رواية نور العاصي الفصل الثاني 2 - بقلم غنوة حبيب

عاصي: هي ما بتخرجش يعني ولا ايه؟ ريهام: لا يا ابني مش بتحب الخروجات وبتفضل قاعدة قبال التلفزيون. عاصي: طب ممكن تاخد فترة عشان هي مش فاهمة حاجة. هديكي رقمي وبكرا هنبدأ اول جلسة ان شاء الله. ريهام: ربنا يجزيك الخير يا ابني. في منزل عاصي. عاصي بتعب: السلام عليكم. زياد: وعليكم السلام. هيام: وعليكم السلام يا ابني عامل ايه؟ عاصي: الحمد لله. حمزة: مالك تعبان ولا ايه؟

عاصي: اه جدا النهاردة تعبت جدا بالعيادة وبصراحة قلبي بيوجعني على واحدة. هيام: واحدة ايه احكيلنا. عاصي: هاخد شاور واجي عشان جعان. هيام: يلا هحضرلك العشا. دخل عاصي أخد شاور وخرج. زياد: احكيلنا بقى في ايه. عاصي قال لأهله كل القصة. هيام بشهقة: يا لهوييي هو في ناس كده ما بتخافش ربنا. زياد: ربنا على الظالم. عاصي: اه والله ده اللي حصل. والبنت صغيرة وبريئة يعني بتوجع القلب. هيام: هتعمل ايه يعني؟

حمزة: عندي فضول اعرف هتبدأ معاها ازاي. عاصي: كل الحالات اللي بتجيني بتكون لناس كبار في السن ممكن أولادهم يساعدوهم أو أي حد. أما البنت الغلبانة دي ملهاش حد. خصوصاً إن أمها قالتلي للأسف عندها كانسر. عشان كده متلخبط مش عارف إزاي هبدأ معاها. هيام بصدمة: يا خراااابي أمها عندها كانسر. زياد: ربنا يعينها هي وبنتها. عاصي: آمين. حمزة: بقولك. عاصي: ايه؟

حمزة: ما تجيبها لعندنا عشان تتعرف علينا وعلى هيا هي وجوزها. منها بتكون بنت اجتماعية شوية وتتعرف على الناس ومنها نساعدها إحنا. عاصي: لا مستحيل. هيام: ليه؟ فكرة حلوة البنت غلبانة هي وأمها. عاصي: طب بفكر في الموضوع. تاني نهار عاصي في العيادة مستنيهم بلهفة. دخلت ريهام ونور. عاصي: أهلاً وسهلاً ازيكم. ريهام: الحمد لله. نور بكسوف: الحمد لله. عاصي ابتسم على حيائها: جبتلكم عصير وجبت لنور حاجة طيبة أوووي. نور باستغراب: أنا؟

عاصي طلع من الدرج أكياس كتير من شعر البنات. نور بفرحة: دول اللي؟ عاصي: اه طبعاً لأحلى نور في العالم. نور بكسوف: شكراً. ريهام ابتسمت على لطافة عاصي وعلى فرحة نور. عاصي: إيه رأيكم تروحوا معايا أعرفكم على أهلي. ريهام: مش حابين نزعجكم والله يا ابني. عاصي: ما تقوليش كده. عاصي: الآنسة نور موافقة؟ نور بصتله بهدوء: اه. عاصي: يلا. وصلوا للشقة ودخلوا. هيام: أهلاً وسهلاً فيكم. ريهام: تسلميلي أنا بجد فرحانة اتعرفت عليكم.

زياد: إحنا اللي فرحنا بيكي وبالآنسة نور. حمزة: مالك يا نور ساكتة مش هتعرفينا بنفسك؟ نور بكسوف: اه اسمي نور وعندي 22 سنة وعايشة مع ماما لوحدنا وحلمي أبقى زي الأفلام طبيبة وأساعد الأطفال. الكل ابتسملها على برائتها. عاصي: نور إيه رأيك أفرجيكي بيتنا. نور بصت لأمها وأمها شاورتلها بـ آه. نور قامت مع عاصي. عاصي بأحراج: ودي أوضتي معلش بقى ملخبطة شوية عشان مش بعرف أنضف وكده.

نور بصت لصور عاصي اللي متعلقة على الحيطة منهم اللي في مطعم ومنهم اللي على الثلج ومنهم اللي مع أهله. وشاورت على صورة. نور: ده مطعم مش كده؟ عاصي باستغراب: اه. مش رايحة قبل كده؟ نور: لا بس بشوفه في التلفزيون وبشوف السينما كمان بس بخاف أروح أنا وماما لوحدنا. عاصي: بتخافي من ايه؟ نور: إن يعني يجي حد بيعرف جوز ماما خالد ويأذينا وكده. عاصي بحب: ما تخافيش من النهاردة ما فيش حد هيقربلكم طول ما أنا موجود. نور: الجرس بيدق.

عاصي: تعالي نفتح. عاصي فتح الباب وكانت أخته هيا وجوزها أدهم. عاصي: أهليين. هيا: دي نور؟ عاصي: اه. عاصي: دي هيا أختي يا نور تعالي. قربت نور وسلمت عليهم. هيا: أهلاً بيكي. عاصي فلق راسنا وهو يتكلم عنك. نور ضحكت ودخلوا قعدوا جوا وبعد شوية. وبعدها رجعوا البيت. بعد شهور من جلسات العلاج. نور: عاصي شكراً ليك على كل اللي عملته بس عايزة أقولك حاجة ما تزعلش. عاصي بتوتر: مالك؟

نور: ما ينفعش إحنا نفضل نخرج مع بعض. إحنا المفروض جلسات العلاج بالعيادة بس لما قولت للماما هي وافقت عشان حالتي تبقى كويسة. بس أنا ما ينفعش أخرج معاك كده على الأقل احتراماً للطرحة اللي أنا لابساها يعني عيب أخرج مع شاب لوحدنا. بس أنا وافقت عشان ماما وأهلك عارفين. عاصي بحزن: خلاص ما تكمليش. أنا عارف إن دا الصح وخلاص هنتقابل في العيادة بس. عن إذنك. نور: أنت زعلت؟ عاصي: لا ما زعلتش بس بحس إن انتي مش مرتاحة بوجودي.

نور: لا والله ما تقولش كده. أنت شخص كويس أوي ولو أفضل عمري كله مش هقدر أردلك شوية من اللي عملته معايا. أنت خرجتني من حالة صعبة أوي بجد. لو تطلب مني عينيا بعطيك ياهم. عاصي: مش عايز عيونك عايز قلبك. نور: ايه؟ عاصي بتوتر: لا ما فيش حاجة. تعالي أوصلك.

عدا سنة والعلاقة بين عاصي ونور بقت خفيفة وبقت نور طبيعية تقريباً. وتخرج هي وأمها وأحياناً يزوروا أهل عاصي. ودايماً عاصي يطل عليهم على البيت يشوف هما محتاجين إيه. ونور بقت تتعلم شوية واشتغلت عشان تصرف على نفسها وعلى مامتها. لحد اليوم اللي غير حياة نور وبقت صعبة عليها. رجعت نور من السوق وهي فرحانة وجايبة هدوم جديدة. فتحت الباب ودخلت شافت جيرانها قاعدين وبيعيطوا. نور بخوف: مالكم يا جماعة في ايه؟ حبيبتي نور أمك للأسف...