تحميل رواية نجمة كيان بقلم هاجر سلامة pdf

نجمة بتفرج على التلفزيون وبتقلب شافت حفلة كيان قعدت تتفرج وفجأة لقيت حاجة بتقع على الأرض.

بصت وصرخت: "مااااااااااامااااا!" وجريت عليها.

"ماما مالك؟" بتحاول تفوقها وجابت ميه ورشت على وشها لحد ما فاقت.

إيمان قعدت تعيط عياط هستيري ونجمة مش فاهمة حاجة وبتحاول تكلم معاها وتفهم فيه إيه.

نجمة: "اهدي ياماما، حصل إيه؟ قوللي."

إيمان: "حسن العمري هو الشخص اللي اغتص:بني."

نجمة بصدمة: "انتي بتقولي إيه؟"

إيمان: "اللي عذبني ودمر حياتي هو حسن العمري."

نجمة أخدتها في حضنها وقالت: "اهدي، إن شاء الله هاخد حقي وحقك قدام عينك. المهم متعيطيش وخليكي قوية زي ما كنتي قوية بقالك 25 سنة."

إيمان دمعت وقالت: "بس يانجمة، أنا قلبي بيتكسر لما افتكر اللي حصل."

نجمة: "لا ياماما، أوعي تعيطي. ما عاش ولا كان اللي يكسرك. أنا خلاص بقيت موجودة، اللي يجي جنبك هدوس على رقبته."

إيمان أخدتها في حضنها وقالت: "ربنا يخليكي ليا وميحرمش منك أبداً."

نجمة: "ولا منك يروحي، يلا قومي نامي، الوقت متأخر وأنا هنام جنبك النهاردة، إيه خدمة بقى؟"

إيمان ضحكت.

دخلوا الأوضة يناموا، بس نجمة استنت أمها تنام وقعدت تفكر في حاجات.

***

عند كيان، بعد الحفلة.

كيان بغضب: "إزاي حضرتك تعمل كده من غير ما تقولي؟ عايز تخليني اتجوز واحدة أنا مبحبهاش ولا بطيقها؟ هو الجواز عافية؟ هو أنا عيل عشان تجبرني على حاجة؟"

حسن بياكل وقال ببرود: "أنا شايف إن داليا مناسبة ليك وأنا عارف مصلحتك أكتر منك."

كيان اتعصب وكسر كل اللي حواليه وقال: "أنا طول عمري بسمع كلامك، لكن المرة دي مش هعمل اللي انت عايزه. أنا مش عيل عشان تجبرني على حاجة." وطلع أوضته.

حسن: "ابقى وريني هتعمل إيه."

نعمة: "بجد أنا مش فاهماك، أنت ليه بتعمل كده؟ ده ابنك يا أخي."

حسن: "خليكي في حالك وملكيش دعوة بحاجة."

نعمة: "بجد، اللي يتكلم معاك ياخد حق ولا باطل." وطلعت أوضتها.

حسن: "وانتي يا سالي، في حاجة عايزة تقوليها؟"

سالي: "تصبح على خير يا بابا."

حسن: "وانتي من أهله."

سالي طلعت.

دخل أحمد وهو دايخ وبيقول كلام مش مفهوم.

حسن: "أحمد ابني حبيبي قلبي، إيه ده؟ أنت دايخ؟"

أحمد وهو سكران: "أنا حبيب قلبك؟ تكتب الأملاك باسمي، مش ينفع صح؟"

حسن: "لا يا حبيبي، هكتب لك كل حاجة، بس بشرط إنك تشتغل وتبقى أحسن من كيان."

أحمد: "كيان.. كيان.. كيان. يارب يموت. كيان هو أحسن مني وأشطر مني وأحلى مني، مش فاهم ليه."

حسن: "لا يا حبيبي، مين قال كده؟ أنت كل حاجة والله."

أحمد: "طيب، بس أوعى كد، عايز أطلع أنام." ومشى وهو سكران وبيقع ويقوم.

حسن: "خلي بالك طيب."

أحمد: "بعد عني كد." وطلع أوضته.

***

يوم جديد.

كيان رايح الشركة بعربيته. فجأة وهو ماشي بسرعة، الطين وهو بيدوس عليه. ده أوقع واحدة.

نزل بسرعة من العربية يشوف اللي حصل. قال بصدمة: "انتي!"

نجمة بغضب: "هو أنت أعمى مبتشوفش؟ طالما مبتعرفش تسوق بتركب عربية ليه؟ عايز تدوس على خلق الله وخلاص؟"

كيان: "إيه دا؟ إيه البلاعة اللي فتحت في وشي دي؟ أنا أكيد مكنش قصدي أعمل كده."

نجمة: "أمال لو كان قصدك كنت هتعمل إيه أكتر من كده؟"

كيان بص لها وضحك.

نجمة: "هو أنت غبي؟ أنت بتضحك على إيه دلوقتي؟"

كيان: "أنا هعديهالك بصراحة، شكلك حلوة أوي." وضحك.

نجمة: "بجد؟ أنت واحد معندكش دم. وجاية أمشي."

كيان وقفها وقال: "استني بس، تعالي اركبي معايا، هوصلك. أنت رايحة فين؟"

نجمة: "هو أنت فاكرني منهم ولا إيه؟ ماتحترم نفسك."

كيان: "منهم ولا مش منهم يا ستي، أنا عايز أساعدك. تجيبي طقم تلبسيه، أكيد مش هتمشي كده."

نجمة: "وأنا مش محتاجة، بعد عني بقى."

كيان: "لأ، ده انتي شكلك عنيدة أوي." ومسكها من يديها ودخلها العربية بالعافية وهي بتصوت.

كيان: "اسكتي، أنت بتصوتي على إيه؟ اركبي اركبي."

نجمة: "هو أنت بارد؟ معندكش دم؟ بقولك مش عايزة، سبني في حالي."

كيان: "أهاااااا، رغي رغيييي." جاب لازق وحطه على بوقها. "اسكتي شوية."

نجمة اتصدمت وشيلت اللزق وقالت: "أنت حيوان! إزاي تعمل كده؟"

كيان ضحك عليها وكمل طريقه.

نجمة: "أوووف."

كيان وقف قدام محل ملابس ونزل من العربية. لقى نجمة مش عارفة تفتح الباب. راح فتح لها الباب وقال: "اتفضلي."

نجمة بصت له بقرف ومشيت وكيان دخل المحل ونجمة وراه.

واحدة جت وقالت: "أهلاً وسهلاً، تؤمروا بحاجة؟"

كيان: "آه، أنا عايز طقم للآنسة دي."

البنت: "تمام، اتفضلي."

نجمة مشيت معاها واختارت فستان لونه أبيض وفي حزام لونه أبيض.

نجمة طلعت. كيان شافها سرح فيها.

نجمة اتكسفت من نظرته.

كيان أخد باله: "احم احم، الحساب كام؟"

نجمة: "استني بس، أنت بتعمل إيه؟ أنا هدفع."

كيان: "اسكتي." ودفع ومسكها من إيدها وطلع.

نجمة: "أوعى إيدك دي! إزاي تسمح لنفسك إنك تدفعلي؟"

كيان: "علشان أنا غلطان ولأنك اتبهدلتي بسببي."

نجمة: "ممكن تقولي دفعت كام؟"

كيان: "أنتي مصممة بقي."

نجمة: "أيوه."

كيان: "طيب، هو بـ ٧."

نجمة: "٧؟"

كيان: "آلاف."

نجمة بصدمة: "ليه كل دا؟"

كيان ضحك: "مش غالي عليكي يا جميل."

نجمة اتكسفت وقالت: "معايا ٣ آلاف، تاخدهم وبكرة هجيبلك الباقي."

كيان: "برضو مصممة؟ أنت عنيدة كده لمين؟"

نجمة: "ملكيش فيه، المهم اتفضل الفلوس أهي."

كيان خدها وقال: "ماشي يا أختي، يلا اركبي أوصلك رايحة المستشفى."

نجمة: "أيوه."

كيان: "يلا بينا." وركب ونجمة ركبت.

كيان، وهم في نص الطريق، حط الفلوس في شنطتها من غير ما تحس قبل ما تنزل.

نجمة نزلت وقالت: "شكراً ليك. وصح، ممكن رقمك؟"

كيان ضحك: "إيه، معجبة بيا؟"

نجمة: "رخممم! هات الرقم."

كيان بضحك: "خدي الكارت أهو."

نجمة خدته ودخلت وابتسمت بخبيث.