رواية واصيتي الفصل الثالث 3 - بقلم نونا رامي

مازن وهو يذهب بسرعة ويعانق آدم بقوة: واحشني يا آدم. آدم وهو يشدد عناق مازن: وأنت كمان يا مازن. ليتوجه مازن نحو حمزة ويعانقه: كبرت يا حمزة. حمزة بمرح: ههههههه وأنت ربيت عضلات وبقيت عامل زي بتوع كمال الأجسام. ليبتسم له مازن بهدوء: تعالوا يلا. ليتوجهوا نحو السيارة قاصدين القصر. بعد مدة: مازن وهو يدخل القصر: دادة حسناء! حسناء وهي تتوجه بسرعة نحو مازن وتقول بتوتر: نعم يا بيه. مازن بجدية: ودّيهم أوضهم وحضري العشا.

حسناء باحترام: حاضر يا بيه. ليتوجه كل من حمزة وآدم نحو غرفهم. ليدخل آدم بإرهاق ويجلس على السرير بتعب. ويتوجه مازن نحو غرفة المكتب لينهي بعض الأعمال. وبعد القليل من الوقت تطرق الدادة حسناء الباب بهدوء. مازن بجدية وهو ينظر في الأوراق التي على المكتب: ادخل. دادة حسناء باحترام: العشا جاهز يا بيه. مازن وهو يغلق الأوراق ويحرك رقبته: ناديهم يلا، خمس دقائق وألاقي الكل على السفرة. حسناء بهدوء: حاضر يا بيه.

لتخرج حسناء وتتوجه نحو غرفة منة وتطرق الباب بهدوء ولكن لا تتلقى أي رد، لتدخل وهي تتنهد بيأس من تلك الفتاة: قومي يا منة، العشا جاهز. منة وهي تضع يدها على عينيها لتحجب الضوء عنهما: مش عايزة، سيبيني أنام. حسناء بخبث: على راحتك، أنا هنا أقول لمازن بيه منة مش عايزة تتعشى. منة وهي تنهض بسرعة وفزع من على السرير وتمسك بيد حسناء بتوتر: إيه يا دادة عايزة تموتيني ولا إيه؟ أنا بهزر ههه. حسناء بضحك شديد: ههههههههه أخذت بالي.

منة وهي تفرك عينيها: أديني قمت عشان أستاذ مازن الديكتاتور الظالم المستبد. حسناء بضحك: معلش يا بنتي، هو طبعه صعب شوية. منة بمرح وهي تنغز حسناء في جانبها: فكك من مازن، إيه الحلاوة دي؟ حسناء وهي ترجع للخلف بضحك: إيه يا بت البكش وحركات الشوارع دي هههههههه. منة وهي تطلق صفير إعجاب: أوعى يا حسناء يا جامدة. حسناء بضحك شديد: ههههههههههههه إيه التشرد ده يا بت، مازن لو عرف الحركات اللي أنتِ بتعمليها دي هينفخك. منة

وهي تنظر لحسناء بنصف عين: وهو إيه اللي هيعرفه يا حسناء؟ أوعي تكوني ناوية تفتني عليا. حسناء بضحك وهي تخرج من الغرفة: متخافيش يا أختي، مش هقوله حاجة بس اجهزي وانزلي بسرعة يلا. منة وهي تتوجه للسرير مرة أخرى: فوريرة يا حسناء، روحي أنتِ بس وهتلاقيني وراكي. لتذهب حسناء لغرفة ملك وتطرق الباب بهدوء. ملك: ادخل. حسناء وهي تدخل الغرفة: العشا جاهز يا ملك. ملك وهي تتوجه لأحضان حسناء بسرعة ولهفة: وحشاني يا دادة.

حسناء وهي تربت على رأسها بحنو فهي تعتبرها مثل ابنتها: وأنتِ كمان يا حبيبتي. ملك وهي تتوجه للخزانة بابتسامة: خمس دقائق وأكون تحت يا حبيبتي. ليتوجه الجميع نحو السفرة ما عدا منة وملك. مازن بصوت عالٍ: دادة حسناء! حسناء وهي تتوجه نحوه بسرعة: فين ملك ومنة؟ حسناء وهي تنظر للسلم: ملك أهي نازلة يا بيه. ملك وهي تنزل بفضول لترى أبناء عمها لتتوقف بصدمة عند رؤية آدم وتركض خلف مازن بسرعة وخوف: أنت إيه اللي جابك عندنا؟

مازن باستغراب: في إيه يا ملك؟ آدم بغضب شديد: هو أنتِ؟ ده أنا هموتك.