رواية نياط القلب الفصل الثامن 8 - بقلم حور طه

= وانت مش شايفاني راجل يا بنت جابر ناديه: الراجل اللي يغير على لحمي وشرقي مش اللي يروح يقدمهم لراجل ثاني على طبق مزين ويقول له كل بالهناء والشفاء. انت فقدت رجولتك في نظري. عاصم يقترب منها: طب ما تيجي اوريك انا راجل ولا مش راجل. ناديه تنظر له بنظرة يفهمها: حتى الشيء ده انت فقدته من زمان. عاصم بغضب يقترب منها اكثر: قصدك ايه بكلامك ده انا مش راجل.

ناديه تبعده عنها بقرف: قصدي اللي انت فهمته. اقعد كده واسمع الكلمتين اللي هقولهم لك. روت ين حكت لي على كل حاجة وانك اخذتها ووديتها للحيو ان اللي اسمه ماجد. عاصم بتوتر: اختك كدابة تلاقيها كانت مصاحبة لها واحد وهو اللي عمل فيها كده. ناديه: بس انا ما قلت لكش ماجد عمل فيها ايه معناها اختي مش كدابة. عاصم: انا ما كنتش اعرف ان هو هيعمل فيها كده قالي عايز يتكلم معاها وبس ما اعرفش انه هيتجنن ويعمل كده انت عارفه ان دي مش سكتي.

ناديه: انت خسيس وواطي ده اللي انا عارفه. تخلي الحيو ان ده يجي يتقدم لوتين في اقرب وقت فاهمني. عاصم: ده مستحيل مش هيوافق. ناديه بتحذير: يبقى هحضر نفسك انت وهو اللي هعمله فيكم انتم الاتنين. عاصم نشدها من شعرها: مش عشان سكت لك وخليتك تتكلمي انك هتسقي فيها وتتكلمي معايا بالطريقة دي وتهد ديني انت واختك هتخرسوا خالص والموضوع ده مش هيتفتح وانا هلاقي لها عريس.

ناديه تبعده وبتخزير: انت لو ما عملتش الا انا قلت لك عليه وخليت الحيو ان اللي اسمه ماجد يجي يتقدم لها انا وقتها اللي هتصرف بس صدقني انت هتبقى اول واحد هتتداس تحت الرجلين. عاصم: والله وطلع لك صوت يا بنت جابر وبقيتي تقفي قدامي وتعرفي تهد دي. ناديه: بنت جابر اتعلمت منك حاجة مهمة قوي. انها تبيع. في قاعة المحكمة الخاصة.

بعد استماع الشهود اللي كانوا موجودين في غرفة العمليات وبعد ان اطلعت المحكمة على التقرير الطبي المقدم من قبل المستشفى وانه لا يوجد اي شبهة جنائية في حالة الوفاة الذي تخص نور يحيى عبد الحميد بانها ماتت نتيجة نزيف اثناء الولادة ويحكم القاضي ببراءة الدكتورة مروه من التهمة المنسوبة اليها. خارج قاعة المحكمة

مروه توجه كلامها لجواد: انا قلت لك مدام نور وفاتها كان نتيجة نزيف شديد جدا واحنا حاولنا نوقفه ونعمل كل اللي في ايدينا لكن ارادة ربنا فوق كل شيء ولكن انا مقدرة ظروفك ومش هرفع عليك قضية تعويض للشوشرة اللي حضرتك عملتها حوالين اسمي. جواد يقترب منها ويخن قها: حتى لو المحكمة برأتك. اللي حصل في غرفة العمليات انا هعرفه لاني متاكد انك انت اللي قتلتيهم انا مش هسيبك.

مروه وهي تحاول تتنفس: انت واحد مجنون والظاهر ان موت مراتك وبنتك جننك على الاخر انت مش طبيعي. اردام يشد جواد: خلاص يا جواد سيبها هتموت في ايدك. جواد يسيبها وبانفعال: قتلتيهم ليه قتلتى مراتي وبنتي ليه. مروه وتاخذ نفس عميق توجه كلامها لاردام: يا ريت تدخلوه مصحة يتعالج لانه كده بقى خطر على اللي حواليه. مروه تنهي كلامها وتسيبهم وتمشي. بيسان بوجع: ارجوك ابيه ما تعملش في نفسك كده انا ما ليش غيرك.

جواد يجلس بضعف على الكرسي: حصل شيء قلت انه لا يحصل ابدا كنت متخيل اني هعيش انا ونور وبنتنا حياة طويلة بس هي اخذتهم مني. اردام: عارف ان اللي حصل معاك مؤلم حقيقي بس انت ما ينفعش تفقد ايمانك لازم تكون اقوى من كده يا جواد. جواد يا بعصبية ويضر ب الجدار بقبضة يده ضربات متتالية: انا دفن ت قوتي مع مراتي وبنتي دفن ت معاهم كل حاجة حلوة.

كانت تقف في زاوية قريبة منهم وتتألم كلما ضرب يده بالجدار تتوجع هي وليس هو وكانها هي من تضرب يدها بالجدار كانت تضع يدها على فمها كي تكتم المها. بيسان تحاول ان توقفه: ارجوك ابيه انت بتأذي نفسك. اردام يمسكها بانفعال: اللي انت بتعمله ده مش هيرجعهم تاني افهم بقى هم خلاص راحوا واللي انت بتعمله ده معارضة واضحة لارادة ربنا فوق بقى.

جواد بدموع يحضن اردام: استغفر الله العظيم استغفر الله العظيم انا مش بعارض ارادة ربنا انا حاسس اني سبب موتهم. اردام يبعد عنه قليل: ما فيش حد بيكون سبب لموت حد ثاني لان دي اعمار بايدين ربنا مش بايدينا اوعى تلوم نفسك عليها او تلوم اي حد ثاني فاهمني. بيسان تمسك ايده وتحاول توقف الن زيف: ارجوك يا ابيه ما تحاولش تأذي نفسك تاني بالشكل ده انا ما ليش غيرك. جواد ياخذها في حضنه: انا اسف ما تخافيش انا كويس.

اردام: يلا عشان اوصلكم البيت. يخرجوا من قاعة المحكمة. وتين كانت تبكي بوجع من الحالة اللي وصل ليها: انا اسفة يا جواد انت خسرت عيلتك بسببي عارفة انك مش هتسامحني بس انا دلوقتي محتاجة لك اكثر من اي وقت ثاني محتاجاك تحميني وتين حبيبتك وقعت في حجر الديابة ارجوك اسمع صوتها وشدها من قدامهم قبل ما ينهشوا فيها اكثر من كده. مروه بعصبية: انا من بكره هرفع قضية على المجنون ده. =الموضوع خلص ودورك لحد هنا خلص.

مروه: ان ما خليتهم يحطوا المجنون ده في مستشفى الامراض العقلية ما بقاش انا مروه عبد الظاهر. =انت مش هتقربي من الباشمهندس تاني مفهوم. مروه: ايه اللي هتستفادوا من كل ده وبعدين هو الباشمهندس جواد مهم قوي كده. =مهم مش مهم ده مش شغلك ولا الطلب منك نفذتيه واخذتي اتعابك صفحة الباشمهندس جواد تتشطب من عندك وما تفكريش انك ترفعي قضية عليه كلامي واضح. مروه: مفهوم بس يا ريت تبعدوه عني لانه مش ناوي يجيبها البر.

=ما تقلقيش اللي داخل عليه الباشمهندس مش هيخليه يفكر في حاجة ثانية انزلي. مروه هتنزل من العربية وتروح عربيتها والشخص اللي كانت بتتكلم معاه ياخد عربيته ويمشي. عنده وتين في الجامعة. عمر: قلقتيني عليك بالك كذا يوم ما بتجيش. وتين: اكيد يا عمر سمعت بالظروف اللي حصلت معانا. عمر: اه طبعا البقاء لله وبيسان عاملة ايه دلوقتي. وتين: الحمد لله كويسة بعد اذنك. عمر يمسك ايدها: وتين ممكن لحظة عايزه اتكلم معاكي.

وتين: عمرو لو كنت هتتكلم في الموضوع اللي اتكلمت فيه قبل كده فصدقني مش وقته. عمر: انا عرفت اللي حصل معاكي ومستعد اتقدم لك. وتين بارتباك: عرفت ايه. عمر: مفيش داعي انك تخبي عليا لان عرفت ان انت !!!