رواية و لو بعد حين الفصل الرابع 4 - بقلم خلود احمد

يوسف بص جمبه ملقهاش، خرج بسرعه لقاها بتجري وعربيه جايه من الطريق بسرعه. يوسف: ملك! استني يا ملك بسرعه. ملك بصت وراها، والعربيه وقفت قدامها بالظبط. يوسف: حصلك حاجه؟ انتي كويسه؟ السواق: انت يابني سايبها تجري كده في الشارع؟ افرض جت تحت العربيه دلوقتي. يوسف: اسف يا عمو، جريت من غير ما اشوفها. السواق: حصل خير. يوسف شالها وبعد عن الطريق. يوسف: كده يا ملك؟ كنتي هتتعوري. ملك: كنت عايزة غزل بنات.

يوسف: ما تقولي وانا اجيبلك، يلا تعالي ناخد الحلويات وهروح اجبلك. ملك: نزلني. يوسف: لأ، هفضل شايلك لغاية البيت. اسكتي بقى. ملك: ماشي. راح جابلها وروحوا البيت، كلت ونامت. تاني يوم، يوسف راح المدرسه وعمر في الدروس. فايزه كانت بتحضر الأكل، وملك قاعده على الرخامة. ملك: ماما، يوسف بقى طيب، وانا بقيت بحبه. فايزه: هو طيب بس بيحب يعاند. ملك: آه، ولما يرجع هقوله شكراً. فايزه: ههه، ماشي يا أم شكراً. خالد رجع من الشغل.

خالد: ملوكة، تعالي شوفي جبتلك ايه. ملك طلعت تجري. ملك: جبتلي ايه؟ خالد: تعالي يا فايزه شوفي. ملك: الله، الهدوم دي حلوة قوي يا بابي، شكراً. وراحت باست خده. فايزه: تتهني بيهم يا قلبي. ملك: انا بحبكم قوي. فين هدوم يوسف وعمر؟ خالد: انا لسه جايب لهم قريب. ملك: ماشي. واخدت هدومها بفرحه ودخلت الأوضة. فايزه: تعيش وتجيب يا أبو عمر. خالد: وجبتلك دي. فتحت العلبه لقت سلسله. فايزه: ليه بس كده؟ مانت خيرك مكفي يا حبيبي.

خالد باس راسها. خالد: مش هجيب لاعز منك يا فيفي. فايزه: ههه، ده وقت دلع برضو، ادخل غير بسرعه يلا عشان الغدا. خالد: حاضر. عمر ويوسف رجعوا واتغدوا كلهم وقضوا اليوم عادي. عمر نام، ويوسف كان في اوضته، لقي الباب بيخبط. ملك: يوسف، شوف. ولفت بالفستان اللي لابسه. يوسف: جميل. ملك: لسه فيه كمان. راحت لبست كل الهدوم وورتهاله. يوسف: كلهم حلوين يا ملك، تتهني بيهم. ملك راحت عنده ووقفت على صوابعها. ملك: تعالي كده.

يوسف وطى راسه لها، راحت باست خده. ملك: شكراً عشان امبارح. يوسف رفع وشه وابتسم. يوسف: أهم حاجة انبسطتي. ملك: جداً. يلا تصبح على خير. يوسف: وانتي من أهله. الأيام بقت بتعدي وملك بقت قريبة منهم جداً، وكلهم بيحبوها. وقدمت في المدرسه وامتحانات عمر قربت تخلص، ويوسف نجح. في المكان التاني. خديجه: خلاص يا عماد، بنتي مش هترجع تاني. عماد: يا حبيبتي، احنا عملنا كل اللي قدرنا عليه ولسه بندور. خديجه: بتدوروا على ايه؟

عدى أربع شهور خلاص! بنتي ضاعت يا ناااس، زمانها نستنا أصلاً. إبراهيم أخو عماد الكبير: استعوضوا ربنا بقى. خديجه: دي بنتي الوحيدة. يعني ترضي حد من عيالك يحصله كده؟ انتوا حرام عليكم كلكم، انتوا قلبكم إيه؟ حجر. وسابتهم ومشيت. عماد: متزعلش يا إبراهيم، غصب عنها، ام وانت عارف. إبراهيم: عارف والله. ربنا يصبر قلبها ويردهالكم بالسلامة. يلا يا حازم، هنتأخر على الشركه. حازم ابن إبراهيم الكبير، 21 سنه، وعنده أخت كمان 16 سنه.

يوم نتيجه الثانوية بتاع عمر. يوسف كان برا مع اصحابه، وخالد في الشغل. عمر كان قاعد متوتر وخايف. ملك: عمر، تعالي العب معايا. عمر: مش وقته يا ملك. ملك: يوووه، قوم بقى، هزعل منك. عمر: يا ملك، اسكتي بقى! أوووف. ملك: عشان خاطري، عشان خاطري. عمر اتنرفز. عمر: مش قولتلك اسكتي خلاص؟ اتهدي واقعدي في مكان بقى، أنا مش طايق حد دلوقتي. ملك دخلت اوضتها وقعدت تعيط جامد. يوسف رجع من برا. يوسف: امال عمر فين؟

فايزه: مش عارفه، أنا كنت بجيب خضار لسه طالعه. يوسف خد تفاحه من اللي موجوده. يوسف: مغسوله؟ فايزه: أيوا يا حبيبي. خرج من المطبخ وراح اوضته. ملك: أي ده؟ مالك؟ في ايه؟ ملك خبت وشها في المخدة. يوسف: في ايه؟ بتعيطي ليه يا ملوكه؟ ملك: مفيش. يوسف: قومي بس كلميني كده. كل الدموع دي ومفيش حاجة؟ ملك حضنته. ملك: انا زعلانه من عمر عشان بقاله كام يوم بيزعقلي كل شويه ومش بيعاملني حلو. يوسف حس بشعور غريب لما حضنته، يمكن فرحان.

يوسف: احمم، متزعليش منه، هو بس متوتر عشان نتيجته. ملك بعدت عن حضنه. ملك: يعني يوم نتيجتك هتعمل معايا كده؟ يوسف: ههه، ياه، حد عاش ليومها؟ لسه سنتين وادخل الثانوى أصلاً. ملك: وانا هدخل امتى عشان ازعق لعمر يوم نتيجتي؟ يوسف: لسه بدري قوي يا ملوكتي. ملك: انت اول مره تقول ملوكتي يا يوسف. يوسف: اممم، دلع جديد بدل ملوكه، مش عاجبك ولا ايه؟ ملك: حلو قوي. يوسف: على فكره عندي ليكى مفاجأة. ملك: بجددد؟ يلا عاوزاها دلوقتي.

يوسف: هديها لك بليل بعد ما نشوف نتيجة عمر. ملك: ماشي. يوسف: هروح اشوفه بقى. ملك: هات التفاحه دي. يوسف قرصها في خدها. يوسف: هو انتي كل ما تشوفيني ماسك حاجة تاخديها؟ امسكي يختي. وخرج راح لعمر. يوسف: في ايه؟ عمر: مفيش حاجه، انت عايز ايه؟ يوسف: مزعل ملك ليه؟ عمر: وايه يعني لو زعلتها؟ هي أهم عندك مني؟ يوسف: انت بتقول ايه يا عمر؟ انت اتجننت؟ عمر: أنا مش طايق نفسي، ابعد عني الساعة دي. يوسف بصوت عالي: هو ايه؟ مش طايق نفسك؟

هي البت مالها تتعصب عليها بتاع ايه يعني، وسايبها تعيط جوه؟ عمر: انت قاعد تدافع عنها ليه؟ الله يرحم لما كنت بتشتمها ومش طايقها. يوسف: إيه لازمته الكلام ده دلوقتي؟ فايزه دخلت. فايزه: انتوا بتتخانقوا على ايه كده وصوتكوا عالي؟ يوسف: ابنك مزعل ملك ومزعقلها. عمر: يووووه، ملك ملك ملك، مفيش غير ست ملك، انت في ايه بينك وبينها؟ صدمه! يوسف اتصدم. يوسف: إييه!!! دي عيلة! انت للدرجادي مخك تعبان؟

فايزه: عمر، عيب الكلام ده، ملك اختكم. يوسف: قوليله والنبي، شكله اتجنن. فايزه: وانت كمان اسكت، انت عارف انه متوتر من النتيجة. عمر: أنا سايبلكوا البيت كله ونازل. فايزه: عمررر! رايح فين؟ عمر كده يا يوسف! يوسف: هيطلع تاني دلوقتي، سبيه يمكن يرتاح. بعد ساعتين. عمر خبط على الباب جامد. فايزه طلعت تجري، ويوسف خرج من اوضته، وملك كمان اتصدموا لما شافوه بيعيط. عمر…