رواية و لو بعد حين الفصل الثامن 8 - بقلم خلود احمد

ضحك عليها. على فكره وانا كمان. انت كمان إيه؟ شدها ليه بقت قريبة جداً منه. همس في ودنها: بحبك. اتصدمت. زقته بسرعة قبل ما حد يشوفهم كده وطلعت تجري. مجنونة! بس بحبك برضو. عمران كان واقف في الشباك وشافهم وضحك. فتح الشباك: بسسس. بص لفوق: جدو! تعالى. يانهار مش معدي! وقعتك بيضا يا عمر. خبط على الباب. ادخل. جدو أنااا والله ما تفهم غلط، كنت هحكيلك.

أنا مبسوط عشان قدرت تنسي الماضي. وأكيد مش هتلاقي أحسن من بنت عمك، وأهي تفضل معانا متخرجش برا العيلة. يعني حضرتك موافق؟ الرأي رأي العروسة وأبوها مش هيعترض، أنا عارف إبراهيم. باس إيده: متشكر أوي يا جدي. ممكن طلب أخير؟ اطلب يا سيدي. نعمل فرح على طول، بلاش خطوبة والكلام ده. يعني كلها كام شهر ويوسف ينزل نعمل الفرح. قولتلك الرأي رأيها. ابتسم: تمام، تصبح على خير يا أحلى جدو. وانت من أهله يا قلب جدو. 😂 مروه كانت في أوضتها.

أووف أنا متوترة ليه دلوقتي؟ ماهو اعترفلي أهو. اهدى يا مروه، اهددي. لقت رسالة مبعوتلها. «على فكرة انتي هربتي مني بس جدك شافنا». خافت. إيه ده؟ بتتكلم بجد؟ والله العظيم شافنا. يانهار أسمر يا عمر. أسمر يا مروه. هو ده وقت إيفيهات؟ انت اللي شديتني، مليش دعوة. أنا قولتله يا جدي مفيش حاجة بينا بس مصدقنيش وقالي لازم تصلح غلطتك وتتجوزها في أقرب وقت. نعم؟ غلطة إيه؟ هو في إيه؟ مروه من الآخر أنا بحبك وطلبتك من جدي. قولتي إيه؟

ابتسمت بخجل وفضلت باصة للرسالة. ردي عليا يا مروه أنا مش حمل وجع قلب والله. سلامة قلبك. بعتت الإيموجي ده 🫶. يعني إيه؟ خلاص بقى يا عمر، لازم تحرجني. يعني موافقة. ربنا يقدم اللي فيه الخير، سلام. سلام يا قلبي ♥. ابتسمت ونامت. حددوا معاد الفرح وكان لسه أسبوع ويوسف ينزل. والبيت كله مشغول بتجهيزات الفرح والكل مبسوط. ماما أنا نازلة مع أميره. خلي بالك من نفسك ومتتأخريش قبل ما سامح يجي. حاضر يا قلبي.

نزلت اتسحبت ولفّت عند السور الخلفي للفيلا. حسام. ششش، وطّي صوتك، يلا بسرعة. حسام خدها وراحوا كافيه. كل مرة بكذب على ماما وأقولها خارجة مع أميره. هعمل إيه يا حبيبتي؟ بس اصبري عليا سنتين كمان وهاجي أتقدملك. بقالك سنة بتقول كده. إحنا في أولى جامعة، متخيلة الوضع؟ أكيد أهلي مش هيوافقوا دلوقتي، وبعدين إنتي من عيلة غنية. أووف، زهقت من الوضع ده. تشربي إيه؟ مانجا. فضلوا يتكلموا شوية وشربوا العصير.

أنا لازم أمشي قبل ما بابا يرجع. سلام. سلام يا حبيبتي. رجعت البيت بسرعة، فتحت الباب براحة ودخلت. طلعت على أوضتها جري، غيرت وقعدت على السرير. الباب خبط وسامح دخل. خير يا بابا، في حاجة؟ كنتي فين؟ كـ كـ كنت مع أميره. بس أنا كلمت أميره وقالت إنك مش معاها. هااا؟ إزاي بس؟ أكيد بتهزري. لا، ده انتي اللي بتهزري. شكل الضرب وحشك. ونزل فوقها بالأقلام وهي فضلت تصوّت. يابا كفاية، كفاية، والله آسفة، والله. دخلت جري حاشته.

خلاص يا سامح، حرام عليك. عشان تبقي تتأخري برا البيت تاني. خرجوا هما الاتنين، وهي فضلت تعيط لغاية ما نامت. الأسبوع عدى ويوسف نزل. كانوا عاملين فرح كبير في قاعة واليوم عدى بفرحة وسعادة على كل العيلة. وأخيراً بقيتي حلالي. باس راسها وحضنها. بتحبني من امتى يا عمر؟ مش عارف، هو الحب ليه مواعيد؟ مرة واحدة حسيت إني مش هعرف أكمل حياتي غير وإنتي فيه. ربنا يديمك ليا وميحرمنيش منك أبداً. ولامني يا روحي.

عدى شهر مفيش أحداث مهمة. يوسف مقضيها خروجات وهزار برا ويرجع متأخر. عمر في شغله ومروه مالية حياتها حب وسعادة. حازم أخو مروه سافر تاني بعد فرحها، مستقر مع مراته وعياله برا. الساعة كانت داخلة على 2 بليل ويوسف راجع. هتفضل كده كتير؟ بابا، إيه اللي مصحيك لغاية دلوقتي؟ مستني أشوف نهايتك إيه. حالك مش عاجبني من ساعة ما رجعت من السفر. هو أنا كنت مسفرك تتعلم ولا عشان تبوظ؟ لازمته إيه الكلام ده بس؟

محدش عاجبه وضعك، ولا أنا ولا جدك ولا حتى أمك. انت كنت بتتعلم كل ده عشان تنزل تتسرمح وترجع كل يوم وش الفجر؟ مش بتشتغل في الشركة ليه؟ بابا، أنا لسه نازل، اديني سنة على الأقل أرتاح فيها. أنا كل ده متغرب بعيد عنكم والدراسة والضغط. ما صدقت نزلت عشان أفك عن نفسي شوية. حاضر، براحتك خالص. متزعلش مني. أنا خايف عليك بس مش أكتر. تصبح على خير يا حبيبي. باس راسه. وانت من أهله.

عدى 3 شهور على نفس الوضع. يوسف كان في مشوار وعدى على محل هدايا كان حابب يجيب هدية لواحدة صاحبته. نزل من العربية ودخل. خلصي، إحنا واقفين من زمان. استني شوية، بختار. أنا خارجة أرد على التليفون. يوسف واقف يبص على الحاجات اللي موجودة. لفت نظره نظارة شمس بناتي. راح يحط ايده عليها. ليال مسكتش. شال نظارة الشمس من على عينه وبصلها. هي كمان بصتله. عيونهم اتقابلت. النظارة دي عجبتني. بعد إذنك هاخدها. لأ، دي بتاعتي. نعم؟

بتاعتي. اخترتها قبلك. وبعدين دي بناتي. كنت هاخدها لصاحبتي بس مش مشكلة. ممكن توريني الساعة دي لو سمحت؟ الآنسة برضو أخدتها. اممم، اوكي. افتكر ملك لما كانت بتقوله عايزة نظارة وساعة زي الممثلة اللي ماما بتشوفها. لفت نظره رسومات ملونة محطوطة في براويز. سرح شوية وافتكر ملك وحبها للحاجات دي. هو في هنا كرااريس تلوين؟ ضحك. لأ للأسف مش موجود. وإيه اللي بيضحك؟

مش قصدي يا فندم، بس ده محل هدايا كبار، يعني دي بتلاقيها في مكتبات وكده. هز راسه. تمام، تمام. جهزلي بوكس هدايا كويس على ذوقك لبنت عيد ميلادها النهاردة. حاضر. يوسف فضل يتجول المكان ويتفرج على الحاجات اللي فيه. ليال لبست النظارة والساعة. حلوين يا أميره. جمال، بس يلا لأن ماما اتصلت عليا. طيب يلا، هحاسب وأجي. ادتله الفلوس وخرجت بسرعة. إيه ده؟ نسيت تليفوناي. مين؟ الآنسة اللي كانت هنا. يوسف سكت شوية وابتسم.

أنا هديهالها، مش هي مشيت من الطريق ده. أيوا، طيب والهدية بتاعتك؟ جهزها لما أجي. خرج بسرعة ركب العربية. هو في إيه؟ العربية دي ماشية ورانا ليه؟ مش عارفه، طيب أمشي بسرعة. هو سرّع العربية. لأ بقى كده كتير. وقفت مكانها وهو فتح الشباك. انت!! مفيش حاجة وقعت منك. مفيش حاجة وقعت منك. رفع حواجبه في حركة استغراب. يلا يا بنتي، ده شكله فاضي. فعلاً. مشي وراهم تاني. تليفون مين فيكم ده؟ انت.. ده دا تليفوني.

مد ايده من الشباك وهي راحة تاخده شده تاني. إيه المقابل؟ مقابل إيه؟ هات التليفون لو سمحتي. عايز النظارة والساعة اللي أخدتيهم من المحل. لأ طبعاً، دي حاجتي. يبقى التليفون هيفضل معايا. إزاي يعني؟ هو بمزاجك؟ بص في ساعته. خلصي، ورايا معاد. بصوت هادي. ليال، صورك على الفون. اخلصي اديهمله. نفخت بضيق واديتله الشنطة اللي هما فيها. اداها الفون ولبس نضارته. حقهم في الجراب، ابقي اشتري غيرهم. ورفع الازاز ومشي. يا ابن الـ...

طلعلي منين ده؟ أوووف. اهدّي يا بنتي، حصل خير. المهم خدتي تليفونك. وبعدين ماهو جدع أهو، ساب حق الحاجة. جدع!! كِبري دماغك يلا بقى، اتأخرتي. ليال: بسرعة بابا هينفخني. يوسف رجع المحل تاني، خد الهدية وراح عيد ميلاد صاحبته. كانت مصرية معاه في أمريكا. قضوا اليوم أغانى وشرب ومسخرة 😂. ورجع متأخر زي كل يوم. عمران كان واقف في الشباك زي كل يوم ومش عاجبه وضع يوسف.

تاني يوم كان في اجتماع مهم في الشركة. عمر وعماد وإبراهيم وخالد كانوا موجودين وعمران كمان. خلصوا الاجتماع مع الطرف التاني واتفقوا. كان الطرف التاني سامح أبو ليال. كلامك عجبني أوي يا سامح، كده نقول الصفقة تمت. ده شيء يشرفني طبعاً إني أتعامل مع شركة عظيمة زي دي. تمام، خليك شوية، هنتكلم في حاجة برا الشغل. والباقي يتفضل. كلهم خرجوا كل واحد على مكتبه. اتفضل، أنا سامعك. سمعت إن عندك بنت. أيوا، تقصد على ليال؟

بصراحة هي بنتي الوحيدة، معنديش غيرها. ربنا يباركلك فيها. دي أول مرة أتعامل معاك بس اطمنتلك. وكنت بقول نقرب المسافات وناخدها لحفيدي يوسف. مخلص تعليم في أمريكا ولسه نازل من خمس شهور ونصيبه في الشركة هنا معانا برضه. ما شاء الله، دا شرف ليا إني أنسبكم يا عمران باشا، بس الرأي رأي البنت. أيوا طبعاً، شوفيها كده واحنا جاهزين في أي وقت ونكتب كتاب على طول. فترة الخطوبة دي بقت حاجة قديمة. هوصل الرد لحضرتك في أقرب وقت.

ربنا يقدم اللي فيه الخير. عن إذنك. اتفضل. فايزة: هو قاللي كده. يعني إيه قاللي كده؟ وأنا رأيي فين؟ مش هتجوز أنا دلوقتي، أنا بحب واحدة صحبتي. ومقولتش ليه طيب؟ عرفت جدك يمكن يخطبهالك. هي مش جاهزة دلوقتي وأهلها ميعرفوش. إيه لعب العيال ده يا يوسف؟ إنت بتتهرب صح؟ أنا قولتلك اللي عندي، اتصرف معاه بقى. إنت من وقت ما نزلت وأسلوبك مش عاجبني ولا عاجب حد خالص. يوسف اتخنق وخد مفتاح عربيته ونزل.

منى: بس يا ستي، هو ده كل الموضوع. وأخيراً هشوفك عروسة! أنا مش مصدقة نفسي. ماما، أنا لسه صغيرة وبتعلم، لسه بدري أوي. أقنعي بابا والنبي إني مش موافقة. سامح فتح الباب بقوة. مش موافقة دي عند أمك إنتِ، فاهمة يابت؟ إنتِ أنا اتفقت مع الناس وحددوا معاد. مش على آخر الزمن حتة عيلة تحرجني معاهم. اهدّي عليها يا سامح، براحة. متتدخليش، إنتِ اللي دلعتيها كده. بس أنا مش موافقة ومحدش يقدر يجبرني. لقت قلم نازل على وشها.

ضربت جامد. آآآه، ماما الحقيني والنبي يا ماما. يا سامح، خلاص بالله عليك سيبها عشان خاطري. بعد عنها. اتصرفي معاها عشان ما أموتهاش في إيدي. واللي أقوله يتسمع. والمرة الجاية محدش هيحوشك من إيدي، فاهمة؟ هزت راسها بسرعة. فاهمة، فااهمة. حضنتها وفضلت تهدّي فيها لغاية ما نامت. تاني يوم. أنا جايلى عريس يا حسام وبابا وافق. اتصرف. أعمل إيه يعني؟ إيه؟؟