رواية نوح الفصل الحادي والعشرون 21 - بقلم اماني سيد

أثناء التحقيقات أظهرت شذى قسيمة الزواج بنوح ومحاولة توريطه معها هي وأخوها. اجتمع حشد كبير من الإعلام أثناء التحقيقات وذهبوا أمام الشركات الخاصة به، مما جعل عدد كبير من رجال الأعمال يقومون ببيع أسهمهم من الشركة. وكانت أميرة تتابع الأخبار وتقوم بشراء تلك الأسهم. كانت شذى وهيثم وإلهام يجلسون في الحجز أثناء التحقيقات. إلهام: تفتكري نوح هيتصرف؟ شذى: أكيد بعد ما اسمه اتلطع طبعاً.

إلهام: ماتنسيش إن التصريح طالع من شركته يعني متورط متورط. هيثم: تفتكروا ليه ما قبضوش عليه لحد دلوقتي؟ إلهام: أكيد بيعملوا إذن من النيابة، متنساش إن ده نوح الرفاعي برضه. ذهبت شمس لشركة نوح بعد سماع تلك الأخبار. شمس: نوح أنت كويس؟ نوح: آه يا حبيبتي. شمس: الصحافة مغرقة الدنيا تحت، أنا طلعت من الجراج ورجال الأعمال بيبيعوا أسهمهم. نوح: ماتقلقيش يا شمس، هتتخلي عني انتي كمان؟

شمس: انت بتقول إيه، أنا اللي هتحمل المسؤولية لو حصل أي حاجة وهعترف إن أنا اللي عملت التصريح من وراك، واكيد في كاميرات في المطعم، بس انت مش كنت بتقول في ظابط تبعك ولا طلع اشتغالة؟ نوح: (بضحك) هتضحي عشاني بقى، لا أنا كده هطمن لو الظابط طلع فشنك وكان بيضحك عليا. شمس: نوح مش وقت هزار على فكرة.

نوح: شمس حبيبتي ثقي فيا، وكمان 3 ساعات الحقيقة كلها هتظهر، وأنا في قناة كبيرة هطلع فيها وهتكلم، بس أنا عايز اعرف مين معايا ومين ضدي، مين اللي هيقف في صفي لو فعلاً وقعت ومين الخاين اللي واقفلي على غلطة. وأنا قاصد التأخير في الرد تكون أميرة اشترت أكبر عدد من الأسهم. شمس: هاجي معاك، مش هسيبك. نوح: تعالي براحتك يا حبيبتي. مر بعض الوقت وخرج نوح برفقة شمس أمام الجميع.

حاول الصحفيين أخذ منه أي معلومة لكنه أبلغهم أن يتابعوا قناة ... سيتحدث بكل شيء هناك. دخل نوح وشمس الاستديو وكان كل شيء جاهز لاستقباله، وكان بانتظاره أيضاً اللواء المسؤول عن القضية. بدأ المذيع في تقديم البرنامج وبدأ يسأل نوح الأسئلة المتفق عليها مسبقاً منعاً لتسريب أي معلومات تضر القضية. ورد نوح واللواء على جميع الأسئلة. المذيع: طيب آخر سؤال، هو حضرتك فعلاً متجوز من شذى المتهمة في قضية المخدرات؟

نوح: شذى أنا اتجوزتها فترة لدواعي أمنية وتم الانفصال عنها يوم زواجي من شمس، واعتقد الكل على علم بموعد زفافي كان امتى، ودي قسيمة الطلاق اللي تثبت صحة كلامي. المذيع: يعني فعلاً كان في جواز لدواعي أمنية وتم الانفصال من شهر أو أكتر صح كده؟ نوح: (يومئ برأسه بمعنى نعم)

اللواء: لولا تدخل نوح وامداده لينا بالمعلومات كان يصعب علينا جداً إننا نمسكهم، لأنهم كانوا حويطين وكانوا بيحاولوا يدخلوا الشحنات بتاعتهم عن طريق شركات موثوق منها، واحنا معانا كل التسجيلات اللي تدينهم حتى موعد التسليم وكل حاجة هتظهر في التحقيقات. المذيع: شكراً جداً لحضرتك سيادة اللواء، وشكراً جداً نوح بيه على وقتكم، تحب تضيف حاجة تانية؟ نوح: آه، أنا عامل حفلة في فندق ...

وعازم كل رجال الأعمال والصحافة بمناسبة دمج الشركة الجديدة مع الفرع الرئيسي اللي متولي إدارتها والدي. انتهى البرنامج وخرج نوح وشمس وذهبوا للقصر. وكانت مرفت تجلس في انتظارهم برفقة الرفاعي. مرفت: كده كده يا نوح تخبي عليا، طيب عرفني، وانتي يا شمس بتساعديه وتخبي عليا؟ شمس: والله يا ماما أنا ماكنتش أعرف كل التفاصيل دي، نوح كان بينقطني بالكلام ودايماً منبه عليا إن كل حاجة في سرية تامة.

الرفاعي: عارفة لو رضيتي ترجعيلى كان زماني حاكيلك كل حاجة. مرفت: مش مهم، اديني عرفت برضو. نوح: يا ماما عايزين نتلم في بيت واحد.

مرفت: نوح لو سمحت، الكلام ده انتهينا منه، انتوا ولاده من صلبه ومهما حصل هتفضلوا ولاده، وأنا عمري ما أمنعكم عنه ولا هو يمنعكم عني، وخلاص انتوا كبرتوا واتجوزتوا واميرة بكرة هتتجوز، واللي هيفضل بيني أنا وأبوك الود والاحترام، إنما رجوع تاني صعب يا نوح، أنا ما بعدتش من أول جرح عشان لما أخدت القرار بالبعد قررت إني مش هرجع تاني. الرفاعي: صعب بس مش مستحيل يا مرفت، وأنا متقبل منك أي حاجة، والأولاد هيفضلوا بينا زي ما قولتي.

مر اليوم وذهب نوح وشمس للتحقيقات لإعطاء شهادتهم وقابلوا إلهام وشذى وهيثم. هيثم نظر لشمس بتوعد ولاحظ نوح تلك النظرة، فأمسك بيدها جيداً. نوح: عينك لو بس رفعت وبصتيلها تاني هطلعهالك بنفسي وأحطها في إيدك، لو عايز تبقى مسجون وأعمى ارفع عينك تاني. وذهب لشذى وإلهام: كل اللي بتفكروا فيه وبتخططوله طلع اونطه هههههههههههه، لا عاش ولا كان ولا اتولد اللي يفكر يضحك على نوح الرفاعي.

وعلى فكرة يا إلهام أبويا كان مطلقك من سنة كاملة وكل اللي كنتي فيه ده كان تمثيلية، وانتوا مسلتوا كويس بصراحة. ونظر لهيثم: عارف يا هو هو كان مين بيسربلي المعلومات عنك، اختك الجميلة دي، أخدت مني فلوس مقابل ده، اللي شركتك منها في آخر صفقة دي اللي مقبوض عليك فيها دلوقتي، وهي اللي أدتنا عنوان المخازن عشان تعرفوا بس إنكم عيلة مالهاش أمان.

زمان لما أبويا مديلكم إيده عضتوها وحاولتوا تبعدونا عنه وتأذونا ونسيتوا إنه في النهاية الدم بيحن يا هوهو. لم يستطيعوا الرد عليه أو النظر له خوفاً أن يسلط عليهم أحد داخل السجن، يكفي ما بهم. نظر هيثم لشذى وقام بصفعها. هيثم: لولاكي ماكنش حد قدر يقبض عليا، بتديلوا أخباري، اديكي اتاخدتي معايا. شذى: كل واحد بيدور على مصلحته، خليه الطابق مستور، انت ناسي إنك كنت بتخليني أنا أكلم الرجالة عشان أتوسطلك عندهم، ما تتحمقش أوي كده.

إلهام: اسكتوا اسكتوا بقى، سيبوني أفكر نتصرف إزاي. شذى (بسخرية) : وهي دي هنطلع منها إزاي؟ بقالهم سنة بيرقبونا ومسجلين كل حاجة بنقولها، احنا نشوف حد يهربنا لو عرفنا. عند أميرة ونوح. أميرة: دول يا نوح اللي باعوا الأسهم بتاعتهم الـ 10 دول، والباقيين محدش باع تاني. نوح: الـ 10 دول ممنوع التعامل معاهم أو توريد أي شيء ليهم. أميرة: في منهم كان عايز يرجع يشتري الأسهم تاني.

نوح: الأسهم دي سعرها يبقى الضعفين وبرضه مش هبيع ليهم، خليهم يدوقوا الخسارة عشان هما باعوا وخانوا وما ستنوش يعرفوا الحقيقة. أميرة: بقولك تامر اشترى أسهم في شركته من الناس اللي كانوا بيبيعوا. نوح: تامر حلو، تامر أبيض وعيونه ملونة عشان كده بعتيلو صح؟ أنا قلتلك بيعي لحد. أميرة: استثناء استثناء. نوح: حاضر يا أميرة، صاحبي برضو تامر.

مر أسبوع وتم عمل حفل كبير والإعلان عن دمج الشركة الجديدة الخاصة برفاعي بالشركة الرئيسية، وسوف تكون تحت إدارة الرفاعي. وشمس واميرة أصبحوا من أعضاء مجلس الإدارة. توطدت العلاقة بين تامر واميرة وتقدم تامر لخطبتها، ووافق نوح والرفاعي على الفور، ومرفت أحست بالفرحة لأولادها. كانت تجلس شمس بجوار مرفت يتحدثون. وأحست شمس بتعب داخل معدتها وتكرر معها أكثر من مرة، لكنها كانت لا تبالي، لكن اليوم تكرر بشكل أشد.

اتصلت مرفت على نوح الذي أتى ومعه اختبار حمل وأعطاه لشمس التي تفاجأت بأنها حامل. شمس: هو انت كل حاجة كده عارفها قبلي؟ نوح: انتي اللي مش لماحة يا حبيبتي، عمال أقولك أم أركان أم أركان وانتي ولا هنا. مرفت: وانت عرفت منين يا فلته حملت قبل كده؟ نوح: هو انتي مش واخدة بالك من كمية الأكل اللي بتاكليها ولا المانجة اللي عمالة تسف فيها، وهو في واحدة طبيعية تاكل كده؟ شمس: انت بتعد ورايا يا نوح؟

نوح: لا بس انتي الوظتي يا شموستي، فطبيعي آخد بالي. شمس نظرت لمرفت: أنا تخنت. مرفت (بضحك) : هو أدرى بيعرف في كل حاجة، وسابتهم على راحتهم ومشيت. نوح: نتكلم جد يا شمس. شمس: أنا بحبك أوي ومبسوط أوي بحملك، محبتش أقولك أكون بيتهيألي وأعشمك وتطلعي مش حامل فتتحبطي، عشان كده كنت ساكت. عموماً انهارده بإذن الله هنروح لدكتورة نساء وتتابعي معاها بإذن الله.

شمس: حاضر يا حبيبي. عارف يا نوح انت ادتني قوة في حياتي وثقة في نفسي، عمري ما كنت أتخيل إني أتغير وأبقى كده، حبيت حياتي بجد وعرفت يعني إيه حب وعيلة والفرق بين الحب الحقيقي والخوف من الوحدة، وعرفت إن الضعف بيقتل صاحبه، عشان كده عايزة أربي ابني أو بنتي ما يكونوش ضعاف وما يتنمروا على حد ويبقوا واثقين من نفسهم. نوح: هنعلمهم كل حاجة مع بعض بإذن الله. شمس: عملت إيه مع مها؟

نوح: راحت انهارده الشركة لقت السكرتيرة الجديدة مكانها وسلمتها ورقة رفدها في إيديها. اديتها فرصة لكن هي للأسف مش هتتغير. شمس: أحسن إنسانة غير سوية. بقولك أنا عازمة صفا انهاردة وسليم، كنت حابة أشكرها على ثقتها فيا طول الوقت، حتى لما قابلت هيثم وعادل محاولتش إنها تخونى. نوح: أكيد طبعاً، اللي زيك دول ما تفرطيش فيهم أبداً، الصاحب ساحب وهي كانت دايماً بتحاول تفوقك ووقفت جنبك، وانتي سحبتيها معاكي للخير لما كنتي بتترقي.