رواية وهج الدمار الفصل الأول 1 - بقلم ريو الطائي

ماما: ولج انتي يوم راح تجلطيني ليش تصرخين؟ وكعتي كلبي، عبالي صاير شي لا سامح الله. رحت أحضنتها: ماماتي انتي صايرة تخافين من لا شي، شبيج؟ غير جوعانة؟ ترضين أبقى جوعانة؟ بقت تباوعلي واني أنطيها من نضراتي البريئة وأرمش بعيوني. ماما: اوف منج ماما، انتظري بين ما يجي أبوچ. روحي غيري ملابسچ، شوية ويجي، هسه خابرتها.

وك، ماما. طلعت رحت لغرفتي. غيرت ملابسي، فكيت شعري وخليته مفتوح. رحت وكفت كدام المراية واني أباوع لإنعكاسي بالمراية، شعري الحرير وعيوني الزرق، وجهي الأبيض وخدودي الحمر. تقربت من المراية وبست نفسي. وهج: يمه فدوه لنفسي، شكد حلوة. أحجي واني أحرك شعري بغرور. سمعت ماما تناديني. طلعت من الغرفة. شفت بابا، هسه جاي من الدوام. بابا معلم وماما ربت منزل. بابا: حبيبي، شلونچ؟ مشتاقتلك هواي. أحجي واني أبوس بي. ضحك:

مراد: روح فدوه لحبيبت أبوها، واني هم مشتاقلچ. شلون جان امتحانچ بنيتي؟ وهج: كلش زينة بابا. شتعرف بنتي انته؟ والله نيالكم عليه. حقچ تنغرين بنفسچ، أبويه جا غير انتي فلكت الكمر. رحم، تره أستحي بابا. أضحك وراح يغير ملابسه، واني رحت جهزت الغدة. وياه ماما تغدينا، وراح بابا ينام وماما هم. واني نضفت المطبخ ورحت لغرفتي أراجع دروسي.

بقيت أدرس للمغرب. خلصت وطلعت للحديقة، جان الجو كلش حلو بي نسمة برودة. بقيت كاعدة على مرجوحة والأفكار تاخذني وتجيبني. أني البنت الوحيدة، أهلي كلش يحبوني. أني ما أعرف شي عن أهل بابا، بس جان بابا يكول أهلي تبروا مني من تزوجت أمچ. لأن ماما كوردية وهما جانوا يريدون يزوجون بنت عمه، بس هوه ما قبل وكسر كلمة أبوه وزوج ماما. ماما عدها أخ واحد وأخوات اثنين، مزوجين وكل واحد حياته. ما التقيت بيهم هواي، علاقتنا مو كلش قوية. أني وماما نفس الشكل. ماما كلش حلوة، بيضة، واني مثل جمالها. دوم يكولولي انتي نسخة أمچ.

فزيت على صوت ماما وهي تناديني. ماما: ليش كاعدة هنا بنيتي؟ بيچ شي يروحي؟ وهج: فركت وجهي وتنهدت. لا ماما مابيه شي، بس شوية ضايجة. وكفت كدامي وردفت. ماما: باجر عيد ميلادچ بنيتي، راح يصير عمرچ 15 سنة. وهج: باوعت عليها. ماما تحبني. ماما: يمه فدوه لطفلتي الحلوة. يمه هوه أني شعندي غيرچ أنتي وأبوچ؟ كل حياتي. وهج: أويي عيوني، لچ تخلين بابا وياي؟ يمكن تحبينه أكثر مني. أحجي الصراحة ماما. ماما: وجع، شهل صوت؟

ولي دخلي جوه، لسانچ طولان. وهج: أويي ماما، يمتى نروح نجيب ملابس لعيد ميلادي؟ ماما: باجر إن شاء الله نطلع أني وياچ. يلا هسه دخلي، خلي نروح نحضر العشة ونصلي. وك، داخله. نوير. شالت النعال وركضت وراي. دخلت واني أضحك. رحت على بابا، جان كاعد يقرأ قرآن. كعدت يمه واني أسمع صوته، شكد حلو وهو يقرأ. خلص وباسني من خدي. ردف وهو يمسح على راسي بحنية. بابا: فدوه أروحلچ بنيتي. وهج: يمه فديت باباتي. بس لاتتغزل بيه تره نويرة تغار.

بابا: وتالي وليه لسانچ ولج. جانت شايلة الجفجير تريد تضربني بي. ختلت وره بابا. وهج: شوف مو كتلك نويرة ماتحبني؟ اله هج يلا ترتاحين. بابا: أسمع بنتك شتكول؟ مراد: بقى بابا يضحك. هسه وإذا كالت نويرة؟ غير انتي اسمچ نور. لاتعصبين. باوعت بعيون بابا. وهج: برائة، فديتك بابا بس انته تحبني. هذولاك الناس ما يريدوني. ماما: اوف منكم. أروح أخلص العشة أحسن.

راحت ماما واني رحت ساعدها بالعشة ونسولف. أخلص العشة، أجه بابا كعد يمنا وتعشينا. راحوا ماما وبابا لغرفتهم واني بقيت أغسل مواعين. وأغني. أخلص ورحت نمت والأفكار تاخذني وتجيبني. بين ما طلعت روحي يلا كدرت أنام. نمت وكعدت على صوت ماما وهي تكعدني. كمت غسلت بسرعة ولبست ملابس المدرسة ونزلت. جانت ماما كاعدة تحضر الريوك. وهج: صباحوو ماما. مراد وين لعد؟ ماما: صباح النور. ولج أنچبي، مراد شنو؟ راح؟

رحت كعدت يمها. أويي شبيج ماما من الصبح؟ وين بابا راح؟ لدوام؟ شنو؟ راح؟ يلا انتي هم تأخرتي، تريكي بسرعة حبيبتي. تريكت وخلصت. أبوست ماما وطلعت للمدرسة. اليوم آخر امتحان، كلش فرحانة. اوف دخلت المدرسة. رحت على مريم. بين ما تجي المدرسة صبحت عليها وبقينا نسولف عادي. راح مريم لصف مالتها وأني هم دخلت وامتحنت. الحمد لله.

طلعت من الصف شفت مريم ماكو، رايحة للبيت. رحت أمشي وحدي. هيه صديقتي الوحيدة، أني وياها مثل التوأم. وصلت بيتنا ودخلت لغرفتي كبل. دخلت ماما عليه. ماما: شلون جان امتحانچ بنيتي؟ ردفت واني مغمضة عيوني. وهج: زين ماما، فدوه لاتكعديني. كلش نعسانة، أريد أنام. ماما: نامي بنيتي. راح أخليلچ أكل، عود بس أحمي. هزيت راسي وهيه سدت الباب وطلعت، واني نمت.

ملابس المدرسة أكعده المغرب. خابرت مريم كالت ماكدر، أخوي ما يقبل. كلش ضجت. كمت سبحت ومشطت شعري. لبست بنطلون أسود ضيك وبلوزة سودة وقصيرة بحيث بس دنكت تطلع بطني، بس حلوة عادي. طلعت أني وماما للسوك. أشتريت فستان أزرك بلون عيوني وقصير ومفتوح من فوك، وأشتريت مكياج وحذاء. كملنا بحيث تعبت كلش. ماما: راح أدخل هاذه المحل أشتري عباية. أبقي انتظريني، لاتتحركين منا. هزيت راسي واني أباوع لحذائي المفتوح. دنكت عدله.

ما حس إلا على قرصة بخصري. كمت أريد أبوع وراي. أردف شخص بهمس بس بحدة: مرة ثانية بس تلبسين هيج أشكهن عليچ. فرحانة من مطلعة بطنج والبنطلون لزك على...