رواية وهج الدمار الفصل العشرون 20 - بقلم ريو الطائي

شنو ضامه عليه وهج؟ هو صاير نار، ما عرفت عن شنو يحجي. بالي حمل، بس لا. أعرف. بلعت ريگي بخوف وباوعتله. نار تطلع من عيونه. تقدم عليّ وزمني من شعري قوي. وخالتي تعيط. قرب وجهه من وجهي وحجه: "احجيييي! ليش ساكته؟ "ش.. شنو مضامه شي؟ شبيك؟ "تريدين تروحين لغير محافظة مووو؟ ماعندج احد وراجج يكسر راسج؟ تمشين بكيفج انتييي؟ تنفسّت براحة. يعني ما يعرف بموضوع حملي. بس شلون عرف راح اروح لغير محافظة؟ "وخررر ايدك دمار! وين رايحة؟

ماتشوفني كدامك؟ منين جبت هاذه الكلام؟ وخر مني وهو يفرك براسه. وضعه غريب. يروح ويرجع. اخفت منه حيل. اجت مريم كومتني واني مخلية ايدي على بطني خايفة يعرف بيه حامل. رجع باوعلي: "وهج احجييي! ليش تريدين تروحين؟ لاتكولين ماروح لان اعرف كلشي. احجي احسن مااطلع اضيم كلبي." "بيج... مريم: "انته شبيك وياها خطية مريضة! شلون تدفعه هيج؟ وانته مو مطلكة ليش تدخل روحك؟ واذا طلكتهااا...

"خر* بهذاك اليوم الفكرت بي. اسمعت كلامها وطلكتهاااا." مريم: "مو هيانه جدامك وين رايحة؟ شبيك يمه متخبل؟ والله حجيه بس تخليه تطلع باب البيت... حركته كدامك." مريم: "انته منو وتدخلل بحياته؟ ويلا اطلع مناا ولاتشوفنه وجهي." "انتي لاتدخلين! ولا تخليني! مدا ايدي عليج! افهمتييييييييي؟ سكتت مريم واني باوعتله بخوف. يمه إذا عرف بيه صدك راح اروح. شيسوي بيه؟ رجع عليّ ولزم ايدي قوي يعت بيها: "حجي راح افقد اعصابي وضربج!

وين تريدين تولين؟ مو اكلت راح اسوي كلشي تريدينه ليش هيج تسوييين؟ "بعدني كلشي مامسويه. بعدين شعليه بيك انته ومرتك؟ وهسه يلا اطلع." "بس لا عبالج تريدين تزوجين وتروحين لغير محافظة ورب الكعبة يا وهج ندمر اذا سويتي هيجي." "مالك علاقة انته حتى لو ازو... بعدني ممكملة. عتني من حضن مريم وضربني راشدي. بعدني ممستوعبة. هيج سوه. رجع دنك صار بمستواي.

"باجر الصبح راح جيب السيد ويرجع يعقد لنا. كلمة اعتراض منج، خلي راسج جوه السيارة وادعسه. اسمعتيييي؟ "لو تموت شماتسوييي مارجع! شسويي سويي مايهمنييييي بعدددد! "غصبن عليج تقبلين وانتي تدرين بيه من احجي شي انفذه."

كام من عندي. ابتسم. اجى يريد يروح. كمت وراه واني احس مشتعلة نار داخلي. لزمت ايده. دار وجهه باوعلي. رفعت ايدي وضربته راشدي. رفع راسه باوعلي وابتسم وهوه نار تطلع من عيونه من العصبية. لزم ايدي قوي ودخلني جوه. لزمت ايده اريده يوخر ماكو. مستمر يسحب بيه لداخل. البيت. خالتي ومريم يعيطن يريدنه بس يعوفني. بس ماكو. ما مهتم. "وخررر عوفنييي! شبيك! ايديي توجعنيي!

مارد. صعدني للدرج وهوه يسحب بيه قوي. اخفت اجيت وكع من الدرج. لزم زندي حيل وصعدني لغرفتي. فتح الباب دفعني داخل الغرفة. ماجنت خايفة غير على بطني لا يضربني وتجي الضربة بيه. قفل الباب وخالتي تعيط تريده بس يفتحه. سد الباب ودار وجهه عليّ وابتسم. زحفت ليوره واني دموعي تنزل. اجى دنك ويباوع من انظراته والموقف. اني اغمضت عيوني وبعد ماحسيت على شي من الخوف.

كعدت ورا فترة. باوعت احوالي. ماكو احد. بعدني موجودة بغرفتي. امسحت على وجهي وكمت. اتذكرت الصار. نزلت دموعي. دخلت للحمام غسلت وجهي. شفت اطبع ايده على خدي. تنهدت بحسرة وفكر. هوه هذا التريدينه وتبجين علموده؟ هسه بعد ماشفت منه هيج. ماكو شي يمنعني. باوعت على ساعة. بـ 2 الضهر. هاي شكد صارلي مغمي عليه؟ فتحت الباب ونزلت جوه. جانت خالتي كاعدة بالصالة وتقرأ قرآن. ومريم متمددة يمها وتباوعله. شافتني مريم وكامت بسرعة اجت حضنتني.

"شلون صرتي حبيبتي؟ كو شي يوجعج؟ "مابيه شي لاتخافين. بس ليش لهاذه الوكت بقيت؟ ودمار صار عليّ." "تعالي اكعدي هسه خلي اجيب لج اكل واجي." هزيت راسي وهيه راحت للمطبخ. رحت كعدت يم خالتي. انتبهت عليّ. سدت القرآن وبسته وخلته على صفحة. باوعت عليّ وابتسمت بحنية. "شلون صرتي يمه؟ "الحمدلله خاله مابيه شي يروحي." "يمه لاتروحين. شفتي اليوم شسوه بس لان اعرف راح تروحين. إذا رحتي واعرف مكانج مايرحمج. واخاف يذيج انتي والبطنج."

"ادري اذا عرف راح يسوي مشكلة. بس سوي كلشي علمود ابنتي. وانتي لاتخافين ماراح يعرف مكاني ان شاءلله." "هسه شوكت تروحين؟ هم بليل لو راح تروحين المغرب؟ "بعد الصار اخاف مخلي احد يراقبنه. كلشي اتوقع من دمار. بس ماكدر ابقى لليل. اخاف يغير رأيه ويعوف العرس ويجي بليل. جيب السيد حتى يعقد النا." "روحي المغرب يمه. اشوفلجن الطريق واطلع." "اي هوه هيج. نروح للانبار ونجر بفندق. وبعدين نشوف مكان بي اخير حتى لو شقة ونعيش حياتنه."

"ان شاءلله يمه. واريدج تديرين بالج على مريم." "ادري وهو انتي تريدين واحد يداريج. بس انتي احسن منها. مريم فاهية وتستحي." "لاتخافين خاله راح خليه بعيوني." ابتسمت وباست راسي. اجت مريم جابت الاكل وكعدت. اكل. خالتي كل شوية تبوس.

ذكرت ماما شلون جانت تحبني وما تقبل على زعلي. دنكت راسي ماريد ابجي كدامهم. كملت اكل. اخذت المواعين حتى اغسلهن. بس مريم ما قبلت تخاف لايصير شي. ننو ما اهتميت. اخذت المواعين ورحت غسلتهم ورتبت المطبخ. كملت وطلعت من المطبخ واني اباوع على كل ركن. بهاذ البيت هم راح اطلع منك. بس مجبورة اسوي هيج. اله مايجي يوم وارجع واني بيدي ابنتي.

رحت لغرفة ماما. فتحت الباب وسديته نفس ماهي. يوميه ارتبه حتى احس بوجودهم يمي. وما احس نفسي ان ما عندي احد. مع ان خالتي ممقصرة وياي. بس ابقى بس الما عنده ام يبقى مكسور جناحه ويدور الحنان. شما اكبر بلعمر. رحت كعدت على جرباية ونزلت دموعي واني اتذكر شلون من جنت اخاف انام وحدي. فتح عليهم الباب اخر الليل ونام بينهم. هسه من اخاف وين اروح؟ انتو مو وياي؟ تعبت بدونكم والله. بعد ما عندي اصبر. فدوه رجعولي. خلي نرجع مثل قبل.

اجى من المدرسة وشاف ماما تجهز الغدة وانته بابا كاعد تباوع على اخبار. ماما انتي مو جنتي تريدين تشوفين حفادجي؟ اني حامل ليش ماترجعين وتشوفيين حفيدتج؟ انتي مو جنتي تتمنين تصيرين جده. هيهاته راح تجي للدنيا وانتي ماراح تشوفينه. امسحت دموعي وتمددت على جرباية. خليت ايدي على بطني واني اتذكر كل ايام حياتي. دموعي تنزل بهدوء. شلون راجع لدمار؟

وهوه السبب بموت اهلي. خلاني اتحسر على كل شوفتهم. حتى بالحلم. الله ينتقم منك ويخسرك غلا ما عندك. ويحرك كلبك مثل ما نار البكلبي على اهلي.

كمت طلعت من الغرفة. غسلت وجهي وصعدت فوك. دخلت شفت مريم كاعد تجهز اغراضي واغراضه بـ جنط. دخلت وسديت الباب. رحت على الكنتور اخذت المفتاح وفتحت الصندوك. باوعت عليه. جان مليان فلوس وذهب. ماعندي رصيد بابا. الموجود بالبنك اخذته وكعدت على جرباية. طلعت ذهب ماما واذكر شكد تطلع حلوة من تلبس الذهب. رجعته الذهب مكانه وطلعت فلوس خليتهن على صفحة وسديت الصندوك. وخلّيته بـ جنطة. باوعتلي مريم. "شكوين ابذني الفلوس؟ مو هواي."

"راح اخلي منهن للخالتي والباقين نصرف من نروح. ننام براحتج." "ماشي براحتج. تعالي شوفي الجنط بقى شي تريدين نخلينه وياهن." "لا هاي هيه. بس لاتكثرين ملابس. عود بعدين نشتري لان راح نتعب بيهن." "مو كتي ماروح اله اشوف عرس دمار؟ شنو الغير رأيج؟ "انتي شفتي الصبح شسوه. ماكدر اخاطر وروح. يلا هسه تجهزي علمود نطلع من وقت."

هزت راسها وراحت تسد الجنط. رحت للكنتور طلعت بنطلون اسود وبلوزة هم اسودة ودخلت للحمام اسبحت وكملت. طلعت. امشطت شعري سويته كباية حتى لا يزعجني. طلعت جبه وخليته على صفحة. كملنا كلشي. باوعت على ساعة بـ 5 العصر. نزلت الجنط. مريم جوه. اخذت جبه مالتي. باوعت على غرفتي اخر مرة ونزلت دموعي. سديت الباب ونزلت. طلعت بره شفت خالتي وحضن مريم وتبجي. رحت قريب منهن وباوع عليهن. خليت ايدي بجيب البنطلون وبقيت ساكتة. شوخرت من مريم واجت حضنتني. ابتسمت بكسرة وحضنتها.

"كافي خاله لاتبجين. ان شاءلله نرجع ونبقى سوة طول العمر." "ان شاءلله يمه. ديري بالج على نفسج وعلى البطنج. وانتبهي على مريم." "مريم: شسالفة ماما تره اني اكبر من وهج." "ادري يمه. يلا هسه راح اطلع. شوف اخاف كو احد بره. اخابرت على سيارة هسه تجي توديجن للانبار."

هزيت راسي وبقينى شوي ننتظر. تذكرت الفلوس. دخلت جوه خليتهم بالمطبخ. ادري بيها إذا نطيتهن اله ابيدها ماتقبل. اشربت مي واخذت تفاح وطلعت بره اكل. اجت السيارة. طلعت بره جانت السيارة جبيرة وبيها ناس. تنهدت براحة. على اقل احد ويانه. صعدنه الجنط. جينه نصعد. باوعت خالتي تبجي وتمسح دموعها. رفعت راسي على بيت بس الله يدري يمته راح ارجع. صعدت بسيارة وكعدت ورا. اني مريم. سوينا امشت السيارة وهيه تباوع على امها البقت واكفة باب البيت تباوع. سحبته لحضني وخليته تبجي وتطلع البقلبه. مر وقت وهيه بس تبجي.

"مريم كافي ابجي يروحي. والله جاي تحسين بذنب. ادري من وراي انتي عفتي امج. وياج للموت بس كلبي يم امي. اخاف يصيرله شي ومايمه احد." "اليسمعج يكول امج عجوز. تره بعده صغيرة. ليش هيج تتفائلين عليها." امسحت دموعها باوعتلي وابتسمت فرحانة لان اجيت وياج وما خليتج وحدج. "روحلج فدوه يبعد روحي انتي."

بقينى اني وياه نسوالف. شراح نسوي وشلون راح ندير بالنه على ننو. كل ما احجي عن البطني شوفه مبتسمه وعيونها يلمعن. ماعرف ليش هيج تحب الاطفال. مر وقت واني تعبت. بطني صارت تذيني. خليت راسي على امتنه مريم وغمضت عيوني ونمت. كعدت ورا فترة على مريم وهيه تكعد بيه. وخرت راسي من امتنه وباوعت عليها. كالت: "يلا وصلنا يم الفندق."

كمت نزلت من السيارة. باوعت الدنيأ ليل. نزلنا الجنط ودخلنه داخل. حجزنه قرفة. انطونه مفتاح الغرفة ورحنه. فتحت باب الغرفة. اجنت زينة. رميت الجنطة بالكاع ورحت تمددت على جرباية. "وهج شراح نسوي هسه؟ "باجر نطلع وندور على شقة. مايردله اعلم." "مريم: انجبي وشلون راح نعيش يعني؟ لزم نشتغل." "اي بس اول شي خلي نلكه شقة وبعدين ندور على شغل. مابقى هواي للمدرسة." هزت راسها وسكتت. واني اغمضت عيوني ورجعت نمت.

مر يومين يلا لكينه شقة. بس جان سعره شوي غالي لان بيها اثاث كامل. وافقنه لان مانكدر نبقى بالفندق. دخلنه للشقة. جان بيها غرفتين وصالة وامطبخ. صح صغيرة بس كلش حلوة ومرتبة. باوعت على مريم وابتسمت. هاي اول شي حلو صار ويانه. بقى نلكه شغل ونسوي نقل وندرس هنا. "اي بس شلون تريدين تشتغلين وانتي حامل؟ اخاف يصير عليج شي." "لا تخافين. مايصير علي شي. لزم اشتغل هسه حتى من تجي للدنيا منحتاج شي. داوم الصبح والعصر اروح للشغل."

"مريم: لا وهج اسمعي مني ماريدج تشتغلين. انتي بس تديرين بالج على نفسج وعلى ننو. واني اشتغل. عوفي هاذه الحجي هسه وتعالي شوفي اني راح اخذ هاي الغرفة وانتي اخذي هاي." "لا بالله تحلمين. عوفج نام وياي نفس الغرفة. تريدين تحرميني من ننو؟ ماتخافين ربج؟ "انجبي انتي مثل الحمار بس تدفرين. صدك ليش خالتي ماتصالت علينه؟ غريبة."

"هيه مو كالت لاتتصل اله اني اتصال. اول شي اخاف صاير شي وهج خايفة. تعالي خلي نتصل ونشوف صاير. لاتخافين. وهوه احنى مخلينه رقم جديد ميكدر يحصلنه بعد." هزت راسها وراحت جابت الجهاز. اتصال على خالتي. ماردت. اقلقت عليها اخاف صاير شي بيها. ما ردت احجي كدام مريم حتى لاتتوتر وتفكر. اتصلت اكثر من عشر مرات وماكو. طفيت الجهاز وخليته على صفحة وباوعت على مريم. "ليش ماترد ماما؟ وهج ابوس ايدج اخاف صاير بيها شي."

"عوفي هاذه الحجي. اكيد مابيها شي. بس شوف وين مخليه الجهاز وطالعة. تعالي نرتب اغراضنه احسن." شيسحبته من ايدها واخذته للغرفة. رتبنه الغراض واحجي وياه. حاول ما اخليه تفكر بخالتي. مر وقت وحنى نرتب ونسوالف. رن الجهاز. بسرعة عفت البدي وطلعت اركض للصالة. فتحت الخط. "الو؟ خاله وينج؟ صاير يومين ماكو. اقلقنه عليج. ليش ماتصلتي؟ "على كيفج يمه. ماكو شي بس ماصار عندي وقت وما اتصلت. هسه كوليلي شلونجن؟ صار وياجن بالي يمج."

"لاتخافين خاله احنى زينين الحمدلله. انتي شلونج؟ "البيت ما يسوة شي بدونجن وبدون اضحكتجن." كالت هيج وابجت بصوت. باوعت على مريم. هيه هم ابجت من سمعت صوت امها. "خاله لاتبجين ابوس ايدج. والله صار مو بيدي. وانتي تدري اني من ودي ما اعوفج. عمري كله بس ماكدر ابقى. إذا دمار عرف بيه يندموني لان ما كتله. فدوه افهميني." "انسي دمار وعيشي حياتج يمه. وديري بالج على بنتج. ما اوصيج بعد. بس مريم وين؟ "هيهانه يمي خاله تسمعج."

"خاله اريد اسئلج على دمار. من اعرف بيه شسوه؟ "ورا ما رحتن اجى بليل الساعة بـ 1 يريد يحجي وياج. كتلته صعد فوك وشوفه نايمة لو كعدة. راح صعد هوه فوك. ماكو شو ونزل مثل البركان وصوته يرعد وصيح بصوت عالي. كلب الدنيا بالعيط. واني كتلته مادري. كالت: اريد نام. كال لعد مريم وين؟

كتلته مادري وابجيت. اخفت يشك بيه بعد شي. خلصني منا. ما خله شي بالبيت ما كسره. بعدين اخابر على عمر وهوه يمشي وتوعدلج اذا لزمج شيسوي بيج. يمه ديري بالج ترجعين." "عزة خاله اخايفه إذا عرف مكاني منو يخلصني منا؟ والله يذبحني." "لاتخافين ان شاءلله مايعرف مكانجن. بس انتن ابقن هاذه الاسبوع لاتطلعن ابد." "هوه هم هيج." بقينى نسوالف وياها واني نطيت الجهاز لـ مريم وعفته ورحت للغرفة. اخايفه من يعرف بيه شاردة وحامل. شراح يسوي بيه؟

والله ماريده وهوه مو غصب. ليش مايفهم؟ امسحت على وجهي ورحت تمددت.

مرت الايام والشهور والوضع صار احسن. خالتي سوتلي نقل. بديت ادرس. الصبح اروح للدوام والعصر اروح للشغل. جنت اشتغل بـ كوزمتك. جان بي بس بنات وكلش حبابات ويراعن واضعي. ما جان عندي وقت حتى افكر بدمار. بس بليل دائما تخليه يمي. واشتاقله. اصرت مهوسه بالبلوزة مالته. مخليته على طول يمي. ماعرف ليش هيج. اريده دوم وياي. حتى لو بس شغلة. منا كافي. وخالتي يومية نحجي وياه وتحجي عن دمار شلون ضعفان ومتغير وصاير على اقل شي يعصب. وتكول يبقى بالساعات واكف كدام البيت اخاف تجين. وهوه ما يدري شكد انقهرت عليه. بس مابيدي شي. وادري إذا رجعت راح يموتني على بطني.

مريم سجلت بالكلية. وجنت كلش فرحانة. بس تخاف وتتوتر. اول سنة الها وحدة. هبط بطبعها خجولة كلش. شكد الحيت عليه حتى تشتغل. بس ما خليته. هيه بعده بنت وتروح وحدها. راح يبقى بالي يمها. ما اني لان حامل وابطني جبيرة محد يحجي وياي. فاا بيوم جان جمعة وكاعدين بالبيت. كعدت من النوم. جيت كوم بدون ماباوع. وخرت ايد مريم من بطني. ماتنام اذا ماتخلي ايدها على بطني وتحجي ويه. بساعات ولاتمل. كمت من يمه واني بلكوة امشي. بطني كلش جبيرة. مع ان بعدني بشهر الخامس. تنهدت بحسرة ودخلت للحمام. غسلت وغيرت ملابسي. باوعت على نفسي بالمراية. الحمل زايدني جمال وصايرة اسمينة من الاكل. خليت شوي مكياج ورحت اجهز الريوك. كملت الريوك واجت كعدت مريم. كامت غسلت واجت تتريك وياي.

"وهج ليش هيج بطنج جبيرة؟ "كولي ماشاء الله. لاتحسدين فريختي." "ماشالله بس صدك ليش؟ ماعرف." "احتى اني ماعرف ليش. العصر نروح للدكتورة ونشوف."

هزت راسها. وصدك العصر لبسنه ورحنا. الدكتورة. جنت كلش متوترة وخايفة لايطلع بنتي بيه شي. كعدنه ننتظر سرانه. شو وصاحت بسمي. دخلت على دكتورة. اسئلتني شكد صار على حملي وجاوبته. دخلت مريم وياي لان راح تسوي سونار. تمددت على سدية. خلت الجهاز على بطني. واسمع دكات كلب الطفل. احساس غريب. جنت كلش فرحانة واني ومريم بس نباوع على الشاشة ونتسم. جنت منتظرة هاي اللحظة على نار. باوعت على دكتورة. شفته تباوع بتركيز. اخفت طفلي بيه شي.

"دكتورة شكو؟ ليش هيج تباوعين. طفلي شبيه؟ "مابي شي حبيبتي. بس انتي حامل بتؤام. الف مبروك. وصحتهم زينة الحمدلله. بس لازم تنتبهين لنفسج لان بعدج صغيرة." باوعت على مريم بصدمة. دموعي نزلت من الفرح. "يعني اني هسه حامل بتؤام؟ هزت راسها الدكتورة وابتسمت. ومريم صارت تهلهل. اجت بسرعة واحضنتني واثنيننه نبجي فرحانين. وخرت مريم من حضني. "دكتورة بشنو حامل؟ "ولد وبنت. الف مبروك حبيبتي."

اشهكت من البجي واني حمد ربي وشكره. باوعتلي مريم. "يعني بعد كم شهر راح ينورون حياتنه وهج؟ "مامصدكة." ابتسمت اله من بين دموعي. طلعنه من يم الدكتورة. ومريم لزمتني من ايدي. كل شوي توكفني تكول: "ارتاحي."

رجعنا للبيت وحنى الكاع ماساعتنا من الفرح. رحت للغرفة تمددت وباوع على بطني ودموعي تنزل. افكر بدمار. بحالنه هسه لو يعرف راح يصير عنده طفلين. شيصير لو متلاكين بدون هاي الظروف وعاشين حياتنه سوة وهو اللي ينتبه على طفاله. شلون راح ادبر نفسي واني عندي اثنين طفال؟ امسحت دموعي واخذت الجهاز وتصلت على خالتي. انتظرت شوي يلا ردت. "الوو؟ هلا يمه." "هلا بيج خاله. شلونج؟ "الحمدلله. انتن شلونجن يبعد روحي؟

"زينين بخير بس مشتاقيلج هواي خاله." "واني هم مشتاقتلجن. يمه حملج شلونه؟ مرتاحة؟ كو شي يوجعج؟ "لا خاله الحمدلله بس مرات يصير عندي مغص." "صدك؟ عندي خبر حلو." "خير ان شاءلله. كولي يمه." "خاله اني حامل بتؤام. ولد وبنت." هلهل خالتي بصوت عالي. اجت مريم تسمع صوت خالتي وهيه تهلهل. "الف مبروك يمه. اتستاهلين كل خير يبعد عمري. ديري بالج على نفسج وعلى فريختاتج." "مريم: ماما ماصدكة راح يصير عدنه اثنين مو واحد."

"الف الحمدلله وشكر. بس مريم يمه دير بالج عليها. بعده صغيرة ولزمه راحة." "مريم: من عيوني يمه." "خاله اريد اسئلج." "اعرف شنو تريدين تكولين. البارحة بليل اجى للبيت. بس متغير حيل. احس الدنيا كسرته. بيج يمشي وهو هم مدنك راسه. محتار وين يدور عليج. اجى وتمدد على رجلي

ويحجي بصوت بي غصة يكول: ابوس ايدج اعتبريني ابننج بس كولي وينها. والله حرت وين ادور عليها. مارديت. بس امسح على راسه. شوي وخر راسه ويباوع عليّ وهوه دموعه تنزل. كسر كلبي واني اشوفه بهاي الحالة. لزم ايدي ويكول: بس كولي شلونها. ادري بيج تعرفين مكانه بس ماتريدين تحجين. بس طمنيني عليها. كتله زينة وعايشة حياته. ماتريد تشوفك بعد." امسحت دموعه وابجيت واني اشوفه رجال طول وعرض يبجي علمودج. يمه والله خطيه ليش هيج سويتي؟

ما جنت ادري هيج يحبج لو ادري فلا خليج تعوفينه. هيه تحجي واني دموعي تنزل. ادري بي يحبني. بس اذاني. ماكدر ابقى وياه. وهسه إذا رجعت راح ينتظر بين مايصيرون طفالي وياخذهم مني. اعرف راح يوجع كلبي بيهم. ماكدر اتخلى عنهم وانطيهم اله. "خاله ليش خليتي يعرف انتي تندلين مكانه؟ "رجال تسودن. شبيج يمه مايصير هيج. ادري كلبج شايل علي بس يبقى ابو طفالج. حرام عليج تحرمينه من احساس البوه."

"خاله ابوس ايدج والله إذا عرف مكاني ما راح يعوفني بحالي. شنو يعني ماتكوليله على طفاله؟ "لا ما اكول. عسه ما يبقى طول العمر يدور عليه. طفالي ماراح اخلي يشوفهم. لو تطلع نخلة براسه." "الله يهديج يمه. بس الله ما يرضى عليج لان هيج تسوين بي."

سكتت. مارديت. نطيت الجهاز لـ مريم. بقيت مريم تحجي وياه خالتي. شكد افرح من اسمعه تكول انتبهي على نفسج وعلى اكلج. احسه مثل امي. ما تفرق بيني وبين مريم ابد. دائما تسأل عليّ. من تحجي وياه مريم. عفته تحجي وياه خالتي ودخلت للغرفة الثاني. اخذت بلوزته وتمددت على جرباية واني صافنة بالفراغ. باوعت على بلوزته وابوسته. ياربي شكد مشتاقتله ومشتاقة لصوته. عصبيته. حنيته. غيرته عليه. اغمضت عيوني ونمت.

مرات شهور واجه موعد الامتحانات. ومتحنت. والحمد لله طلعت ناجحة. ومريم هم. جنت كلش فرحانة لان اخلصت من الدوام. مريم صارت تشتغل وياي. نطلع العصر ونرجع الساعة بـ 8 بليل. من نرجع كبل نروح نام. استمرت حياتنه على هاذه الروتين. لحد ما اجى موعد ولادتي. جنت كلش خايفة خصوصي ان ما وياي وحدة. تعرف مريم اخوفة. وما تعرف شي. كلش احتاجيت وجود ماما وياي. شوف كل وحدة وياها يا امه يا اخواته وعماته. امسحت

دموعي وكالت الدكتورة: "لازم عملية. لان كلبج تعبان. اخاف كلبج يوكف. وماتكدرين تولدين طبيعي." اجت مريم حضنتني وتبجي. ماعرف اهدئة لو اهدء نفسي. اني الاحتاج احد وياي. باوعت على مريم ولزمت ايدها واني دموعي تنزل. "مريم ديري بالج عليهم. إذا صارلي شي. لاتنطيهم لدمار. اخذيهم واخذي خالتي وروحي لتركيا. اخذي الكارت وطلعي الفلوس من البنك." "اششش. لاتخافين. ان شاءلله تطلعين. مايصير عليج شي. وهج ابوس ايدج رجعيلي. والله موت بدونج."

"مثل ما كتلتج. انتبهي عليهم وعلى نفسج." سكتت بس تبجي. اجت الدكتورة ودخلوني لغرفة العمليات. اضربتني بره. بعد ما حسيت على شي. كعدت ورا فترة واني احس جسمي كله يوجعني. مخليني جهاز التنفس. باوعت على ايدي بيه كانونة. وخرت جهاز التنفس. باوعت على الغرفة. جنت مريم مخلية راسها على السرير ونايمة. مديت ايدي على وجها. فزت بسرعة. باوعتلي واجت بسرعة حضنتني وتبجي. "وهج طفالي وين؟

"لاتخافين يروحي. موجودين بالخدج وصحتهم زينة الحمدلله. انتي شلونج؟ صارلج يومين غايبة عن الوعي. اخفت يصير عليج شي وانتي بعدج مشايفه طفالج ولا اشمه عطرهم." "اريد اشوفهم فدوه اروحلج."

هزت راسها وباستني من خدودي وراحت. كلبي نار عليهم. اريد اشوفهم. شوي واجت الممرضة شايلة واحد والثاني ابيد مريم. كمت عدلت نفسي واني دموعي تنزل فرحة على خوف توتر. جابت الممرضة الطفل. باوعتله يجنن. ابيض وخدوده نعمة. قربته من وجهي وشميت عطر. باوعت للممرضة. "وهج: هاذه الولد لو بنت؟ "ولد حبيبتي. الف مبروك." ابتسمت اله هيه. وخرت الكانونة من ايدي وطلعت. باوعت على مريم. "وهج: انطيني ياه خلي اشوفه."

"مااا ما انطي. هاي الي من هسه. انتي الج هاذه ابو راس. وهاي الكمر الي." "انجبي ونطيني ابنتي. لا اكوم اعضج ومحمد." باوعتلي صفح وجابته الي. خليت الولد يمي على صفة واخذته منها. حلوة وشعره اثخن عكس الولد. شعره كلش خفيف. ابوسته واني باوع عليهم. فرحانة. دموعي تنزل من الفرح واني اشوفهم كدامي. "مريم: شراح انسميهم؟

باوعتله ورجعت باوعت عليهم. "كايا وتيم." الله حلوه. يبعد روحي. فدوه لكيوته. يبعد روح خالتج. وهج تروحلك فدوه. اغميت ورجعت باوعت عليهم. سجلولي خروج. وبلكوة يلا طلعنه. لان اني ودمار ما عقد محكمة. بس سيد سجلنهم ابسم بابا. مريم شالت كايا. واني اشلت تيم. وكفنه سيارة ورحنى كبل لشقتنه. فتحنه الباب ودخلنا. باوعت على مريم. "مريم: من دخلنه هن بس اني وانتي. هسه صرنه ربعة. الحمدلله وشكر. هسه تعالي اخذي تيم مني. مابيه حيل تعبت."

هزيت راسها واخذت كايا ودته للغرفة. رجعت اخذت تيم هم. رحت للغرفة تمددت وباوع عليهم شلون نايمين. اجت مريم جابتلي ملابس. دخلت للحمام. اجت تريد تنزعني ملابسي. خليت ايدي كدامه. "مريم: لاتستحين يروحي. ادري ماتحبين احد يشوفج جسمج بس اني اختج. يلا وخري ايدج."

هزيت راسي وهيه نزعتني ملابسي واني ميتة اخجل. بس هيه ولا حست. اني تحجي وياي وتحاول تخليني ما اتوتر. ما خليت المي يوصل للعملية. اسبحت وكملت. لبستني ملابسي. رحت كعدت على جرباية واني بلكوة امشي من الوجع. جابت امشط وكعدت اتمشط بشعري. كملت تمشيط. سوتلي شعري كباية وراحت على كايا. لان تبجي. جابته الي حتى اراضعه. باوعت على مريم. "وهج: شبيه؟ "شبيج مداج. باع شون تبجي." "مابي حليب." "ليش مابي حليب؟

عزة بعيني. يجوز لان مصارلج هواي من ولدتي. راح اروح للسواق اجيب حليب واجي." "انتي حيوان ليش؟ حنى مو مجهزين كلشي. ليش تروحين؟ اغمت كصتها وراحت تسوي رضاعة وهيه بس تبجي. جوعانة. اجت مريم بسرعة وخليت الرضاعة بحلكها. اسكتت. اخذته مني واني تمددت واغمضت عيوني ونمت من وجع ابطني.

مر اول كم يوم وحنى مانعرف شي ولا انعرف شلون نسكتهم. كل شوايا اتصال على خالتي حتى تعلمنه شنو نسوي. رحت للدكتورة وشالت خيوط العملية. وتعلمت عليهم. جنت كلش فرحانة بيهم. كايا كلش وكحة وبس تبجي. لزم انبقى على طول شايلة ونسكت بيه. عكس تيم عاقل وكلش هادئ. مو مثل اخته مخبلة. مريم. ابد ما عافتني وياي. من تعبت هيه تدير باله عليهم واني اروح نام. هيه صارت تروح للشغل واني ابقى بالبيت علمود الرضاعة. ما يرضعون اله من صدري. وهاذه الشي ريحني احسن من كل شوية اروح اسوي رضاعة.

مرات سنتين ونص واني مشايفه دمار. والاطفالي كبروا. كايا صارت تمشي. ومريم ماتعوفه ابد. تحب كايا اكثر مني. ادري بس ما تفرق بينهم. تيم فقير كلش وهادئ. على طول ساكت عكس كايا بس تبجي. وكل شي كالتله. تيم كل ما اعوفهم وحدةم تكتله. سودة عليه. هوه ما يدافع عن نفسه. "وهجججج تعاليي اخذيي هاي من يمي. اكلت ايدي." "وهج: اتستاهلين محد كلج علمه على عضة. شعليه؟ شوفي شسوت ابيدي. اسنونه يعورن. بنت الجلب."

"مريم: عفيه خوش تربية. خليه تتعلم على هاذا الكلام حتى بعدين تنجلب علينا فوك ماهسه الله جالبها." "وهج: مريممم. بنت الجلب. لاتحجين هيج كدامها. يلا هسه."

مريم راحت للغرفة واخذت كايا. رحت على صالة شفت تيم كاعد بالكاع وويلعب بسيارته. رحت كعدت يمه وباوعتله. سمين وخدوده نازلة. ابيض وعيونه اصفر. عنده اغمازة وحدة مثل ابوه. شافني باوعله. ترك اللعبة واجى عليه يمشي ويكع. رحت يمه اخذته ودخلت للغرفة. خليته على جرباية وابوس بي وهوه يضحك. "وهج: لك انته شنوو كيك. روحلك فدوه. البالي اختك كتلتك. خلي تولي. ماتجي بجمالك يروحي. بااابااا."

باوعت عليه. كل تنهدت بحسرة ونزلت دموعي. اخذته لحضني. والله ماما مو ابيدي. متندمة لان ما كتله على موضوع الحمل. بس مو ابيدي. اخاف يحرمني منكم. ادري بعدكم صغار ومحتاجين وجود اب بحياتكم. تاخذ روحي من تكول بابا. هسه اذا اعرفت بيكم والله ياخذكم مني. واني روحي صارت بيكم. اجت مريم شافتني ابجي. نزلت كايا من حضنها واجت احضنتني. "مريم: شبيج وهج ليش تبجين؟

"شوفي طفالي محتاجين وجود ابوهم. بس اني نانية حرمته منهم وحرمتهم من ابوهم. والله لمصلحتهم." "مريم: اخاف. مادري. بس مو ابيدي. اخاف يحرمني منكم. ادري بعدكم صغار ومحتاجين وجود اب بحياتكم. تاخذ روحي من تكول بابا. هسه اذا اعرفت بيكم والله ياخذكم مني. واني روحي صارت بيكم." "مريم: ليش ولا مرة اسمعتج تعيطين بيه عليهم لو تضربيهم حتى لو بشقها؟ "اخاف اضربهم لو اعيط عليهم. وربي يحرمني منهم. والله اموت إذا صارلهم شي."

"مريم: اخلص لاتبجين. كومي غسلي وجهج وتعالي نوميهم. خطية نعسان." هزيت راسي. وخرت من احضنته. باوعتلهم يباعون عليّ وساكتين. يمكن اخوفتهم لان جنت ابجي. رحت للحمام غسلت وغيرت ملابسي وسويت شعري كباية. ورحت تمددت على جرباية.

مر اسبوع والوضع هدوء. كم مرة مريم اعتذرت. بس ما رديت عليها. خالتي اخبرتنه من رقم جديد. كالت الجهاز ضاع. مادري وين. واني هم سكتت. ما حجيت ان دمار ماخذه. جنت كاعدة بالصالة وباوع على تلفزيون. كايا وتيم تمددين ويباوعون وياي. طلعت مريم من غرفته. باوعتله اتبجي. كمت بسرعة ورحت يمها. "شكوو مريم احجي. صاير ليش تبجين؟

"ابوس ايدج اسامحيني. والله مو قصدي هيج احجي. بس جنت معصبة. لاتعامليني برود. والله اني احبج وما جنت قصد الكلام الحجيته." سحبته لحضنتي وبجينة اثنينه. وهيه تشهك من البجي. امسحت دموعه. "وهج: ما ازعلانه منج يروحي. وادري جنتي معصبة وخايفة على امج. حقج هاذه. بستج. كتلتج ما احجي وياج حتى ترتاحين. وما تفكرين بشي. اني بدونج موت والله. انتي تدرين بيه تركت امي علمود ما اخليج وحدج. والله انتي اغلى من كلشي عندي."

"يلا حبيبي كومي اغسلي وجهج وكافي ابجي. بعدين اني ازعل من العالم كله ومنج. ما ازعل. كومي لعد خلي نروح نتعشى بالمطعم. لان ضوجة احس مخنوكة." "يلا كومي لعد. راح اغير للجهال حتى نروح."

هزت راسه وراحت تغير ملابسه. اخذت تيم وكايا. غيرت ملابسهم وملابسي. اخليت شعري مفتوح. طلعت المكياج وخليت شوي. باوعت على نفسي طالعة اجنن. شلت تيم وكايا يم مريم. قفلنا باب الشقة ونزلنا. جرنه تكسي ورحنا للمطعم. طلبنا اكل وكعدنه ناكل. كملنا اكل ورحنا للسوق. اشتريت حلويات ورجعنا. اتئخر الوقت. صارت الساعة بـ 11. كايا وتيم نامو. تيم مخلي راسه ابركبتي ونايم. صعدنه للشقة. باوعت على باب مفتوح. باوعت على مريم بستغراب. اخفت لا حرامي موجود داخل. فتحت الباب.

نصدمت واني اشوف كدامي .....