رواية وهج الدمار الفصل السابع عشر 17 - بقلم ريو الطائي

أخذته منه وشفت مريم تتصل. فتحت الخط، جاني صوته وهي تشهق من البجي. "ولججج وهجج لحكيليي! "شكووو صايرر؟ "ولجج اخويي باع بيتناا ويريد يزوجني لواحد شايبوهج: شنووووو اخوج تخبل؟ دمار وسجاد يباوعون عليه ويكولون: "صاير؟ وأني أشر: "اصبروا." على صوتي العالي طلع عمر شافنه واجى يمي. "وهججج ابوسجج يدج سوي شي كولي لزوجج ماريد ازوج ولج ماما راح تتخبل لان بايع البيت ويريد يسافر ويعوفنه." "كافيي عمري لاتبجين هسه نشوف."

"وهج لاتعوفيني فدوه اروحلج ماعندي غيرج." "اشش اخلص اسكتي يروحي." سديته التصال منها وباوعت على دمار ودموعي نزلت. "حجيي شبيها صديقج وانتي ليش تبجين؟ "شبيج وهج ليش ساكته بيها شي صديقتج؟ "راح يزوجها اخوها لواحد شايب وبايع البيت مالتهم. ابوس يدك دمار لاتخلي يزوجها غير اخوها. شسويله اني؟ "بس منعا يزوجها. عليك الله دمار." كام من الكرسي واجى وكف كدامي يمسح بدموعي. "خلص لاتبجين يروحي هسه روح شوف هاذه اخوها الناقص."

"خلي اروح وياك الله يخليك." "شسوين تروحين؟ ماكو روحه." "لزم اروح شوف مريم اخذني وياك." هز راسه وباوع على عمر وسجاد. "كدامي يلا." كاموا سجاد وعمر واني هم طلعت وراهم. طلعنا بسياره دمار يسوق وعمر كاعد يمه واني وسجاد وره. "شراح تسوي دمار؟ "نشوف حل بس اول شي خلي نربي اخوها الكلب." "بيا حق حنى ندخل؟ اخاف تصير مشاكل." "مايصير شي وهسه اسكت ماريد صوت." طول الطريق واني ابجي وأفكر شلون راح تنحل.

وصلنا لبيتهم شفته واكفه بشارع هيه وامها وغراضهن بلكاع. بس وكف السياره دمار نزلت ركض على مريم وأحضنته وأبجي. اثنينه. نزلو دمار وعمر وسجاد اسلمو على ام مريم. وهي صارت تحجي ويه ابنها وتبجي بكسره. قاطعه دمار: "حجيه تعالي ويانه زحمه نبقى بشارع." "شلون نروح وياكم؟ مايصير يمه وحنى مانريد نصير حمل اثكيل عليكم." "شنو هاذه الحجي حجيه اعتبرينه ولدج." "الله يحفظكم يمه بس ماكدر روح وياكم. اخابرت اخوي وان شاء الله هسه يجي."

"خاله ماراح يجي وانتي تدرين." "انتظره يجي اكيد مايقبل اخته تبقى بشارع." "وانتي راح تبقين تنتظرينه هنا؟ مايصير. وانتي بنتج وياج ماتخافين عليها والدنيا ليل." "ذا ماتقبلين تروحين وياه؟ خلي نروح لبيت اهلي هناك ترتاحين اكثر. وانتي تدرين البيت مابي احد وجودجن بي راح يفرحني." "بكيفج بعد حجيه تروحين ويانه ونخليج على روسنه." "نروح لبيت وهج احسن علمود بنيتي." "يلا لعد خاله خلي نروح."

شالو الغراض عمر وسجاد وصعدنه بسياره. ومريم طول الطريق تبجي بهدوء. ماعرف شلون أواسيها. سحبته لحضني وخلت راسها على صدري. باوعت على شفته يباوع وساكت. رفع عينه باوعلي. خزرته حتى لا يباع لها. دنك راسه وبقى ساكت. وصلنا لبيت اهلي نزلنا وعمر نزل الغراض وياه سجاد. كسر قفل البيت ودخلنا جوه. راحو للصاله كعدوا. واني ومريم صعدنا الغراض فوك لغرفتي. دخلنه وسدينه الباب. باوعتله وهيه شهكت من البجي. رحت يمه وطبطب على ضهرها.

"وهج ماريد زوج اريد أكمل دراستي تدرين بيه. مستحيل أزوج وفوك هاذه كله يريد يزوجني الواحد عمره فوك الأربعين سنه بس لان عنده فلوس." "هو أخوج مو باع بيتكم وخذ الفلوس ليش يريد يزوجج بعد؟ "أخوي عنده هواي ديون يريد يفك ديونه ويسافر. أني يزوجني وماما يخليه تروح تعيش يم بيت خالي. وانتي تدرين أخوالي مايطيقونه." "اشش لاتبجين ان شاء الله تنحل يروحي." باوعت عليه وخلت إيدها على ركبتي وتتفحص كل وجهي. وخرت إيدها من وجهي.

"هاي شبي وجهج وهج ليش هيج ركبتج كلها آثار." "مابيه شي يروحي انتي انسي." "شبيج منو مسوي بيج هيج وانتي مو جنتي يم عمامج شرجعج يم دمار؟ "عادي رجعت مابيه شي يبقى زوجي لا تشغلين بالج بيه." هزت راسها وسكتت. شوي وندك الباب. دخل عمر. باوع عليها ورجع باوع عليه وحجه: "تعالن جوه يردونجن." عدلت حجابه مريم وكامت. وهوه نزل قبلنا. دخلنا للصاله. باوعت على خالتي تبجي وتمسح بدموعها بطرف شيلته. كعدنا اني ومريم. "ماما شبيج ليش تبجين؟

"احجي خاله شكو؟ "حجيه ماكو غير هاذه الحل وبعدين هوه بس عقد لا تخافين حتى إذا تريدن هنا تبقن عادي براحتجن." "شنو صاير؟ "يمه مريم بنيتي انتي مو ماتريدين تزوجين هاذا الشايب؟ ماردت مريم بقت ساكته وتباوع على امها تريد تعرف شنو قصدها بهاذه الكلام. عمر طول الوقت عينه بمريم. يباوعله ويبتسم بتسامه غريبه. وسجاد مثل الثول كلش مافهم بس يباوع. "راح تعقدين هسه انتي وعمر." بسرعه مريم عاطت بصوت عالي بدون وعي. "شنوووو؟

"بابا بس عقد علمود اخوج مايكدر يسولج شي بعد." "بس اني ماريد أزوج شتحجون انتو." "يمه لاتشلعين كلبي تره ماكدر أسوي شي إذا أخوج جبرج تزوجين هذاك." باوعت على مريم دنكت وتبجي بدون صوت. الكل يباوع عليها. من انتبهت عليهم طلعت بره الصاله. شرلي دمار حتى روح وراها.

طلعت وراها للغرفه. فتحت الباب باوعتله كاعده بزاوية الغرفه وتبجي. تقدمت عليها. باوعتلي ودنكت. كعدت يمها وبقيت ساكته. حتى اني ماريدها تزوج منهم بس كلامهم صحيح. اخوها اكيد راح يجبرها. فزت من تفكير عليها وهيه تلزم ايدي وتتوسل ودموعها تنزل. "وهج ماريد أحجي وياهم فدوه عليج الله." "مو زواج حقيقي هوه بس راح يعقد عليج. وتبقين هنا محد يجبرج تطلعين منه حتى أخوج." "بس اني ماريد شوفي وجها ايع يخزي."

باوعتلها وزغرت عيوني. ضحكت بكسره. "من يمتى انتي تدورين حلوين ولج مو عيب عليج هيج تحجين على زوجج." "شجابه زوجي ماشوفين صماخه مثل راس الجلب شتحجين انتي." "حلو يعني تشبهيني بالجلب؟ فزينه اثنينه على صوت عمر. باوعنه علي جان واكف يم الباب ومخلي إيديه بجيوب البنطلون ويباوع علينه بتركيز. وزغر عيونه. مريم بسرعه دنكت راسها من الفشله. خزرته. "خلي تحجي عليك وذا حجت صدك راسك راس الجلب." أجى بسرعه عليه ولزمني من شعري.

"منو راس الجلب؟ "مو عليك على سجاد. أني أحجي عليك لا مستحيل أصلًا." "انته تجن وخري ايده من شعري وهوه يخزر بيه. باوع على مريم ودنك راسه وحجه: اسمعي مريم أني هم ماريدج تره بس نعقد علمود تبقين هنا ومحد يكدر يحجي وياج بعد حتى أني ماتدخل بيج انتي حره. وذا تريدين نزوج كدام العالم وعرس وتروحين وياي للبيت تدللين قرري براحتج. ماراح أجبرج على شي هيه بالخير هاي حياتج مو من حق أحد يجبرج." "ماعرف خلي أفكر." "براحتج بعد."

هزت راسه وسكتت. وهوه يباوعله. انتبه عليه دنك راسه وطلع من الغرفه. كعدت على جربايه وباوعلها وهيه ساكته ماتحجي. شوي وسمعت صوت دمار يصيحلي. كمت فتحت باب الغرفه وطلعت. شفته واكف يم الدرج. نزلت وكفت يمه. "يلا امشي نروح باجر الصبح نجي. ماكدر أبقى هنا عندك شغل لزم تكمله." "روح انته أني ماروح راح أبقى يم مريم." "شنو تبقين؟ وهج لاتطلعين خبالي بهاذه اليل باجر الصبح أجيبج يمها."

"بس أني ماراح أرجع وياك بعد. راح أبقى هنا. البيت مو فارغ هسه. ما عندك اعتراض حتى ماتقيله." "وهج ماراح تبقين؟ ماكدر خليج." "وهج تذكر كلامك دمار اني بعد ماطلع من هاذه البيت راح أبقى بيت أبوي. افهمت؟ "ماشي باجر الصبح نحجي بهاذه الموضوع." "ماكو أحجي بينا بعد دمار. باجر يجي عمر يجيب السيد ويعقد على مريم وبعد مانريد نشوف وجوهكم." "احجيي عدل لا أكسر راسججج افهمتيي؟

"أخلص دمار اذا انته صدك زلمه وكد كلمتك لاتتراجع بوعدك اليمارد." بقى ساكت ومدنك راسه. عفته وصعدت فوك. هيج أحسن. هسه أني مو وحدي. مريم يمي وخاله. يعني بعد مو لازم أرجع وياه. راح أرجع أعيش بيت أبوي. ماكو أحد يهني لو يحسسني إن أثقل عليهم.

صعدت فوك باوعت للساعه بـ1 بليل. شوي وسمعت صوتهم رجعوا للبيت. مريم نايمه. مجاني نوم. رجعت نزلت شوف خالتي وين. فتحت الصاله. جنت نايمه على الكنبه ومغطيه نفسها بعبايته. دخلت رحت يمها. بسرعه فزت باوعت عليه. "آسفه خاله مو قصدي فززتج بس ليش نايمه هنانه ليش ماتجين تنامين بغرفت أهلي؟ "لا يمه هناي أحسن." "لعد راح أروح أجيب لج فراش وأجي."

كمت رحت للمخزن. فتحت الباب. جبت فراش وغطا. ورجعت للصاله فرشت الفراش بالكاع وهيه تمددت. طفيت الضوه وصعدت فوك. فتحت الباب ودخلت. رحت تمددت على جربايه. باوعت على مريم. الدموع معل برموش عيونها. تقربت منها وحضنته. فزت باوعت عليه وابتسمت. "نوميني بحضنج حبابه." "تعالي يروحي." ابتسمت وخليت راسي على إيدها وحضنتها قوي. "آخخخ ولججج شكد أحبجج انتيي شنوو من بشر تموتينن." "نامي مو وقت أغزل حبيبتي." "مداج فوك ما أغزل بيج عابت."

أضحكت وأغمضت عيوني واني هم رحت بنوم. كعدت الصبح على صوت عياط جوه. باوعت بالغرفه مريم ماكو. نزلت من الجربايه ركض. جيت وكعت على وجهي. فتحت الباب ونزلت. شفت أخو مريم وهوه يسحل بيها يريد ياخذه وخالتي تعيط تريد يعوفه. تقربت منه وفعته حيل منها وكفت كدامه وعطيت. "وخررر منهااا شبيكككك انته." "وانتيييي منوو شعليجج وخري لا سحلجج وياها."

أجى وسحب مريم من شعرها وجر بيها يريد يطلعه. ريد بس وخر ايده منها ماكو. لزمها قوي مثل المطي. طلعه بره وهوه يجر بشعرها. نفتح باب البيت ودخل دمار. باوع على أخو مريم. أجا بسرعه وسحبه منها. "رحت عليها بسرعه وحضنتها."

ضربه دمار بوكس على وجهه وكع على ضهره. دخل عمر شافه وباوع على مريم فتح عيونه على حالتها. راح على أخو مريم وضربه دفره على بطنه. صار يتوه بالكاع. نام فوكاه وصار يضرب بي. دمار بس واكف ويباوعله. وخالتي تبجي على حال ابنها. دمار جر عمر منه لان "موتته." "ضربه عمر: وخررر دمار خلييي عوفنيييييي وعليي موته اليومم." "كافي انته شخليت بي عوفه." "أم مريم: عوفه يمه كافي أبوس يدك لا يموت."

"عمر: طبه مرضضض واذا مات ماتشوفييين شمسويي بيهاااا وين يروح من ايدي بسيطه. انتو شعليكم اختي واريد اخذها لاتدخلووون." "ماكوو بعد تنسه عندك اخت وام وهسه طلع منه لا خلي يكسر راسك ويطلعك محمل يلاااا." "ماروح اله اختي وياي افهمتمم." "عمر: انته ماتجيي لا بضرب وخرر دمار اليوم شوفه غضب الله." دمار جر أخو مريم من ياغته. وكومه وحجه من بين سنونه.

"شوف قسم بالله ذا شفت بعد هناي دوس على راسك بالقندره. روح بس مو بدون اخت. اختك التريد تبيعه لشايب علمود الفلوس." "ضاهر: محتاج فلوس وبس اختي تكدر بهاذه زوجه تساعدني." "عمر: وتبيع اختكك علمووود فلوسس هيه شعليها بيككك." "ضاهر: مالك علاقه وياه مريم كدامي." "مريم: ماروح لو تموت استحي على نفسك تبيع اختك علمود فلوس حتى صرت أسحتي. كول للعالم انته اخوي." "عمر: روح جيب السيد." "ضاهر: ليش يجي؟

محد رد. باوع عمر على مريم وشرلي دخله جوه. أخذته ودخلنه. صعدنه فوك. هيه بس تبجي. "وهج كافي ابجي يروحي دخلي اسبحي يلا." هزت راسها ودخلت تسبح. طلعته فستان أبيض مرتب مال محجبات وحجاب أبيض. شوي وطلعت من الحمام. نطيته الملابس. باوعت عليه. "يلا لبسي ماريد ولا صوت بسرعه." دنكت راسها واخذته ولبسته. عدلت حجابه. باوعتله طلعت تجنن خدودها حمر. ماعرفت أفسر انظرات عيونها أخوف على قلق توتر خجل.

دخلت للحمام غسلت وجهي ونزلنه جوه. جان سجاد واكف يم الباب. دخلنا للمطبخ ننتظر عمر ودمار وضاهر وخالتي بالمضيف كاعدين. دخل سجاد ورانا. باوع على مريم وحب يلطف الجو. "معقوله هاي الكيكه تزوج أخوي المهتلف." "شفت هوه هاذه حض الزركانكفخني على بخفه." "انجبي انتي على ساس هسه من جمالج عبالك جربوع." "تروحلي فدوه عندك بجمالي اسم الله عليه من عيون الحاسدين بخري نفسج بنيتي."

فزيت على صوته. باوعت وراي شفته واكف ويباوعلي. لبس ملابس دوام. انتظراته بس موجه عليه. خزرته ودرت وجهي عنه. باوع سجاد وحجه: "اليوم ماراح تروح للدوام." "روح بس خلي يجي عمر علمود يعقدون." "انته ضابط؟ "مداج لعد ماتشوفين لبس ملابس ضباط. أي بابا اني ضابط بالاستخبارات." "الله حلوين الضباط شكلهم هيبه." "زوجج هم ضابط تره لاتتغزلين بغيره." فزت مريم على صوته. دخل وهوه يخزر بمريم.

"عشتو وانته شعليك مثل المطي طاح حظكم. ماعده سجاد طبعاً." "انته وجه واحد يتغزل بيك مداج. مريم اذا حجيتي وياه خلي يولي." "دمار لزم مرتك لا أكوم جنزها ومحمد. وانتي يلا كومي." كامت مريم. وراح وراها عمر وسجاد. جيت روح لزمني دمار من إيدي. باوعتله بخزره. "وهج: شيل ايدك مني لا أدفرك." "وين تريدين ليش؟ "وهج: وين يعني روح يم مريم. وخر لا موتكدورين حيه تدخلين مو كاعد الزلمه كعدي هناي وسكتي."

"وهج: وانته شعليك عيني بقيت انته تتحكم بيه مثل الثور." "لسانجج وهج لاتخليني كطعه لج افهمتيي." "وهج: دوخرر شبيك ايدي دتوجعني." "لسه ركبتج بيها آثار. مره ثانيه خلي حجاب يلا تنزلين عيب بنيتي." دنكت راسي متت خجل. أصلًا نسيت الآثار. "وهج: امم انته تعرف بالعيب وخر من وجهي لا هفك على وجهك." "تريدين تضربيني وهج؟ "وهج: أي شسوي ماعندي شي بعد لاتخيرني." "لاتحجين هيج وهج كتلج مادري صار بيه وانتي نرفستيني ماعرف شلون سويت هيج."

"وهج: وخرر هسه خلي أطلع مايفيد هاذه الحجي بعد." وخر ايده مني. عفته وطلعت وكفت يم باب المضيف. باوع عليه دمار ابتسم ودخل جوه يمهم. لعد ليش أني ماخليتني أدخل؟ طاح حظك يالثور. رجعت كعدت بالمطبخ أنتظر يكملون. مر وقت وعقدوا. راح سجاد يوصل السيد. شفته راح. دخلت ركض للمضيف. باوعت عليهم من الباب أسمع سوالفهم. "عمر: أني راح أساعدك بديونك بس بعده ماريد أشوف وجهك." "ضاهر: هوه أني ماريد أبقى بالعراق بس ماتتراجع بكلامك."

"عمر: شرباي مو عليه هاذه تراجعت شكد مجان المبلغ." هز راسه ضاهر وطلع. شافني باوع عليه وخزرنه. وأجى يريد يطلع. سويته مجال. ابتسم وطلع. "عزه والله مخبل مدري شبي. على شنو يبتسم؟ على صخام وجهك ابن الفكر." درت وجهي باوعت على دمار. شفته يباوع عليه ويخوزر. "عزه بعينك سجاد هسه كملت وياي."

مريم بقت كاعده يمهم يسولفون وسجاد راح يجيب مسواك وغراض ناقصه للبيت. عفتهم وصعدت فوك. أخذت ملابس بلوزه لونه أحمر وستريج أسود. دخلت للحمام اسبحت وطلعت. شفته كاعد على جربايه. ماهتميت. أخذت أمشط وكعدت أمشط شعري. مر وقت وهوه ساكت واني ماحجيته ولا كتلته شسوي هنا. مايهمني وجوده. فززني صوته. رتبكت. "وهج." "ا. ها. ماراح ترجعين وياي للبيت." "وهج: حجينه بهاذه الموضوع وكتلك ماروح." "انطيني فرصه وهج ماكدر بدونج."

"وهج: بس انته وعدتني اني ماريدك دمار وانته الردته صار. اني مستحيل تقبل ك حياتي بعد الصار." "شنو أ فهم من كلامج؟ درت وجهي باوعتله. "وهج: ماريد أشوف وجهك هاي الف مره أعيد الكلمة. ما أحبه وجودك بحياتي." "تعذبيني هيج وهج؟ ادري ستحق الكره منج بس عذبيني وأنتي موجوده كدام عيوني." "وهج: اعتبرتك أب الي وصرت جزء كبير بحياتي بس انته شسويت؟

ضاميت عليه هواي شيء. موت أهلي عمامي وبالخير ختمته بغتصابي. كل الأيام الحلوه العشته وياك دفعتني أثمنه. ريتني ميته وياه أهلي ولا صار بيه كل هاذه." "التريدينه يصير وهج والوعدتج بي راح أنفذه. بس لاتتزوجين. أبدا ماريد أحضن غير. أحضني يلمج." "وهج: مستحيل أفكر بزواج مو لان انته هيج كلت لا بس لان ماريد أحد يمشيني بكيفه. أسمعت؟ "سهلا راح أروح هسه وبعد ماراح تشوفيني. مثل ما انتي طلبتي." "وهج: روحي."

مارديت. دنكت راسي ودموعي تنزل. أجا هوه وكف يمي. وكفني. باوعتله بأستغراب. مد ايده أمسح دموعي وابتسم بحزن. عيونه يلمعن. "يلا كملي أمشط شعرج وتعالي جوه. ريد أحجي وياج. كلام لزم يصير كدامهم." هزيت راسي بـ أي. وهوه دار ضهره وطلع من الغرفه. أمشطت شعري بسرعه بسرعه حتى شوف شنو يريد يكول. كملت تمشيط. رحت للكنتور. دورت على حجاب. لكيت واحد أسود خليته على رقبتي وطلعت ركض.

نزلت جوه. جانوا كاعدين بالصاله. ومريم بالمطبخ تعزل الغراض. رحت وحجيت. "وهج: دمار وين لعد؟ مرمر؟ "مريم: طلع بره كال هسه يجي." هزيت راسي ورحت رتب المسواك. شوي ودخل. دمار عيونه حمر. باوعتلي مريم بمعنى شبي. هزيت كتافي بمعنى ماعرف. "تعالي وهج ريد أحجي وياج." كمت رحت ورا للصاله. ومريم هم جت وراي. دخلنه. وهوه راح كعد وشرلي كعد. رحت يم خالتي كعدت يمها. باوعتله وحجيت. "أم مريم: يمه شنو تريد تحجي؟

"حجيه هاذه الموضوع يخصنه أني وهج." "عمر: ليش شصاير بينكم؟ "أني وهج قررنه نتطلق." الكل باوعله بصدمه. حتى أني ماكنت أعرف راح يسويه صدك. بكد ما فرحت بكد ما أنكسر شي بداخلي. أحس ماريد أعوفه. ريد أبقى طول العمر وياه. بس من أتذكر شسوه بيه تراجع. ما خلى أيام حلوه النه سوا. "سجاد: صدك تحجي دمار؟ "أنچب لك شايف وكت شقه هسه." "أم مريم: ليش وليدي المشاكل تنحل ليش تخربون حياتكم بطلاق."

"وهج: لا خاله حنى مقررين من زمان وهسه أجه الوقت حتى يطلقني." "عمر: دمار عود صدك تحجون." "أي هاي هيه أني ماريدها ولا هيه تريدني. على شنو بعد باقين سويه." باوع عليه دمار. كام وكف. شرلي. "روح يما." كمت تقدمت وكفت كدامه. مد ايده حط شعري ورا اذني وهمس. "أريد حضنج آخر حضن."

وهجم. رديت بقيت ساكته ومنزله راسي. قرب مني أكثر. أحضني. خليت إيديه أثنينه على خصري. أستحيت كلش لان كدامهم. أحضني. بعدت نفسي منه وهوه انتبه لنفسه. أخذ نفس عميق وحجه. "وهج انتي طالق." جسمي صار يرجف. دموعي نزلت. كعدت على الكنبه. وشهكت من البجي. ماعرف على شنو أبجي. بس الشي الوحيد الخلاني طلع كل البكلبي. جرتني مريم لحضنها وتبجي وياي. باوع عليه دمار. أنظره أخيرأ وطلع من البيت. راحوا وراه سجاد وعمر. جت خالتي وخذتني الحضنها.

"أم مريم: كافي لتبجين بنيتي هاي حنه يمج يبعد بيتي. امسحي دموعج مو انتي هيج تريدين لعد ليش هسه تبجين." "وهج: ماعرف خاله والله كلبي يوجعني. أني ألحيت عليه بطلاق ليش هسه من طلكني أبجي." "مريم: اشش اخلص حبيبتي." عفتهن وصعدت فوك. أبجي. باوعت على مكانه الجان كاعد أبجي. سديت الباب وكعدت أبجي وأصرخ.

"وهج: انتيييي مو. تريدييين تطلكييين هسسسه ليشش كاعده تبجينن انتييي مو ماتريدين تشوفيننن وجهااا شنووو غيرجج اصحييي على نفسجح هاذه الختل أهلجج وحرمج منهممم وغتصبج وضربججج ليششش تحبين الي هينجج اخلصص كافيييي تعبت طلع من حياتيي ومن تفكيرييي الله ينتقم منك على كلشي صار بيه من وراك."

كمت ماخليت شي ما كسرته. ومريم تدك بالباب تريد بس فتحه. باوعت على الكاع مليانه كزاز من مال المرايه. كمت بسرعه أخذت كزازه. جسمي صار يرجف ودموعي تنزل. أهمست بكسره. "وهج: ربي أسامحني بس ماكدر بدون أهلي." أغمضت عيوني وخليت الكزازه على إيدي وكصت الوريد. فتحت عيوني شفت الدم ينزل. ابتسمت وكصيت إيدي الثانيه. الكاع نترست دم. شوي وصار غواش على عيوني وبعده فقدت. ماكدر أفتح عيوني. شوي وسمعت صوت دمار من وره الباب.

"وهجججج فتحييي الباب.. ماعوفجج بنيتي ليييشش ماتردييينن... انعل اهلكم اليوم شلون تخلوه وحدهااا... "كسر الباب ودخل. واني بديت شوي أفقد. ما حس على شي. أجا دمار بسرعه ويطبطب على خدي. "وهجج فتحيي عيونجج.. دخيلجج ماعندي غيرجج لاتعوفينييي... ماسمعت شي بعد فقدت. راح أرتاح وروح يم ماما وبابا. هاذه الشي الوحيد الجان بالي.

كعدت ورا فتره على وجع راسي وابديه. فتحت عيوني. جان محد موجود بالغرفه بس دمار مخلي راسه على إيدي ومدنك. حركت إيدي. باوع عليه بسرعه. وابتسم بتعب. "وهج انتي زينه بيج شي يوجعج احجي يروحي." باوعتله ودموعي نزلت. ورجعت أغمضت عيوني. ريد أحرك إيدي ماكدر. جسمي كله يوجعني. "ليش هيج سويتي؟ "وهج: مامتت دمار حتى المقبره ماترید تلمني." "لهدرجه روحج رخيصه عندج." "وهج: اريد أهلي." "تدرين انتي حتى لو ميته جان ماشفتيهم."

"وهج: ماريد أبقى عايشه ليش ربي ما أخذني." "وانتي بساطه هيج عندج. عادي تموتين نفسج." "وهج: طلع بره دمار ماريد أشوفك كدامي." "لاتعاقبين نفسج بيه انتي كل حياتي صدكيني عايش علمودج." "دمار رديت. درت وجهي منه. ودموعي تنزل. شلون سويت هيج؟ جنت راح أخسر الدنيا والآخرة. ربي سامحني بس عبدتك ضعيفه." مر شوي وقت. ودمار ساكت واني ساكته. دخلت مريم. تبجي وتشهك. تقربت مني وضربتني راشدي. وتعيط عليه بحركة قلب.

"مريم: الله ياخذججج ليشش هيجج سويتييي مامتي وخلصتينه منججج انتييي مو تريدييين تموتيين ليشش وهج كله لان دمارر طلكجج انتيي مو ماتريدينه ليشش انتحرتي من ورا لعد." هوه باوعله بصدمه ورجع باوع عليه. نزلت عيوني عنه. "شنو هاذه الحجي مريم يعني وهج سوت هيج لان طلكها؟ "مريم: أي الله يلعنككك ماشفت منك غير الهم والتعب وانتي وهج مو ردتي تموتين من ورا وهسه ماتريدينه يمج." أجى دمار ولزم إيدي ويحجي. الدموع بعيونه.

"أني ما أستاهل هيج تسوين. من وراي كل المشاكل بحياتج. أني السبب. انتي بس كولي شنو تريدين. سوي. بس بعد لا تسوين هيج." مارديت. باوعتلي مريم وجت أحضنتني وتبجي. دخل سجاد وعمر. سحبه دمار مني. "كافيي لاتبجيننه." "سجاد: الحمدلله على السلامة وهج." "عمر: الحمدلله على السلامة." "وهج: الله يسلمكم." أجى سجاد. كعد يمي ولزم إيدي. دمار راح كعد على الكنبه الموجودة بالغرفه. "سجاد: ليش هيج سويتي وهج كله علمود هاذه المزنجر."

"وهج: تتخيل هيج أسوي علمود هاذه الثور." "سجاد: مو أني هم كلت وهج ذكيه ماتسوي هيج." "وهج: بس حبيت أشوف معزتي عدكم." باوع عليه وعيونه حمر وحجه بكسره. "سجاد: جان متي وهج صارلج يومين فاقده." "وهج: شنو؟ "وهيه تريد تموت خلي تموت طبها مرض." كال هيج وطلع من الغرفه. باوعت على عمر. "عمر: هاذه بس كلام من حركت كلبه هيج حجه. انتي تدرين بي شكد يحبج بس تخبل من دخلنه للغرفه وشاف حالتج."

"مريم: صدك كلامه وهج دموعه تنزل ويكول عينوني ماكدر أشيلها راح تروح من بين أيديه." مارديت. دخلت الدكتوره نطتني ابره بعدها نمت. ما حسيت على شي. فتحت عيوني باوع حوالي. هاي غرفتي. شجابني. الغرفه ضلمه. مابين شي. حركت إيدي صارت توجعني. أخذت نفس عميق وتحسرت. كمت اريد أغسل. نفتح الباب ودخلت مريم. شغلت الضوه. شافتني وابتسمت. أجت يمي وحضنتني. "الحمدلله على السلامة حبيبتي." "بعد شنو وره ما ضربتيني براشدي. عوجتي فكج."

"من ضيم كلبي منه أخوي ومنه انتي وهج. انتي تعرفين ان مالي غيرج اني ضعيفه بس بوجودج كون قويه. لو ميته اني شسوي بدونج وبدون هاي عيونج الحلوه." "وهج: هيج اني عزيزه عندج مرمر." "كومي من وجهي صار ساعه. لغي." ضحكت وكمت. ساعدتني. دخلت للحمام غسلت وجهي وطلعت. لميت شعري كبايه مريم حتى ما يزعجني. لزمتني ونزلنه جوه. جان بس خالتي كاعده بالصاله. باوعتلي ودارت وجها. عرفته زعلانه مني. تقربت وكعدت يما.

"مريم يمكن ذولاك الناس يريدوني موت. أني لو ميته أحسن." "مريم: صحيح منو يريدج انتي لو اني مكانج طفر من فوك البيت." "أم مريم: انجبي عسه لسانج بلكطع ان شاء الله تروحيلها فدوه." "مريم: شو عفتي وهج ورجعتي عليه." باوعت عليه خالتي واني دنكت راسي. أخذتني لحضنها وأبجت. "أم مريم: يمه ليش هيج سويت؟ إذا تريدينه ليش خليتي يطلقج." "وهج: لا خاله ماريده اني بس جان بالي ذا متت راح أشوف ماما وبابا. والله مشتاقلهم." "أم

مريم: اعتبريني مكان أمج. الله يشهد عليه حسبج مثل مريم. انتن بناتي." "وهج: روح فدوه لحنيتج خاله. ربي يحفظج اليا." حضنتني قوي وتبوس بخدودي. أجت مريم. باوعت علينا. "مريم: اها ماما صار الحب والحنان بس آلُـِـِِـِِِـِِـِـ وهجام." "أم مريم: لاتغارين هاي هم اختج."

أحسنت مريم وبوسته. كمنا أني ومريم نحضر الغده. وهوه بالحقيقه بس هيه. لأن أني ماكدر جنت. كلش فرحانه بوجودهن يمي. كملت الغده. وصعدت تصلي هيه وخاله. أني ماكدر علمود أديني. كملن صلاة وجهزت الغده وكعدنه نتغده ونسولف. وخالتي تسولف عن حياتها قبل وأهلها. كملنا غده. نطيت جاي الخالتي. راحت كعدت بالصاله تباوع على تلفزيون. واني كاعده يم مريم. باوعتله وهيه تغسل مواعين. "مريم: وهج ريد أسألج." "كولي يعمري." "مريم: دمار مغتصبج."

باوعتلها وسكتت. دنكت راسي. كملت المواعين وجت كعدت يمي على طاوله. لزمت إيدي. باوعتله والدموع بعيوني. "احجي وهج صاير وياج ليش ساكته." "وهج: ماعندي كلام كوله بعدين." "انتي ليش حجيتي هيج." "وهج: اسمعتج من بالغرفه تعيطين تره اني اعرفج اكثر من نفسي لاتجذبين عليه." "وهج: ماكو شي ينحجي." "ليش ماتردين تحجي." "وهج: لا تدققين بكلامي بعدين هوه زوجي."

"بس انتي كلتي هوه مايعتبرني زوجه شلون تغير وانتي مو جنتي يم عمامج وكلتي بعد مارجع." "وهج: مريم نفسيتي تعبانه. ماريد أحجي فدوه خليني براحتي." عفته وطلعت لغرفتي. فتحت الباب ودخلت. كعدت على جربايه. وتذكر كلامي وياه دمار اخر مره. طلاكي منا. ابتسمت براحه. أخلص وهج ماكو شي بعد يكدر يكسرج بي. راح أ كمل دراستي وأحقق حلم أهلي.

كمت تمددت على جربايه ولعبت بالجهاز. شوي ودخلت مريم. باوعتله ودنكت على جهاز. راحت كعدت على الكنبه وتقرا كتاب. مر شوي وقت. خليت الجهاز على شحن واغمضت عيوني ونمت. بين نايمه وكاعده حسيت على مريم وهيه تحضني وتنام. ابتسمت. أعرف بيها ماتبقى زعلانه مني. درت وجهي عليها وحضنتها ورجعت نمت.

مر يومين. الوضع هدوء. ماشفت دمار أبد. بس عمر يجي. وهوه وسجاد يجيبون مسواك وغراض. مع اني حجيت وياهم. الحمدلله عندي فلوس ممحتاجه. وام مريم عدها راتب. ووضعنه تمام. إيديه صارت زينات وكدرت أحركها. بس هم توجعني شوي. كعدت الصبح على صوت خالتي. كمت غسلت ونزلت جوه. جانت كاعده بالمطبخ وجاهزه الريوك. تذكرت ماما. "صباح الخير خاله." "صباح النور بنيتي يلا تعالي تريكي."

هزيت راسي ورحت كعدت. جت مريم كعدت يمي وبدينا نتريك. شو وندك باب البيت. جيت. طلعت بس خالتي متخلينه نوصل لباب البيت تخاف يصير شي. دخلت خالتي وجه وراها دمار. وهوه لبس ملابس الدوام. دنكت راسي ورجعت أكل. مامهتمه لوجوده. "صباح الخير." "صباح النور تعال تريك ويانه." وكف يم باب المطبخ. باوع عليه وحجه. "عندي دوام بابا بالعافيه وهج تعالي شويه." خزرته وهوه مبتسم وطلع بره. بقيت كاعده ماتحركت. ندستني خالتي. باوعتله.

"كومي شبيج مو يريد يحجي وياج." "مااا ماروح. ماريد أحجي وياه." "لاتعاندين وهج وكومي يلااا." "صار بس سوال ليش مايحجي هنا كدامجن." نزعت نعاله تريد تضربني. طلعت ركض من المطبخ. طلعت للحديقه. شفته مخلي إيده بجيب البنطلون والايد الثانيه بيا جكاره. تقدمت وكفت كدامه. باوعلي. "شنو تريد تحجي." "السلام لله تره باب." باوعتله صفح ودرت وجهي عنه. "وهج: دمار احجي صاير شي."

"مشتاقلج وهج صار يومين مانام واني أفكر بيج. خلي نحجي ونحل المشكله." "وهج: ماريدك اني ليش ماتفهم مجرد أحب من طرف واحد. أني ماحبك مو بيدي." "لاتحبيني بس لاتحرميني من شوفتج." "وهج: بس أني أرتاح وكون مرتاحه من ماشوف وجهك." أمسح على وجها وهز راسه. ركز بملامحي وكأنه يدرس ملامحي. "أيدج بعدها توجعج؟ أخذج للدكتور." "وهج: لا مابيه شي." أسكت. بقى بس يباوعلي. استحيت. ودنكت راسي. تنهد بصوت وحجه. "الأسبوع هاذه زواجي وهج... _يتبع:

توقعاتكم للبارت القادم. لاتنسون علقو بين الفراغات. تابعوني على انستغرام. وبس أحبكم فرولاتي🥺♥✨