رواية نور الادم الفصل الرابع والعشرون بقلم اسراء علي

عند نور نور قاعدة بتكلم نفسها: يااه الواحد مستجم كده وهادي، من غير صداع، وأنت يا أستاذ آدم، ما بقاش نور لو ما ربيتك من أول وجديد، علشان تعرف مين نور بس. وفجأة سمعت صوت حد. في شقة نور وأسوة أدهم مع إسراء. وأسوة مع عمر. أدهم: مش نتصل على آدم يا عمر. عمر: سيبهم يحلوا مشاكلهم لوحدهم. أسوة: بس أنا خايفة على نور من آدم. عمر: آدم بيحبها بس بيكابر. إسراء: فعلًا يا أسوة بيحبها بس هو اللي بيعاند.

أدهم: واضح إن العند في العيلة كلها. إسراء: قصدك إيه يا شبح؟ أدهم: شبح! في واحدة متعلمة ومهندسة تقول لجوزها قرة عينها شبح. إسراء: مش أنا قلت، يبقى فيه. أدهم: تلاجة. إسراء: اللهم طولك يا روح. عمر: بطلوا انتوا الاتنين بقى. أسوة: أنا مش عارفة إيه ده، ما تعرفوش تقعدوا ساكتين. نسيبهم شوية الجماعة الهُبل دول ونروح عند نور... عند نور نور: طبعًا أنا لو حلفتلك إن الموبايل فاصل مش هتصدقني. آدم: ها وبعدين؟ نور: مفيش بعدين.

آدم: نور ما تعصبينيش. نور: أنا عملت إيه؟ آدم: بتعملي لي كده معايا. نور: وأنت ليه بتتجاهلني، وبتكرهني، وليه اتجوزتني؟ آدم: أنا مش بتجاهل حد. نور: لا بتتجاهلني، ومش بتحبني. آدم: وطالما عارفة كده ليه وافقتي عليا؟ نور: وافقت علشان انتقم منك، على كل دمعة نزلتها، وعلى كل حاجة حصلتلي بسببك. آدم: وانتقمتي؟ نور: لا. آدم: طيب يلا ابدئي انتقامك. نور: أنت ليه بارد كده؟ آدم: تاخدي شوية برود؟ نور زاحته وجت تمشي. نور: آها.

آدم بخضة: لاااا، نوووور. عند أسوة أسوة: نور. عمر: مالك؟ أسوة: حاسة إن نور فيها حاجة، أنا هروح لها. عمر: هي مع آدم، وبإذن الله هيتصالحوا ما تقلقيش. أسوة بقلق: ماشي. نرجع لنور آدم بقلق: نور حبيبتي ما تبصيش تحت، خليكي معايا. نور بعياط: خلاص هموت. آدم بغضب: ما تقوليش كده، هتفضلي معايا ونعيش مع بعض يا قلبي.

نور: خلاص سيبني يا آدم، سيبني أموت، بس آخر حاجة عايزك تعرفها، مهما إني كنت زعلانة منك وعايزة انتقم منك على كل حاجة حصلت معايا، إلا إني بحبك. آدم بحزن: وأنا برضه، امسكي إيدي كويس بس وأنتِ هتفضلي معايا. نور: خلاص يا آدم. آدم: ما تقوليش كده. (طبعًا أنتم بتقولوا إيه اللي حصل مع نور، اللي حصل إن وهي جاية تمشي زاحت آدم، فوقعت من فوق السطح.) نور: لاااا، آدم سيبني. آدم: قلتلك اسكتي. واحدة شدها طلعت معاه، وأول ما طلعت حضنها.

بعد خمس دقائق. نور: احم احم. آدم: أنتِ مراتي على فكرة. نور: بس أنا هطلق على فكرة. آدم: أومال إيه بحبك دي؟ نور: لا ما أنا كنت افتكرت نفسي هموت. آدم: خلينا أولاد انهارده، أنا مش هقدر أعيش من غيرك. نور: يا راجل! وكان فين الكلام ده من الأول، كنت بتتصرف معايا ليه كده؟

آدم: مش عارف، بس موت بابا أثر عليا لأني أنا اللي كنت معاه دايمًا في الشغل وفي كل مكان، ولما اتوفى ما كنتش عايز أسيب المكان اللي عشت فيه أجمل ذكرياتي، بس وصيته كانت إننا ننزل وندور عليكم، بس الصراحة أنا الموضوع ما كانش في دماغي وعمر اللي دور عليكم وعرف يوصلكم، بس لما عرفت إن أنتِ وأسوة بنات أعمامنا، فرحت وافتكرت اللي حصل معانا قبل ما أسافر وضحكت على الأيام دي، بس لقيتك متعجرفة قلت أنا متعجرف أكتر منك، فأخذت الموضوع عِند مش أكتر، بس حقيقة هقولهالك أنا بحبك من وأنتِ لسه صغيرة.

نور بدموع: ما أنا كان صعب عليا أشوف الشخص اللي خلاني أعيش حالة من أسوأ حالاتي وأنا لسه صغيرة واخده بالحضن. آدم: خلاص ننسى اللي فات. نور: ننسى. آدم: صافي يا لبن. نور: حليب يا قشطة. آدم: وهالله هالله على الجد. نور: ما خلاص بقى، ألا صحيح عرفت مكاني منين؟ آدم بضحكة: أنا قلت إنك جبانة مش هتقدري تروحي مكان بعيد، وخاصة إنك بتتوهي بسرعة، فقلت أكيد راحت المكان المفضل ليها من طفولتها وهو سطوح البيت. نور: يا كاشفني أنت.

آدم: يلا ننزل بقى علشان الجماعة اللي تحت زمانهم بيقولوا آدم موت البت. نور بضحكة: ماشي. في شقة نور وأسوة دخلوا نور وآدم بيضحكوا. عمر: مين دول؟ حد يقرصني. أسوة: بكل رخامة يا عمر. آدم: رخم أوي صح يا أسوة؟ أسوة: أيوه. عمر: بس يا جميل أنتِ وهي، وإلا أجيب شجرة واتنين لمون. نور: خلاص يا عمر. إسراء: أفهم من كده إنكم اتصالحتم؟ نور: أيوه. إسراء: يا فرج الله. آدم: خلاص يا إسراء بقى، مش عايز أأفورة. إسراء: ماشي.

تسريع أحداث بقى، طبعًا قعدوا فترة البنات كانت في شقة نور، وعمر وآدم كانوا في بيتهم ولأن إسراء أصرت إنها تفضل مع أسوة ونور فقعدت معاهم، وعدت الأيام ويوم فرحهم كان. نور: أنت فرحة آخرها طرحة ودبلة تربط قلبي بيك. إسراء: يا سيدي على الرومانسي. نور: إسراء بس بقى، علشان والله متوترة. إسراء: ماشي. أسوة: أنا مش مصدقة إن ده يوم فرحنا. نور: لا صدقي. أسوة: رب يديم فرحتنا دايمًا. يوم الفرح بالليل وفي أحسن قاعة

كانوا نور وأسوة وإسراء مستنيين الشباب. آدم وعمر وأدهم. آدم لنور: إيه القمر ده؟ عمر لأسوة: أنتِ ليه جميلة كده؟ أدهم لإسراء: إيه الجمال ده؟ بدأ الفرح وكانوا زي المجانين كل واحد بيرقص هو وعروسته، وكانوا طايرين من الفرح. وعلى أغنية "أنت فرحة آخرها طرحة" كانوا بيرقصوا سلو. نور لآدم: أنا مش مصدقة إني خلاص بقيت معاك. آدم: لا صدقي يا قلبي. نور: ربنا يديمك في حياتي. عند إسراء إسراء: تعرف إيه أكتر حاجة مفرحاني؟ أدهم: إيه هي؟

إسراء: إني عرفت العرسان هما بيقولوا إيه وهما بيرقصوا. أدهم: يخربيت فصلانك يا شيخة، أنا قلت هتقولي إني معاها. إسراء بضحكة: وأكيد إنك معايا يا أدهومي. أدهم: شكلنا هنتطلق دلوقتي يا قلب أدهومك. إسراء: عيب عليك يا غالي. أدهم: غالي، أنا هسيبلك الفرح. عند أسوة عمر: مش مصدق إنك معايا وبين إيديا كمان يا أسوة، أنا بحبك أوي. أسوة: وأنا كمان. عمر: طيب قوليها. أسوة: إيه هي؟ عمر: أنتِ عارفة أنا قصدي إيه. أسوة: بحبك.

عمر: يا أحلى كلمة سمعتها في حياتي. وخلص اليوم بفرحة للكل. بعد ست سنين في فيلا واسعة صوت دوشة مالي البيت، أصوات أطفال، وأصوات كُبار، بيت مليان بالدفء والحب، وصوت الدوشة بيزيد، باين كده عيد ميلاد أحدهم. عند نور نور وآدم بقى عندهم: حور 3 سنين. و عُدي 4 سنين. أسوة وعمر بقى عندهم: أسيل سنتين. رولا سنتين. آسر 4 سنين. إسراء وأدهم بقى عندهم: يوسف 4 سنين. في عيد ميلاد حور الكل متجمع وبيغنوا.

Happy birthday to you Happy birthday to you Happy birthday Happy birthday Happy birthday Hoor Happy birthday to you Sana Helwa ya Hoor Sana Helwa ya Hoor. آسر: كل سنة وأنتِ يا حور، عقبال لما تكبري كتير. حور: وأنت طيب يا أسورة. يوسف: كل سنة وأنتِ طيبة يا حور يا عسل. حور: وأنت طيب يا يوثف. آسر: حور ما تقوليش لحد وأنت طيب غيري. حور: ماشي يا آسر مش هكلم حد غيرك. آدم: ما تلم ابنك يا عمر، طالع زيك من وهو صغير.

عمر: طالع نمس لأبوه أنت مالك، خليه يشقط البت. آدم: يخربيتك. نور: أنا بنتي مهرها غالي. أسوة: على إيه يا أختي؟ نور: لا يا أختي ده البنت قمر، الدور والباقي على ابنك السافل ده. إسراء: اسكتي يا أسوة، أنا هاخد حور ليوسف ابني. أسوة: طيب اسكتي طيب. وفجأة اتكلم يوسف. يوسف: لا أنا هتجوز أسيل. أدهم: الله عليك يا ابني يا حبيبي. إسراء: سبحان الله الواد طالع لخاله. آدم بضحكة: والله عندك حق.

أنا: العيال الصغيرة بيحبوا بعض من وهما صغيرين، ده إحنا ما كناش أطفال.