رواية نور الجاسم - نيللي ياسر - الجزء الأول والثاني الفصل التاسع عشر 19 - بقلم نيللي ياسر

شادي: ملك أنا بحبك! ملك: آآآآآآه... نور: مالك يا ملك؟ ملك: حلمت حلم.. بس اتخضيت أوي. نور: حلمتي؟ شوفتي إيه؟ ملك: شادي كان بيقولي بحبك. نور: طب وهي دي حاجة تخض؟ ملك: آه يا نور.. بالنسبة ليا تخض أوي. نور: طب يلا ننزل نشوفهم بيعملوا إيه. ملك: أوكيه يلا. آدم صحي لقى نفسه نايم على سرير في مستشفى. آدم: آآآه.. أنا إيه اللي جابني هنا.

ريناد: حمد الله على سلامتك يا آدم.. أنت أغمى عليك لما عرفت خبر كنز ربنا يرحمها ومكنتش بتفوق وجبناك هنا. آدم بدموع: أنا مش مصدق إن كنز ماتت.. قلبي بيقولي إنها كويسة! ريناد: معلش يا حبيبي ربنا يرحمها.. ادعيلها. آدم بغضب: بقولك بنتي عايشة.. تقولي ادعيلها. ريناد: أنا كنت فاكرة إنها عايشة بس للأسف.. آدم: اتكلمي! ريناد: عاصم عمل تحليل DNA عشان يتأكد إنها كنز. آدم: والنتيجة بتاعته إيه؟ ريناد: للأسف طلعت كنز!

آدم: آآآآآآآآآآآآآآآآآآآآآآآآآآآآه.. كنز.. بنتي! يوسف: عايزك تراقبها 24 ساعة فاهم. الراجل: فاهم. يوسف: ولما تلاقي الوقت المناسب.. خلص. الراجل: أوامرك يا باشا.. بس الموضوع كبير و يعني.. يوسف بقرف: هشششش.. امسك دول والباقي بعد لما تخلص. الراجل: ماشي يا باشا هطير أنا. يوسف: لو مش هتكوني ليا.. مش هتكوني لغيري. راجل: بقولك إيه يا حج أنت متأخر عليك الإيجار 5 شهور.. وأنا ساكت بس لو مدفعتش والله العظيم لحبسك.

أبو نور: هي شغلانة.. قولتلك مش معايا زفت فلوس أعمل إيه. الراجل: مش مشكلتي.. وأنا بكلمك قدام الناس أهو لو مدفعتش هحبسك أمين.. أمين. أبو نور قعد على الكرسي اللي في القهوة. واحد: هو الراجل اللي كان بيكلمك قدام القهوة ده هو صاحب العمارة اللي أنت ساكن فيها. أبو نور: أيوه هو. الراجل: اممم.. لا مؤاخذة بس أنا عايز القسط بتاع العربية. أبو نور: منين يا رامز ما أنت عارف إني مش معايا فلوس.

رامز: إحنا اتفقنا إنك تجوزني نور والعربية اللي أخدتها مني بالقسط تبقى بتاعتك.. والبت طلعت متجوزة وأنا بقي عايز قسط العربية.. أو هاخدها. أبو نور: ماشي يا رامز.. أنا هتصرف و كمان يومين فلوسك هتبقى عندك.. بالسلامة. نور نزلت هي وملك لقيت جاسم نايم على الكنبة وشادي في الأرض بطريقة مضحكة وعمر نايم على الكنبة الصغيرة. ملك: ههههه.. شكلك يضحك أوي. نور: إنتي مش شايفة مبهدلين الفيلا إزاي.

ملك بصدمة: يا نهار Black.. أنا جالي فكرة. نور: اممم.. فكرة إيه؟ ملك: هخليهم يضحكوا أكتر. نور: إزاي. ملك: هتشوفي. ملك جابت الميك أب بتاعها ونور بتضحك.. وقعدوا يعملوا لجاسم وعمر وشادي ميك أب وأشكال تضحك.. وبعد كده ملك جابت صواريخ وحطتها بين صوابع رجلي جاسم وشادي وعمر وولعتهم ووقفت جمب باب الفيلا. نور: الصواريخ مش بتفرقع ليه. ملك: 3.. 2.. 1. الصواريخ بدأت تفرقع بصوت عالي وصحوا كلهم.

ملك: هههههه.. شكلك كان يفطس من الضحك يا بروو. نور: ههههههه.. هموت من الضحك. جاسم بغيظ: لا يا روحي انتي هتموتي من الضرب بتاعي. قعد يجري وراها هي وشادي بيجري ورا ملك وعمر كمل نوم.. وجاسم مسك نور. جاسم: طب لو إنتي مكاني هتعملي إيه. نور: هسامحك. جاسم: لا والله.. طب أنا ظالم بقي ومش مسامحك. نور: طب.. طب عايز إيه بقي. جاسم: إنتي بتتنرفزي عليا! نور: أنا. جاسم: أومال أنا؟ نور: والله متنرفزتش.

ملك: جاسم الحق فيه واحدة بتقول إنها الدادة بتاعت كنز. نور: دادة.. كنز وهي بتجري: حور!