رواية نور الاسر الفصل السادس 6 - بقلم نوران جمال

في فيلا جمال كالعاده تستيقظ نوران فزعه. نوران بغيظ: يا ماما والله ما ينفع اللي بيحصل هتقطعيلي الخلف أو هتجيبيلي أزمة قلبية في يوم من الأيام. فسمعت صوت ضحكات فنظرت فوجدت الآء ومليكة وحنين هيموتوا من الضحك وملك كانت متعودة على كده فكانت بتضحك عادي. الآء بضحك: يخربيتك يا نوران ههههههه مش قادرة ههههه... حنين بضحك: أزمة قلبية أو إيه هههههههه...

مليكة بضحك: أو قطع الخلف هههه أنا ما تخيلتش إنك بتبقي مجنونة حتى وإنتي صاحية من النوم.... ملك بضحك: لا اتعودوا أنتوا لسه مشوفتوش حاجة ههههههه... نوران بضحك: إيه أنتوا كلكم عليا ولا إيه وإيه الدخلة اللي أنتوا داخلينها دي بتفكروني بالبوليس بيقتحموا مش بيدخلوا... فضحكت الفتيات أكثر وعندما هدأت قالت نوران: أنتوا بقي بتدبسوني امبارح ومقولتوش ليا على إني هبقى مساعدة. فنظروا لبعضهم.

مليكة بهدوء: وفيها إيه مساعدة يا نور ما هو إحنا برضه هنبقى مساعدين ليهم هناك... نوران بهدوء: المشكلة الأساسية مش في دي المشكلة إني مساعدة أسر ده تعبني امبارح في الشغل جدا وهو أول يوم ليا في الشغل ده غير الخناقات اللي حصلت امبارح من الآخر أنتوا ركبتوني المراجيح.... فضحكوا البنات مرة أخرى وفي ذلك الوقت تذكرت نوران وقالت: نوران: هي الساعة كام... ملك: الساعة سبعة ونص... قفزت نوران

من على السرير وهي تصرخ: سبعة وإيه وعمالين تتكلموا معايا وأنا بقول مراجيح ده أسر اللي هيركبهالي النهاردة وعليها عرض لفتين بالصاروخ أو قطر الموت.... ثم جريت وارتدت ملابسها بسرعة رهيبة، والبنات كانوا يضحكون عليها. ملك بضحك: نوران أهدي لسه فاضل شوية على الشغل... نوران بإستغراب: شوية إيه المفروض أبقى هناك مع أسر أو قبله لكن مش بعده.... مليكة بضحك: هو مش قال ليكي ولا إيه.. نوران بغضب: قال إيه مقاليش حاجة... فضحكوا كلهم.

نوران بغيظ: بتضحكوا على إيه... الآء بضحك: بصي النهاردة من كل أسبوع الشركة بتفتح الساعة تسعة مش سبعة.... نوران بغضب وهي بتكلم نفسها وهي تتحرك في الغرفة ذهاباً وإياباً دون أن تسمح لهم بالرد: طيب هو ليه مش قال ليا لا هو قصدها هو كان عايز يضايقني من امبارح... فنظرت ملك لمليكة وحنين والآء وجدتهم مستغربين اللي بيحصل فتقول بضحك: عشان كده قلت أنتوا لسه مشوفتوش حاجة... فننظروا لها وهم يضحكون.

حنين بهدوء: نوران كفاية بقي حركة دوختيني.... نوران بحدة: حنين أنا أكبر منك أنتي بتزعقيلي.. حنين بسخرية: لا واضح إنكِ أكبر.. الآء بضحك: المهم بقي احكي إيه اللي حصل امبارح في الشركة... فحكت لهم نوران كل ما حدث، فضحكوا كثيراً عليها وعلى أسر فهم كانوا يعرفون أنه سيغضب لذلك اتصلوا بمحمود لأنه الوحيد هو وهبه اللذين يستطيعون الوقوف أمامه. ثم أتت الساعة الثامنة والنصف فخرجت البنات ليذهبوا إلى الشركة. في قصر الجارحي

استيقظ أسر وهو يتخيل رد فعل نوران ويضحك عليه لأنه لم يقل لها أن الميعاد اليوم الساعة تسعة. ثم نزل وكلم أسر ويوسف وسيف لكي يستعدوا للذهاب للشركة وهو متشوق ليرى رد فعلها فهو يعلم أن الآء ومليكة وحنين أخبروها بذلك ولكنه أيضاً يعلم بأنها لن تفوت الأمر. ثم ذهبوا للشركة وعند وصولهم قاموا بتقسيم المكاتب وايضاً تفاجئوا بوجود عمر هناك فرحبوا به. فقال عمر: أنا هشتغل هنا معاكم..

فرد عليه الكل وهم فرحانين لأنهم يحبون عمر وانبسط أسر من ذلك فهو يعلم بذكاء عمر. تم تقسيم المكاتب: فهد ومساعدته الآء سيف ومساعدته مليكة يوسف ومساعدته ملك عمر وحنين مع بعض بس من غير ما حد يكون رئيس التاني. وذهب كل منهم إلى مكتبه. عند فهد، عرف الآء على الشغل اللي المفروض تعمله وكان يديها شغل قليل. فهد: عرفتي هتعملي إيه.. الآء: إه عرفت ودلوقتي هروح أعمله. فسمح لها بالخروج. وبعد خروجها.

فهد بابتسامة: وأخيراً يا لؤلؤتي هنبقى مع بعض كتير عقبال بقيت العمر كله.... في الخارج. الآء بابتسامة: أنا بحبه وعارفة إنه بيحبني بس لازم يعترف الأول بحبه ليا مش بحب التملك ده.... ثم قامت بعمل شغلها. في مكتب سيف. مليكة: فين الشغل يا سيف... سيف وهو سارحان فيها: شغل إيه... فنظرت له مليكة بغيظ. سيف بضحك: خلاص خلاص خدي الورق ده اشتغلي عليه... فأخذته وخرجت.

سيف بهيام: آه على اسمي منك يا مليكتي أنا اعترفتلك فاضل إنتي امتى بقي تحني عليا... في الخارج. مليكة: عيونه الخضر اللي مجنني دول... ثم تذكرت لما كان سرحان فيها فضحكت وهي تقول: ولسه أنا هجننك يا سيف لحد ما تعترف قدام الكل بحبك ليا... في مكتب يوسف. يوسف كان جالس هو وملك ويقول لها ما يجب أن تفعله وأعجب جداً بذكائها وكان كل ما ييجي عيونهم في بعض بيسرحوا.

فكان الاثنين معترفين بحبهم لأنفسهم من أول نظرة ولكن لم يعترفوا لبعض بذلك. فهي سوف تجعله يعترف أولاً ويوسف كان يفكر بأنه سوف يعترف لها ولكن في الوقت المناسب. عمر وحنين "عصافير الحب هههه". كان عمر يتوه في عيونها وينتظر دائماً أن تنظر له لكي يغرق داخل تلك العيون التي قامت بأسره. وكانوا يتكلمون في أمور الشركة أحياناً وأحياناً في أمور أخرى. فهو يريد أن يكون صديقها الأول ثم يصارحها بحبه. عند مجنونتنا والآسر.

نوران بغضب: أنت ليه مش قولتلي إن المفروض أجي تسعة مش سبعة.... أسر ببرود: نسيت أقولك... نوران بغضب أكبر: يعني إيه نسيت ديه... أسر وهو يكتم ضحكته: يعني نسيت المهم. بصي يا نوران أنا في حاجات مش قولتهالك امبارح أولاً أنا بشرب قهوة ثلاث مرات في اليوم مرة أول ما باجي الشركة ومرة الساعة اتناشر ومرة الساعة اتنين ونص.. نوران بهدوء: بس ده مش شغلي..

أسر بابتسامة جانبية: لا ده هيبقى شغلك ولو مش عايزة تقدري تروحي لمحمود بيه وتقوليله إنك عايزة تستقيلي.. نوران بتحدي: لا واستقيل ليه مش أنا اللي بتستسلم.. أسر بمكر: تمام متقطعيش تاني ثانياً عندك الورق اللي هدهولك لازم يخلص في نفس اليوم إلا لو أنا قولتلك كفاية ثالثاً متتأخريش في المواعيد رابعاً مش هسامح على أي غلطة حتى لو كانت صغيرة خامساً تحددي مواعيدي وتكتبيها وتفكريني بيها. ولو لقيت حاجة تانية هبقى أقولهالك...

نوران بغيظ: تقول إيه تاني أنت ناقص تاخد كليتي بالمرة... أسر ضحك في سره فهو قد سمعها فقال: بتقولي حاجة... نوران بابتسامة جانبية: لا خالص هروح أقولهم يعملوا القهوة... أسر ببرود: لا هتعمليها إنتي.. نوران كانت ستعترض ولكنها قررت الصمود أمامه: تمام عن إذنك... وخرجت عملت القهوة ثم أعطتها له، فقال لها: ذوقيها. نوران بإستغراب: ليه... أسر بهدوء: ممكن تكوني حطيتي فيها سم ولا حاجة.. نوران أخذت القهوة منه وشربت

منها ثم أعطتها له وقالت: أهو شربت منها هطلع بقي عشان أكمل الشغل... بعد خروجها ضحك أسر فهو توقع بأن توافق على الشروط بسبب عنادها ولكنه أيضاً توقع أن تقوم بتسميمه من جنونها. ثم شرب قهوته. ثم جاء وقت الراحة ذهبت نوران وجلست مع الفتيات في مكتب الآء تحدثوا قليلاً وقالت لهم عن شروط أسر فضحكوا كثيراً وكانت هي تريد أن تضربهم لأنهم السبب في ما يحدث لها. ثم انتهى وقت الراحة وذهبت كل واحدة منهم إلى مكتبها.

وبعد جلوس نوران على كرسي مكتبها جائت في بالها فكرة لمقلب تنتقم فيه من أسر وما يفعله بها. "فيا ترى إيه هو المقلب ده وإيه رد فعل أسر عليه"