رواية وبك القلب اكتفي الفصل التاسع عشر 19 - بقلم وهج ابراهيم

كان يحيى مركز معاها وهي ترتب المطبخ. حست بدوخة ولسه هتقع. كان محاوط خصرها بإيديه وهمسلها بقلق: مالك ياشهدي؟ شكلك تعبانة. شهد: ... حطها على الكرسي ومسح وشها بشوية ميه وشربها شوية. يحيى: بقيتي أحسن؟ هزت راسها بتعب. لكن يحيى ماكنش مرتاح وهو شايفها كده. يحيى: طب افضلي مكانك متتحركيش. وجرى جاب طرحتها وعباية من جوه عشان يوديها المستشفى. شهد: مفيش داعي، أنا كويسة. يحيى بضيق: كويسة إيه؟ لا أنا مش هرتاح إلا لما أطمن عليكي.

لبسها العباية والطرحة وسندها يحيى. وأول ما خرج من الباب، لمحت شهد علا بتبصلهم من باب شقتهم. بغيظ. شهد بتصنع: يحيى، مش عارفة أمشي، ركبي سايبة. شيلني يايحيى. شالها يحيى من غير كلام. يحيى: ياحبيبتي هتبقي كويسة. أنا قلتلك لازم تاخدي بالك من أكلك بس إنتي تعنّدي. حاوطت رقبته وهي بتبص لعلا تغيظها. شهد: حاضر ياحبيبي، هبقى آخد بالي. التانية كانت هتتجنن وهي شايفة خوفه ولهفته عليها.

عند سلمى، كان عمر بيشتغل على اللابتوب بتاعه ومركز أوي. حس بإيدها بتتحرك على رقبته وبتمشي على دقنه. وفجأة مسك إيدها وبص في عنيها: بتعملي إيه؟ سلمى بدلع: وحشتني. فجأة عمر بقى فوقيها وبهمس: قوليها تاني. وهي بتلعب بزراير قميصه: بقولك: وحشتني. عمر: زي السكر خارجة من بقك. وباس شفايفها وهي حاوطاه رقبته وشاركته البوسة. بعد عنها وهو بينهج: إنتي هتجننيني. سلمى وهي بتاخد نفسها بسرعة: بحبك. عمر: أنا اللي بحبك وبموت فيكي.

دفن وشه برقبتها. وعند يحيى، بعد رجوعه من عند الدكتورة وعرف إنها حامل. الفرحة كانت مش سايعاه. يحيى: مبروك ياحبيبتي. شهد بدموع بتملس بطنها: يحيى، إحنا هنبقى أب وأم. يحيى بحب: أحلى أم في الدنيا والله. شهد: أنا مبسوطة أوي. يحيى: أنا اللي الفرحة مش سايعاني. وقرب منها وهمسلها: إنتي أجمل حاجة حصلتلي، نعم ربنا كتير، وإنتي أكبرها. بحبك ياشهدي. شهد: وأنا بحبك.

قربلها يحيى بهدوء وخدها ببوسة طويلة هادية ورايقة والتانية متجاوبة معاه. شهد وهي بتاخد نفسها بالعافية: إذا خانتني يايحيى، صدقني مش هسامحك. بعد عنها وهو بينهج. القلب اكتفى بيكي خلاص، مفيش مكان لغيرك.