رواية وهج الدمار الفصل الحادي عشر 11 - بقلم ريو الطائي

أجى صار يمشي قريب عليه لزم يدي قوي ويعت بيه. ما حسيت إلا على سيارة وكفت يمنى ونزل منها 4 زلم، خلو وصلة على خشمي بعد ما حسيت بشي. كعدت وره على شخص يكعد بيه، ما كدرت أفتح عيوني، راسي حيل يوجعني. فتحت عيوني، باوعت على المكان، جان غرفة مهجورة وكلها وصخ وريحة طالعة، يمكن حيوان ميت بيها. وأديني مربطات، أيدين دمار صاير ظهره على ظهري. وهج: هاي شصاير؟ ليش مربطين؟ دمار: صار ساعة كاعد بييج، حسابلي صارلج شي؟

وهج: دمار فدوه خايفة، ليش خاطفينه؟ دمار: خخخ كله منج، جم مرة منعتج تطلعين وحدج، بس لا لازم تطلعين وتعاندين. وهج: انته شبيك؟ هسه إحنا بيا حال؟ منو ذولة؟ أحجي. دمار: ما اعرفهم، شدراني؟ مو هياني يمج؟ وهج: كله من وراك، جنك ثور لزم مسوي شي. دمار: وهججج، لسانج حتى وإحنا بهاي الحالة هم تغلطين. وهج: اشش اسكت، شلون هسه نطلع؟ والله خايفة. دمار: ما يصير شي بنيتي، لاتخافين، إني يمج.

وهج: صار ساعة تصرخ عليه يثور، هسه صرت لطيف وياي؟ خخ ربي ماتأخذني وتخلصني من هاي البلوة. جيت ردت بس نفتح الباب ودخل شخص ملثم. رجعت نفسي لزكت بــ دمار، وهوه لزم يدي يحاول يهدئيني. الملثم: مانطيتني غير حل دمار، هسه راح تموت هاي الحلوة من وراك. دمار: شحدك توصللل صوبها، ورب الكعبة ندمك على ساعة الصرت بيها. الملثم: لاتهدد، وإنت بهاي الحالة مراح تكدر تسوي شي. انته شغلك وياي، معليك بيها.

دمار: امم صحيح، بس شو أعجبتني، يلا راح اخذها ليلة ورجعها لك، ما تتوقع راح تمانع. تقرب مني يريد يلزم وجهي، تفلت أبوجها. وهج: اكلل خرهه حيوان، لاتمد أيدك الوصخة. الملثم: أضحك وامسح على وجهي وكام وكف: اخخ عسل. دمار: منجلا تكربب منهاااا ولك انتههه، لو رجال تجي تواجهني مو شاد أديني وتحجي. الملثم: لا دمار، شنو مو رجال؟ شرايك أجرب رجولتي بهاي الكمر؟

اخخ ما أتوقع أشبع منها. يمكن انته أمشتهي، تعال خلي إني ن**** وذا تريد حط **** بط***. دمار: أشكه لك. وهج: لا شنو هاي دمار، ماتستحي تحجي هيج كدام هاي الحلوة؟ نزلت دموعي، أخاف يسويلي شي، كلامه رعبني. ضليت لازكة ضهري بدمار وكني حتمي بي. دمار همس بصوت هادئ: لاتخافين وهج، خليج قوية، لا تبينين أضعفج. الملثم: اخلص وقت الكلام وصار وقت التنفيذ. أجى عليه يفتح أيديني ودمار هادئ، استغربت منه، معقولة عنده عادي ياخذني؟

وصرت أشهك من البجي، أحس خلص هنا انتهت حياتي. سحبني علي وردف وهو يباوع على دمار: احجي دمارر، لاتخليني أسوي شي ما يعجبك بيها. ادري بيك مراح تسوي شي بيها. احجيي كافيي عاد دمار، تعبت واني أدور. لا تخليني أغتصبها كدامك. دمار: لا ماسوي شي، هيه بالخير عرضك. الملثم فتح عيونه بصدمة وباوع عليه: شنوو قصدككك دمار؟ دمار دنك راسه وردف بصوت بي غصة: هيه هاي وهج بنت عمك، الدور عليها. ترك أيدي وراح على دمار يفتح أيديه: دمار تحجي صدك؟

يعني هيه هاي وهج؟ دمار هز راسه وكام وكف، باوع عليه وابتسم: لاتخافين وهجي، هاذه ابن عمج. بقيت واكفة مكاني ومصدومة، مانطيت رد فعل. ابن عمي ليش يدور عليه؟ هما مو ما يريدوني؟ أجى عليه الرجال نزع الثام وحضني حيل. ما بعدته ولا تحركت. دمار لزمه من أيده وخره مني وهو معصب: شنوو تحضن بيها كدامي؟ لاتخليني أدوس على راسك حيوان. الملثم: أضحك وامسح على وجهي: بنت عمي شعليك انته. وهج: شكاعد تحجي؟ شنو بنت عمك؟ الملثم:

أباوع عليه وابتسم: اسمي زين، ابن عمج، راح يصير سنة وإني أدور عليج. ما خليت مكان مادورته، حتى بدار الأيتام. وهج انصدمت، باوعت على دمار، جان مدنك راسه وأيديه بجيوب بنطلون. رحت قربت منه وردفت: وهج: دمار، شنو هاذا الكلام؟ شنو قصده؟ هما مو ما يريدوني؟ ليش يدورون عليه؟ زين: وهج، منو كال مانريدج؟

من عرفنه عمي وعمتي ميتين، جينا ناخذج، بس دمار ما قبل ينطي معلومات عنج. دائمًا يكول مادري وينها، حتى جينا للبيته ودورنا بس ما جنتي موجودة. دموعي تنزل بهدوء، وأحس داخلي بركان من الغضب. وهج: ليش هيج سويت؟ دمار باوع عليه وعيونه حمر وردف بصوت تعبان: ماكدرت صدكيني. ماردت ياخذوج مني. جنت أدري إذا عرفتي عمامج يريدوج مراح تبقين يمي. وهج ماكدر بدونج. وهج: تحلم بعد تشوفني، خليك بعد عن حياتي. هسه انته بعيني ولا شي، صدكني.

زين: امشي وهج. هزيت راسي ودرت وجهي منه. دمار لزم أيدي، باوعت عليه واني نار تطلع من عيوني: لاتعوفيني وهج، لاتعذبيني أكثر. وهج: ماريد أجرحك بالكلام، بس ياريت ماتشوفني وجهك بحياتي. ما كرهت أحد، بس هسه كرهتك انته. دمار قربني منه وردف: أي كرهيني، استاهل. أجى زين وسحبني من أيدي الثانية: زين: دمار، عوفها انته مالك علاقة بيها. ماتريك تره مو كوه. دمار: انتههه منو سمحلك تلزم يدها؟ وخرهااا لا أكسرها.

زين وخر أيده واني سحبت أيدي من دمار وطلعت من الغرفة. أجى وراي زين، باوع عليه وحك راسه وردف: زين: اسف على كلامي، ما عبالي انتي بنت عمي. هزيت راسي وما جاوبت. زين: تعالي نروح للبيت الحجية، كلبها نار عليج. ابتسمت وردف: وهج: ماشاء الله. باوعت وراي شفت دمار يدخن ويباوع عليه. خنزرته وصعدت بسيارة وياه زين. وهج: يعني قلت الأماكن جايبنا هنا. زين: أضحك وباوع عليه: اعتذر ست وهج، جان لازم اخذج فندق خمس نجوم. وهج: شقصدك ولك؟

زين: لا مو خوش سالفة، بابا، إني رجال مزوج وعندي بنت. وتكوليلي ولك؟ باوعت على الطريق وردفت: وهج: دمار، منو؟ شلون راح يرجع للبيت؟ زين: لاتخافين، اكو بعد سيارة موجودة، اكو حراس هم، هسه يوصلوه. هزيت راسي وبقيت ساكتة. مر وقت طويل، تعبت. خليت راسي على جام السيارة واغمضت عيوني ونمت. كعدت على شخص يدز بيه. باوعت عليه. زين: يلا وهج وصلنا، نزلي لو تريدين أشيلج؟ ابتسمت وامسحت على وجهي وفتحت باب السيارة.

باوعت على مكان، بيت حلو وحيل جبير، ياترى شلون راح تكون معاملتهم الي؟ باوع عليه زين، أعرف بيه خايفه: زين: لاتخافين، مراح يصير شي، كلهم يحبوج ويريدونج يمهم. وهج: بس إني جيت أشوفهم ورجع لبيت أهلي. زين: دخلي هسه ويصير خير. يلا بابا. سميت بسم الله ودخلت وياه للبيت. جان ماكو هواي أشخاص. باوعو علي، بقيت واقفة بالباب، ما تحركت. زين: سلام عليكم. الكل: وعليكم السلام. باوعت على مرة جبيرة بالعمر: منو هاي يمه؟ ابتسم وباوع عليه:

زين: هاي وهج بنت عمي. الكل باوع علي بصدمة، أحس متت، أخجل. كلهم يباوعن علي، دنكت راسي ولعبت بصوابع أيدي. الحجية: يمه صدك تحجي؟ تعالي بنيتي ليش خايفة؟ تقدمت عليها، وصلت يمها، باوعت بوجهي وابتسمت وفتحت أيدينها الي حنتضنها. وهيه تبوس بيه وتشم بشعري وتبجي. وخرت من حضنها وأني أمْسح بدموعي. وهج: يعني هسه انتي أم بابا؟

الحجية: أي يمه، راح وليدي واني ماشفته ولا حاليت عيوني بشوفته. تمنيت أشوفه لو مرة وحدة وموت، بس الموت أخذه هوه وما أخذاني. دنكت راسي وبجيت بصوت. جت بنت وحضنتني حيل تبجي. الكل يبجي على بجاي. بيبي تقربت من بيبي وحضنتها، لان فقدت، صارت تضرب على راسها. وهج: لاتسوين هيج بيبي، فدوه أروحلك. الحجية: ولج يمه وليدي ليش ربي أخذه، هوه وما أخذيتني؟ بقت تحجي وتبجي. جت نفس البنت الحضنتني: تعالي غسلي وجهج، كافي دموع يعمري.

هزيت راسي وكمت وياها. وصلت يم المغاسل، غسلت وجهي وباوعت عليه وابتسمت. نور: شلونج هسه؟ وهج: الحمد لله. نور: أني اسمي نور. وهج: عاشت الأسامي حبيبتي. نور: تعالي نصعد فوك لغرفتي بين مايجون عمامي من الدوام. هزيت راسي ورحت وياها. صعدنا فوك وفتحت باب غرفة كلش جبيرة وبيها أكثر من جرباية. باوعت بستغراب. وهج: ليش موجود هواي جربايات؟ نور: لأن حنى هواي، تعالي أكعدي وعرفج علينا. رحت كعدت على واحد من الجربايات، وهيه كعدت كدامي.

وهج: بابا عنده كم أخ واخت؟ نور: اصبري شبيج، هسه أحجي، خلي آخذ نفس. ضحكت وردفت: وهج: شبيج عبالك أجلب راكض وراج؟ نور: غير صعدت الدرج متت، ما أحب صعده. المهم اسمعي، بيبي عدها ثلاث ولد وثنين بنات. أول واحد عمي الجبير، أبو جاسم، بعدين أبوي، أبو حسين، وبعدين أبوج، ثالث واحد مراد، وعماتي ندى ورده. وهج: ما عرفت ولا واحد.

نور: هسه ننزل وعرفج عليهم. باعي، عمي أبو جاسم عنده ولد واحد، الي هوه جاسم، وعنده بنات اثنين، نار وشرار، توم هن. وأبوي عنده حسين وعلي وزين واني وتبارك. وهج: لعد وليش ماكو ولا وحدة من البنات؟ نور: انتي حيوان، غير دوام، كل وحدة بدوامها. وهج: لاتغلطين، لافلش وجهج. نور: أويي، عنيفة. حبيت. ضحكت على كلامها، بدت تحجي عن نفسها لحد ما تعبت من الكلام. شوي وجن بنات دخلن للغرفة وهنن ينافخن. باوعت عليه بستغراب. نور: شكو؟ شبيجن؟

كلهن أردن: سوه، منو هاي؟ نور: هاي وهج، بنات اليوم زين جابها وياه. باوعن علي وفتحن عيونهن بصدمة. ضحكت على شكلهن. وهج: شبيجن؟ ماتسلمئن على بنت عمجن؟ كلهن أجن أحضنني، موتني، ما خلصت من أحضنهن اله من نور سحبتني منهن. نور: كافيي، موتنها. شبيجن؟ تبارك: ولج والله فرحانة، وأخيرًا لكوج، راح تبقين يمي. نار: ولج شنو هاي، تجننين. باوعن شعرها. شرار: تدرين شكد جنت متحمسة حتى أشوفج. وهج: ما جنت أعرف عندي هيج بنات عم حلوات.

نور: يلا تعالن ننزل جوه. شرار: انتظري وهج، نغير ملابسنه وننزل سوه، فدوه. ابتسمت وهزيت راسي ورجعت كعدت على جرباية بين ما يغيرن ملابسهن. كملن ونزلنه سوه. جان الكل كاعد بصالة يم الحجية. هيه شافتني ابتسمت وشرتلي، روحي كعدي يمها. رحت كعدت يمها. باوع علي الكل. أبو جاسم: منو هاي؟ الحجية: هاي وهج بنت أخوك مراد. الكل يباوع علي، يابه شكد تفشلت اليوم. أبو حسين: تعالي بنيتي ليش خايفة؟

كمت رحت وكفت يمه. كام سحبني وأحضني وصار يبجي ويمسح على راسي بحنان. وخرت منه، باوع علي وابتسم. رجع بوسني من خدي: أبو حسين: شنو هاذه الجمال بابا؟ أبو جاسم: ليش جبتوها؟ صار سنة مانعرف وين مكانها. زين: شدرانه مامصخمة وأجونا. الحجية: انجب، شلون تحجي هيج على بنت اخيك. أبو حسين: شنو هاذه الحجي؟ أخويه ستهدي برحمان. أبو جاسم: لعد منو يدري وين جانت؟ زين باوع علي وابتسم، يحاول يطمني: زين: إني أدري وين جانت.

أبو جاسم: احجي لعد، وين جانت؟ زين: جانت عايشة يم بيت صديقي وياه أخواته. أبو جاسم: انته شنووو تضحك علينا؟ شنو يعني جانت عايشة يم ناس غربة؟ شلون تأمن على عرضك؟ يجوز مسوين بيها شي. أبو حسين: خاف ربك، شنو هاذه الحجي؟ البنت يتيمة، شلون تحجي هيج عليها؟ زين: ماكو شرف منها، لاتحجي هيج، لاتطلع بعرضك عمي. أبو جاسم: شلون تحجي هيج ويه عمكك؟ زين: لعد انته هم دوزن كلامك، عمي ماسمح لحد يحجي ؏ وهج بهاي الطريقة.

هز راسه ورجع كعد يم بيبي وهو يخوزر بيه. دنكت راسي، ما أريد أبجي كدامهم. ليش هيج؟ لازم تعذب بحياتي؟ ليش مامكتوبلي الفرح؟ نور: تعالي وهج نروح للمطبخ. هزيت راسي ورحت وياها. جانن كلهن بالمطبخ. جت مرة جبيرة بالعمر، بس مو كلش. أم جاسم: نفس شكل أمج، سبحان الله. منو يكول مامكودة بيج؟ أم حسين: المرة متيهة، ليش تحجين عليها؟ أم جاسم: ما مجذبة، لعد مو كملت حياتها وهيه دايحة من مكان لمكان، ومراد جان مثل الطلي وراها.

وهج: تروحيلهم فدوه يالوصخة، ام ريحة انتي تحجين بشرف امي؟ دروحي من وجهي، تره وصلت لحدها، لاتخليني أمد أيدي عليج، خلي احترام لعمرج يالعجوز. أم جاسم: شوفي تربية الكح**، طبعاً الله يعلم، منو يكول هاي شريفة؟ أكيد على أمها. وهج: موتي من غيرتج، على الأقل ماما جانت حلوة تخبل، مو مثلج زركة. عفتها وصعدت فوك، دخلت للغرفة وسديت الباب. ودموعي تنزل. منو أبقى؟

ما أغلط على أهلي حتى وهمه ميتين، يغلطون عليهم. حسبي الله ونعم الوكيل عليهم. شوي ودخلن البنات كلهن. باوعت على نار وشرار. وهج: اسفة، ماجنت أريد أحجي هيج على أمجن، بس ما تحمل أحد يغلط على أهلي. نار: كلامج صحيح، أبوي وأمي ماعرف شبيهم وياج، بس لاتزعلين، والله إني وشرار نحبج، نحسج من عدنا. صدك مصارلج يمي يوم، بس حبيناج. أحضنتها وامسحت دموعي. وهج: يعمري انتي. نور: كافي لاتبجيني، من وراجن جعت، راح أنزل أجيب أكل وأجي.

أضحكنه على كلامها. هيه نزلت واحنا بقينا كاعدين نسوالف. شوي وجت أم حسين، باوعت علينا وابتسمت. جت كعدت يمي، باوعت لوجهي وأحضنتني. أم حسين: يمه فدوه، شلون وجه يرد الروح. وهج: مو بجمالج خالة. أم حسين: لاتزعلين من كلامهم بنيتي، انتي ماكو منج، واكيد مراد مربيج أحسن تربية. وخرت راسي من أحضنها وردفت: وهج: خالة، ليش مايريدوني؟ شمسوية؟ أم حسين: مو أمهم، ذا يريدونج لو لا، هاي عندج بنات عمج كلهن يحبنج، وبيبتج وأني وعمج أبو حسين.

وهج: ربي يحفظكم. أم حسين: يبعد عمري، يلا بنيتي كعدي أكلي وياه بنات عمج، لاتستحين. هزيت راسي وابتسمت. هيه باستني من راسي وطلعت. باوعت علي البنات: وهج: شكو؟ نور: تعاليييييي أكليييي، مو متت من الجوععععع. وهج: شبيج وجع، نكرصتي. كمت كعدت يمهم ناكل ونسوالف ونضحك. هواي حبيتهن. كملنا أكل، نزلنه كلياتنه للمطبخ نغسل المواعين. نور: يلا أمشن نروح نام، تعبت اليوم كلش. تبارك: وانتي شوكت ماتعبانة؟

نور: معليج. يلا أمشن. جينا نصعد بس أجة ولد. دخل المطبخ، باوع علي وفتح عيونه. علي: ولج شنو هاذه الجمال؟ خره بشرفجج، منو انتي؟ نور: علي مو عيب هيج تحجي؟ خزيتنه. ماشايف بنات؟ علي: ولج انتن بنات، وهيه بنت. خنزرته وردفت بحدة: وهج: تأدب، لا اجي أكسر راسك. علي: مداج عبالي عاقلة، طلعتي ام لسان. ابتسمت وردفت: وهج: أي، دير بالك مني. علي: شلونج ست وهج؟ وهج: الحمد لله، ابن عمي العزيز. نور: يلا أمشي نصعد وهج.

صعدت وياها. باوعت على البنات كلهن يباوعن علي وابتسمن. راحن قربن الجربايات وحدة من الثانية. كل وحدة شالت مخدة وصرنا وحدة تضرب بالثانية. متت أضحك عليهن. حرفيآ، خلصنا لعب وتمددنه على جربايات ونمنه من التعب. كعدت وره فترة، باوعت على الغرفة مابيها أحد. فارغة. تذكرت دمار. ياترى شلونه هسه؟ معقولة مشتاقلي لو ممهتم لوجودي بحياته؟ دخلت نور، باوعت عليه. نور: كومي ولج، الساعة 5. شنو من نوم هاذه؟ وهج: متعودة. ليش ما كعدتيني؟

نور: أمي كالت خطية، خليها نايمة. وهج: كلج أريد غير ملابسي. نور: يلا تعالي، أطيج من ملابسي وسبحي. كمت وياها، دخلت سبحت. شوية وجت جابتلي تراك أسود، لبست وطلعت أمشط شعري. نور: خلي إني أمشط شعرج حبابة. وهج: ياريت والله، لان مابيه حيل. ضحكت وجت تمشط شعري وتسوالف. يابي شكد حبيتها. دوم ضحكتها على وجهها. كملت تمشيط شعري ونزلنه اثنينه سوه. طلعنا الحديقة، جان بس بيبي والبنات موجودات. ماكو عمامي. رتاحيت. وهج: هلوو، شلونج بيبي؟

الحجية: يمه، شلون تريديني ما أصير زينة وإني أشوف هاذه وجهج الحلو. ابتسمت ورحت كعدت يمها. وهج: بيبي، عادي أسألج سؤال؟ الحجية: كولي يمه. وهج: ليش تبريتو من بابا بس لأن تزوج ماما؟

الحجية: اخ مراد جان عنيد وما يسوي بس البراسه. من جان بالجامعة تعرف على أمج. أبوج جان كلش يغار على أمج لدرجة من كملت دراسة ما خلاها تتوضف، وهيه جان عادي عدها هم شي تبقى وياه. أبوچ جانو واحد يحب الثاني، حبهم جبير. جان دائمًا يكول ما يفركنا إلا الموت. بس شوفي الله سبحانه وتعالى أخذهن سويه حتى ما يتعذبون. بيوم، أجة أبوچ حجى وياه جدج، الله يرحمه.

كال: أريد أخطب نور. حنى جنا نعرفها لان اجت وياه أبوچ علينا مرة. جدج، الله يرحمه، ما قبل بهاذه الزواج. كال: هاي ماتدخل بيتي. بس مراد عاند وراح أزوجها بدون محد يدري. جابها وجة للبيت. من كال لجدج إني تزوجت، جدج تخبل وطرده من البيت وتبره منه بساعة غضب. خسرت وليدي طول العمر. عاد أبوچ أخذ أمج نور وطلع وما همه شي، هم شي أخذها. وهج: معقولة بابا ما أجة حتى يشوفج أبد؟

الحجية: لا، يجي بدون ما جدج يدري. وآخر مرة شفته قبل لا يموت بشهر. جان كل ما أشوفه يحجي عنج وشكد هوه يحبج ويخاف عليج. اخخ الله يرحمك يمه. وهج: لعد جدو شوكت مات؟ الحجية: ورا موت أهلج بشكم شهر. باوعت عليه بيبي وابتسمت: الحجية: ليش تبجين بنيتي؟ ماريد أشوف دموعج على خدج. وهج: مشتاقتلهم بيبي. الحجية: الله يرحمهم يمه. نور: اوييي وهج، كافي أبجي. شبيج؟ وهج: شو كاعدة انتي؟ إني جوعانة، كومي سويلي أكل.

الحجية: سودة عليه الفرخة جوعانة، كومي سوي لها أكل. نور: أي والله، إني هم جعت. راح أسوي وأكل وياج. ابتسمت وهزيت راسي. عفيه شكد تاكل، بس ممبين عليها. وهج: بيبي، ليش كو خرفان هناك؟ الحجية: ذوله علمود سلامتج يمه، باجر مسوين عزيمة. وهج: أريد أشوف عماتي بيبي. الحجية: إن شاء الله باجر يجن يبعد عمري.

جت نور جابت أكل وكعدنا ناكل وبيبي تسوالف ويانه. مر الوقت بسرعة لليل. إني صعدت فوك، ما أريد أسمع أحد يحجي عن أهلي شي. دخلت للغرفة. شوي وجن البنات وام حسين، أيدينها هواي أكياس. وهج: شنو هاي خالة؟ أم حسين: خالة ولج، شنو كولي عمه. وهج: طيب عمه. نور: ولج العصر راحت ماما حتى تشتريلنه فساتين لباجر. شرار: يلا عمه، خلي نشوفهن. تحمست. باوعت عليه وردفت: أم حسين: يمه شوكت تلبسين الأسود؟ مو زين وإنتي بعدج طفلة.

وهج: لا عمه، مانزعه. اعذريني. أم حسين: يمه، حتى لو تلبسينه طول العمر ماراح يرجع شي. ليش هيج تسوين بعمرج؟ وهج: ماكدر عمه، من زور قبورهم، وعد. نزعه بس إني لحد هسه ما زرتهم. نور: هاي أمي جايبة فستان، صحيح قصير بس أسود. أم حسين: أي يمه، ماعندج عذر هسه.

ابتسمت وهزيت راسي. كل وحدة من البنات جربت فستانها. شغلنا فيلم وكعدنا ناكل ونباوع. صارت الساعة 11. كل وحدة راحت نامت لأن باجر العزيمة. إني ما جان يجيني نوم. نزلت جوه بالحديقة. كعدت وذكرت أيامي وياه دمار. مشتاقتله. الثور؟ بس ليش هيج سوى؟ ليش جذب عليه؟ فزيت من أفكاري على صوت وراي. باوعت شفت زين. زين: ليش كاعدة لحد هسه؟ بيش شي؟ وهج: لا مابيه شي، بس مجاييني نوم. زين: دورت عليج فوك بغرفت البنات، بس نور كالت أنو طلعتي بره.

وهج: امم، ليش؟ شتريد مني؟ محتاج شي؟ زين: دمار يريد يحجي وياج. ألف مرة اتصل. كلبي نبض. باوعت على زين. وهج: ليش؟ بي شي دمار؟ زين: أضحك وردف: على كيفج يابه، راح يوكف كلبج. شبيج؟ نطيتي، مابي شي، بس يريد يحجي وياج. دنكت راسي وهمست: وهج: ماريد أحجي وياه. زين: اسمعي وهج، لاتحكمين عليه بهل سرعة. وهج: ماعندي كلام وياه، اخلص، هوه ساعدني وهاي هي. ماله داعي أحجي وياه بعد.

زين: ماشي، بس هاي الجهاز هنا. إذا تراجعتي عن كلامج، احجي وياه. من تخلصين من الاتصال، خلي الجهاز بالصالة. هزيت راسي، وهوه خلة الجهاز وراح. ماعرف أحجي وياه وأفهم ليش هيج سوى؟ لو أنسه وأعيش حياتي؟ مر وقت طويل واني كاعدة وباوع بالفراغ وعقلي مشوش. فزيت على رنة الجهاز. رفعت الجهاز، شفت رقم دمار. أخذت نفس وفتحت الاتصال. مر شويت وقت وإحنا ساكتين، بس صوت أنفاسنا تنسمع. أردف بصوت هادئ: وهج: إني.. دمار: ما رديت، بقيت ساكتة.

دمار: اسمعيني صوتج بنيتي. وهج: دمار. دمار: روح دمار، انتي وهج. وهج: شتريد مني دمار؟ ليش هيج تسوين؟ دمار: وهج، ادري إني غلطان، بس والله ما جنت أريد أحد ياخذج مني. وهجي، انتي حياتي كلها. وهج: بس مجان لازم هيج تسوي. سنة كاملة وإنت حارمني منهم. دمار: أريدج بس الي، وهج، أريدج دوم كدامي. إني ماسوي شي بدونج.

وهج: مو أمهم. هذا الكلام هسه، انته عيش حياتك، وإني هم راح أعيش حياتي. مانكر أنو ساعدتني هواي وشكرك، بس هاي هي. كل واحد رجع لحياته. إني يم عمامي، وإنت لأهلك. دمار: انتي أهلي، وهج، شسوي بحياتي إذا مو انتي بيها؟ وهج: ما يفيد هذا الكلام بعد. راح أكمل حياتي بدونك. وصدكني ما أحقد عليك، بس لهنا وبس، وأتمنى ما أتصل بعد. دمار: انتيييي، شقاعد تمضرط**؟ عبالج هسه من انتي بعيدة مراح كدر أجي عليج؟

يابه قسم بالله بس تعيدين هذا الكلام، أجي وسحلج من شعرج. وهج: ابقى انته، بس أهدد مثل الثور. دمار: إني ثور؟ وهج، بسيطة، شوفين شراح أسوي بيج. عود كولي ثور. وهج: اويي اسكت يمعود، مالي خلكك. انته تريد مشاكل؟ حلو، يعني إني أدور مشاكل؟ شوفي شراح يصير بيج. وهجي، والله لشوفين وجهي الثاني، وهسه روحي نطمر. دمار كال هيج وسد الاتصال أبوجهي. مداك يا ثور. على شنو تزعل؟ هوه انته ثور. طاح حظك. باوعت وراي شفت زين، باوع علي وابتسم.

زين: ثور مو؟ أضحكت ودنكت راسي من الخجل. رحت قريب منه ونطيته الجهاز. وهج: لاترد علي بعد، إذا أتصل، خلي يولي. زين: ماشي، يلا دخلي جوه نامي، تأخر الوقت. هزيت راسي ودخلت للبيت. صعدت فوك، إني فرحانة. رحت تمددت يم نور، من الفشلة الي بيه، بقيت أحضن بـ نور. باوعت عليه بنعس وردفت: نور: تره إني نور مو دمار. عيوني. أضحكت وضربتها على راسها. فتحت أيدينها ونمت بحضنها. كعدت الصبح عليهن، وهنه يسولفن. فركت عيوني وباوعت على ساعة 9.

وهج: شبيجن من الصبح؟ تبارك: يا صبح هاذه؟ كومي بسرعة، ما ظل وقت. وهج: شكاعد تسوين انتي؟ تبارك: ماشايفين كاعد ازين شواربي. أضحكت وكمت دخلت للحمام، غسلت وطلعت. كعدت يمهن. شوي وجت نور بيدها صينية ريوك. نور: يلا تعالي وهج تريكي. وهج: ليش؟ وانتن شنو متريكات؟ نور: أي والله تريكنه، بس هم جعت. تعالي ناكل سوه. ابتسمت ورحت كعدت يمها ناكل ونسوالف. كامت شالت الصينية وراحت للمطبخ. رحت وراها، وكفت تغسل بالمواعين.

وهج: نور، شو مرت زين ماكو؟ ماشفتها. نور: راحت ؏ــ اهلها، بعد شوية تجي. وهج: ماشي، عماتي ماجن؟ نور: لا بعدهن. يلا تعالي كملت، خلي نروح نجهز. هزيت راسي وطلعت وياها. رحنا للغرفة، طلعنا الفساتين ولبسنه. رادت تخليلي مكياج، ما قبلت، بس خلت حمرة وسشورت شعري وخليته مفتوح. طلعت كذلة. كملت وكعدت أنتظرهن. دخلت أم حسين، باوعت علينا وأصلي على محمد. باوعت علي وابتسمت. أم حسين: شنو هاذه الجمال يمه؟ عين النبي تحرسج. باوعت على شعري:

أم حسين: يمه، ينحسد شعرج، لاتخلي مفتوح. وهج: شلون أشده لعد عمه؟ أم حسين: شدي فوك بنيتي، والله أخاف عليج من عيون النسوان. وهج: ماشي عمه. طلعت عمتي، واني شلت شعري كباية، بس خليت كذلتي طالعة. نور: يلا كملت، تعالي ننزل. شرار: انتظري شويه حبابة، نطلع سوه. وهج: يلا، أنتظرجن، بس استعجلن. كعدت نور يمي وهيه تكص صور: نور: تعالي ناخذ صور وهج. وهج: لا ماريد فدوه. نور: لاتخافين، هاذه جهازي، محد راح يفتحه.

هزيت راسي وكعدنه ناخذ صور ونضحك. شوي وكملن البنات ونزلنه سوه. دخلنا للصالة ونسلم على نسوان وكلهن يسألن: هيه هاي بنت مراد؟ رحت على بيبي، شافتني شرتلي، كعد يمها. الحجية: يمه، ليش هيج لابسة؟ لا يحسدونج، نوب لابسة أسود. وهج: شبيج بيبي؟ ما يصير بيه شي. الحجية: كعدي يالفاهية. بقيت كاعدة يم بيبي. شوي ودخلن عماتي، هن شافني وصارن يبجن. جن اثنينهن وأحضنني. ندى: يمه بنت الغالي انتي، يبعد روحي. وردة: وين جانت؟ وين صارت؟

جنتي بعدج صغيرة. آخر مرة من شفناج. أسلمت عليهن وكعدني بينهن. كل شوية وحدة تبوسني لو أحضنني. شوي وشرتلي نور، طلع. عفتهن ورحت على نور بالمطبخ. نور: وين وليتي؟ لزكتي شنو؟ وهج: شكو؟ شبيج؟ شتريدين؟ تبارك: أي عيني، طبيعي، باعتنه وين شايفه؟ كل شويه وحد يبوسها، باعي وجها شلون صار أحمر. نور: سكتن كافي. تعالي وهج، نحضر الستكاين الجاي.

رحت يمها وبدينا نحظر. صبين جايات، وجة زين أخذ للزلم وطلع. ونور أخذت للنسوان. رجعنا كعدنا بالمطبخ ونسوالف. أجن هواي بنات، بس ما عرف ولا وحدة بيهم. مر وقت وبدو يحضرون الغدة. جابو طباخ يسوي الغدة، وحنى رحنا كعدنا يم النسوان بالصالة. ندى: وهج، شكد عمرج حبيبتي؟ وهج: ؏ 16 راح يصير. ندى: العمر كله يبعد كلبي.

بقيت كاعدة يم بيبي. شوي وسكبو الغدة. رحت للمطبخ، نقل وياهن الأكل وكملنا. راحو الناس، وبقو بس الأهل كاعدين بالصالة. جنت كاعدة أنظف بالمطبخ وياهن. جت أم جاسم، باوعت علي وردفت: أم جاسم: هاج، اخذي ذوله المناشف وصعديهن للغرفة مالت جاسم. هزيت راسي وخذتهن من عدها. ما أريد مشاكل. صعدت فوك، فتحت باب غرفته، خليتهن بالكنتور. ما حسيت إلا على أيدي على خصري. فزيت وباوعت وراي. وهج: وخر، شكاعد تسوي انته؟ ماتستحي؟

جاسم: اخخ الله، باعي الجسم لو الخصر. حاولت أبعد نفسي من خصره، بس ماكو. لزمني قوي، خلى أيدي على أحلكي وثانية على خصري. ريده بس يوخر، ماكو. صرت أحرك نفسي بعشوائية، بس ما يفيد. ميّل راسه علي وخلى راسه بركبتي. تخبلت، صرت أدفع بي، مايوخر. رفعت رجلي وضربته ؏ــ منطقة الحساسة، تركني وصار يغلط ويسب بيه. عفته وجيت أطلع من الغرفة. بس لزم أيدي ودفعني ؏ــ جرباية. باوع علي وضحك: جاسم: اليوم ستفرد بيج، ما طول الكل مشغولين.

نام علي وخلى إيده ؏ــ أحلكي قوي حتى ما يطلع صوتي. ما حسيت إلا نفتح الباب ودخلوا كلهم. وخر من فوقي وأني أبجي وأشهك. أجت نور أحضنتني وتحاول تهدئني. أبو حسين: انتههه شلوننن هيجج تسويي وياه بنت عمككك؟ جاسم: إني ماعليه، هيه كالت إنّي موافقة، سوي وياك علاقة. أبو جاسم: مو كتلكم مامتربية؟ كحب** على أمها. الحجية: شلون تتهم بنت عمك؟ ماتخاف تطلع بعرضك؟ الله لا يوفقك إن شاء الله. أم جاسم: ابني شعلي؟ هيه شسوي؟ داخلة لغرفته؟

هيه تدور ولد. أجى أبو حسين عليه وردف: أبو حسين: أحجي بويه، دافعي عن نفسج، ليش دخلتي غرفته؟ أبجي وأشهك، أحس كلبي راح يوكف. وهج: والله عمو، عمتي كالت روحي خلي المناشف بالغرفة، ما حسيت بي اله هوه وراي. أبو حسين: ليش ما صرختي بنيتي؟ وهج: والله عمو، ما كدرت، هوه مخلي إيده على أحلكي. مارد، دنك راسه وكعد ؏ــ جرباية. جاسم: عمي والله هيه كالت تعال، أريدك. أبو جاسم: كافي وهج، راح يعقد عليها جاسم، وانتهى الموضوع.

أم جاسم: شنو ابني يزوج هاي الكح**؟ الحجية: الله لا يوفقكم، عساه حوبتها تطلع بيكم. وهج: شنو؟ انتم بكيفكم؟ لو تطلع نخلة بروسكم، ما أتزوج هاذه. أجى علي أبو جاسم وأضربني راشدي. لزمت خدي بصدمة. أبو حسين: كول يالله، يمعود، شلون ترفع أيدك عليها. أبو جاسم: كلامييي ما يصيرر اثنين. وهج تزوج جاسم وبليل نجيب السيد.

كال هاذه الكلام وطلع. الكل بقى يباوع علي بشفقة. ما حبيت أحد هيج يباوعلي. كعدت بالكاع وصرت أشهك من البجي. أجة زين، باوع علي، وخرت نور. هوه أحضني ويحاول يهدئني. جاسم: وخررر، زين راح تصير مرتي، لاتحط عينك عليها. زين: جاسم ومحمد، إذا ماتطلععع منها، أدوس على راسك، وإنت مصدك راح أخليك تزوجها؟ لو تطلع نخلة براسك، حلم بليس بجنة. جاسم: ليش تريدها انته؟ كول. وخرني زين من أحضنه، وراح علي وصار يضرب أبوجها، أبوكسيات، وين اليوجعك؟

بقيت كاعدة وأبجي. أجن البنات كعدن يمي، وزين طلع جاسم بره الغرفة وراح. نور: كافي تبجين يروحي. شرار: وهج، صدك كلام جاسم؟ وهج: والله أمج كالت روحي للغرفة مالته. ما جنت أدري هوه راح يجي وراي. نار: لاتبجين، مصدكينج يعمري. أدري بخوي نذل، مو بس إنتي حاط عينه عليج. تخيلي، حتى أخواته، وهم حاط عينه علينا. وهج: معقولة إني أزوج هاذه البريعصي؟ ما كدرن البنات يلزم ضحكتهن، أضحكت وياهن.

وهج: إني راح أرجع لبيت أهلي، مستحيل قبل تزوج هاذه. نور: شلون تعيشين وحدج؟ منو يصرف عليج؟ وهج: تره جنت عايشة وحدي قبل لا اجي هنا. بعدين بابا جان عنده فلوس وحالتنا المادية زينة، وحتى ماما عدها هواي ذهب، أكدر أبيعه منه وأعيش. ممحتاجة أحد الحمد لله. تبارك: الله، خلي روح وياج لعد. نور: يلا كافي، كومي نطلع من هاي الغرفة.

هزيت راسي وكمت وياها. رحنا لغرفتنا، كعدنا. ماعرف شلون أصرف، محتارة. حتى إذا رجعت لبيت أهلي، همه أكيد يعرفون مكانه، راح يرجعوني ويزوجوني منه غصب. ربي رحمتكم، والله تعبت. تتمددت على جرباية، أغمضت عيوني ونمت من التعب. كعدت على شخص يدز بيه. فتحت عيوني. وهج: شكو؟ شبيج نور؟ نور: كومي بسرعة، زين يريد يحجي وياج. باوعت للساعة 8 بليل. عفيه شكد نايمة. كمت غسلت وجهي ونزلت. دورت البيت كله، بس ماكو زين. وهج: وينه زين؟

مو تكولين يريد يحجي وياج؟ نور: ماعرف، روحي شوفي بالحديقة. هزيت راسي وطلعت للحديقة، أدور علي. ما حسيت إلا على واحد يخلي إيده ؏ــ أحلكي. درت وجهي علي، فتحت عيوني بصدمة. وخرت إيده من أحلكي. وهج: مستحيل. انته شسوي هنا؟ يثور، تريد تفضحنه؟ دمار: اششش، ولا كلمة. أمشي بدون كلام زايد. رجع حط إيده على أحلكي وثانية على خصري ويمشي بيه. طلعني من البيت واني أحاول أوخر إيده. فتح باب السيارة وشمرني بيها وراح صعد. وهج: شبيك دمار؟

لا عمامي يشوفونه. شكاعد تسويي؟ أرجعني للبيت، عاط بيه وردف بحدّة: دمار: تريدينننن تزوجينن مو؟ سهلا. اصبرييي. وهج: شكاعد تحجي؟ انته يازواج؟ أغبي، إني أضحك عليهه؟ والله تحلميننن تتزوجينه. وهج: أزوج منو؟ دمار، فدوه رجعني. دمار: مارد، يهز راسه بتوعد. رجع صار يمشي بالسيارة سريع. وكفنا كدام بيت صغير. باوعت علي وردفت: وهج: هاذه بيت منو؟ وشنسوي هنا؟ باوع علي وردف: دمار: هاذه بيت السيد، الراح يعقد النه إني وياج. _يتبع: