة وأسد دخلوا. فاطمة قعدت جنب نجمة على الكرسي: "حمد الله على السلامة يا روحي." نجمة قامت عشان تقعد. صقر بخضة: "إيه؟ تعبانة؟ إيه؟ واجعك إيه؟ نجمة: "مفيش حاجة، اهدى." صقر: "طيب، ارتاحي طيب." وساعدها ترقد تاني. أسد: "يلا قومي بقا عشان أخطب منك حد، كدا كدا." وغمزلها.

صقر: "ههههه، هو ده وقته بروح أمك." أسد: "اتلم، أنا مجتش جنبك، أنا بكلم مرات أخويا، إنت مالك؟ صقر ونجمة بصوا لبعض، ونجمة خدودها احمرت. صقر بهزار: "أديك حمرت خدود مرات أخوك أهو، عاجبك كده؟ نجمة ضربته بإيدها في كتفه والكل ضحك. صقر: "آه، دراعي." نجمة: "اتلم." نجمة بمكر وهي بتبص لخديجة: "طيب، وإنت طالب إيد مين مني يا أسد باشا؟ أسد بهزار: "إيد واحدة مطلعة عيني وعين اللي جابوني، بس هطلع عينها أنا، واخد حقي، بس استنى عليا."

خديجة بفزعة: "تطلع عين مين يا عسل إنت؟ أسد بضحكة مكتومة: "هو حد جه جنبك يا أستاذة إنتي؟ خديجة خدت بالها: "ها، أنا هروح أشرب." وجت تطلع، مسك إيدها. أسد: "بحبك. تتجوزيني؟ خديجة وشها احمر واتكسفت. صقر: "ههههه، السكوت علامة الرضا، عشان البنات دول مينفعش معاهم الراحة." نجمة بتبصلوا بعينها: "اتلم، قولت عشان حسابك بعدين." صقر: "بعدين إيه؟

مفيش حاجة بعدين. أنا قدام الكل أهو بتأسفلك على أي حاجة حصلت مني، وحقك عليا، واللي تقولي أنا هعمله." وطلع خاتم من جيبه، وشال الكرسي على جنب وقعد على ركبته. صقر: "تقبلي تتجوزيني؟ نجمة بصتله وسكتت. حور وخديجة وفاطمة وأسد بصوت واحد: "وافقي يالا! نجمة وصقر بصوا ليهم، وبعدين رجعوا بصوا لبعض تاني. نجمة برفع حاجب: "هي أنا لو رفضت، هيحصل حاجة؟

صقر بمكر: "لأ، عادي خالص. هيحصل أي حاجة غير إني هخطفك وأتجوزك وأعذبك زي الروايات، وإنتي كمان نفسك في كده، صح ولا غلط؟ نجمة برفع حاجب: "لأ والله، متقدرش تعمل حاجة أصلا." صقر: "مدام الحاجة بتتعلق بحياتي، أعمل عاد." نجمة: "طيب، مش موافقة يا صقر، ووريني هتعمل إيه." صقر: "وأنا مش باخد رأيك يا طفلتي." وراح مسك إيدها غصب ولبسها الدبلة. نجمة: "اخلع الدبلة." صقر: "بحبك." نجمة: "وأنا بكرهك." نجمة: "وأنا بكرهك."

صقر قرب منها أوي ونفسهم بقى قبل بعض. صقر: "بعشقككك." نجمة: "بحبك وبموت فيك." وحضنته. صقر حضنها جامد: "وأنا بعشقكك وبدمنك يا حياة صقر."