رواية نصيبي في الحب الفصل الخامس 5 - بقلم توتة

عدي شوية وقت وفجأة سمعت أصوات تحت والدنيا مقلوبة حرفيًا. نزلت أشوف فيه إيه وإيه اللي بيحصل. نزلت بس وقفت بعيد. لقيتهم كلهم بيسلموا على واحد كده وكأنهم ما شافوهوش من قرون. نهال: إيه الغيبة الطويلة دي يا ابني؟ ندي: آه، ده كله. أظن أن دي أطول مدة تغيبها عننا. خالو: ليك وحشة يا غالي. سارة: متتأخرش تاني. أنت متعرفش إحنا عاملين إيه من غيرك. هبة: أنت وحشتني أوي. بقالك كتير مبتتصلش. جدو: خلاص يا عيال، سيبوا الواد ياخد نفسه.

تيته: عامل إيه يا حبيبي؟ طمننا عليك. ملك: إيه؟ مبتردش علينا ليه؟ القطة بلعت لسانك؟ يوسف: والله! هو أنتوا كلكوا كده سايبينلي فرصة حتى أتنفس على رأي جدو. إيمان: المهم، عامل إيه؟ يوسف: الحمد لله والله، أنا بخير وواقف قدامكوا أهو. نهال: الحمد لله. أنت مش عارف إحنا بنبقى قلقانين إزاي! يوسف: هو مش أنا بكلمكوا؟ سارة: فين ده يا بكاش؟ ده أنت شغلك أهم مننا أصلًا. هبة: أيوه سارة معاها حق. أنت أصلًا مبتتصلش.

خالو: خلاص بقى، سيبوه يطلع يرتاح. يوسف: آه والله يا خالو، قولهم. جدو: خلاص، اطلع ارتاح أنت عشان أنت جاي من سفر. يوسف: طيب، تصبحوا على خير. الكل: وأنت من أهل الخير. لما لقيته طالع ينام، طلعت أنا أوضتي أقعد فيها. كنت قاعدة لوحدي زهقانة. *** خالو: مفاجأة حلوة! نهال: أنت كنت تعرف؟ خالو: طبعًا، أومال أنا زيكوا يعني. نهال: وأنت تعرف من امتى بقى؟ خالو: ده سر. نهال: أسرارك كترت أوي. خالو: أنا مهم على فكرة.

نهال: استني استني، أنت لسه عارف إنهاردة على فكرة. خالو: وإيه اللي عرفك؟ نهال: لما كنت بتتكلم في التليفون. خالو: طب ما أنتي ناصحة أهو. نهال: أومال أنت فاهم إيه؟ جدو: ومتقولناش؟ خالو: أنا لسه عارف إنهاردة يا حج. تيته: مش إحنا كنا قاعدين معاك مقولتش ليه؟ خالو: مهو قالي اعملكوا مفاجأة. ندي: لا بس مفاجأة حلوة. سارة: أوي. خالو: أومال فين آدم؟ ملك: هو قال إنه رايح عند واحد صاحبه عمل حادثة. خالو: ربنا يستر. ***

كنت قاعدة زهقانة، فقولت أكلم داليا. داليا: ألو. نور: ألو، عاملة إيه؟ داليا: الحمد لله. نور: مال صوتك؟ داليا: مفيش. نور: هنهزر!! داليا: مفيش حاجة يا نور. نور: خلاص براحتك، مش هضغط عليكي. داليا بدموع: ماشي، أنتي كنتي بتتصلي، عايزة حاجة؟ نور: داليا، أنتِ بتعيطي! داليا: لا، متشيليش همي، أنا مش بعيط. نور: هو أنا مش هعرفك يعني؟ داليا: عايزة تعرفي إيه يا نور؟ نور: عايزة أعرف مالك؟ داليا: وهتعملي إيه لما تعرفي؟

نور: هعمل اللي هعمله بقى. داليا: طردوني من البيت يا نور. نور: إيه! داليا: ده اللي حصل. نور: طب أنتِ هتعملي إيه؟ داليا بعياط: مش عارفة. نور: طيب هبعتلك في البريد فلوس وروحي فندق يومين. داليا: خلي فلوسك ليكي يا نور، أنتِ مش ضامنة ظروفك. نور: إيه اللي أنتِ بتقوليه ده؟ إحنا إخوات ويمكن أكتر، يا داليا. بصي أنا هنزل دلوقتي وهبعتلك دلوقتي. داليا: لا يا نور. نور: هو إيه اللي لا يعني؟

أسيبك في الشارع وأعرف إن صاحبتي في الشارع وأسيبها؟ أنتي عارفة لو أنا كنت في القاهرة كان زمانك معايا دلوقتي. بصي متشيليش هم، أنا هتصرف في كل حاجة، بس انتي اعملي اللي أنا هقولك عليه. داليا: أنا مش عارفة أقولك إيه؟ نور: هتقولي إيه يا داليا؟ انتي أختي وصاحبتي. لو مش هعملك، انتي هعمل لمين؟ داليا: ربنا يديمك ليا يا رب. نور: طب وأخواتك؟ داليا: خايفة عليهم، أصلي سمعته بيقول هيوديهم ملجأ. نور بصدمة: إيه!؟ داليا: والله.

نور: إزاي ده يحصل؟ داليا: ما أنا مش عارفة أروح فين، فمش هعرف أشيل مسؤوليتهم. نور: دول أكتر اتنين المفروض تحبيهم في الدنيا. داليا: يعني أعمل إيه؟ نور: تروحي البيت حالا تجيبيهم على ما أبعتلك الفلوس. داليا: ماشي، هروح أجيبهم. نور: ماشي، وأنا هغير هدومي وهروح أبعت الفلوس. داليا: ماشي يا نور. نور: سلام. غيرت هدومي بسرعة ونزلت. لقيتهم كلهم قاعدين ما عدا يوسف. تيته: إيه يا نور، أنتِ لابسة ورايحة فين؟ نور: مشوار ضروري.

نهال: هو إيه ده يا نور؟ هو أنتِ تعرفي حاجة هنا؟ نور: أقرب بريد من هنا فين؟ خالو: ليه يا نور؟ نور: لما أرجع هبقى أقولكم. المهم دلوقتي إني أروح لأقرب بريد. جدو: خلاص، روحي مع آدم، هو هيوصلك. نور: ماشي، بسرعة بس. آدم: أنا جاهز أصلًا، يلا. نور: يلا. خرجنا وركبنا العربية. أنا كنت بركب ورا. آدم: أنتِ بتعملي إيه؟ نور: إيه! آدم: الكرسي اللي قدام فاضي. نور: ........ آدم: ما تركبي يا بنتي، هو أنا هاكلك؟

ركبت قدام، وهو سايق العربية. نور: ممكن تسرعي شوية؟ آدم: آه ممكن. نور: شكراً. آدم: بس هو أنتِ هتعملي إيه في البريد؟ نور: هبعت فلوس من هنا للقاهرة. آدم: لمين؟ نور: لواحدة صاحبتي. تليفوني رن، وكانت داليا. داليا بصراخ: الحقي يا نور! نور بقلق: فيه إيه؟ داليا: وداهم الملجأ ومش راضي يقولي اسمه. نور: يعني إيه؟ داليا: مش عارفة. نور: طيب، أنا عندي اقتراح. داليا: قولي بسرعة.

نور: اقترحي عليه إنك تديه مبلغ مقابل إنه يقولك مكانهم. داليا: أنا هجيب الفلوس منين؟ نور: مليكيش دعوة، أنا هتصرف. داليا: لا يا نور، مش هتتصرفي، أنا عارفة هو عمل كده ليه. نور: ليه؟ داليا: هو اقترح عليا الجواز من مصطفى. نور بصدمة: إيه؟ أنتِ بتقولي إيه؟ أوعي توافقي. داليا: مش قدامي حل تاني. نور: لا طبعًا، مش هسمحلك. داليا: سيبيني على راحتي. نور بعياط: لا، مش براحتك. داليا: أنا عايزة إخواتي، وهو عايز فلوس.

نور: قولتلك مليكيش دعوة. داليا: يعني إيه مليش دعوة؟ نور: أنا نازلة القاهرة بكرة. داليا: إيه اللي أنتِ بتقوليه ده؟ لا طبعًا. نور: ما أنا مش هسيبك لوحدك. داليا: طيب، أنا هلف على كل الملاجئ القريبة من البيت. نور: ماشي، بس متوافقيش. مش على آخر الزمن مهندسة تتجوز واحد زي ده. داليا: سيبيني أفكر بقى. نور: طيب، روحي على أقرب بريد. داليا: برضو يا نور؟ نور: أيوه. داليا: لما أدور على إخواتي. نور: أنا هحولهم وهقولك تعملي إيه.

داليا: ربنا يخليكي ليا. نور: وأنتي كمان يا حبيبتي. داليا: سلام. نور: سلام. آدم كان متابع الحوار. آدم: واضح إن صاحبتك في مأزق. نور: آه. آدم: وأنتِ هتسافري لها؟ نور: مش قدامي حل تاني. آدم: دي صاحبتك اللي قولتيلي عليها قبل كده؟ نور: آه. وصلنا البريد وحولنا الفلوس ورجعنا بعد تقريبًا ساعتين. تيته: إيه اللي أخركم كده؟ آدم: كنا في البريد، نور بتحول لصاحبتها فلوس. جدو: ليه؟ حصلها حاجة؟ حكتلهم الموضوع باختصار.

جدو: طيب، متجيبيها تعيش معانا هنا. نور: مش هترضى. تيته: لا، حاولي تقنعيها يا بنتي، دي معاها أطفال صغيرة. نور: يارب تلاقيهم بس. نهال: ربنا يوقف لها ولاد الحلال. نور: أصلًا لو جت هنا، باباها مش هيسيبها في حالها. خالو: أنا هتصرف يا نور في موضوع صاحبتك دي. نور: ربنا يخليك يا خالو، والله مش عارفة أقولك إيه! خالو: إيه اللي أنتِ بتقوليه ده يا نور؟ جدو: خلاص يا نور، اتصلي بيها وقوليلها. نور: ماشي، يلا تصبحوا على خير.

الكل: وأنتِ من أهل الخير. طلعت كلمتها. نور: الو. داليا: الو يا نور. نور: عملتي إيه؟ داليا: بدور. نور: ربنا معاكي. داليا: يارب. نور: لما تلاقيهم كلميني. داليا: ماشي. نور: سلام. *** وأنا قاعدة لقيت باب الأوضة بيخبط. ندي: نور، كلمي بابا. نور: ماشي، يلا بينا. *** نور: نعم يا خالو؟ خالو: هما أخوات صاحبتك بنتين اسمهم يارا وتارا وتوأم؟ نور: أيوه، هما. حضرتك لقيتهم؟ خالو: آه، لقيته. نور: بجد!

خالو: كلمي صاحبتك وأديها عنوان الملجأ. نور: حاضر، دي هتفرح أوي. روحت كلمتها. نور: داليا، لقيتهم. داليا: بتهزري! نور: والله، خدي العنوان، وبعدها روحي خدي الفلوس اللي أنا بعتها لحد الصبح. داليا: لحد الصبح؟ نور: آه، هتيجي تقعدي معانا. داليا: أنتِ بتقولي إيه؟ نور: آه والله. داليا: لا يا نور، مش عايزة أتقل عليكي أكتر من كده. نور: أخص عليكي يا داليا، مش أنا أختك؟ داليا: أكيد. نور: يبقى تسمعي الكلام. داليا: بس.

نور: مبسش، أنتِ هتيجي يعني هتيجي. داليا: مش عارفة أقولك إيه؟ نور: متقوليش حاجة. داليا: طيب، هاتي العنوان بسرعة. نور: &&&&&&&&&&&* داليا: شكراً جداً يا نور. نور: يلا بس بسرعة، ومتعرفيش باباك. داليا: أكيد. نور: يلا سلام. داليا: سلام يا صحبي. قفلت معاها وأنا مطمنة ونمت بعد ما اتطمنت إنها راحت الأوتيل. صحيت الصبح وكنت عايزة أشرب، فنزلت المطبخ أشرب. "انتي مين؟ لفيت بسرعة وأنا مخضوضة ولقيته هو يوسف.

نور: بسم الله الرحمن الرحيم. يوسف: إيه؟ شوفتي عفريت؟ نور باحراج: لا، بس اتخضيت. يوسف: أنتِ مين؟ نور: أنا نور. يوسف: نور مين؟ نور: نور بنت خالتك. يوسف: والله. نور: هو أنا هكدب يعني. يوسف: مش قصدي، بس أنا أول مرة أشوفك هنا. نور: أنا أصلًا أول مرة أشوفك. يوسف: وعرفتيني إزاي؟ نور: من البنات. يوسف: اممممم. نور: وأنتِ بتعملي إيه الصبح بدري؟ نور: كنت عطشانة وبشرب. يوسف: اممممم. نور: في سؤال تاني عايز تضيفه في التقرير؟

يوسف: تقرير! نور: يعني الأسئلة دي كلها وميبقاش تقرير؟ يوسف: أنا شايف واحدة في البيت اللي أنا ساكن فيه أول مرة أشوفها، فطبيعي إن أنا أسأل. نور: طيب، ممكن بس توسع شوية عشان عايزة أطلع. يوسف: ما تعدي، هو أنا ماسكك. نور: الطريق. يوسف: أهو. نور: شكراً. يوسف: هو أنتِ عمرك ما شوفتيني؟ نور: ما أظنش. يوسف: أومال شوفتي مين؟ نور: هبة وملك وسارة. يوسف: امممم. نور: أي استفسارات تاني؟ يوسف: أنا مش بستفسر. نور: ماشي، عن إذنك.

نور في سرها: يخربيت برودك. يوسف: سمعتك على فكرة. نور: هاا؟ هو أنا قلت إيه يعني؟ يوسف: إن أنا بارد. نور: لا، أنت سمعت غلط. يوسف: أمال أنتِ قولتي إيه؟ نور بتوتر: مقولتش. يوسف: أنتِ لسه قايلة سمعت غلط، يبقي قولتي. نور: لا، مقولتش. ممكن أمشي بقى؟ يوسف: مش ماسكك، اتفضلي. طلعت أوضتي وأنا فعلًا شايفاه بارد.

كانت الساعة 6 ومعرفتش أنام، فكنت عايزة أنزل الجنينة أقف فيها شوية. وأنا بنزل عمالة بتلفت ورايا عشان ما ألاقيهوش، وفجأة.