رواية وقعت في حب خادمتي الفصل الحادي والأربعون 41 - بقلم فرح القصاص

ياسين بصدمة: ابن قمر! وينظر لقمر بدهشة. سما باندهاش وابتسامة: ابنك يا قمر؟ قمر بارتباك: أيوه، بعد إذنكم. ياسين يمسكها من ذراعها بهدوء ويرجعها إليه. ياسين: ابنك بالتبني صح؟ قمر: لا، ابني حقيقي. ياسين ويعقد حاجبيه: ابنك الحقيقي؟! سما تأخذ لميس وتمشيان وتتركانهم. قمر: ياسين سيبني. ياسين: أنتي اتجوزتي تاني؟ قمر تنظر لعينيه قويًا. ياسين وهو ما زال ينظر لعيونها وهو يحاول يشبع منها: قمر جاوبي. قمر: لا، ده ابني أنا و.. و..

وتبلع ريقها. ياسين: ومين؟ قمر: وأنت. ياسين ويظهر على وجهه علامات الاستغراب والتعجب: أنا! .. إزاي؟ قمر بدموع: بعد ما أنت طلقتني وسبتني تعبت، ولما رحت كشفت طلعت حامل. ياسين بعدم تصديق لما سمعه: حامل إزاي وأنتي... وتقاطعه. قمر: حملي كان صعب وخطير، يعني كان احتمال 80% الحمل ما كانش هيستمر، بس استمر بإرادة ربنا، وولدت بس معاناة وعذاب، اتعذبت كتير أوي عشان أخلي حملي يستمر. ودموعها بتنزل. ياسين ينظر لابنه

ويترسم على وجهه ابتسامة: يعني ده ابني! أنا بقيت أب؟! قمر: أيوه، أب من سنة. ياسين يأخذه ويشيله ويحضنه ويدفن وجهه فيه بحب وهو يستنشق رائحته، أول مرة يحس بالشعور ده. ثم ينظر لقمر. ياسين: يعني أنتي كنتي حامل وما قلتليش؟! قمر: فاكر لما اتصلت بيك؟ رديت عليا بأبشع أسلوب، حتى ما تدينيش فرصة أتكلم وقفلت السكة في وشي.. فاكر؟! أهو المكالمة دي كنت هقولك إني حامل...

وكمان اتصلت بسما وهي ردت عليا بصراحة وكلمتني وكنت بعتذرلها وكنت برضه هقولها إني حامل، بس إزاي أنت أول ما عرفت خد منها الفون وقفلت السكة، من ساعتها أنا خدت عهد على نفسي إني مستحيل ألجألك في حاجة حتى لو هموت. ياسين: لا رد. قمر: ما فيش حاجة تقولها مش كده؟ على العموم اللي حصل حصل خلاص. وتأخذ نفسًا عميقًا وتأخذ منه ابنها. ياسين: اسمه إيه؟ قمر: ريان. ياسين بابتسامة: ريان؟!

قمر: ده الاسم اللي اخترناه قبل ما نتجوز وكنا ناويين نسمي سوا بس... وتتنهد. الوقت أتأخر. وكانت ماشية. ياسين: أنتي رايحة فين؟ قمر: مروحة. ياسين: بس أنتي هترجعي معايا البيت. قمر: بصفتي إيه؟ طلقتك؟ ياسين: هترجعي بصفتك مراتي، أنا طلقتك مرة واحدة بس. قمر: بس أنا مش عايزة أرجع البيت اللي اتطرد منه والكل فيه بيكرهني حتى أنت، وبعدين أنتم أكيد عايشين حياة مرتاحة من غير مشاكل ولا وجع دماغ، وأكتر واحد مرتاح أكيد أنت.

ياسين: أنا أكتر واحد كنت بعاني في غيابك يا قمر، السنتين اللي عدوا دول كانوا أوحش سنتين في حياتي من غيرك. قمر بدموع: ياسين أنت مش عايز ترجعني عشان بتحبني أو عشان عايزني، أنت عايز ترجعني عشان ابنك بس، ما تخافش أنا مش هعمل زي باقي الستات وأقولك محاكم والكلام ده، الوقت اللي عايز تشوف فيه ابنك تعالى وأنت عارف البيت ما يتوهش. ياسين

يتقدم خطوتين ويقف قدامها: أنا عايزك أنتي وابني يا قمر، أنا حياتي من غيرك مالهاش قيمة ولا معنى، عايش ومش عايش. قمر تنظر له جامد. ياسين: وحياة أغلى حاجة عندي واللي هي أنتم، أنا بحبك يا قمر وعرفت ده لما بعدتي عني. قمر بعياط: وما رجعتش ليه من بدري، ليه دلوقتي؟! ياسين: عشان غبي.. غبي كنت بكابر على الفاضي. ويأخذها في حضنه. قمر بعياط أكتر: وأنا بحبك يا ياسين والسنين دول كانوا أسوأ سنين مرت في حياتي.

ياسين: أنا آسف يا قمر سامحيني. قمر بعياط وشهقة: وأنا كمان آسفة يا ياسين. ويفضلان حاضنين بعض لدقائق. ياسين يخرجها من حضنه ويمسح دموعها ويمسك يدها. قمر: رايحين فين؟ ياسين: هنرجع بيتنا. قمر: طيب و... ياسين: كلهم هينبسطوا لما يشوفوكي صدقيني. قمر بابتسامة تهز رأسها. *** ياسين يدخل وهو ماسك يد قمر وشايل ريان في إيده التانية. حامد يقرب منهم. قمر: عمي أنا... ويقاطعها.

حامد بابتسامة: أهلًا بيكي من جديد يا بنتي وأنا عايز أقولك إننا كلنا نسينا الماضي. قمر: بس في حد لازم أعتذر له حتى ونسي... وتروح لعند سما. قمر: أنا آسفة يا سما على كل حاجة حصلت معاكي بسببي، على المشاكل اللي عملتهالك، آسفة على كل ده، بتمنى تسامحيني. سما بابتسامة: إحنا أخوات يا قمر وبعدين زي ما عمي قالك إحنا نسينا الماضي خلاص. قمر تحضنها: بجد أنتي أطيب حد قابلته في حياتي كلها حرفيًا.

سما بابتسامة: ما قولتيليش الكتكتوت اسمه إيه؟ قمر بضحك: ريان. سما تشيله وتلعب معاه والكل يستقبل قمر بحب ويضحكوا مع بعض ويهزروا. **************************بعد 18 سنة أبرار: مامي.. مامي. سما: نعم يا أبرار. أبرار بعصبية: بصي لو ما قولتيش لطنط قمر تلم ابنها مش هيحصل خير. سما تشيل النضارة: مين فيهم؟ أبرار: مين يعني البارد ريان. سما: طيب ما تقوليلها هي. أبرار: كل ما أقولها تقولي هو معاه حق. سما: ليه هو عملك إيه؟

أبرار تأخذ نفسًا عميقًا: بيقولي يا مراتي المستقبلية. سما بضحك: عشان كده؟ أبرار بنرفزة: آه عشان قليل الأدب. سما: حاضر هقوله ما يقولكيش كده تاني. أبرار: طيب أنا هروح الدرس بتاعي. سما: ماشي يا حبيبتي خلي بالك من نفسك. وهي بتطلع تميم كان داخل وبيضربها على قفاها. أبرار: يا حيوان وربنا ما أنا سايباك يا تميم. تميم يضحك ويجري وهي بتجري وراه. سما: بس يا عيال.. وأنتي يا أبرار مش كان وراكي درس؟

أبرار: مش مهم الدرس، آخد حقي الأول. وتفضل تجري وراه. سما: ياختيييي هتجننوني. لميس كانت داخلة ومعاها كوباية قهوة. لميس: القهوة يا مامي. سما: تسلم إيدك يا حبيبتي. لميس: هما بيجروا ورا بعض كده ليه؟ سما: العادة بتاعتهم. لميس: امم. وتمسك فونها. سما: أخبار الجامعة إيه؟ لميس: زي الفل. أميرة وأنس يدخلان وكان معهما رزان وريناد. تميم أول ما بيشوف رزان بيقف ويعدل نفسه تاني. أبرار: وقفت ليه؟ وتنظر وراها. آهه. وتغمز له.

تميم يبرق لها. أبرار: هيح يا عيني على الحب. سما بفرحة: أميرة. وتقوم تسلم عليها. وقمر بتجي هي وآدم وريان وتسلم عليهم ويقعدوا كلهم. ويزن وياسين يرجعان من الشغل. أبرار: بابي وصل. يزن: إيه المفاجأة دي؟ أنس: يااا عجّزت يا يزن. يزن: أنا عجّزت وأنت لا؟ أنس: لا أنا لسه شباب. ياسين بضحك: بس يا عجوز منك ليه. أنس: ليه وأنت عندك كام يا شب؟ ياسين: يعني 39 بس. كلهم بيضحكوا.

يزن: الله يرحمه بابا كان دايماً بيقولي ما فيش أسرع من الزمن وفعلاً والله. أنس: الله يرحمه.. إيه أخبار الشركة؟ ياسين: كويسة الحمد لله. ويكلموا ويهزروا مع بعض. وبعدي اليوم وأنس وأميرة بيمشوا وكل واحد بيطلع الأوضة بتاعته. *** سما: مج الاسبريسو بتاعك. يزن يأخذها منها ويبوس إيدها: تسلم إيدك. سما: حاسة إنك تعبان النهاردة، مرهق. يزن: آه والله عظمي بيوجعني النهاردة أوي من المستشفى للشركة.

سما: شكلك عجّزت زي ما أنس قال يا يزن. يزن: لا ما يغركيش ده أنا جامد أوي. سما بضحك: ماشي يا جامد. يزن يضمها إليه: يااااه يا سما العيال كبرت والعمر جري بسرعة أوي. سما: عارف أنا لسه فاكرة أول يوم جيت اشتغلت فيه هنا وكأنه لسه حاصل امبارح. يزن: وأنا فاكر أول يوم شفتك فيه وشفت عيونك اللي غرقتني ووقعت وما عرفتش أقوم من بعدها. سما: أنتي لسه بتحبيني يا يزن؟ يزن: لسه بحبك؟!

ده أنا كل يوم حبي ليكي بيزيد عن اليوم اللي قبله لدرجة غريبة، هفضل أحبك لحد ما أموت. سما تضع إصبعها على شفتيه: ششششش ما تقولش كده تاني، ربنا يخليك ليا. يزن: ويخليكي ليا. النهاية.