رواية وقعت في حب قاسي الفصل الثاني 2 - بقلم اية سلمان

رجع سيف البيت الساعة 11 بالليل. دخل الفيلا بتاعته، لقي كله نايم وطافيين النور. فجأة اتكعبل في حد ووقع. مليكة بوجع: آه آآآه الحقونيييي حراميييي وقع علياااا. سيف برق وحط إيده على بقها وقالها: اسكتي الله يخربيتك حرامي إيه اكتمي. مليكة عضت إيده ونفسها بيروح: حد يلحقني ده تقيل قوي ابعد ه هموت ابعدوو عني الجدار دا ي يلهواااي هفطس. سيف بوجع وهو بيحاول يسكتها: آآه يابنت العضاضة اسكتي يخربيتك.

وفجأة النور قاد وكانت سامية ومحمد والخدامين نزلوا على الصوت. سامية بخضة: بسم الله الرحمن الرحيم إيه ده؟ محمد بدهشة: وه وه وه إيه ده يا خوي. مليكة بطفولة: حد يلحقني هموت في عربية لوري واقعة فوقي عاااا. سيف قام بسرعة وبغضب ومش بيبصلها: احترمي نفسك يابنت انتي مين دي ياما. سامية: دي مليكة بنت عمك وخطيبتك. سيف بغضب: نعاااام دي خطيبتي انتي مش شايفه لسانها طويل إزاي وكمان... سكت سيف وتنح لما بص جنبه وشافها.

سيف بانبهار ولا وعي: وعيونها وشعرها. سامية بضحك: شايفة يابني شايفة. فاق سيف بسرعة وبص عليها وعلى لبسها، كانت لابسة بيجامة زرقاء بنص كم وبرمودا. قال وهو بيجز على سنانه: إيه اللي انتي لابساه ده. مليكة ببراءة وهي بتبص على لبسها: إيه دي بيجامة. سيف غمض عينه جامد وعروق إيده بانت ورجع بص عليها. مليكة بخوف وهي بتجري على سامية ومحمد: إيه دا هو بيتحول ولا إيه ياماما سامية. سيف بهدوء مخيف: اطلعي فوق دلوقتي.

مليكة بعند طفولي: لأ انت مالك أصلاً. سيف بغضب وصوت عالي: قولتلك اطلعي فوق دلوقتي يلااااااا. مليكة عيونها دمعت وجريت فوق بسرعة. سامية: إيه ياسيف بتعمل مع البت كده ليه. سيف: ملكيش صالح ياما مرتي وأعمل زي ما أنا عايز معاها. سامية باستغراب: وه وه اجنيت ولا إيه ياسيف. وكملت بخبث: ماقلت مش عايز تجوزها ولا إيه وإني وافقت ومحمد أخوك قال هيتجوزها هو. محمد بص لأمه باستغراب بس هي غمزلته، ففهم.

محمد: أيوا يعني دلوقتي مليكة خطيبتي أنا. سيف بغضب: محمااااااد مسمعش صوتك ده خالص أحسن انت عارف ومحدش هيتجوزها غيري فاهميييين. سامية بخبث: وإشمعنا دلوقتي وافقت. سيف بتوتر: أنا أنا فكرت مع نفسي ولقيت إن مينفعش نجوز بتنا لأي حد وكمان محمد بيدرس يعني مش هينفع يتجوز دلوقتي ف ف وافقت. سامية بضحك: والله طااايب يابني هطلع أنام أنا وانتوا روحوا ناموا. محمد: لأ أنا هطلع أطمن على مليكة الأول. سيف بص

لمحمد نظرة مخيفة وقال له: اطلع نام يامحمد. محمد بخوف: عنيا ياسيد الناس أنا نايم أصلاً يا أخوي. طلعوا محمد وسامية. سيف وهو بيمسح على وشه: مالك ياسيف فيك إيه البت حلوة بس مش العيلة دي اللي تعمل فيك كده. وهو طالع على السلم ورايح أوضته سمع صوت حاجة في الأوضة اللي جنبه. قرب من الباب سمع صوت شهقات. فتح الباب لقي مليكة عاملة نفسها نايمة وبتعيط. سيف بقلق جري عليها بسرعة: مليكة انتي كويسة فيكي حاجة.

مليكة لفت الناحية التانية وصوت شهقاتها علي. سيف لفها ليه. سيف بخوف عليها: ملاكي مالك فيه حاجة وجعاكي. مليكة بشهقات طفولية: آآآنت ززعقتلي تحت. سيف نفخ بارتياح: آه انتي بتعيطي بسبب كده. مليكة بعياط: آآيوا. سيف بسرعة شالها وحطها على رجله. مليكة بخضة وخجل: آآبيه عيب كده. حاولت تقوم، سيف شد على وسطها. سيف بتوهان: انتي حلوة قوي يمليكة. مسك شعرها: وشعرك حلو قوي قوي. رفع وشها ليه: وعنيكي حلوين قوي قوي قوي.

بص على شفايفها، مليكة حطت إيدها على بقها. ضحك سيف جامد على الحركة دي. مليكة بخجل: آآآنت قليل الأدب يآبيه عيب كده ونزلني لو سمحت. سيف بضحك: يالهوي على أبيه اللي طالعة من بوقك دي. مليكة لفت وشها: أنا مش بكلمك. سيف لف وشها ليه: وأنا هصالحك يستي. مليكة براءة: إزاي. سيف قرب منها وباس خدها. مليكة برقت وشها أحمر: آآبيه إيه اللي عملته ده عيب كده. سيف بهيام: ها اتصالحتي ولا لسه. مليكة بارتباك: آآآه اتصلحت نزلني بقا.

سيف بخبث: لأ شكلك لسه زعلانه. مليكة بخجل وبسرعة: ل لأ والله أبداً مش زعلانه. سيف ضحك جامد: طيب خلاص يلا نامي بقا. مليكة في ثانية كانت على المخدة. مليكة بطفولة: أبيه. سيف: عيونه. مليكة بخجل: هو أنا يعني. سيف: قولي ياملوكتي متتكسفيش. مليكة: ينفع تنادي للدادة تنام معايا أصل أنا معرفتش أنام وروحت أنادي عليها حصل اللي حصل تحت. سيف بغيرة: لأ مينفعش تنام معاكي. مليكة بدموع: آآآنا مش بعرف أنام لوحدي.

سيف قرب منها بسرعة: شششش متعيطيش طب هقولك انتي نامي وأنا هفضل قاعد لحد ما تنامي. مليكة بخجل: ل لأ يآبيه مينفعش. سيف بحدة: نامي يمليكة. مليكة بخوف: ح حاضر حاض. سيف قرب عليها وفضل يمشي إيده على شعرها وهمس في ودنها: متخافيش مني يمليكة نامي ياحبيبتي. في ثواني كانت مليكة نايمة. خرج سيف من أوضة مليكة وراح أوضته واترمى على السرير وفضل يكلم نفسه. سيف: جرا إيه ياسيف انت وقعت ولا إيه.. بس هي بصراحة حلوة قوي.

فضل يفكر سيف لحد ما غلبوا النوم وصحى مفزوع أما حس في حد جنبه. بص لقى مليكة بتشيل دراعه وبتحط راسها عليه. سيف باستغراب: مليكة انتي بتعملي لي هنا. مليكة بخوف: أصل صحيت لقيت في صوت كلاب برة خوفت قوي ف ف محبتش أقلق ماما سامية ف قولت أشوف أي حد ف فتحت الباب لقيتك هنا ف جيت أنام جنبك. سيف بارتياح: بس مينفعش تنامي جنبي إحنا متجوزناش لسة. مليكة بزعل: خلاص هروح أوضتي أسفة على الإزعاج. سيف شدها بسرعة في حضنه: نامي يمليكة.

مليكة بصدمة وخجل: آآآبيه ابعد حبة وبعدين مش قولت مينفعش آآ.... قاطعها بنعاس: نامي يمليكة واسكتي. مليكة: حاضر. ناموا الاتنين. تاني يوم الصبح صحيوا على خبط كتير على الباب. مليكة بفزع: إيه ف إيه ف إيه. سيف قام مخضوض: مش عارف استني هنا.