داليا قاعدة في بيتها وبتشرب مع صحابها.
داليا: اها والله يا بنات رحتله وقعدت أتاسفله وعملت الندمانة وهو زي العبيط صدقني.
نور: وبعد كده عملتي إيه؟
داليا: جبت واحد يروح يقتلها ويضربها بالنار وراحت المستشفى. روحت بعثت واحد تاني لنجمة عشان يموتها ويحط المخدة على وشها بس لسه بسبعة أرواح. دخلت في غيبوبة بس أنا خايفة من حاجة.
صحابها: إيه هي؟
داليا: إنه ياسين يبيعني ويقول كل حاجة.
نور: لا مستحيل يعمل كده لأن هو كان مشترك معاكي في كل حاجة يعني مش هيضر نفسه.
داليا: اه عندك حق.
وفجأة الباب اتكسر ودخل البوليس ولم كل البنات وأخذهم على القسم.
في القسم.
داليا: أنا عايزة أعرف إنتوا جايبيني هنا ليه؟ هو إنتوا متعرفوش أنا مين ولا إيه؟
الظابط: معرفش يا أختي عرفينا.
داليا: أنا داليا الشرقاوي تعرفني ولا لأ؟ دلوقتي لازم تقولولي إنتوا جايبيني هنا ليه وإيه اللي هيوديكم في داهية؟
الظابط: هنقولك يا داليا بس ابلعي ريقك الأول.
داليا بصدمة: كيان!
كيان بغرور: اها كيان. إيه اتصدمتي ليه؟
داليا: إنت اللي قلتلهم ياخدوني.
كيان: اها هقولك ليه؟ علشان كشفت حقيقتك كلها يا قذرة. كنتي عايزة تقتلي مراتي أنا بقى هوريكي النجوم في عز الضهر.
داليا بتوتر: إيه الكلام العبيط ده؟ أنا معملتش كده.
كيان: بلاش تكدبي لأن الواد اللي إنتي بعتاه عشان يقتل مراتي اعترف بكل حاجة. والواد برده اللي إنتي بعتاه عشان يقتل مراتي في المستشفى قال كل حقيقتك. وفوق كل ده ياسين جيلي واحكالي كل حاجة. ها هتنكري تاني؟
داليا بحقد وغل: أيوه أنا عملت كل ده عشان بحبك من وأنا صغيرة وأنا بتمناك وإنت ولا بتبص ليا ليه؟ وفجأة جت واحدة زبالة زي نجمة.
كيان ضربها على وشها: أوعي تجيبي سيرة مراتي في أي حاجة هيبقى فيها موتك يا داليا.
داليا بصريخ وحقد: هقتلك يا كيان مش هسيبك تتهنى أبداً.
الظابط: إنتوا يا بهايم تعالوا خدوا ها يلا على الحجز.
الستات أخذوها وهي بتصرخ وتصوت وتعيط ودي كانت نهاية داليا.
كيان: شكراً ليك يا باسم وأتمنى إنها تتعاقب.
باسم: ما تشكرنيش إنت صاحبي ياض وهي هتتعاقب وهتشوف.
كيان: طيب ماشي أنا هروح بقى.
باسم: ألف سلامة على مرات حضرتك إن شاء الله تقوم بالسلامة.
كيان: يارب. أنا همشي بقى يلا سلام.
باسم: سلام.
بعد ٨ شهور.
كيان قعد قدام نجمة ومسك إيدها ونايم عليها وبيقول: قومي بقي وحشتيني مش عارف أعيش من غيرك.
نجمة بضعف: كيان.
كيان قام بسرعة وقال: نجمة إنتي صحيتي بجد؟ أجري ع بره أجيب دكتور.
الدكتور: طيب ثواني أكشف عليها.
بعد ربع ساعة.
الدكتور: الحمد لله هي فاقت بس نحتاج نمشي ع العلاج عشان تبقي كويسة أكتر.
كيان: حاضر.
الدكتور: حمد الله على سلامتها.
كيان: الله يسلمك. ينفع أدخل ليها؟
الدكتور: اها طبعاً اتفضل.
كيان: شكراً.
ودخل عند نجمة لقاها صاحية.
كيان: نجمة.
نجمة فتحت دراعها ليه بدموع.
كيان أجري عليها واحضنها.
بعد ساعة عياط.
نجمة: ياه كل ده وإنت كنت بتستحمل عشاني؟
كيان: امال عشان مين؟ أنا عايش عشانك.
نجمة: ربنا يخلينا لبعض وميحرمناش من بعض أبداً.
كيان: أبداً يارب.
نجمة: يلا بقى كلم الدكتور خليه يعملي خروج عايزة أروح.
دخل مامن نجمة مامت كيان وسالي وأحمد ومراته.
بعد سلامات كتير ونجمة خرجت من المستشفى وراحت على بيتها بالسلامة.
في أوضة نجمة.
نجمة قاعدة ع السرير وبتاكل موز.
كيان طلع من الحمام هو لابس الفوطة ع وسطه.
نجمة شوفته حطت إيدها ع عينها وقالت: ياقليل الأدب لبس حاجة مش في واحدة معاك في الأوضة؟
كيان بضحك راح قعد جمبها وقال: واحدة مين؟ إنتي مراتي بتكسفي من جوزك؟
نجمة بكسوف: لبس حاجة يلا.
كيان: لا مش هلبس وشيلي إيدك.
نجمة: لا.
كيان: لا.
نجمة: اها.
كيان: طيب تعالي.
وشد الغطاء عليهم.