رواية وهج الدمار الفصل الثاني والثلاثون 32 - بقلم ريو الطائي

ماتريد تجي تسلم على أمك؟ دمار. باوعت على دمار وجعت، باوعت له. يعني هاي أم دمار؟ عاط بيها بصوت عالي: اطلعيييي من البييييت! أنيييي ماعنديييي أم! اسمعتيييي؟ شعندججج جايه بعد كل هاي الأسنين؟ ابتسمت لدمار وراحت كعدت على الكنبة. وتحرك بشعره: فرح: جيت أشوفكم لأن هواي مشتاقتلكم. غير جهالي! هسه يلا تذكرتينه؟ شتريدييين انتي بالضبط؟ فرح: مو عيب هيج تصرخ على أمك؟ بس شنو هاي؟ دمار صاير عندك بنية مثل القمر؟ اطلعييي منااا!

محد بينا يريد يشوف وجهج! مو انتييي التخليتي من عدنه من جنه صغار ومحتاجيج. شكو جايه هسه؟ ماردت، باوعتلي ورجعت باوعت على دمار. فرح: هاي مرتك؟ شو مو حلوة؟ الكل يسالف بجماله بس طلعت بس كلام. إخلت الجمال الج؟ هم شي عدج شرف مو مثل غيرها بايعة نفسها. أبو دمار: وهسه حجيتي. دمار وما يريدج. طلعييي من البيت كح**! فرح: صدك أذكرتني. وين مرتك لعد؟ أريد أشوفها.

نسوم: ما أعرف بصراحة شلون قبلت تبقى وياك وتخلص عمرها وياه واحد شايب مثلك. عمر: صح احنا ما انحبه بس ؏ الأقل هي ما اشتغلت بالملاهي وصارت من واحد لواحد. خزرته وعاط بي بصوت: فرح: انجب! شلوننن تحجييي هيججج وياه امككك؟ بس شيطلع من عدكم ذااابوكم؟ هاذه الشايب مووو أبونه ولا انتيي أمنه. احنى مانريدك! انتي عفتينه من احنى اصغار وهوه عذبنه وهسه طلعييي من البيتت! مانريييد نشوف وجهجج!

ماردت، ابقت كاعدة وتباوع عليهم. سجاد ما احجه بس مدنك راسه. وأبو دمار تخبل، صار يعيط بصوت عالي يريده تطلع من البيت. أخذت كايا وشلته وباوعت عليهم. وهيه ولا مهتمة. طكت بالعلج. شوي ورجعت حجت: فرح: كافي تخوزرون بيه. أبقى أمكم شما سويت. افهمتمعمر: مصدكة نفسج؟ هواي طلعيي من البيت أحسلجج. ليش تخلينه نطلعج بالغصب؟ فرح: ليش هيج تحجي؟ مو على أساس انته العاقل وتخاف الله؟

مايصير هيج تحجي وياه أمك حبيبي. لو بيج خير جان من هوه واصغير تعلمينه الصح من الغلط مو هسه من صار جبير جايه تحجين هيج. فرح: شبيك وياي دمار؟ شلون تحجي عليه كدام العائلة كلها؟ حياتي كافييييي! مضرط* طلعييي من البييت! انتي شنووو ماتفهميين؟ جاي تستغبين علينااا؟ فرح: اخلص رايحة. بس جيت حتى أشوف حفيدتي وأروح. وصح الله يرحمه ابنك المات. بعده اصغير بس يلا شسوي بالطفل. مارد دمار. صار يفرك براسه ويباوعله.

كامت هيه واجت واكفت يمي. تباوع على كايا. لزمت ايده وابتسمت: فرح: يمه فدوه شلون عندي حفيدة حلوة؟ شو كولي بيبي. كايا: بيبي. فرح: شنو هاذه الصوت الحلو؟ كايا حبيبتي. أضمت وجها كايا بركبتي وتضحك. ابتسمت هيه على ضحكته. واكفت عدل تباوعلي: فرح: انتبهي عليها وعلى دمار. ومبروك على الطفل الجديد الراح يجي. باوعتله بصدمة. عزة هاي شدراها! باوعت على دمار وابقى ساكت. ويشرب جكاير ويباوعله وعيونه ناطة. فرح: شبيج مستغربة؟

اني اعرف كل شي عن حياتكم. هسه لزم أروح وإن شاء الله هاذه مو آخر لقاء النا. عمر: مانريييد نشوف وجهججج بعد. اسمعتيييي؟ وهسه استعجليي وطلعي. فرح: رايحة حبيبي. لاتعصب. مو زينة العصبية الزايدة تسببلك تجاعيد. ماشي. خلصتي؟ يلا طلعي ومانريد نشوف وجهج مرة ثانية. حسافة بيج كلمة أم. ماردت. ابتسمت له بحتقار وباست كايا من خده. ضحكت بصوت عالي وطلعت من البيت.

باوعت على دمار. أخذ المزهرية وكسره وصار يكسر بيهن وحدة ورا الثانية. وعيط بصوت عالي. خافت كايا من صوته وبجت. حضنته. حاول يهديها. رفع راسه باوعله ومسح على وجها. أخذ السويج من الكنبة وطلع من البيت. باوعت على عمر وسجاد. عمر واكف وعينه على مكان الجانت كاعدة بيه. وسجاد صعد لغرفته. والكل ابقى ساكت. جدو وبيبي ما جانو موجودين. أخذت كايا وصعدت فوك لغرفتي. خليته على جرباية وتنهدت بصوت. يمتى راح نعيش مرتاحين بدون مشاكل؟

راح انبقى هيج يوميه طالعة النا سالفة جديدة؟ والله تعبت. مو عيشة هاي. أخذت ملابس ورحت للحمام اسبحت بسرعة وطلعت. الجو حار. شغلت المكيف. وطفيت الضوية ورحت كعدت يم كايا وامشط بشعري. كملت واخذت الجهاز واتصلت على دمار. أكثر من مرة بس مارد. تركته على راحته. أخذت كايا ونزلت جوه يم مريم بالمطبخ. وهج: كلج جوعانة؟ شنو مسوين غده؟ مريم: مسوين فصولية. تريدين اصبلج حبيبتي؟

وهج: اي عفيه. ميتة جوع. حتى دمار جوعان. سودة عليه من ورا فريحة ما اكله. سجاد: اني هم جوعان. اصبيلي وياج مريومة. مريم: تدلل. أجى سجاد واكعد كدامي على كرسي. باوعتله. عيونه حمر. وهج: شبيك سجاد؟ ليش ساكت؟ حتى ما حجيت وياه أمك ولا كلمة. سجاد: استغفر الله. شنو أمك؟ أمي ميتة. ماعندي أم. من اني واصغير يتيم وراح أبقى يتيم. سكتت وبقيت باوعله. باوعلي وابتسم.

سجاد: تدرين أحسدج لأن انتي عشتي وياه أمج وأبوج وهمه يحبوج. حتى وإن ماتوا وانتي اصغيرة. هسه من تذكرينهم تفتخرين بيهم وشلون جانوا يتعاملون وياج ومدللينج. بس احنا ما عشنه مثل حياتج من اصغار واحنى فاقدين الحنان. ما اكو أحد يسئل علينة. لو يكون وين رحتي وين رجعتي. وهج: لاتزعل سجاد. محد جان فرحان بحياته. كل شخص وعاش ظروف صعبة سوء من الأهل لو من شخص تخلي ثقته بي ويخذلك. اله ما يجي يوم وتفرح وتنسه كل شي صار وياك.

هز راسه ومارد. سكت. اجت مريم واخلت الأكل كدامي وهيه كعدت ويانه. باوعله سجاد: على ما أعتقد قبل شوية شفتج تاكلين. شتسويين هسه كاعدة ويانه؟ باوعتله وهيه تخلي المرق فوك التمن وحجت: مريم: ما أكلت بس شوية والله. بعدين انته مخلي عينك على أكلي. شكد نحس. سجاد: انجبي واكلي عدل. عابت شلون وجههم داج انتي وهاي الغمة. رفعت راسي باوعتله. وهج: واني شكو؟ طاح حظك. سجاد: حجيت وياج. جاي قصد كايا؟ لو عرفتي هاذه لقبج؟

مريم: أريد هاذه الطرشي اليمك. انطينيياه فدوه. خزره واخذ الصحن اخله يمه على صفحة. سجاد: اكلي خر* هاذه مالتي. شبيج مفجوعة. ماردت. اخذت الصحن من عنده كوه واخذته تاكل بي. ضحكت على سوالفهم. صاروا كون. اخذت كايا وغسلت وجهه ورحت أكعدت بالصالة. فتحت الجهاز ماكو دمار. مارد. رجعت اتصلت مرة مرتين يلا رد. فتح الخط وسمعته عاط بيه: شترييددييين؟ علششش تتصلييننن؟ ماتخلووون واحدد يرتاااحححح! الله يااخذنيييي واخلص منككككممم! ملييت!

شنووو من عيشة هايييي! بلعت ريئك. وخرت الجهاز من اذني. وهج: شبيك مكروص؟ بعدني محاجية شي. عليش نهديت عليه مثل الثور؟ وهجججج! لسانججج! احجيييي مضرط*! شعندججج تردين؟ رجععع احتى نتعارك لو شنووو؟ وهج: والله مو هيج قصدي. بس انته مدري شبيك معصب. اختفه صوته شوي. سمعته تنهد بغصة وسد الاتصال بوجهي. باوعت على كايا. تباوعلي وساكتة. وهج: شوفي ابوج ماعنده احترام. سد الاتصال بوجهي. هوه العنده وحدة مثلي هم يسد الاتصال بوجها؟

هوه هاذه التبطر على نعمة الله. كايا: بابا. وهج: اي ابوج الثور حبيبتي. ضحكت وخلت ايده على حلكه. ابتسمت وحضنته. بوس بخده. وهج: هسه وين نروح؟ ماما كلش ضايجة. اجت بالي فكرة. أخذت كايا وصعدت فوك لغرفتي. طلعت المكياج كله وكعدت كايا كدامي. مددته وخليت راسه بحضني وبديت اخليلهم مكياج من كل شكل. وهيه فرحانة تضحك. كملت. باوعتله صار شكله يخوف. ضحكت وشديت شعره فوك ولبسته بلوزة دمار. صارت عليها دشداشة.

رحت اني هم نزعت ملابسي ولبست بس بلوزة من مالت دمار اسودة وشديت شعري فوك. وخليت كايا على جرباية وصعدت وياها وصرنا نكمز ونضحك بصوت عالي. وكايا اخذت المخده وتضربني بيها. أخذت وحدة ثانية ونتعارك اني وياه ونضحك. جرتني من شعري قوي. عطت بيها. وهج: شعرييي بنت الكوا*! خر*بشرفك دمار! اخخ شعري! شلون وياه هاذه لسانج ست وهج؟ درت وجهي باوعت شفته واكف يم الباب وبيده جكارة ويباوع علينا.

وخرت ايده كايا وراحت على دمار. وصلت لعنده وكعت من ورا البلوزة لان طويلة كوما. بسرعة وهوه يكول: الله! على كيفج بابا. كايا: ماما عفتني. شالها وباوع عليه. كمت من مكاني ورحت كعدت على جرباية. حرك برجليه. ليش عضتها؟ شنو اجلب انتي؟ وبعدين تعالي هاي شلابسات انتن؟ وهج: من بلوزاتك. شبيك؟ هسه وإذا لبسنه؟ باوع شكد حلوات طالعين بيهن. انتي شلون تخلين عقلج بعقل كايا؟ لاتنسين انتي حامل مايصير هيج تبقين تركضين. اثكلي مو اصغيرة.

وابقى اعلم بيج. وهج: وليش عيني؟ شايفني عجوز؟ تره اني شابة ولبنات البعمري لحد هسه ممزوجات. ال بعمرج هسه شبعن ماي ورد. يابعدهن مامزوجات. وهج: وين جنت انته صدك؟ ليش سديت الاتصال بوجهي؟ باوع على رجليه واعض شفته. اخخ لو لزمج هسه قسم بالله عشرة وياج محد يطلعج من جوه ايدي. وهج: شكد مستهتر. ماتبطل من هاي سوالفك. اني وين احجي وانته وين. ابو علي محروم. شنسوي بس انباوع وكلشي ماكو.

أذكرت منو أبو علي. بلعت ريئک وحكيت اركبتي متفادية انتظراته. نزل كايا من حضنه وهيه راحت تلعب بالمكياج. أجى تمدد يمي على ضهره واخذ نفس وزفرة. باوعتله تقربت من عنده وفتحت ايده وخليت راسي على صدره وحضنته قوي. باس راسي وضمني بحضنه. وهج: دمار وين جنت؟ جنت أريد أبقى وحدي. مخنوك. شفتي بعد كل هاي السنين هسه جايه وتريد نحترمه وناخذه بالحضان؟ ولا كانو مسويه شي.

وهج: انسى دمار. لاتعب نفسك بالتفكير. هيه ماتستاهل تشغل تفكيرك وتتعب. عيش حياتك وانسى كل شي بالماضي وعيش الحاضر ويانه اني وانته وكايا. رفعت ايده واخله على بطني. باوعت بعيونه. وهج: وابنه دمار. ابتسمت وباس خدي. قلبني ونام فوكاي. اخله راسه ابركبتي وباسه واخذ نفس طويل. يا راحتي الماينشبع منها. أحبج. وهج: روحي. حضنته قوي وبقيت ساكته. رفع ايده اخله على صدري وعصره. فتحت عيوني بصدمة ودفعته من فوكاي وكمت من الجرباية.

باوعتله شفته يباوعلي ويضحك. وهج: انته ماتستحي؟ مو كاعدين وجاي نحكي ليش هيج تستهتر؟ شسويلج بعد مااتحمل. فاض. اصبري. احسي بيه مو حجارة. وهج: لاتعيد هاي الحركات. جنك ثور. كل ما أكعد يمك هيج تسوي بيه. اعض شفته واغمزلي وتمدد على ضهره وحجه: ترة بس لزمته ومالحكت أغتصبج. قبل طفرتي من مثل الفارة. باوعتله صفح ورحت نظف الغرفة لان صارت هوسة. لميته بسرعة واخذت كايا ورحت تمددت بحضن دمار. حضنته ونمت.

كعدت العصر وتجهزنه حتى نروح انخطب تبارك لسجاد. جنت كلش حزينة لأن ما أريد أطلع من البصرة لأن دمار كال بعد العرس نروح نشتري بيوت النا وكل شي جاهز. أخذت كايا وخليته بحضني وصعدت. بيبي وزينب ومريم ورسل لحد هسه ما رجعت من أهله. جنت كلش مشتاقتله. وصلنا دمار وراح كال عندي شغل. من تخلصن اتصلن عليه. نزلنا ودكينه الباب. شوي وفتحه زين. ابتسمت من شفته لأن زمان ماشايفته. أسلم على بيبي وهوه مدنك راسه.

دخلن جون. وسلمت على جدي وجيت أدخل. بس واكف كدامي وأخذ كايا من حضني. زين: شلونها حبيبت خالها الحلوة؟ ولج انتي شنو من جمال عندج؟ وهج: طبعاً حلوة. غير اني أمها. باوعلي وابتسم وباس كايا من خده. زين: ماكو منج انتي. الله يحفظه الكم. وهج: تسلم. أخذت كايا من حضنه وهوه طلع بره. دخلت للبيت جانت عمتي أم زين كاعدة وبيبي ونور. بس تبارك ماكو. رحت سلمت عليهن. ونور أخذت كايا من عندي.

كعدت يمهن شوي ودخلت تبارك. لبسة دشداشة أحمرة ومكياج خفيف وهيه حلوة. اجت ضيفتنه وكعدت وهيه مدنكة راسه. عشتو! ما عرفتج ام شوارب. بدت بيبي تحجي وخطبت تبارك. وكالت عمتي أم زين: نفكر وننطيكم خبر. راحت تبارك للمطبخ. أخذت كايا وخليته بحضن عمتي ورحت وراها. دخلت جانت كاعدة وتشرب عصير. رفعت راسه باوعتلي. تبارك: ولجج هاي أمي شتحجي؟ شنوو انفكر؟ كولي موافقين وفضيها. وهج: مداج. اثكلي شويه مو بسرعة توافقين. أبقى أعلم بيج ام شوارب.

اخلت ايده على حلكها تتحسس شواربه. خزرتني. تبارك: ليش تجذبين؟ امس سويتهن. ضحكت بصوت ورحت كعدت يمها. اجت نور ومريم. كعدنه سويه. باوعت على نور فرحانة لأخته. تنهدت بغصة. ليش بس اني ما عندي أخوات؟ ولا عشت أجواء الخطوبة ولا لبست البدلة البيضة. ولا عندي أم تطمني إن الزواج حلو وراح أكون سعيدة.

دنكت راسي واحس دمعة بطرف عيوني. كمت من يمهن وطلعت للحمام. دخلت وسديت الباب. باوعت على نفسي بالمراية ونزلت دموعي واحاول أقنع نفسي إن هسه راح تصير حلوة. أخلص وهج كافي أبجي على شنو تبجين؟ دمار يحبج وعندج كايا والله أرزقج بالطفل الثاني وعوضج عن تيم وخالتي معتبرتني مثل مريم. وما تكلي غير بنيتي وتحبني وتسئل عليه أكثر من مريم وتحب كايا وتخاف عليها.

أمسحت دموعي واغسلت وجهي. باوعت على وجهي صار أحمر. تنهدت بضوجة. صرت هفي على وجهي حتى يخف الاحمرار. شوية هديت. اخذت نفس طويل وطلعت من الحمام. رحت كعدت يم بيبي. باوعتلي: شبيج حبيبتي؟ ليش وجهج حمر؟ وهج: يمكن من الحر بيبي. لا ينشغل بالج يروحي انتي. شلونج؟ شلونه دمار وياج؟ ان شاء الله مرتاحة؟ وضع حملج شلونه؟ وهج: الحمد لله بيبي. كلش زين دمار وحملي عادي. ما أحس غير بلعبان نفس من أشم عطر.

روحي للدكتورة خلي تنطيج حبوب مال لعبان نفس راح تستقر حالتج. صدك شلونج بدوام؟ وهج: زينة. وكل موضوع ما أعرفه لو ما أفهم علي دمار يدرسني. الله كريم ان شاء الله يتحقق التريدنه وتصيرين دكتورة وترفعين راس أهلج بيج. ابتسمت وبقيت اسوالف وياها شوي. واخابرت على دمار. كال شوي وأجي. وبقينه كاعدين لحد ما سمعنه صوت هورن سيارته. كمت، أخذت كايا وخليته بحضني وصعدنا. ودعتهن وصعدت بسياره. حرك السيارة وحجه: صار وياجن؟ وافقوا؟

كالو نرد لكم خبر بعد يومين. خلي البنية تفكر. بس مبين عليهم موافقين. انصبر والله كريم. بيها الخير ان شاء الله. تعالي كايا ليش ساكتة بابا؟ رحت كايا وكعدت بحضنه. واحن بقينة نسوالف ونفكر شنو نجيب ملابس للعرس. مر يومين ورجعوا خبر إن موافقين. رحنا اني ومريم وزينب وياه تبارك حتى تجهز نفسها للعقد. ما اشترينا كلشي. اخابرت دمار. شوي واجه. صعدنه بسيارة والجو كلش حار. باوعت على دمار.

خزرني: ارتاحيتي هسه من أخذتي أجازة من دوامج ورحتي تديحين؟ وهج: انته تدري كلبي أطيب. دمار ما اكدر أعوف تبارك بهذا اليوم. باوعلي صفح ورجع يباوع على الطريق. درت وجهي عليهن وابقى اسوالف. لحد ما دمار عاط بيه وكال: كعدي عدل. وصلنا تبارك ورحنه للبيت. فتحت باب السيارة ونزلت. جيت أدخل. تعالي ست منو يشيل ذني ملابسج؟ باوعتله وخليت ايدي على بطني. وهج: عفيه دمار. نزلهن. الطفل جاي يتعبني ما أقدر أجي. شيلهن.

طبعاً يتعبج إذا انتي فريتي السوق الف مرة. أغمزتله ودخلت جوه اركض. رحت على بيبي بغرفته. فتحت الباب. لا والله مو فتحته. دفرته. نزت هيه وجدو. باوعتلهم. جان جدو متمدد بحضنه. شلون وياج انتي؟ جم مرة كلتلج لاتدخلين هيج. شنو من بشر انتي. صغرت عيوني وباوعتلهم. وهج: شجنت تسوي جدو؟ احجي. لاتستحي. جانت اكو يما سبحة. أخذة يريد يضربني بيها. جيت طلعت من الغرفة أركض بس لطخت بصدر دمار. رفعت راسي باوعتله.

وهج: لحك دمار جدو يريد يغتصب بيبي. شلونن وياه هاذه لسانج؟ حجي؟ مو كبرت على هاي السوالف. عيب اثكل شويه. أخذه السبحة وشمرها علينا. طلعنه بسرعة واني ودمار واكفت يم الدرج وباوعله براءة. خير وهج؟ هاي انظراتج وراها مصيبة. شنو تريدين؟ لغي بسرعة. وهج: حباب شيلني على ضهرك. عليك الله. انجبي! شنو اصغيرة انتي؟ نسيتي نفسج حامل؟ شلون شيلج؟ امشي صعدي. حسلج. وهج: والله ما. يلا شيلني بسرعة قبل لا أحد يجي ويشوفك شايلني وتروح الهيبة.

هوه انتي خليتي هيبة من أول يوم شفتج بي وانتي ماخليتي شي ماسويتي وانعلتي ابو هذيج الساعة الشفتج بيها. وهج: كلشي ما مسوية بس انته راسك مثل راس الثور. ما تكعد. ما اعرف شبيكوياي. وخري هسه من وجهي لا أنعل شرفج. ماشفت من وراج غير المصايب. خزرته واجه يصعد فوك. لزمت ايده. باوعلي وتنهد بقلة صبر. دار ضهره الي. ابتسمت وصعدت على ضهره. شالني وصعدني فوك واني مجلبه بركبته وهوه يمشي على كيف علمود الطفل يخاف علي. يابعدي.

فتح باب الغرفة ودخلني. جانت كايا كاعدة تلعب. اخلاني على جرباية وباوعلي. ماجنتي هيج سمينة. بس تدرين هسه شكلج وجسمج أعجبني. خزرته وشئرت على كايا. دار وجها باوعلهن. بابا ملاك اخذي كايا وطلعي من الغرفة. نزلن لعبن جوه. ملاك: ماشي عمو. هسه ننزل. أخذن لعبهن ونزلن جوه. تمددت على ضهري واحس جسمي متكسر. باوعت على دمار. أخذ جكارة ويباوع عليه بتركيز. ليش رفضتني؟ اكو سبب لو لأن تخافين على طفل؟ وهج: شنو قصدك؟ ما أفهمت.

لا خطية كلشي ما تعرفين. احجي تره بعد ما أكدر أصبر. وهج: هااا وجعا! شبيج؟ كل ما أحجي وياج بهاذه الموضوع تنثولين. وهج: انجب لاتحجي عليه. ما أريدك دمار. كلش تعبانة مو وقت هاذه الكلام. سكت. ما رد. أخذ نفس من الجكارة وزفرة. راح على الكنتور طلع ملابس ودخل للحمام. والله خوش ممثلة. اصبرلي يالثور. مداك. بس والله اني هم مشتاقلك. بس أخاف على طفلي وخصوصي لان صحتة مو زينة.

مر كم يوم ودمار ما يحجي وياي. شكد حاولت أراضيه بس ماكو قافل. استغربت. وسجاد وتبارك قرروا إن بعد سنتين تيم إلا يزوجون. بس عقدوا وسووا حفلة صغيرة. دمار جان مستعجل. ما يريد يبقى هنا. ما عرفت شصاير وياه. مر كم شهر والوضع هدوء. بس كل يوم جاي يزيد اشتياقي لتيم أكثر وأكثر. أصرت يوميه أروح أزوره وأحجي وياه. وكايا كلش تفرح من نروح نزوره.

قرب موعد عيد ميلاد كايا وتيم بيومه. دمار جان كلش مشغول وعنده واجب بغير محافظة. كلت لسجاد يجيبلي كيكة. جابه. خليته بالمطبخ وصعدت فوك. غيرت ملابسي وملابس كايا. ودموعي تنزل وتذكر السنة الماضية جان تيم ويانه واحتفلنه بيهم اني ومريم. أمسحت دموعي وعدلت حجابي. باوعت على كايا. أخذت لعبها. الجابهن الها دمار. وهج: شتسويين بيهن ماما؟

باوعتلي وضحكت. خلتهن بكيس وشالتهن. أخذته من عندها وشلته هيه وطلعت من الغرفة. نزلت جوه. جان سجاد واكف يم السيارة ويخابر ويضحك. عرفته يحجي وياه تبارك. صعدت كايا ورجعت للبيت. أخذت الكيكة وصعدت. شغل السيارة وحركه. بقت عيني بالطريق وابجي. وكايا كعدت بحضني وتمسح بدموعي. وصلنا. وكلت لسجاد أروح. انته ومن تكمل اخابرك. ما قبل بس صريت عليه. صعد بسيارة وراح. باوعت على قبر تيم. دموعي نزلت. رحت يمه وحضنته.

وهج: صار عمرك ثلاث سنوات. عمرك بالضبط. عمري انته تيم حبيبي. اكعد يروحي انته وليدي. أكوم أشوف اختك شكد مشتاقتلك وتريدك يمها. بعد ما اتعارك وياك ولا أضربك. بس رجع حبيب أمك. انته أكوم تيم والله مشتاقتلك هواي. باوعت على قبر ماما وبابا. وهج: ماما احجي وياه. خلي يكعد. ليش ما جاي يرد عليه؟

صار على أموته 4 أشهر. خلي يكعد. والله تعبت. أريد وليدي. بابا انته احجي وياه. أكيد يرد عليك. كله خلي يرجعلي. والله انهد حيلي وبعد ما أكدر أتحمل. بقيت كاعدة وأحجي وياه وأبجي لحد ما هدت شوي. كعدت بالكاع وباوع على قبورهم.

أخذت الكيس. كايا ورحت كعدت يم القبر مال تيم وطلعت الألعاب وتخليهم يم قبره. باوعله ودموعي تنزل. أخلص ماما تيم ما يرجع بعد. تركني وراح من هاي الدنيا. بس هوه اناني. ما فكر بأمه شنو ممكن يصير بيها بعد غيابه. أمسحت دموعي وأخذت الكيكة وخليته يم قبره. شغلت الشموع. ودموعي نزلت. كل عام وانته راح تكون جوه التراب. وليدي. الله يرحمك يروح أمك. انتهبست قبره ورجعت بست كايا وهيه تصفك فرحانة.

باوعت على قبور. جانت اكو عائلة كاعدة يم قبر. أخذت الكيكة ونطيته الهم. رجعت كعدت بمكاني. اخابرت على سجاد. كال شوي وأجي. باوعت على كايا تلعب بالألعاب ومخليتهن فوك قبره. وهج: يلا ماما جيبي العابج وتعالي. انتظر سجاد. أخذت لعبةه وخلت السيارة فوك القبر واجت عليه تركض. حضنته وبست خده. وهج: ليش خليتي السيارة؟ هيه مو مالتج؟ كايا: لا. لتيم خطية. اخخ روح فدوه للحنينة. أموت عليج بنيتي.

ضحكت ابتسمت على ضحكته. شوي واجى سجاد. صعدنه بسيارة ورحنا للبيت. نزلت كايا وصعدت فوك لغرفتي. خليته على جرباية واخذت ملابس ودخلت للحمام. اسبحت وطلعت. أخذت الجهاز واخابرت على دمار. شوي ورد. ها حبيبي. وهج: شكوت ترجع؟ دمار البيت مو حلو بدونك. رجع. عاد بس صار يومين من رحت. من يخلص شغلي راح أرجع حبيبتي. وهج: والله مو يومين عندي سنتين. عفيه دمار خلي يولي هاذه الشغل. رجع.

غير عدنه شتماعات والرئيس موجود. ما أقدر أرجع لحد ما أخلص شغلي. وهج: ماشي حبيبي. انتبه على نفسك واكل زين. من يصير عندك مجال اتصال عليه. إن شاء الله. أبوس كايا الي وانتبهي عليها. وهج: أوكي حبيبي. يلا الله وياك. سديته من عنده وباوعت على بطني. كبرانة. ابتسمت وشعور حلو بداخلي. أحس هاذه عوض ربي الي. مع إن ما جنت اريده بالبدايه بس سبحان مغير الأحوال. رحت تمددت يم كايا وحضنته قوي ونمت.

مر يومين واخابرني دمار كال راح أرجع اليوم. كعدت من الصبح أنظف الغرفة ونظفت البيت. وغيرت ملابس كايا ونزلت جوه. سويت ريوك الها وكعدت يمها. صارت الساعة 10 واجه دمار. طلعت بره أركض واكفت باوعتله. نزل من السيارة واكف يباوعلي. رحت له ركض وحضنته ودموعي نزلت. ضحك بصوت. ليش تبجين حبيبي؟ مو هياني يمج. وهج: عفيه شتاقيتلك. لاتعوفني مرة ثانية. انته أدري إن ما أكدر بدونك. اخخ روح فدوه لهاي عيونج الحلوات. لاتبجين يروح دمار.

وانتي: أحبج دمار موت عليك. انته كل حياتي. واني هم أحبج يا وهج روحي. وخرت من عنده وامسحت دموعي واني مبتسمة. باوعت وراي شفتهم كلهم واكفين ويباوعون علينا. بلعت ريئک وباوعت على دمار. جان عادي عنده. مامهتم. صار ساعة حصرة. الولد ما تخلينه يدخل البيت. وخري من عنده لا أكسر العصا على راسج. دنكت راسي واحس أريد الكاع تنشك وتبلعني. ضحك دمار وراح عليهم يسلم.

عفتهم وصعدت فوك بسرعة. شوي وصعد دمار وهوه شايل كايا. نزل كايا من حضنه وباوعلي وابتسم. اليوم خلي نروح نشوف جنس الطفل. هزيت راسي بـ أي. تقدم عليه. باوع بعيوني. رفعت رجليه وخليت شفتي على شفته. تفاعل وياي. أخلة ايده ؏خصري مقربني اله أكثر. خليت ايدي ورا راسه. وخرت من عنده وخليت راسي بركبته. تسارعت دكات كلبهم. مشتاقلج هواي وهج. وهج: عمر وهج انته. ياكل أهلي.

وخرت من عنده باوعت بعيونه وابتسمت. باس شفتي ونزلني. راح دخل للحمام. جهزت ملابسه وكعدت على جرباية أنتظره. شوي وطلع مخلي المنشفة على خصره. دنكت راسي وسويت نفسي أحجي وياه كايا. هوه لبس ملابسه وباوعلي. تعالي ننزل جوه.

هزيت راسي وكمت. شال كايا وطلعنه من الغرفة. نزلنه يمهم جانوا كاعدين بالصالة. كعدت يم دمار وكايا راحت تلعب وياه ملاك. وضعها تحسن شوي. صارت تلعب وتحجي مثل قبل. بس لحد هسه إذا ماتشوفني كدامه تبجي. من أروح للدوام تبقى بالبيت يم مريم ومرات آخذها وياي.

ابقينه كاعدين كلنا سوى ونسوالف. أبو دمار شوي تحسنت معاملته وياه دمار. صار يحجي وياه ويخابره ويسئل علي. كلش فرحت لأن وخيراً شاف اهتمام من أبو. بس هوه ما يحجي وياه حتى يرد علي بكلام مختصر. رحت وياهن وجهزنه الغده وكعدنه نتغده. كملنا غده دمار اخذ كايا وصعد فوك. رحت ساعد زينب بغسل المواعين. لأن مريم ما تكدر تبقى واكفة من ورا الحمل.

كملنا وصعدت فوك. جان دمار نايم وكايا هم نايمة. رحت تمددت وراه وحضنته من ضهره وغمضت عيوني ونمت. العصر كعدني دمار. كمت جهزت نفسي وكايا هم غيرت ملابسها. دمار نزل جوه. شلت كايا ونزلت جوه. طلعت بره جان واكف يم السيارة ويشرب جكارة. باوعلي واكفت يما. وهج: شبيك دمار؟ صاير شي؟ لا. بس مشتاق لتيم. صار أسبوع مارايح حتى أزوره. وهج: شرايك من نرجع من الدكتورة نروح علي. انجبي! وين تولين؟

يوميه جاي ترحين. وهج مو زين عليج ليش هيج ما خايفة على نفسج ولا على طفل؟ وهج: ما أكدر والله. ذا ماروح أموت. غير من ودي أبقى يمه وما أعوفه أبد. الله كريم. هسه يلا صعدي راح أتأخر. هزيت راسي وصعدت بسيارة. كعدت كدام وكايا كعدت بحضن دمار. حرك السيارة وطلعنا. باوعتله. وهج: دمار إذا حامل بنت راح تزعل؟ دار وجها عليه خزرني ورجع يباوع على طريق. انتي أكثر وحدة تدري ما يفرق عندي سوى جنتي حامل بنت أو ولد.

وهج: يعني ماراح تزعل حبيبي؟ هيج عندي حض وتجي وحدة ثانية مثل هاي الكمر. ابتسمت وسكتت. وصلنا للمستشفى. نزلت وهوه شال كايا ودخلنا. جان ماكو أحد يمها. كبل دخلنا. تمددت على سرير ودمار واكف يمي وكايا بحضنه. رفعت البلوزة. لزم ايدي. خزرني. شويه. رفعيه مو هواي. راح أضربج أبوكس على وجهج حيوان. وهج: شبيك دمار؟ ما يصير اله هيج. تريد من ورا البلوزة تفحص بطني؟ امشي خلي نروح. شي يجي من الله نعمة. ماله داعي نشوف شنو جنس الطفل. يلا.

ضحكت الدكتورة وباوعت على دمار. أهدي أستاذ. تره هيه بنت. واني بنت ليش تغارين؟ مارد. كامت عينه على بطني. كل ما تجي عيني بعينه يخزرني واني بالكوه لازمة ضحكتي. عدكم بس هاي البنت لو عدكم بعد أطفال؟ وهج: ما عندي بس هيه. وهذا حملي الثاني. ليش شنو بيه؟ أهدي حبيبتي. ماكو شي. انتي حامل بولد. الف مبروك.

باوعت على دمار وضحكت بفرح. باوعلي دمار وابتسم على ضحكتي. أمسحت بطني. الدكتورة وراحت كعدت على كرسيها. جيت أكوم. تقرب من دمار على أساس يعدل البلوزة مالتي. تقرب من وجهي وباس شفتي سريع. فتحت عيوني باوعت على دكتورة. دنكت راسها وابتسمت. ضربته على ايده. وهج: انته ماتستحي؟ شبيك؟ هيه بوسة. شبيج؟ على أساس تستحين؟ باوعتله صفح ونزلت من السرير. رحت كعدت يم الدكتورة. نطتني وصفة علاج ومقويات للحمل.

طلعنا من عدها واني كلش فرحانة واحس الكاع مو سايعتني من الفرح. صعدت بسيارة. باوعت على دمار. سحبني اله وحضني. باس ركبتي وجعصني بحضنه. وخر من عندي وباس بطني. هاي عوض ربي النا. وهج احس حياتنه راح تتغير للحسن. وهج: إن شاء الله حبيبي. الله يحفظك الي انته وكايا. ويحفظج ياروح دمار انتي. ابتسمت وخليت ايدي على بطني. وكايا حضنه دمار وتضرب على صدره. وصلنا للبيت وبشرناهم وكلهم فرحوا النا. وبيبي كامت تهلهل هيه وسجاد.

مرت الأيام والشهر وحياتنه ما اكو أحلى من عدها. اقرب اجى يوم ولادة مريم وهيه كلش خايفة وترجف وتعيط على عمر وتكله كله من ورا. واحنى ميتين ضحك عليها وعمر وجهه ينطي ألوان من الخجل. أخذنها للمستشفى وجنت كلش خايفة عليها وعمر واكف يم الباب يروح ويرجع. ودمار يحاول يهدي. مر شوي وقت وطلعت الدكتورة وهيه شايلة طفل. رحنه يما. جان كلش حلو وناعم. باوعت على عمر. نزلت دموعه من الفرح. عمر: ولد لو بنت هاذه؟

ولد. يتربه بعزك ودلالك. الف مبروك. ابتسم عمر وباسه من خده. مريم ما أخذت صانور فاا. ما جنه نعرف جنس الطفل. أخذته من عنده الممرضة وراحت تغير ملابسه. نقلو مريم لغير غرفة. رحنا كعدنه يمها وباركنا لها وهيه جانت كلش تعبانة. تفتح عيونها وتسدهن. شوي وجابو الطفل حتى تشوفه. راحت الممرضة ونطته الها. نزلت دموعها وحضنته. باست خدوده. ابتسمت على شكلها. شوي ودخلت خالتي وهيه تهلهل وطش جكليت. اجت حضنت مريم وتحجي وياها وتبجي.

ابقينه كاعدين ونسوالف واني عيني بطفل. ما أخذته ولا شلته. من كال عمر راح أسمي تيم. خفت ما أعرف ليش. راح عمر وسجل خروج. أخذنها ورحنا للبيت. جان سجاد واكف ولزم الخروف والكل موجود. من قاربهم. أجى جدو واذبح الخروف يم رجلين مريم. دخلنا جوه والزلم همه طبخوا الغده. اجت نور وتبارك وبيبي وعمات دمار. كعدنه كلنا بالصالة نسوالف وتبارك بس تريد تصعد فوك حتى تحجي وياه سجاد لأن زعلان من عدها.

صبوا الغده وكعدوا ويتغدون كلهم سويه. نسوان ولزلم. بس دمار ما قبل كعد يمهم. راحت كعدت بالمطبخ. شوي وجت وراه زينب. كملوا غده وكل واحد راح لبيته. نضفنه البيت واني بلكوه اتحرك لأن بطني صارت جبيرة. أخلصنه تنظيف. صعدت فوك واني أحس رجليه بعد ما تعيني. فتحت الباب ودخلت. جان دمار كاعد على الكنبة ويشتغل. يما هواي أوراق وكايا كاعدة يمه تباوع. رحت تمددت على جرباية. تعبتي حبيبي. وهج: انعل شرف أهلي إذا بعد حمل. شنو هاي متت تعب.

تحملي. هوه ما اريد غير أربع أطفال. شبيج؟ رفعت راسي باوعتله. ضحك وكام. أجي يمي واكف. أخلة اديه بجيبوب البجامة وباوعلي. وهج: انته ماتستحي؟ خلصت حياتك وانته امصلخ. شوكت تلبس ملابس ما أدري. شعليج انتي؟ بعدين لو بأيدي أحتى من أروح للدوام ما ألبس. وهج: بس الجو هسه صار بارد. مو زين عليك حبيبي تتمرض. موجودة مرتي وتعتني بيه. وهج: دباوع على حالتي. خلي أكوم نفسي بعدين أعتني بيك ستاذ دمار.

ابتسم ودنك راسه باسني بخدي ورجع باس شفتي. دفعتة من عندي ودرت ضهري من عنده. تمدد وراي وحضني وكايا اجت نامت بحضني. ابتسمت ونمت.

مرت الأيام والأسنين واحنى فرحانين. تصير مشاكل بيني وبين دمار بس مانطول. لزم لو اني أراضي لو هوه يراضييني. تبارك صار عدها بنت. اسمه نوار. وسجاد فرحان بيها. مريم صار عدها ولد ثاني. اسمه صكر. كل أسبوع نروح للبصرة نشوف بيبي وجدو ونزور تيم. رجع علي يعيش بالبيت. أبقى بي هوه وشهم ونسام. بعد مارجعت أبو دمار ندمان ويريدهم بس يسامحونه. بس همه يحجون وياه بجفاف.

أجى اليوم أتخرج بي. جنت كلش فرحانة ومتوترة. طلعت الصبح. أخذت كايا وكيان ورحنا للحفلة مالت التخرج. شلت القبعه وشمرتها فوك واني ضحك وباوع على دمار اليباوعلي بفخر وعيونه تلمع. رحت واكف يما وباوعله وابتسم. أخذ ايده وباسها. مبروك للدكتورة وهج. ضحكت وحضنته قوي. وهج: الله يبارك بيك حبيبي. أحبج يا وهج روحي. وهج: واني هم أحبك واموت عليك دماري.

_لهنا وتنتهي روايتنا. وأصار الوقت أنودع أبطالنا. شفتوا عوض ربي الجميل. مهما صار مشاكل وظلم وقهر بالنهاية ربي عوضهم. وبالأخير عاشوا حياتهم مرتاحين. إن شاء الله تكون أعجبتكم الرواية. انتظرونا بقصة جديدة قريباً إن شاء الله. الكاتبة ريو الطائي. أحبكم فرولاتي.