رواية نجمتي الفصل الثالث 3 - بقلم مريم حسن

أحمد بص لنجمة: أنا ونجمة هنتجوز، بركيلنا. نجمة ولارا وسها… لارا بفرحة: بابا هيتجوز ميس نجمة. نجمة وجربت على جوا. سها بغيظ: مبروك. ودخلت وشها أحمر من كتر الغضب. نجمة: إيه اللي حضرتك قولته ده؟ أحمد: أنا عايز أتجوزك. نجمة: بس أنا مش موافقة. أحمد: ليه؟ نجمة: أنا مش عارفاك أصلاً ومش عايزة حد يقول إني استغلالية، وبعدين عايز تتجوزني ومرات حضرتك توفت من أربع شهور. أحمد:

أنا مكنتش بحبها، كنت متجوزها عشان أبويا، زي ما أنتِ اتخطبتي لعادل عشان أبوكي. نجمة كانت لسة هتتكلم، البيبي صحي، فضلت تهديه لحد ما نام تاني. نجمة: سيبني أفكر. أحمد: خدي وقتك، معاكي لآخر اليوم. نجمة بصدمة: ده بجد؟ أحمد ببرود: آه. نجمة أدتله الطفل ودخلت بغيظ. في مكان تاني. بلال: أنا رايح الشركة عند أحمد. سيلا: يوووه بقى، أنت كل يوم في حتة شكل، ما تقعد معايا. بلال: سيلا، أنا مش فايق أتخانق، في وقت تاني. سيلا:

آه فعلًا، أنت مش فاضيلي، مبتقعدش معايا وكل يوم مع أصحابك. (سكتت شوية) بلال، أنت بتخوني؟ بلال: أنتِ مجنونة؟ أخونك إيه؟ سيلا: طب عشان خاطري اقعد معايا ساعة واحدة بس. بلال: بعدين. سيلا صرخت: بردو بعدين، بعدين، وتنزل كل مرة تقولي بعدين، أنا زهقت منك، إحنا مكملناش سنة وزهقت مني، أنا عملتلك إيه؟ أنا بعلمك كل اللي أنت عايزه. بلال حضنها وهي فضلت تعيط. بلال: أنا آسف، آسف والله إني انشغلت عنك. سيلا:

أنت حتى متعرفش إني حامل بقالي تلت شهور. بلال: أنا آسف، آسف، هبقى جنبك على طول، إيه رأيك نسافر؟ سيلا بفرحة: بجد؟ بلال: آه بجد. (حط إيده على بطنها ورفع التيشيرت وكانت بطنها كبيرة عن الطبيعي) إيه ده؟ سيلا: أنا حامل في تؤام. بلال: الله، أنا بحبك أوي. سيلا: وأنا كمان. أنت مش نازل صح؟ بلال: خلاص، أحمد هيبقى يحل الموضوع ده. سيلا: لو مشكلة روح يا بلال، بس متتأخرش، فاهم. نجمة قاعدة مع صحبتها في البيت. نجمة:

ده مجنون، مجنون والله. صحبتها شمس بضحك: طب أهدي طيب، مش يمكن بيحبك. نجمة: بتضحكي على إيه؟ شمس بهدوء: نجمة، أنتِ مش موافقة ليه؟ نجمة: مراته ميتة من تلت شهور، عايز يتجوزني ليه؟ شمس: شايفك أم لولاده. نجمة: هو كل ما هتعامل مع طفل بلطف هتجوز أبوه؟ شمس: طب أهدي وفكري، أنا همشي بقى. سها: يونس، قومي اقفي. يونس: أنا معملتش حاجة. سها: أنا قولت قومي تقفي. (وبتدفعه على ضهره) بتكون نجمة معدية فبتشوفها وبتدخل الفصل. نجمة:

أهدي يا سها، في إيه؟ سها: وإنتي مالك؟ اطلعي برا، أنتِ هتقرفينا. (وبتزقها فبتقع وراسها بتخبط في الديسك وبتسيح في دمها)