رواية نوري الفصل الأول 1 - بقلم نورهان شعبان

نور انتِ عاوزة إيه من الآخر كده؟ عايزة أطلق يا محمود. تمام، أنتِ طالق. وسبني ومشي. مكنتش متخيلة إنه ممكن يعمل فيا كده، ده إحنا حب 5 سنين، هونت عليه يخونّي؟ حقيقي أنا زعلانة على نفسي أوي، كان نفسي أفاجئه إني حامل. كنتُ لي العون والسند في هذه الحياة، لم أتوقع إطلاقاً أن تخونيني يوماً ما. مشيت وروحت على بيت مرات أبويا اللي مش بطقني أصلاً. قومي يا سلمى شوفي مين على الباب. دي نور يا ماما. نعم!

انتِ إيه اللي جابك هنا يا بت؟ إحنا م صدقنا خلصنا منك. دخليني بس وأنا أفهمك يا مرات أبويا. أدخلك إيه؟ مفيش دخول، هي ناقصة قرف! سيبيها بس يا ماما تدخل ونشوف في إيه. بس. اتفضلي يا نور. تسلمي يا سلمى. الله يسلمك، حصل إيه يا بنتي؟ وإيه شنطة هدومك دي؟ اكتشفت إن محمود بيخونّي وسبته، واتخانقت معاه وطلقني وجيت. يمصيبتي! الله يخربيتك يا بعيدة، الله يخربيتك! أكيد عملتيله حاجة خليته يخونك! ده لو مكنتش بتكذبي.

والله يا مرات أبويا ده اللي حصل، وأنا مليش ذنب. كنت في كافيه وشوفته واقف مع واحدة وحضنها. ولما واجهته قال الحقيقة إنه على علاقة بيها من سنتين. طيب يا نور يا حبيبتي، ادخلي أوضتي دلوقتي وأنا هحضر الأكل وأجي ونتكلم شوية. نعم يا يختي؟ ده على جثتي تروح تغور في أي داهية، متقعدليش هنا. يا ماما، نور هتقعد هنا معانا وفي أوضتي، ولو رفضتي أنا هسيب البيت وأمشي. بتمسكيني من إيدي اللي بتوجعني يا سلمى؟ ماشي!

اعملي اللي انتِ عايزاه، بس متجيش تلوميني على اللي هعمله. ودخلت الأوضة وفضلت مستنية سلمى. كأن هذه الدنيا لم تُحبنا قط، كانت ضدي في كل شيء، لم تقف معي ذات مرة، ولكن لا بأس، سنحاول مرة أخرى. الجميل سرحان في إيه؟ مكنتش متخيلة إنه يعمل فيا كده يا سلمى، أنا مصدومة فيه. صدقيني، هو ما يستاهلش القمر ده يكون معاه أصلاً، وهو مش شبهك. واحمدي ربنا إنه كشفه على حقيقته. الحمد لله. نزلت... صحيح، فين محمد أخوكي؟

في الجيم، مش بيجي غير على الساعة 9 بليل كده. انتِ بتحني ولا إيه؟ بس يا هبلة إنتِ. وفجأة لقينا باب الأوضة اتفتح و...

اسمي نور، عندي 23 سنة، خريجة كلية صيدلة. مامتي متوفية من وأنا عندي 10 سنين. بابا كان عايز واحدة ترعاني وتعتبرني زي بنتها، فـ اتجوز طنط عايدة، اللي كانت مطلقة ومعاها محمد وسلمى. اتجوزها بابا بس اتفقوا على إنهم ميخلفوش، وفعلاً مخلفوش. وبابا مات وأنا عندي 19 سنة، كنت في أولى جامعة، ومن ساعتها وأنا في عذاب. الباقي هتعرفوه مع الأحداث.