رواية وهج الدمار الفصل الرابع عشر 14 - بقلم ريو الطائي

شوي وسمعت عياط. صوت عمامي وبارز من بينهم صوت عمي أبو جاسم. باوع عليه دمار وحجه: "صاير شنو هاذه الصوت؟ باوعت عليه وكمت من الجرباية. وهو كام لبس بلوزة بسرعة ونزل جوه. واني نزلت وراه بسرعة. جان الصوت جاي من المضيف. دخل دمار واني بقيت واكفة بالباب وجسمي يرجف من الخوف. ليش جاين؟ شنو يريدوا من عدنه؟ فتحت الباب ودخلت. جان موجود عمامي كلهم، أبو حسين وأبو جاسم وزين وجاسم. "شصاير؟ ليش جاين هسه؟

أبو جاسم: "جينا ناخذ بنتنا ونروح." الحجي: "أستهدي برحمانك، شنو تاخذها وهيه صارت مرت دمار." أبو حسين: "هاذه الحجي ما يمشي ويانه، وهج ماراح تبقى هنا." "انتووو شنوو؟ تره هيه مرتي، مستحيل أخليها تروح." زين: "هيه ماتريدك لو تعرف انته شمسوي." راح دمار يريد يضرب زين بس لزمه عمر. وهو أعصابي وعيط يريد بس يوصل يمه. "وهججج ماتطلع منه لو شما تحجووون." باوع عليه شافني موجودة. عاط بيه بصوت عالي: "صعديييي للغرفة يلا."

جيت روح بس زين لزم إيدي. باوع عليه وحجه بحده: زين: "ماراح تبقين هنا وهججج." "وخرررر إيدك منهاااا لا أكسرهاا ومحمد." ما وخر إيده ودمار تخبل يريد بس يعوفونه حتى يجي يكتله. باوعت على زين. وهج: "عوف إيدي شبيك." فرك وجهه وحجه بنتر: زين: "امشيي وهج لاتبقين هنا وياه هاذه المريض." "عوفهااااا زيييين لاتخليييي راسك براسي وربك أندمك." أبو جاسم: "مو أخذتنا بصوتك العالي، هسه تطلكها وهاهي." "شنووو انتو شتحجون؟

لو تصير نخلة بروسكم وهج ماتطلع من البيت." ما حجيت ولا كلمة، ماعرف ليش هيج يسون. عمو أبو حسين مجان عنده مشكلة، حتى زين هوه الشردني وياه، ليش هسه هيج تغيرو؟ باوعت على عمو أبو حسين وحجيت. وهج: "ليش تريدون روح وياكم؟ كدر أعرف صاير." سكتو كلهم ولا كأنو جانو يعيطون. دمار راح كعد على الكرويته وشرب جكاير وعيونه ناطة من العصبية. وهج: "احجو شبيكم." غير الموضوع عمي أبو جاسم: "يلا وهج جيبي غراضج وتعالي نروح."

"لاتخليني، جاوز عليك، كلت وهج ماتطلع يعني ماتطلع." أبو حسين: "تروح ويانه وهج، وذا ماخليتها تروح راح نحجي لها شسويت." "لوو شما تسويي ماخليها تروححح." تقربت من عمي أبو حسين وحجيت. وهج: "احجي عمو شضامين عليه." "ماكو شي وهج، يلا طلعيي منه." زين: "لا ماتروح، وهسه راح تعرف شصاير." باوع عليه دمار ودنك راسه وحجه. "وهج لاتصدكين كلامهم، مو بقصدي صار هيج." أبو جاسم: "شنو هوه المو بقصدك؟ موتت أهلها ومو بقصدك."

الكل باوع على دمار والوضع صار هدوء. تقربت منه واني جسمي يرجف. "لا ياربي لاتخليني بهيج موقف. معقوله اني عايشة وياه الموت أهلي ومن ورا خسرت أغلا شي عندي وبحياتي." لزمت إيده وحجيت الدموع بعيوني. وهج: "شنو هاذه الحجي دمار." مارد، بقى مدنك راسه. وعمر وسجاد ينتظرون جوابه، عكس عمامي الجانو بس يباوعن عليه بكره. لزمت كتفه وحجيت بصوت بي أغصه. وهج: "احجييي دمار، كوللل جذب كلامهمم فدوه احجي."

"لاتسوي بيه هيج، كوم رفع راسك وجاوب، انته ماتسوي هيج، اعرفك." "احجيييييي دمارررر." رفع راسه وعيونه حمر وبيهن دموع. "صدكيني الصار مو بيدي، السياراتكم طلعت كدامي." "من الصدمة بقيت هادء وباوعت عليه. أحس جسمي بعد ما يعيني." كعدت بالكاع واني أحس بشعور غريب. كل هاذه الوقت واني ماعرف الحقيقة. باوعت عليه وحجيت بصوت عالي. وهج: "ليييششش هيج سويتتت؟ بشنو مذينك أهلييي؟ ماتخاف الله؟ انرفعت راسي اله وحجيت. وهج: "ليش هيج دمار؟

اعتبرتك كل أهلي." رفعت أديناتي وضربت على وجهي حيل وعيطت عليه. وهج: "ليشششششش ضحكت عليه دماررر؟ مامذيتك ليش تجذب؟ روح ربي يطلع حوبتي بعزيز كلبك." جى عليه بسرعة وأحضني واني أضرب بصدره. أريد بس يوخر مني. وهج: "وخرررر منييييي، لاتلزمنيييي حيواننن." لزمني زين من إيدي وكفني ودفع دمار مني. زين: "وخرر من عدها، ماجنت أعرف حقيقتكم، اتوقعت تطلع هيج قذر." لزمه دمار من ركبته وخنكه وكز على سنونه. "انته لاتدخلل، لا أطلع روحككك."

كاموا بسرعة ويحاولون يفكّون دمار منه. كمت وكفت واني ممتلكتني الرجفه. لزت إيده. باوع عليه. وخر من زين. لزم إيدي وحجه بصوت هادء. "وهج والله ماردت يصير هيج، بس الصار قدر، ومستحيل أني أذي شخص من لاتحبيهم انت." وخرت إيده مني واني أضحك بستهزاء. وهج: "كلشي توقعت منك دمار، مو انته نفسك؟ لاا كلت عمامج مايريدونك." "وهج صدك أني ماخليتج تروحين لعمامج، بس والله أني ماعليه بموت أهلج، الله الكاتب هيج يصير."

اجى عمي أبو حسين وسحبني من دمار. "ماله داعي تبرر، وهسه تطلكها ومانريد نشوف وجهك." باوع عليه دمار وحجه. "وهج." خليت إيدي كدامه وحجيت واني دموعي تنزل. وهج: "طلكني دمار، الله لايوفقني، شلون أرجع أثق بيك؟ "ماطلك، شتسويين لو تطلع نخلة براسج، وهج خلي نتفاهم." أبو جاسم: "خلي نروح هسه ويصير خير." باوع عليه وحجه. "روحي جيبي ملابسج." هزيت راسي بــ أي وكمت وشهكت من البجي. "كل ما حول أثق بي انكسر، ليش هيج حظي؟

"ياربي امسح دموعي وصعدت فوك لميت ملابسي ولابست جبه فوك التراك وكمت أريد أطلع دخل دمار." باوعت عليه واني عيوني تجدح نار. عفته أريد أطلع، لزم إيدي وعيوني بعيونه. "وهج اسمعيني، لاهيج تسوين." وخرت إيده واني أبتسم بستهزاء. وهج: "لا عبالك تضحك عليه مرة ثانية." امسح على وجهه وحجه. "ليش ماتسمعين مني؟ لاتسرعين وهج." وهج: "دمار طلكني لأن ما أريد أشوف وجهك. من شفتك خسرت كل شخص أحبه." لزم إيدي قوي وحجه بحده.

"أدري أني غلطان، بس مال طلكج تحلمين." وخرت إيده مني وعفته وفتحت الباب. ما حس إلا أحضني من وره. راسه صار أبركبتي. مانطيت رد فعل. شوي وأحس شي حار صار على أركبتي. درت وجهي عليه. وخر راسه. باوعت عليه. عيونه كلهن دموع وشعره نازل على وجهه. قابلته بنظرات باردة وبتسامة جانبية. عفته ونزلت. وصلت لنص الدرج. خليت أديناتي على حلكي وأبجي بكتمة. جسمي ما يعيني. تحرك. خليت إيدي على بايات الدرج وسندت نفسي ونزلت من الدرج.

امسحت ودخلت للمضيف. باوع عليه عمو أبو حسين وكام وحجه. "يلا بابا امشي." هزيت راسي بــ أي. أجى زين أخذ الجنطة مال ملابس وطلع. واني لزمت إيد عمو أبو حسين ومشيت وياه ودموعي تنزل. باوع عليه وحجه. أبو حسين: "كافي بنيتي لاتبجين." مارديت. صعدنه بسيارة واني ساكته. خليت راسي على جام وأبجي بهدوء. شوي وحجه. أبو جاسم: "اشش لاتبجين. محد كالج تقبلين بي. هسه انتي مزوجة جتال أهلج."

جابو حسين: "وهج ماتدري هوه الكتل أهلها لو تدري ماتزوجه." باوع عليه زين وبتسم. زين: "هسه وهوجه راح تبقى يمّنا مو أمهم؟ هاذه الكلام بعد." سكتت مارديت. وصلنا للبيت وكف السيارة. نزلت. لزم إيدي عمو أبو حسين ودخلنه. جان بيبي موجودة بصالة. عفت أيد عمو ورحت عليها ركض واحضنها وأبجي. وهج: "بيبي والله مامصدكة عايشة وياه الشخص الكتل أهلي. ليش تجذب عليه؟ شسويت اني وياه وهيج يجازيني؟ فدوه بيبي احجي." "لاتبجين يمه شمدريج انتي؟

الله لايوفقه الحرمني من وليدي." كمت باوعت عليه بيبي واني أحس الدنيا تفتر بيه. أغمضت عيوني وبعد ما حسيت على شي. كعدت وره فترة. باوعت حوالي. هاي غرفت البنات. ردت أحرك إيدي ماكدر. باوعت عليها نور لزمتها وغافيه عليها. ابتسمت على شكلها. سحبت إيدي منها بهدوء بس فزت. باوعت عليه وحضنتني بسرعة. نور: "ولج اخفت عليج يروحي." وهج: "مايصير عليه شي عار وداعتج." وخرت من أحضني وضربتي على راسي بخفة.

نور: "انچبي غير موت وراج ولج والله مشتاقلج هواي." باوعت عليها وابتسمت. وهج: "واني هم يروحي." نور: "وهج صدك دمار هوه الكتل أهلج؟ نزلت راسي وحجيت. وهج: "لا تجيبين اسمه على لسانج، خلي يولي." نور: "ماشي، تجين ننزل جوه؟ وهج: "لا اريد ابقى هنا. إذا تحبين تروحين عادي." نور: "لا راح ابقى يمج. ضوجه كلش على الأقل أحجي وياج." هزيت راسي بــ أي وسكتت. هيه بقت كاعدة يمي. شوية وصاحولها وراحت. خليت راسي بالمخده وعطت بصوت مخنوك.

ذكرت كل لحظة لنا سوى، شلون جان يتعامل وياي؟ كلامه، شقه، غيرته، حنينه. معقوله كلها جذب؟ "كافي وهج لاتهتمين، الله ياخذ حقج منه." كمت من الجرباية واني جسمي تعبان، مابيه أتحرك. أحس بخمول مو طبيعي. دخلت للحمام نزعت ملابسي وبقيت جوه المي. دموعي تنزل. امسح على وجهي وتنهدت. لفيت المنشفه على جسمي وطلعت. لبست ملابس، لميت شعري وخليته. مالي طاقة أمشطه. رحت تمددت على جرباية. باوعت على جهازي يرن. مديت إيدي وخذته. باوعت على اسم.

دمار. رفضت المكالمة وغلقت الجهاز. تغطيت وغمضت عيوني. ماريد أبجي، كافي وهج محد يستاهل دموعج. شوي ونمت. كعدت وره فترة. باوعت على ساعة 9 بليل. هاي شكد نايمة؟ كمت غسلت وجهي وخذت جهازي ونزلت. جان الكل كاعد يتعشون. باوعو عليه وهما خايفين من سكوتي. وهج: "مساء الخير." الكل: "مساء النور." بيبي: "تعالي يمه كعدي يمي أكلي. سودة عليه وجهج أصفر." ابتسمت ورحت كعدت يمها. وهيه تجيب وتخلي كدامي. ذكرت دمار ما ياكل اله يشبع.

اني مسحت على وجهي وحاول مابجي كدامهم. زين: "أكلي وهج ليش ماتاكلين." باوعت عليه وحجيت. وهج: "ماجوعانة." بيبي: "سودة عليه ماتشوفون صاير بحالها. الله لايوفقك البالي." زفرت نفس أبغضب. ماريد أحد يحجي علي لو يغلط، غيري بس أني يحقلي هيج أسوي. ولو أكل. كمت أريد أنظف وياهن. لزمت إيدي بيبي. باوعت عليها. "كعدي يمه هنه ينقلن الأكل للمطبخ بنيتي." وهج: "لا بيبي روح ساعدهن خطية." "من تكملين تعالي لغرفتي ريد أحجي وياج بموضوع."

هزيت راسي بــ أي وكمت وياهن نقلت الأكل. كعدنه نغسل مواعين اني ونور ونسوالف. نور: "بيبي شتريد منج وهج؟ ماعرف حتى شوفي إيدي شلون ترجف. عبالك راح تموتني." أضحكنه ورجعنا نكمل المواعين. أنضفنه المطبخ. جيت روح على بيبي بس نور لزمت إيدي. باوعت عليها. وهج: "شبيج ولج ليش لازمة إيدي؟ نور: "حبابة خلي روح وياج شوف شنو تريد تحجي وياج." وهج: "وخرري انتي شعليجج بابا." لزمت إيدي قوي مانعتني أتحرك من مكاني. نور: "فدوه شبيج؟

أني هسه بس دخل تضربني بلعصة بس انتي ماتكول عليج. كولي اني كتلها تعالي." باوعت عليها صفح. وهج: "يلا امشي بعد أحسن مااريد نكتل وحدي." دخلنا اني وياها لغرفت بيبي. جانة كاعدة تسبح. سدينا الباب وكعدنه على جرباية كدامها. باوعت على نور وخزرتها. "طلعي بره نويره. لا أكسر راسج." وهج: "لا بيبي خليها عادي، احجي شنو تريدين تكولين." باوعت عليه ورجعت تسبح. شوي وحجت. "راح أحجي وياج بس لاتستحين بنيتي، بس ريد تتأكد."

باوعت عليها بستغراب وحجيت. وهج: "شنو بيبي؟ احجي." "يمه انتي ودمار مزوجين زواج كامل؟ وهج: "شلون يعني بيبي؟ "يعني انتي ودمار تنامون سووه." دنكت بسرعة أحس راح أموت من الخجل. هسه شيخلصني من كلام نور بعد. وهج: "اي بيبي نام سوه، هوه ماقبل نام وحدي، بس ليش هيج تحجين." نور: "ض بيبي عيب عليج شنو هاذه الكلام." لزمت العصة وتريد تضرب نور بس شردت وكفت يم الباب وتباوع عليه. بيبي ابتسمت على شكله. باوعت على بيبي شفتها تخزر بيه.

دنكت راسي. "يمه وهج قصد ماخذج دمار لو بعدج بنت؟ باوعت عليها وسكتت. استحي أحجي بهيج موضوع. دنكت راسي باوع على أديناتي. مدت بيبي إيدها على فكي ورفعت راسي وحجت. "لاتستحين يبعد بيبيتج، احجي يمه." وهج: "لا بيبي بعدني بنت." بيبي: "بس ليش تسألين؟ باوعت عليها وحجت. "أخفت أن صاير شي بينكم وانتي بعدج طفلة بسرعة تحملين، بس الحمدلله ما طول بعدج هسه تكدرين تطلكين منه وتخلصين." هزيت راسي بــ أي وحجيت.

وهج: "بيبي اني طالعة ترخص منج." "روحي يمه ارتاحي وماريد تفكرين بشي." تقربت منها وبوست راسها. وهج: "ماشي بيبي تدللين." عفتها وطلعت ونور صافنة. تقربت منها وحجيت. وهج: "شبيج ليش ساكتة؟ باوعت عليه وحجيت بهمس. نور: "يعني صدك هسه انتي مزوجة؟ مارديت. مشيت كدامها على حديقة. أحس ضايقة بيه الدنيا. رحت تمشى بالحديقة والجو حلو يجنن بي نسمة برد. كعدت على مرجوحة واغمضت عيوني وتذكر أهلي. دمار.

شلون راح أكمل حياتي واني متزوجة الشخص الموت أهلي وحرمني منهم؟ بقيت وقت طويل واني كاعدة. فتحت جهازي باوعت على اتصالات هواي متصل علية دمار وسجاد. زينب دخلت على محادثة زينب وتصالت عليها. رن شوية ونفتح الاتصال بس مو صوت زينب. "الوو وهج." وهج: "هلو ممكن تنطي الجهاز زينب." "زينب دخلت لصالة الولادة، دعيله وهج خايف يصير عليها شي." وهج: "شكاعد تحجي انته؟ هيه مو بشهر السابع؟ "اي بس صار عدها مضاعفات. ماريد أخسر طفلي مرة ثانية."

تنهد ورجع حجه. "يلا ترخص وهج." جد التصال واني صافنة. ياربي لاتحرمها من طفلها مرة ثانية. أذكر شكد جانت فرحانة بطفلها الأول بس وكعدت من الدرج وصار عدها إجهاض. أنهارت من عرفت هيج صار بطفلها بس الله عوضها بطفل ثاني. ربي لاتفجعها. تنهدت بحسرة وكمت أريد أدخل للبيت. دك جهازي. باوعت على اسم. كلبي صار يدك توترت. جاوبت وشوف شنو يريد لو أرفض؟ رجعت كعدت. لزمت الجهاز حتاريت شسوي. امسح على وجهي وحس بحساس غريب.

فتحت الاتصال وبقيت ساكتة وهو هم ساكت. مر وقت واحنا بس صوت أنفاسنه ينسمع. تنهد تنهيدة تشك القلب وحجه. "وهجي ماكدر بدونج. ليش كل ما تجي فرصة تاتعوفيني بسرعة؟ تستغلينها لهدرجة ما طايقني؟ وهج: "اي كرهك ولو ابيدي موتك بيدي. دمار كافي ماريد تتصل بيه وتمنى تطلكني. عاجبج شخص مايريدك وانتة لازك بي. انتة مثل العلك كل ما أحاول أخلص منه ترجع تلزك بيه." "راح تندمين على هاذه كلامج وهج. صدكيني مو دمار الينحجي وياه هيج."

وهج: "هاذه العندي وشنو بتكد تسوي سوي مايهمني بعد. بس خسارة أخلص مرحلة من عمري واني عايشة وياك. الله يعلم بالكره البكلبي تجاهك دمار. وانته لو عندك شوي كرامة تطلكني وتخليني أعيش حياتي." أضحك وحجه بصوت بي حدة. "أخخ وهج، والله انتي تحلمين هواي. أصلًا أني ماريدج. واي جنت أضحك عليج بس حتى آخذ الريدة منج. وصدكيني طلاك ما أطلك اله آخذ الباليع." عطت بي بصوت. وهج: "انته شنو من بشر؟ ما كفاك السوته بيه؟

خسرتني أكثر شي أحبه بحياتي. بس مال تاخذ الباليع فأكلك تحلم." كلت هيج وسديت الاتصال بوجهها. امسح على وجهي وجسمي يرجف من كلامه. كل كلامه وحنيته ولمساته، كل شي صار بينا جذب. شلون هيج سويت؟ شلون وثقت بي؟ لو مسلمته نفسي وتالي عايفني؟ بس ما توقعته بهاذي الحقارة. دموعي تنزل بهدوء. أريد أزور أهلي وأشكيلهم أهمي وعاتبهم وفرغ أحزاني يمهم. رفعت رجلي من الكاع ورفعتهم وخليت راسي عليهن وأغمضت عيوني.

الاتصالات والمحادثات ما كفت من دمار. مديت إيدي واخذت الجهاز وقفلته. كمت رحت للمغاسل غسلت وجهي وصعدت فوك للغرفة. جانن البنات كاعدات يباوعن على فلم. باوعن عليه عفتهن وكعدت على جرباية. نور: "مجنة نريد نزعجج، حبينه نعوفج وحدج ترتاحين شويه وما صحنالج." وهج: "عادي يروحي جنت محتاجة وقت أبقى وحدي."

تبارك: "تعالي كعدي يمّني لاتضلين زعلانه. اخلص ونسي الصار وياج. وان شاء الله يطلكج وتكملين راستج وما تحتاجين أحد. بعدج صغيرة والحياة كدامج." نار: "اي والله صحيح كلامها. ولو هيه ماتعجبني سوالفها بس هسه أعجبتني." حركت شعرها بغرور تبارك. "الله يحفظني لجن وبقى دوم أنصحكن." أضحكن على كلامها وبصراحة اقتنعت. كمت كعدت يمهن بالكاع وتغطينه سويه بغطة واحد وناكل حلويات ونباوع ونعلق على كلامهم. أخلص الفلم الساعة 3.

كمت فرشت أسناني ورحت تمددت يم نور. باوعت عليه وابتسمت. نور: "وهج شكد أحبه وجودج بيناتنا. تدرين صار بيه من رحتي؟ معا أن ما أعرفج زين." ابتسمت وفتحت إيدها ونمت عليها وحضنته. وهج: "من أول ماشفتج حبيتج، حنينة مثل صديقتي مريم." نور: "لا مو خوش هيج، أريدج بس الي. ختولي مريم." أضحكت على كلامه لأنها تغار. وهج: "نور من اجى دمار وخذني هوه شدره راح يعقد عليه جاسم؟

نور: "زين إخابره بس ماكاله. راح تعقد على جاسم حتى لا دمار يسوي مشكلة. كله شخص ابن خالي تقدملها وهيه وافقت." وهج: "ليش هيج سوه زين؟ نور: "حتى يجي دمار بسرعة وينقذچ. من اجى كالي زين فأخليتج تطلعين للحديقة وطفيت الكمرات حتى محد يشوفكم." مارديت بقيت ساكتة. هوه مو لأن يحبني سوه هيج، بس هوه يريد كل شي اله واليريده ياخذه. تنهدت بحسرة واغمضت عيوني وجيت أنام. بس أذكرت زينب. كمت بسرعة. فزت نور. باوعت نور: "شكو شبيج وهج؟

وهج: "ماكو شي حياتي نامي." كمت بسرعة أخذت الجهاز وفتحته. تصالت على زينب. مر وقت ومحد رد. بقيت كاعدة كل شوية اتصال. بالأخير فتح الاتصال بسرعة حجيت. وهج: "الو زينب." "هلا بابا." وهج: "شيسوي جهاز زينب يمك؟ دمار شسالفه صاير شي على زينب؟ "لاتخافين مابيها شي والحمدلله جابت بسلامة. يوم لنا أني وياج وهجي." وهج: "مداك يالثور، عوف هاذه الكلام وكلي زينب وين وليش الجهاز مالته يمكم؟

"مابيها شي وصعدت لغرفتها ترتاح. بس مخليه الجهاز بالصالة. أخخ من بعد ما جنت أنام واني حاضنج هسه أنام على صوتج. شوفي شلون تغير حالنه وهجي." مارديت. سديت الاتصال أبوجها وخليت الجهاز على شحن ورحت نمت يم نور. بس خليت راسي على المخده رحت بالنوم كبل. كعدت الصبح على صوت تبارك وهيه تكعد بيه. رجعت أغمض عيوني ماريد أكوم. وهيه تعيط تريد بس أكوم. كمت تربعت وخازرتها. وهج: "شكو شبيج من الصبح؟ تبارك: "كومي باعي للساعة بيش؟

الساعة صارت." باوعت على الساعة 11 ورجعت باوعت له. وهج: "وذا بعد وقت." تبارك: "دكومي ولج عبالج تبقين نايمة مثل هناك. تعالي انضفي البيت ويانه." وهج: "لا والله عابت شعليه اني." أغمتني وطلعت. كمت غسلت وجهي ونزلت يم بيبي. وهج: "صباح الخير بيبي." "ياصباح هاذه؟ الدنيا ضهر خاتون." وهج: "شسوي بيبي تئخرت بالنومة امس." "امم فاكده أحضنه يمه." ابتسمت ورحت كعدت يمها أبوسها. وهج: "بعد نام من وقت حتى أكعد الصبح أساعدهن بشغل."

"ليش يمه انتي ماتصلين؟ وهج: "لا بيبي وريد ألزم صلاتي بعد." "أني كعدج يوميه الصبح اتصلين ويايه انتي جبيرة. أصغر منج وايصلن حرام عليج بنيتي." وهج: "إن شاء الله بعد راح ألزم صلاتي." "عفيه بنيتي، هسه روحي اتريكي وجهزي الغده وياه البنات." هزيت راسي وكمت دخلت للمطبخ. خليت الجاي على نار وطكيت أبيض وكعدت تريك ولعب بجهاز شوية. ودخلت نور. باوعت له. وهج: "وين جنتي ماشفتج؟

نور: "بره جنت أنظف الحديقة. أخاف أحد ما أحد يجي على كولت بيبي." أضحكت ورجعت أكل. كملت طفيت الجهاز وكمت غسلت المواعين. وأنضفنه المطبخ. باوعت له. وهج: "لعد مرت زين وين؟ نور: "قصدج انهار راحت تنوم بنته ماتسكت." وهج: "شراح نسوي غده؟ تئخر الوقت." نور: "تعالي نسوي تمن أحمر ومقبلات وهسه اخابر زين يجيب وياه سمج." وهج: "اي والله كلش مشتهيته." كمت وياه غسلت التمن وسويته وهيه تسوي مقبلات. مر وقت واحنا نطبخ ونسوالف.

كملنه كل شي وهيه راحت على أمها. واني صعدت فوك أسبح. دخلت للغرفة جهزت ملابسي. باوعت على جهازي يرن. زينب. ابتسمت ورديت. وهج: "الو زينب." "هلا يعمري." وهج: "شلونج ابنتج شلونها؟ "تمام وبنتي زينة مابيها شي الحمدلله." وهج: "شنو اسمها؟ "ملاك. دمار اسمها." وهج: "الله يحفظه لج ان شاء الله حياتي." "يبعد روحي انتي وهج." بقينى نسوالف شويه وبعدين سد الاتصال. ابتسمت على فرحته. أخذ ملابسي ودخلت للحمام اسبحت وطلعت.

أممشطت شعري وبقيت كاعدة على جهاز. شوي ودخلن البنات. نور: "عفية وهج نيالج اسبحتي. أني مابيه حيل أكوم." تبارك: "هوه انتي وصخة شوكت تسبحين." نور: "اي من هاذه شاربج الصاير أثخن من شارب زين." تبارك خلت إيده على شواربها تتحسسهن. "عزة والله ما صار هواي من سويتهن. صدك مثل شوارب زين صايرات." أضحكت على شكله. راح يجيب خيط جابته وكعدت تحف لنفسه. رحت كعدت يمها وأشوفه شلون تحف. شوي وطلعت نور من الحمام. باوعت له.

وهج: "كلج نور لعد البنات وين شرار ونار؟ نور: "راحن على أخوالهن باجر يجن يمكن. يلا كومن ننزل جوه نشوفهم اجو." وهج: "روحي انتي هسه نجي وراج." راحت هيه وتبارك. حفت وكملت ونزلت ورا نور. بقيت كاعدة بالغرفة ماريد أنزل. أكيد راح يفتحون نفس الموضوع مال دمار. أني شعليه إذا هوه مايطلكني. تمددت على جرباية وفكر شنو راح يسوي دمار. بس أطلك منه ماريد أبقى هنا بالبصرة. ريد أروح أعيش بغداد وما أخلي أحد يعرف مكاني. بس خلي أكمل مدرستي.

بس أول شي لازم أزور أهلي. أخذت جهاز وغسلت وجهي ونزلت جوه يمهم. الكل جاي من دوامه. رحت على عمي أبو حسين. باوع عليه وابتسم. وهج: "هلو عمو الله يساعدك." "هلا يبعد روييحتي شلونج بنيتي." وهج: "الحمدلله عمو." رحت كعدت يمه وبوسني ويحضن بيه ويمسح على شعري. شكد أحب سوالفه وحنيته عليه. ما يحسسني أن يحب بناته أكثر مني. بالعكس يحبني مثلهن. "بابا مرتاحة هنا؟ وهج: "اي عمو الحمدلله كلش فرحانة بوجودي هنا بينكم." باس راسي وحجه.

"فدوه لروحج بنت الغالي. روحي بنيتي ساعدي أخواتج بالغده." ابتسمت هزيت راسي وكمت رحت للمطبخ جهز وياهن الأكل. كملنا ونقلنا الأكل وجاسم يباوع عليه من جوه ليجوه حتى لحد ينتبه اله. ماهتميت. كملنا كعدنه ناكل سويه. شوي وحجه عمي أبو جاسم. "وهج اخابري هاذه زوجج خلي يجي يطلكج. ماتضلين هيج. هسه هم تجي قسمتج وتتزوجين." أبو حسين: "أخاف يسويه عناد وما يطلكه." بقيت ساكتة. هاذه أحسن حل طلك وشوف حياتي. بس ليش هيج أحزينة؟

وهج: "لاتفكرين بي ولاتنسين هوه الموت أهلج وحرمج منهم." باوعت عليه بيبي. أحس فهمت شنو يدور بعقلي. بس سكتت. كمت من الأكل نسدت نفسي. رحت أغسل ورحت على مطبخ. خليت الجاي على نار وكعدت ؏ طاولة. شوي ودخلت نور كعدت يمي. نور: "وهج شبيج ليش زعلانه؟ وهج: "مابيه شي حبيبتي." نور: "تحبينه دمار انتي؟ ماوعت له ومارديت. "لا شنو وهج معقوله تحبينه؟ "لا ابد لاتفكرين هيج." امسح على وجهي بتعب وكمت جهز كلاصات الجاي.

نور تنهدت وطلعت تجيب الأكل. صبيت جاي وقدمته لهم ورجعت أساعد نور بالمواعين. دخلت انهار ماكلت جانت نايمة يم بنته. انهار: "ساعدجن بشي بنات؟ نور: "لا عمري كملنه ماعدنه شي." باوعت عليه انهار وابتسمت. أجت أبوستني. انهار: "شلونج وهج؟ وهج: "الحمدلله وانتي شلونج بنتج وينه؟ انهار: "نايمة بزعتني يلا نامت لأن امصخنة." وهج: "سلامته ان شاء الله." ابتسمت وكعدت على طاولة تاكل. وحنا كملنه غسل المواعين. جيت أصعد على درج فوك.

فززني صوت زين. باوعت عليه جان معصب وهو يباوع عليه. استغربت. وهج: "اها زين محتاج شي؟ زين: "جهازج تعالي اخذي." هزيت راسي وتقدمت منه. مديت إيدي وباوعت عليه. وهج: "شبيك زين نطيني الجهاز." زين: "بعدج تحجين وياه دمار وهج؟ باوعتله بعدم فهم. وهج: "شبيك زين ليش تسأل؟ مد إيده ونطاني جهازي. زين: "إذا صدك تريدين تطلكين منه لاتحجين وياه بعدج صغيرة، بسرعة يكدر يضحك عليج بكلامه." كال هيج وعافني وراح وهو معصب.

باوعت على جهاز شفت هواي مكالمات من دمار. أخذت الجهاز وصعدت فوك. سديت الباب وكعدت أنتظره يرجع يتصل. مر وقت وتصال جاوبت بسرعة وعطت بيه. وهج: "وتاليي وياككك؟ ليششششش تتصال؟ شنو تريدد منيييي؟ "منو معصب مرتي الحلوه؟ وهج: "لاتكوللل مرتيييي انته ماتفهمممم. كلك ماريدككك." "لا ليش هيج تحجين؟ جرحتي مشاعر دمارج." امسح على وجهي أحاول أهدأ نفسي. وهج: "خر*عليك وعلى مشاعرك يالثور." "أخخ شتاقيت لكلامج وتصالت عليج وهيج تجاوبيني؟

مايصير. منو جان يكول ما أعوفك ونطاني وعد. هيج طلعتي مو كد وعدج وهجي." وهج: "اني حمار شلون وعد شخص مثل عار." بسرعة عاط بيه بعصبية. "وهججج مابقى جثيرر وشوفي شنو محضرلج من مفاجئة." بلعت ريڰ وذكرت كلامه. كل شي يسوي بس حتى ياخذ الباله. أحس حرارة بجسمي صارت. حاولت أحجي وياه بهدوء. وهج: "دمار شبيك شنو تريد انته مني؟

"كلشي بيج أريده وهج. انتي ملكي أني. عيونج الي، قلبج الي، شعورج الي، أشفنج الي، أركبتج الي، كلشي بجسمج وبنحاء وجهج الي." أني توترت كلش من كلامه. بقيت ساكتة ماعرف شنو أجاوب. أخاف منه، من يعصب ما يشوف كدامه. ما غلطت من أسميته ثور. حتى هوه ما يعرف شنو يريد بالضبط. ساعة يريدني يمه، ساعة يكرهني. بي. هسه تأكدت أن صدك هو مريض. فززني صوته من أصفنت. "لاتسكتين وهجي، أريد أسمع صوتج." وهج: "دمار ماريدك أني."

"عادي حتى أني ماريدج، بس تبقين مرتي." وهج: "اغصبن عليك طلكنييي ماريدك." "ليششش حتى تزوجيننن غيري مووو؟ وهج: "اي أزوج غيرك، ماريدك." "أن لاتخلينييي هسه اجي وحرك البيت على راسج بنت الكل*." سديت الاتصال أبوجها وهوه بقى يرسل رسائل تهديد. كعدت على جرباية ودموعي تنزل. مراح يعوفني أدري. بس مستحيل أخلي يسوي الباله. وخلي عادي لا يطلكني بس هم شي ما يسويلي شي ويخلصني من وجهه. فززني فتحت الباب ودخلت نور.

امسحت دموعي وكمت أريد أدخل للحمام. لزمت إيدي نور. باوعت له وعيوني مليانة دموع بس أكابر. سحبتني على جرباية وكعدت يمي تمسح بدموعي. نور: "مايطلج مو؟ وهج: "ماريده نور والله ماريده. ليش مايعوفني؟ نور: "اشش لاتبجين مايستاهل دموعج يروحي." وهج: "لا خليني أحجي نور والله مخنوكة وضايكه بيه الدنيا. تدري يكول ما أعوفج اله آخذ الريدة. تخيلي كل كلامه وحنيته الي بس حتى يقرب مني. مجنت متوقعتة هيج حتى بديت أقبله بحياتي."

نور: "الله لايوفقه. مايروح على بنات الملاها يشبع بيهن. شنو هاذه من بشر مايخاف الله؟ عسى لا شاف يوم حلو بحياته." مارديت بقيت أحضنته وأبجي. من أتعب شوي وندك الباب. كمت بسرعة من أحضن نور وامسحت دموعي. دخلت انهار وبنته وتبارك. ابتسمت بوجههن بس يباوعن عليه بستغراب. أجن وكعدن يمّني. انهار: "شبيج وهج ليش تبجين؟ نور: "مابيها شي بس مشتاقة لأهلها." انهار: "لاتزعلين يعمري حنى هم مثل أهلج يعمري."

ابتسمت وباوعت على ابنته شكد حلوة وناعمة. هسته تحبي. أخذتها أبوست خدودها. وهج: "شنو اسمها؟ انهار: "براء. بس الاسم مو لائق." وهج: "ليش تره حلوة وكيوت. لاتحجين عليها." بقينى كاعدين ونسوالف وانهار تسوالف شلون تزوجت زين عن حب وتشرح علاقتهم والحترام البينهم. أذكرت علاقتي بدمار. الحترام بمكان وحنى بمكان ثاني. أضحكت على تفكيري. كامت انهار وراحت حتى تنوم بنته. رحت تمددت على جرباية واغمضت عيوني ونمت من وجع راسي.

كعدت وره فترة على صوت نور وتبارك يجهزون نفسهن. باوعت عليهن بستغراب وحجيت. وهج: "وين رايحات عيني؟ باوعت عليه نور. نور: "راح نروح للسوك ويا أمي. تجين ويانه؟ تبارك: "اي حبابة وهج تعالي ويانه ونلبس كلنه نفس الشي." ابتسمت وتربعت على جرباية. وهج: "بدون ما تكولين روح وياجن. شعندي باقية." نور: "يلا كومي لعد بدلي. بس شنو نلبس؟ تبارك: "لأن وهج تلبس أسود على مود أهلها راح نلبس بنطلونات سود وبلوزات هم سود." نور: "وحجابات."

تبارك: "وهج مو محجبة بس حنى راح نلبس حجابات أبيض." وهج: "حلو أعجبني." "راح أروح أغير ملابسي." دخلت للحمام غيرت ملابسي وطلعت. سشورت شعري وسوته ظفيرة وكعدت أنتظرهن. باوعتلي تبارك. "مرااح تخلين مكياج وهج؟ وهج: "لا حبيبتي ما أخلي." نور: "بدون مكياج وهيج حلوة. لو تخلين شلون تطلعين." وهج: "وانتن هم حلوات، تجنن." تبارك: "أويي فديتج اخجل تره." ابتسمت وكمت. خلصنا نزلنه سويه. دخلنه للصالة جانت الساعة 4 العصر. باوعتلنه بيبي.

"سودة أبوجهي ليش لابسات أسود؟ تبارك: "شبيج بيبي حتى نطلع شخصية." "اي شخصية من هاذه شاربج." تبارك: "صخام الصخم. نور البارحة سويته." أضحكت عليها. أجت عمتي أم حسين وطلعنا. وهيه كل شوية تعض بشفتها النه لأن نضحك بصوت. "لو تبارك تبقى تباوع على ولد الحلوين وعمتي تسحب بيها وكل شوية تحجي. صوجي جبج فضحتني. انتن مال طلعة واحنى نبقى نضحك." دخلنه للمحل وشترينه هواي شي. ملابس طلعة وتراكات. مكياج شترن البنات. صارت الساعة 8 بليل.

دخلنه الطعم. طلبنا أكلنا وكعدنه ناكل ونحجي. كملنه أكل وطلعنه. أخابرت عمتي على علي حتى يجي ياخذنه. شوي وجى صعدنه وياه وخلص الطريق واحنا مشغلين أغاني ونغني. كلش تونست. علي سوالفه ماتملين منهن. وصلنا للبيت كبل صعدنه فوك. غيرنه ملابسه كملنا. ونور نزلت جوه وتبارك تباوع على جهاز. رحت تمددت على جرباية ونمت من التعب. ماعرف شنو سالفتي وياه النوم. ورا فترة كعدت على صوت فركت عيوني. سرعان ما حس على شخص خله إيده على خصري.