رواية وهج الدمار الفصل التاسع 9 - بقلم ريو الطائي

دخلت المدرسة، شعور غريب. مدرسة جديدة، معلمات جدد، طالبات ما أعرفهن. دخلت الصف، كان مليان بنات. عفوية، شكد يسولفن. هسه حسيت بدمار من يكولون: "إنتي إذا حجيتي شي، سكتج." ضحكت بيني وبين نفسي. نزعت الجبة وخليتها بـ جنطتي وكعدت. شويه ودخلت المدرسَة. عرفت عن نفسها، وإحنا هم عرفناها على نفسنا. كملت الدروس. هيج محد يحجي وياي ولا أحجي وياه أحد. طلعت بره المدرسة، أنتظر دمار واني ميتة جوع. شوية وجى دمار، وكف السيارة ورحت عليه.

"هلوو بابييه." "لا يعمري، شلونج؟ "تمام الحمد لله." بقى يباوع عليه وبتسم. باوعت على نفسي. "شبيك ليش تباوع عليه بابا؟ "اشتاقيتلج. ما ردت أدخل للبيت لأن إنتي مو بي." "أويي بابا لا هيج تحجي، فدوه لبنيتي." "بسرعة وصلنا للبيت، ميتة جوع." "خسه الجوع ياروحي، هسه نروح للبيت وتاكلين." هزيت راسي وسكتت. وصلنا للبيت، وأني دخلت أركض. وهوه يعيط وراي: "لا تركضين وهج." دخلت وصعدت أركض للغرفة.

ذبيت الجنطة على الجرباية وخذت ملابس ودخلت أسبح. كملت سبح وطلعت. كان دمار كاعد على جرباية وبيده جهازه. راح، أخذت المشط وكعدت أمشط بي. كملت وباوعت عليه. "يلا ننزل ناكل." "جوعانة." "يلا امشي." فتحت الباب وطلعت قبله، هرولت. رحت على مطبخ، جان كاعدات يحضرن الأكل. "ممكن أساعدكن بشي حبيباتي؟ "لا يروحي، انتي ما عدنه شي، كملنه." "ماش." رحت وكفت يم زينب ونقل وياها الأكل على طاولة. كملنا ورحت كعدت يم دمار وبدينا ناكل.

الكل ساكت، محد يحجي. أكل، كملنا ورحت نقل المواعين وياهن على مطبخ. ساعدت زينب بغسل المواعين ورحت كعدت يمهم. جانوا يسولفون بمواضيع عادي. تقربت من دمار وردفت. "راح ولي نطمر وبليل كعد أقرأ." هزيت راسي وصعدت فوك. تمددت على جرباية وفكرت: ليش جود طول الوقت ساكت؟ حسيت وراه شي بس شنو؟ أغمضت عيوني ورحت بنوم. ورا فتره كعدت باوعت على 5 المغرب. دمار ماكو. قمت غسلت وجهي وطلعت الكتب وعدت أقرأ. مر وقت طويل ودمار ماكو.

أتصلت عليه بس ما يجاوب. طنشت وكملت أقرأ. شوي ونفتح الباب، دخلت زينب. باوعت عليه. "كومي حياتي تعشي." "بابا وين؟ شو ماكو." "عنده شغل طلع هوه وعمر ولحد هسه ما إجو، كومي أكلي." "خلي يجي بابا وأكل وياه." أجت عليه سحبتني عليها. "كوميي أكلي هسه، هوه أكل بره." هزيت راسي وكمت وياها. نزلنا جوه يمهم. "مساء الخير." "مساء النور." "تعالي جوجو كعدي هنا." جان يحجي ويشير على كرسي الي يمه.

هزيت راسي ورحت كعدت يمه، ما حبيت فشلة كدام أهله. كعدت أكل بس مالي نفس، مو جوعانة. شوي ودخل دمار وعمر وسجاد. مدري وين جانو طالعين، وجوهم ما يكصها الطبر. أسلمو وراحو غسلو وجو كعدو ويانه. باوع عليه دمار وباوع على جود وهز راسه بمعنى بسيطة. وجود يبتسم ويباوع على دمار. "تعالي كعدي هنا." جيت. كوم، لزم يدي. "لا تكومين، كعدي كملي أكلج." باوع عمر عليه وعلى جود واضحك ودنك ياكله. "شنو كلت اني؟

"وليدي شتريد منها، خليها تاكل. شبيك وياها." كعدت ودنكت راسي حتى ما يبقى يخوزر بيه. كملت أكل وكمت حتى أغسل. جيت أغسل وحسيت بركصة من خصري. باوعت وراي. "أويي شبيك؟ "بس تكرص. لا تطنشيني مو ست وهج." "غير كاعد أكل. ما يصير كوم." كز على سنونه وردف بحده. "هبت الوادم ماكو مكان تكعدين بي؟ يمه جود عاجبج هسه. سحلج انتي وياه." "دوخر بس تخزر على ساس خايفها." أجى يريد يلزمني وشردت. رحت كعدت يم بيبي. شوية وجى كعد يمني.

"وهج تجين وياي نروح نشتري حلويات؟ مزت بسرعة. "اييي يلا كومم حباب." "وين تريد بيها بهاذه الليل؟ "شعليك انته، راح تروح وياي ما عليها شي مو يالغمه." "خلي تروح. دمار منو يباوع لوجهها." "تغارين لان ما عندك جمالي." ابتسم وردف. "اني منيلي جمال مزنجر، بس انتي كمر بحاله." خنزرة دمار. "عمررر." راح كوم كص لسانك ومحمد بعد بس تحجي هيج. "غير مثل اختي يابه، لاتغار." "هاي مو نوعي المفضل." "كافييي شبيكم يلا وهج كدامي." "لا كسر راسج."

"مداك اني شعليه ليش تغلط." "مداك انتي." صكيكه صكج يالغمه. "يلا امشي." هزيت راسي وكمت. وصلت للباب، فززني صوت دمار. "وين تروحين؟ وانتي هيج لابسة. دخلي، لبسي جبه فوك ملابسج." "لا والله مااا، اني شنو كلت." باوعتله صفح وطلعت ركض من البيت. لزم سجاد يدي وطلعنا نهرول بشارع. وكفنا بعيد عن البيت نأخذ نفس. "الله يغضب عليج يالغمه." "واني شكو؟ راح هفك بوكس على وجهك، لاتغلطط." "دمشي لا وعلي هنا موتج." خنزرتة ورجعنا نمشي ونسولف.

وصلنا يم محل. لزم يدي ودخلنا. "ليش لزم يدي؟ ماراح نهزم تره." "اشش راسج خلي بلكاع، ينعل شكلج." "شسويتت ليش؟ "اسكتي وصكيكه صكج." شترينه الي نريده وطلعنا من المحل. باوعت عليه وردفت. "عادي أسئلك سؤال." "كولي شنو." "ليش هيج ماتحبون جود؟ هوه مو هم أخوكم." "منو كال مانحبه." "تصرفاتكم تدل على هل شي." "بالعكس نحبه، بس هوه ما يحب أحد." "هو يحجي وياكم عادي، بس وياه دمار ما يحجي. لا دمار يطيقه ولا هوه يطيق دمار."

"سالفه طويله، لا تدوخين راسج." "صدك شعليج انتي بجود من هسه؟ "كلج تحلمين تحبين أحد." "شلون يعني؟ دنك راسه وما جاوب. أني هم سكتت. بس شنو يقصد بكلامه؟ وصلنا للبيت، جان ماكو أحد. كل واحد بغرفته، حتى دمار. بس بيبي كاعد تباوع على تلفزيون. "هلوو بيبي." "هلا يمه، تئخرتو. صار ساعتين من رحتو وهاذه الثور تخبل مدري شبي." "يا ثور؟ بيبي عدنه ثور واني مادري." "فدوه، خلي شوفه. صعدي فوك لغرفتج وشوفينه." "شصعده فوك بيبي؟

"صعد، بعد شنو شصعده. يلا روحي شوفيه." هزيت راسي وخذت الحلويات وصعدت فوك. فتحت الباب، جان دمار فاتح الشباك واكف يمه ويشرب جكاير. باوع عليه وهوه معصب، عيونه ناطه من العصبيه. سديت الباب وبقيت واكفه. "كدررر عرف ليشششش تخرتوو؟ "شبيك بابا، اصلا مصارلنه هواي من طلعنا." "اي صحيح، صار بس ساعتين وربع مو جثير." دنكت راسي وحجي بيني وبين نفسي: "هسه يلا عرفت يا ثور تقصد بيبي." "احجييي بصوت شكاعد تمضر***؟

"كلشي ما كلت. كاعد أستغفر ربي. شنو ما يصير." "هاي اخر مره احجي شي وما تسوينه. قسم بالله يا وهج، شوفج وجهي الثاني." "هسه انته عليش معصب يابابا؟ خليك ريلاكس يا عيوني." مسح على وجهه وجى فتح الباب وركعه حيل وراح. "عشتو وشسويت؟ جنك ثور مداك." أخذت الحلويات وشغلت التلفزيون وكعدت باوع. مر تقريبآ ساعه ودخل دمار. باوع عليه صفح وجاب فراش وفرشه بالكاع. باوعت عليه بستغراب. "هاي شسوي بي بابا؟

"ششوفين ست وهج، ريد نطمر علي يرادلها علم." "ليش تنام علي مو على الجرباية؟ "الحجيه تكول ميصير تنامون مكان واحد." "ليش ميصير؟ حرام وهج، اني لا ابوج ولا اخوج ولا زوجج. ما يصير نام سوه. بس اني ما جنت ريد نام بعيد منج، بس منه وهيج راح انتي تنامين على جرباية واني نام هنا. كدر اسويلج غرفه وحد. ماريد خليج تروحين بعيد عن عيوني." "يعني بعد راح نام وحدي." "اخاف؟ "منين تخافين؟ اني هنا يمج بنيتي." هزيت راسي وسكتت.

طفيت التلفزيون ورحت كعدت على جرباية وهوه جان يراسل ويبتسم. "ويه منو تحجي بابا؟ "بابا، باوع عليه، وياه محمد بنيتي." "تحجي وياه محمد وهيج امبتسم؟ صدكتك." "لا تصدقين، عادي ما يهمني." خنزرته ورحت تمددت وغطيت نفسي. حاولت نام بس ما كدرت. باوعت على دمار جان نايم. كمت من الجرباية واني أمشي على كيفي. أخذت المخده ورحت تمددت قريب منه. مر وقت طويل واني باوع على غرفه ضلمه. باوعت جوه الجرباية احس انو أحد راح يسحب رجليه.

تقربت من دمار وفتح يده. فز وباوع عليه. "شبيج وهج؟ ليش نايمه هنا؟ "فتح يدك بابا خايفه فدوه." مسح على وجهه وردف. "شحجينه؟ بابا بس اول يوم بعدين تتعودين تنامين وحدج. ماكو شي يخوف يروحي." عيوني نملت دموع. "فدوه فتح يدك حباب." "شبيج عمري؟ لاتبجين. تعالي نامي بحضني بنيتي." فتح يده ونمت عليها. تقربت أكثر منه وخليت راسي على صدره ورجلي على خصره. وصرت أبجي بصوت عالي. "أحضني بابا والله خايفه." "بابا شبيج وين حضنج؟

شويه وراح تنامين عليه. وين خليج بعد." "اشش اسكت. كله من وراك. احضني حباب." "يلا كافي ابجي يروحي. هياني يمج. ما أعوفج بابا." أغمضت عيوني ونمت واني شهك. بقى يهدي بيه لحد ما نمت. ما كعدت اله على صوت وضحكة عمر وسجاد وبيبي تحجي وياه دمار وتسب بي. كمت باوعت على نفسي نايمه فوك دمار، راسي بركبته ونايمه فوكه. وهوه أحضني من خصري. وخرني دمار وكعد عدل واني باوع عليهم بستغراب وفرك بعيوني. "ليش هيج منوم الفرخه؟

ما تخاف ربك مو حرام عليك." "شبيج حجيه؟ من الصبح." "كوم لابارك الله بيك. ليش هيج نايمه الفرخه." "شنو هاذه دمار؟ مو عيب هيج تنامون." "وانتو شلون تدخلون للغرفه بدون ماتدكون الباب؟ "الحجيه كالت ريد شوفهم شلون ينامون. وقتحمنه الغرفه." "هاي عود كتلك حرام نامو كل واحد مكان. هيج تنومها يمصخمان." "انتي مو كالت نامو بالكاع؟ هاي نايمين بعد شتريدين." "كتلك خلي تنام وحدها مو تنومها فوكاك." "على هاي زعلانه؟

مو تدللين بعد نومها جوايه." "شنو من نومه هاي يابه؟ نيالكم." "وانتو شكو تدخلون وياها؟ "الحجيه كالت ريد شوفهم شلون ينامون. وقتحمنه الغرفه." "لزم نشوف بعيونه شكعد يصير هنا." متت اخجل. هسه شيفكرون بيه؟ وجهي صار حمر من الخجل والفشلة. هاي اول مره هيج نام. كل مره صحيح نام بحضنه بسرعة. وخر منه. باوع عليه عمر وبتسم: "لا تنامين هيج بعد. تره اثنين وثالثهم الشيطان. انتبهي بنيتي." كمت بسرعه ودخلت للحمام. ضليت كمز من الفشلة.

هسه شلون أباوع على وجوهم يمه؟ غسلت وجهي وطلعت. مجان كو أحد، حتى دمار مموجود. جبت ملابس المدرسة لبست بسرعة ومشطت شعري واخذت الجنطة مالتي ونزلت. "صباح الخير." "صباح النور." "تعالي يمه تريكي راح تتأخرين." هزيت راسي ورحت كعدت يمها وهيه تسوي الفات وتوكلني. أذكرت ماما من جنت ما قبل أكل هيه تسوي لفات وتوكلني. دنكت راسي. "الحمد لله، شبعت بيبي كافي." "ماكلتي يمه؟ "شبعت والله ماريد بعد."

"شتري من توصلين بنيتي، لا تبقين بدون أكل." هزيت راسي وباوعت على دمار. "يلا بابا مراح توصلني؟ "عندي شغل بنيتي. عمر راح يوصلج." "ماشي." كمت وكفت يم الباب لبس بحذائي (العفو) بين ما يخلص أكل عمر. شوي وجى وهو يفر سويج السيارة. شرلي. صعدت. صعدت كدام. حرك السيارة واني ماباوع لوجهه أبد، متفشلة من الموقف. "وهج." "اها." "عادي أسئلج سؤال." "كول." "انتي ودمار يوميه تنامون هيج؟ دنكت راسي بسرعة. يبووو، هسه شأجاوب؟ عزة بعيونك دمار.

الله يحركك سجاد. "لا تستحين، صدقيني ماريد غير مصلحتج. اعتبرج مثل اختي. ادري اول لقاء النه مجان زين. بس اني خايف عليج. اعرف دمار ما يفكر بي غير شي. بس الحذر واجب." "لان جنت خايفه ونمت يمه. ادري ميصير نام يم أحد، بس اني من اول ما جيت هنا واني نام بحضن دمار. والله اعتبره مثل بابا." "اعرف، بس ديري بالج على نفسج." "لا كتلك لان جنت خايفه. ما اعرف شلون نمت هيج."

"حرام بنيتي، بعد ميصير هيج تنامين يمه. اعتبريني مثل اخوج واريد مصلحتج. ذا تحبين أسويلج غرفه وحد. هيج مراح تتقيدين وتلبسين بكيفج وتسوين الي تريدينه." هزيت راسي وسكتت واني أحس صار مغص بطني من الخجل. وصلنا للمدرسة. جيت أنزل. "لحظا. هاج مصروف. من الخجل راح تطلعين كبل." ابتسمت وردفت. "عندي، ميحتاج." "تعالي، غير اذا ما تاخذين دمار يرميني من فوك البيت." هزيت راسي وتقربت منه، أخذت الفلوس ودخلت للمدرسة. وهيج مرات الأيام.

عمر كد كلامه سوالي غرفه بصف غرفت دمار ونقلت كل أغراضي. فرحت كلش لان هسه كدر لبس بكيفي وكعد شكد ما أريد على جهاز دمار. أول شي ما قبل. بعدين وافق من شاف صراري على موضوع. طلعنا اني وزينب للسوك واشتريت كل شي أحتاجه. بيوم جنت كاعد بغرفتي أقرا واني ضهري يوجعني وابطني. عفت الكتب وتمددت بلكاع. شوي وندك الباب. فتح الباب ودخل دمار. عدلت كعدتي. "شبيج بنيتي؟ شنو يوجعني؟ ليش وجهج أصفر؟ "ماعرف بابا. فدوه، ابطني توجعني حيل."

"كوم اخذج للدكتور احسن ماتبقين هيج." "مابيه كوم والله." باوع عليه وامسح على وجهه. "بنيتي راح أصيح لج زينب." طلع بدون ما يسمع جوابي. شوي ودخلت زينب. باوعت عليه وابتسمت. "شبيج؟ شكو؟ "ولج، كتملتي." باوعت على ملابسي وباوعت على زينب. "دمار شافني واني هيج؟ باوعت عليه بصدمة. "عززززه يمه، شكد عيب." "يمه وين أطي وجهي هسه." "كومي وياي هسه دخلي للحمام اسبحي، بين ما أجيب حتياجاتج." هزيت راسي ودخلت للحمام الموجود بغرفتي.

سبحت انتظرت شويه، وجت زينب جابت الشياء الحتاجها وطلعت بعد ما علمتني شنو تسوي. كمت تمددت على جرباية طفيت الضوة. خليت بس الضوة خفيف. جبت كتاب وكعدت أقرأ. شوي ونفتح الباب. "بالي بقى يمج، شلون صرتي بنيتي؟ بسرعة دنكت راسي واني متفشلة. يبووو على حظي. "مابيه شي زينة." ابتسم وكعد يمي على جرباية. "لاتستحين بنيتي، مابيها شي عادي هاذه." هزيت راسي وبقيت ساكته. ماعرف شنو أقول. "الغرفه مو حلوه بدونج وهجي." "عادي بابا تتعود."

"صدك ليش ماتتزوج؟ ليش تريدين تخلصين مني؟ "لا مو هيج، بس علمود ماتنام وحدك." "اخخ لا خليني هيج احسن." طبك طوب فوك. "ماريدك تزوج." "لسانج حيوانه." "مااا بكيفي." أجى يريد يحضني، بعدت بسرعة منه. باوع عليه بستغراب. "شبيج ليش وخرتي؟ "حرام ما يصير. ماتذكر كلام بيبي؟ "انعل ابو بيبيتج." "عزة بعينك بابا." "كول نطمري احسن، تره اني مو صديقتج وهيج تغلطين. راح كوم سحل بيج البيت كلها." "يي يلا وره ماتطلع سد الباب لان اريد نام."

"اوك بيبي." باوع عليه صفح وطلع من الغرفه. بقيت كاعده من الوجع. نمت من وره التعب والألم. كعدت على شخص يكعد بيه. فركت عيوني باوعت. "يلا بابا كومي تئخر الوقت." هزيت راسي وكمت غسل وهوه طلع. غسلت وكملت ولبست ملابس المدرسة وطلعت. نزلت يمهم. "صباحوو." "صباح النور." "تعالي بابا اكلي بسرعه لان تئخرتي." "اني راح أوصلها بطريقي." "ماله داعي، اني ماعندي شي اليوم." كعدت أكلت وكملت طلعت بره أنتظر دمار. شوي وجى. صعدت بسياره.

"شلونج اليوم؟ بعدج تتوجعين؟ دنكت راسي وردفت. "مابيه شي بابا." هز راسه وبتسم. وصلنا للمدرسة. دخلت للصف. أجى دينا بنت، تعرفت عليها بـ صفي. كلش حبابه مو مثل باقي البنات. هم شي عدها دراسته. "هلوو شلونج." "هلا عمري تمام وانتي." "تمام الحمد لله." "دومج حياتي." "تسلمين، كلج حبيبتي. عادي أسئلج سؤال؟ اسفه على تدخلي." "كولي عمري كو." "لا بس منو الي تجين وياهم؟

"الي يوميه اجي وياهم. اعتبرهم مثل اخواني. والي وصلني يوم هاذه بابا." "الله يحفضهم الج." "يبعد عمري." جت المدرسة وبده الدرس. وهيج مرت الدروس. طلعت من المدرسة واني لبس بجبه مالتي. أنتظرت دمار بس ماكو أحد. والمدرسة بدت تفرغ. البيت مو بعيد كلش من المدرسة. يعني كدر أروح أمشي. بس دمار ما يقبل. "يلا شراح يصير؟ هاي مو البنات يرحن للبيت؟ أمشي." بقيت أمشي وأغني. وصلت للشارع العام. باوعت وراي. شفت جلب يركض بتجاهي.

متت بدمي، صرت أركض. الجبة مالتي نفتحت، صرت مثل باتمان. وأني أعيط. "يبوووو بابا ساعدني." "يمههه لحكيليي." يبقى الجلب يعوي وراي بصوت عالي. من الخوف وكعت على وجهي وصرت أبجي. شوي وجى ولد وكف كدامي. "شبيج خويه؟ "فدوه، الجلب أجه راح ياكلني." "كومي اخويه، ما ياكلج. وين بيتكم؟ اني أوصلج." "لا شكرا ماريد. بس بعد الجلب من يمي." أجى الجلب صار يم الولد. "هياته وراك حباب طرده." "تقصدين هاذه الجلب؟ هو مالتي، ما يعض."

"الله ينتقم منك ومنه." كمت عدلت الجبه وكمت أركض للبيت. وصلت فتحت الباب واني أعيط. "دماررررررررر." طلعو كلهم على صوتي. باوعو عليه. "شكو شبيج بنيتي؟ ليش هيج ملابسج كلهن تراب." "دمار أجه عليج ومالكاج موجوده." صرت أبجي بصوت عالي. تقدمت من بيبي وحضنتني. عبالهم بيه شي. دخلتني للصالة وكلهم منتظريني أحجي. صايرة أخابر عليه على دمار حتى يرجع للبيت. "احجي يمه شبيج؟ وكعتي كلبي." "اكيد مغتصبينها. شوفي حالها."

"الله لا يوفقج. بيش طالبة الفرخه." أجت زينب يمي كعدت ولزمت يدي. "شبيج يروحي؟ صاير وياج؟ مارديت بقيت بس أبجي. "احجي عادي، صاير يمعود." "مصاير شي." "ابو جود شلون مصاير؟ ليش هيج شكلج لعد؟ رديت. "مابيه شي والله، بس الجلب أرركض وراي وكعت على وجهي." الكل باوع عليه. صار الوضع هدوء. "عود صدك تحجين؟ ردفت واني أمسح بدموعي. "اي والله، واله شويه أكلني." "عبالي بيج شي يمه. وكعتي كلبي."

باوع عليه دمار ولزمني من ايدي وسحب بيه على الدرج. "يابه عوفها خطيه خايفه. ماتعرف بعدها صغيره." "دمار عوفها شبيك لاهيج وياها. ماشوف شلون تبجي." ولاهتم، صعدني فوك لغرفته فتح الباب دخلني وسد الباب. باوع عليه وعيونه بكصته من العصبيه. صك على سنونه ولزم زندي قوي. "انييي كم مره كلت لاتطلعيييين من المدرسة وحدججج؟ "اخخ يدي شبيك؟ "احجييي شلون تطلعين وحدج؟ ماتخافين على نفسج والدنيا أضهررر؟

"والله بعد ما أعيدها فدوه بس وخرر يدي توجعني." "لو شخص متعرضلج انييي شسوي بنفسيي؟ "لشوكت تبقيننن غبيه؟ تره انتي مو طفلهااا." صرت أبجي وأشهك وأحاول أوخر يده من زندي بس ما يفيد. لزمني قوي. "والله لان تئخرت طلعت وحدي. توبه بعد ما أعيدها." "وهجج جري عدللل احسلج، تره اقسمم بالله بعد ما أخليج تروحين للمدرسة لو يجي ر**." "اي افهمت والله بس وخرو." وخر يده من زندي ودفعني وكعت على يدي. صرت أبجي بصوت عالي من الخوف ومن الوجع.

أجى عليه بسرعة ولزم فكي قوي. "كافيييي تبجييين." هزيت راسي. وخر يده من فكي وصار يفتر بالغرفة. خفت من شكله، أول مره أشوفه هيج عصبي وخصوصي عليه أني. كمت أريد أطلع من الغرفه. وكفت يم الباب. فتحته وطلعت لغرفتي كبل. رميت نفسي على جرباية وصرت أشهك من البجي لحد ما حسيت نفسي تعبت. كمت اخذت ملابس ودخلت للحمام. نزعت ملابس ودخلت جوه الدوش واني دموعي ما وكفت. سبحت وكملت. فتحت باب الحمام. جان دمار كاعد على جرباية.

بس شفته جيت رجعت للحمام. بس رفع راسه شافني وجى قرب مني واني رجعت وره ورجعت أبجي من جديد. أول مره هيج أخاف منه. "تريد شي؟ تعالي كعدي. ريد أحجي وياج." "مابينه أحجي. طلع من الغرفه رجائآ." "وهجج احجي عدل لاتخليني امد يدي عليجج." "انته شعليكك بيه؟ ما يحقلك تمد يدك عليه لو تصرخ. ابوجهييي افهمتت. وهسه طلع من الغرفه. ماريد شوفف وجهكك." أمسح على وجهه يحاول يخفي عصبيته. "لسانج وهج ماريد أذيجج." "شسويي انته منو وتتحكم بيه؟

طالععع عاد." "خلي نحجي. ادري غلطت بحقج." "ماريد احجي وياك. ما جذبو من كالو مخبل." باوع عليه بصدمه. كزز على سنونه، أجة عليه بسرعة وضربني راشدي ولزمني من شعري. "تريدينن شوفجج المخبل شيسويييي؟ "وهج: وخررر انته شلون تمد يدك عليه وكسررر راسسججج هم ونعل شرف اهلج بنت الكلب." "وهج: لا تغلططط على اهليي الله لايوفقك ياحيوان." "على ساس هسه الله موفقني؟ ماشوفينشلون مطيحح حظييي." وخر يده من شعري وكام.

"ماتوقعت توصل وياج لهنا. وهجتوقعت من الكل يكولون عني مخبل بس انتي لاماجاوبت." نزلت راسي وبجيت بكتمه. وهوه طلع من الغرفه وركع الباب وراه. شوي ودخلت زينب. باوعت عليه وجت أحضنتني. جنت محتاجه أحضن يلمني. خليت راسي يم صدرها وبجيت بصوت. "شبيج يروحي ليش تبجين؟ "زينب والله ماسويت شي. بس طلعت من المدرسة لان الجو حار ودمار تئخر." "هسه انتي عليش تبجين؟ ضربج؟ ليش طلع معصب من غرفتج صاير؟

"كتله انته مخبل. زينب بس والله من حركت كلبي اني ممسويه شي. ليش يضربني؟ هوه ما يصيرلي شي. ماله حق هيج يسوي وياي." "كافي اسكتي يروحي، لاتبجين. وهوه ما يزعل منج. كل مره تتعاركون ويرجع هوه يراضيج." "ماريد يراضيني. ولا ريد شوف وجها. اني على شنو باقيه هنا؟ "ليش هيج تحجين وهج؟ مايصير. حنى صرنا اهلج." "اني ماعندي اهل. اهلي الله يحركهم بنار جهنم ان شاءلله. ليش خلوني وحدي."

"استغفري ربج. ما يصير هيج تحجين. اهلج ميتين ليش هيج تدعين عليهم." وخرت من أحضنها وشرت على باب. "طلعي بره فدوه زينب. ماريد شوف أحد." "ماكدر خليج وحدج يروحي." "كلت طلعي. ماريد اسمعج شي ما يعجبج." هزت راسها وطلعت من الغرفه. طفيت الضوة وتمددت على الجرباية. بقيت ابجي لحد ما عيوني صارت حمر من البجي. كمت غسلت وجهي ورجعت تمددت ونمت. كعدت الصبح على صوت المنبه. كل يوم دمار يكعدني.

تنهدت بتعب وكمت لبست ملابس المدرسة وسويت شعري كبايه وخذت جنطه مالتي ونزلت. "صباح الخير." "صباح النور." جان الكل يباوع عليه وعلى دمار لان كل يوم ننزل سوه بعناده. رحت كعدت يم جود. ما اكلت بقيت مدنكه راسي. ماريد شوف أحد. ولو ماعندي امتحان ماداوم. رفعت راسي باوعت على دمار جان كاعد يلعب بجهاز ولا يمي. خنكتني العبرة. ماريد أبجي كدامه. الله يلعنككم. كمت. "وكلت يلا سجاد تئخرت عندي امتحان." "انتظري وجع جوعان."

"اني كملت. امشي أوصلج." الكل باوع على دمار يعرفون ما يقبل. بس. هوه بقى مدنك على جهاز ماهتم. "بسيطه يثور." "يلا لعد حباب امشي نروح." "دللي روحي كدامي للسيارة هسه اجي." ابتسمت وهزيت راسي وطلعت بره أنتظره. شوي وطلع صعدت بسياره وهوه هادئ. "متعاركين انتي وياه؟ "اي. هيج احسن. لا هوه يدخل بيه ولا اني. دخل بي. كل واحد حر بنفسه." "تدرين شوكت تصيرين ماتحتاجين شخص بحياتج؟ باوعت علي وردفت. "شوكت؟

"من تكملين دراستج وتتوضفين راح تعيشين احسن حياة. راح تكدرين ترجعين لبيت اهلج ومحد يكدر يمنعج. شهادتج هم من زعل دمار منج. خلي هاذه الكلام بالج." "ما جنت اعرف انو انته هيج تفكيرك ايجابي وكلامك حلو." ضحك وردف. "عبالج بيه حاله نفسيه؟ "لا مو هيج بس ماشوفك تحجي هواي. طول الوقت ساكت." باوع بعيوني. "وشدعوه هيج مركزه بيه؟ "ويعع من جمالك. كاعد عابتلك." أضحك وهز راسه. وصلنا للمدرسة. نطاني مصروف وراح. دخلت. وهيج مرات الأيام.

اني ودمار صرنه مثل الغربة. محد يحجي وياه الثاني. جود صار هوه الي ياخذني للمدرسة. الطريق كله نخلصه سوالف. بلبيت مانحجي. كلامه حلو واعي. جان دائمآ يكول: "دراستج هم شي. خلي اهلج يفتخرون بيج حتى لو ميتين." بيوم جنت كاعده بالغرفة ضايجة. ما عندي دوام لان جمعه. طلعت للمطبخ يم زينب. جانت تحضر الأكل. "زينب." باوعت عليه وردفت ببتسامه. "اها يعمري." "احجي وياه جدو اريد روح لمريم فدوه. والله كلبي طاك على شوفتها."

"تدرين دمار ما يقبل تروحين؟ يخاف عليج." "اشش اسكتي. هاذه الكلام قبل. هسه اني أسوي الي أريده. محد يحجي وياي." "ليش هيج تحجين وهج؟ شنو ماندخل؟ غير انتي وحده من هاذه البيت." "واني مكايله شي. اريد روح على صديقتي. حبابه احجي وياه." "ماشي تدللين. احجي وياه." رحت عليها وبوستها. "اححح شكد أحبج." أضحكت. "يبعد بيتي انتي." "شو وجو كلهم من الجامع. صبينا الاكل وكعدنه ناكل." الوضع هدوء. "حجي اريد طلب منك طلب."

"احجي بنيتي شنو تريدين." "وهج تريد تروح على صديقتها مريم. على تروح." باوع عليه. "شسوين تروحين بنيتي؟ "مشتاقتلها جدو فدوه خلي روح." باوع عليه وبتسم. "تدللين يبعد عيون جدج. العصر جود يخذج عليها." ابتسمت وباوعت على دمار. جان يريد ينفجر من العصبيه. باوع عليه وردف. "ماكووو روحه وهج." "خلي تروح وليدي شتريد منها." "كلت ماكو روحه، لو تموت ماتروححح." "وانتههه شعليككك؟ لاتدخلل بيه." "وهجج ورب الكعبة ندمج."

"شبيك دمار خلي تروح شنو حابسها." "انته مالك علاقه بيها." "هسه هيه وين رايحه يم صديقتها؟ قابل يم ناس غربه." "انييي شنو؟ أكلت خر* بس تروح راسها أكسره." "وانته شعليك بعدين اني ما ححجيت وياك. كاعد احجي ويه جدو." "وهجج لسانجج ليش تخليني اضربج." "منو انته وتضربني؟ مالك علاقه انتههيييجج." صار الحجي. "اي شراح تسوييي." "انتظر." "والله روح وغصبن عليك شسويلي مثلا؟

"جود: ليش معصبه عادي مو اله اليوم تروحين. خليج ريلاكس. وانته شعليكككك بيها ليش تحجيي وياها؟ منو كلك؟ بعدين خليها تروح." "وهج: الكل اسمع كلامهم اله انته." "هيج يعني بسيطه وهج." "وهج: تره مخايفه شسوي يعني." كام من الكرسي وردف بحده. "وهج بس تروحين ؏صديقتج بعد مالج كعده بهاذه البيت.... " ووو