رواية ولو بعد حين الفصل الثالث عشر 13 - بقلم خلود احمد

دخلت وقفلت الباب وراها وفضلت تعيط شويه. محفظة يوسف كانت على الترابيزه هي والفون. كانت قايمة تدخل الحمام وخبطت في الترابيزه. الحاجه وقعت والمحفظة انفتحت. ليال: أووف، الحاجة وقعت منها. شالت الفلوس والكروت، وهي بتحطها لقت ورقة متطبقة فيها. بتفتح الورقة انصدمت. كانت الورقة اللي هي سابتها عندهم لما سابت البيت ومشيت. معقول كل السنين دي ومحتفظ بيها؟ طب جابها منين؟ وهو كان مسافر وقتها. فضلت تقرأها وتدمع وهي بتفتكر الماضي.

سمعت صوت برا. طبقت الورقة بسرعة وسابتها مكانها ودخلت الحمام. يوسف دخل ملقهاش. عرف إنها في الحمام. غير هدومه وقعد على السرير. هي خرجت بعد شوية. يوسف: كلمتي مامتك؟ ليال: أيوه. يوسف قام راح عندها. يوسف: مالك؟ في حاجة؟ ليال: لا، مفيش. يوسف بص في عينها. يوسف: أمال معيطة ليه؟ ليال: ماما وحشتني. يوسف: خلاص نروح لها بكرة، متزعليش. ليال ابتسمت على حنيته اللي متغيرتش من وهو صغير. وخرجت البلكونة. قعدت.

هو خرج بعدها وراح نام على رجلها. هي اتفاجأت. يوسف: أنا مخنوق أوي. ليال: من إيه؟ يوسف: من الماضي. كل ما افتكر ملك بزعل أوي وبحس إن أنا السبب في كل ده. نفسي كانت تفضل معايا وجمبي العمر كله. ليال بحزن: وأنت مشيت ليه وسبتها؟ يوسف: كنت مضطر عشان دراستي. بس ندمت بعدها إني مشيت. ليال: محاولتش تدور عليها لما رجعت؟

يوسف: حاولت كتير بس مفيش فايدة. ولسه لغاية دلوقتي بحلم باليوم اللي هشوفها فيه تاني. أنا قلبي بيوجعني أوي وهي وحشتني بشكل متتخيلوش. ليال نفسها تحضنه وتقوله أنا هي ملك، بس مقدرتش. ليال عينيها رغرغت بالدموع. ليال: كنت بتحبها؟ يوسف في دمعة نزلت من عينه. يوسف: أيوه. ومش عارف إمتى وإزاي. بس لما كان حد بيكلمها كنت بتضايق. ولما أروح المدرسة كانت بتوحشني. أنا كبرت وهي كبرت معايا في أحلامي. حتى وهي مش موجودة.

ليال حطت إيدها على وشه ومسحت دموعه. هو حس بشعور غريب. بس في نفس الوقت دموعها نزلت. يوسف قام من على رجلها. يوسف: انتي بتعيطي ليه؟ ليال: تخيلت نفسي مكانك وإني حبيت حد واختفى من حياتي. يوسف: شعور صعب أوي. مش عارف أنا إزاي حكيتلك حاجة زي دي. كانت ممكن تضايقك. ليال مسحت دموعها. ليال: ههه، لا عادي. كده كده أنا مش بحبك ولا أنت بتحبني. صحاب وخلاص. بس إيه؟ مي إيه نظامنا؟

يوسف: يعني صحاب برضو. ارتباطنا فترة كده وبعدين قولنا خلينا صحاب. ليال: اممم، ماشي. يوسف: متأكدة إنك مش بتحبيني 😉. ليال: هاها، دمك خفيف. هحبك على إيه يعني ☹️. يوسف: يمكن عشان وسيم مثلاً. ليال: ربنا يشفيكي. يوسف: طب إيه؟ ليال: إيه؟ يوسف: السرير ده هتفضلي تنامي عليه لوحدك كتير. مش إحنا متجوزين وكده يعني. ليال: خلاص نام عليه أنت وأنا على الكنبة. وقامت دخلت. يوسف: قفوشة أوي. *** تاني يوم.

أميرة: آه والله، الخطوبة بعد 3 أيام. ليال: بجد؟ فرحت أوي، ألف مبروك يا قلبي. أميرة: الله يبارك فيكي يا حبيبتي. متتأخريش ها! ليال: إن شاء الله. يلا، بوسات. أمووواه 😘. يوسف دخل وهي بتبوس الفون. يوسف: يابخته 🤤. ليال بصتله بقرف. ليال: رخمة. يوسف: يعني بتبوسي الفون ومستخسرة فيا بوسة 🥺. ليال: أنا جاهزة، يلا عشان نروح لماما. يوسف سكت شوية وابتسم. يوسف: ماهو عشان نروح لماما هتديني بوسة.

ليال: يووه، بطل رخامة يا يوسف. يلا بقي. يوسف قعد على الكرسي. يوسف: مش بكرر كلامي. ليال: هروح لوحدي. يوسف: ابقي قابليني لو جدو وافق. ليال رمت الشنطة على السرير. ليال: خلاص مش عايزة أروح. يوسف: براحتك 🤷‍♀️. أنا خارج. أنا عايز حاجة من برة. ليال دبدبت في الأرض بعصبية وراحت جري نطت فوقه وخنقته. ليال: هتوديني ولا لأ؟ يوسف: هتخنق يابنت المجانين. ابعدي. اااه. ليال: هااا. يوسف زقها من فوقه. وقعت على الأرض. ليال: ااي، ضهري.

يوسف نزل على الأرض وقرب منها. يوسف: سلامة ضهرك ياقلبي. ليال خبطته في صدره. ليال: ابعد يا غبي. يوسف: هاتى بقي عشان أخرجك بسرعة ها. ليال: بعينك. يلا امشي. مش هخرج أنا. يوسف ضحك عليها. يوسف: بكرا بيقي بمزاجك. بس ماشي. سلام بقا عشان متأخرش على ميووش 😌. ليال: متخلف وغبي ورخم وو……………. *** مي: اتأخرت ليه؟ الأكل برد. يوسف: الطريق كان زحمة. مي ابتسمت وحضنته. مي: ولا يهمك ياحبيبي. يلا اقعد. أكلوا سوا وفضلوا يتكلموا.

مي: تيجي نشوف فيلم؟ يوسف: اشطا. مي: هجيب حاجة نشربها. قعدوا شافوا الفيلم وكانوا بيهزروا وبيضحكوا. يوسف: أنا شايف كل حاجة صفرا. ههه. مي: أحلى مسا عليكي يا صفرااا. يوسف: هههه، إحنا تقلا في الشرب ولا إيه؟ الوقت اتأخر وهو مرجعش. وليال كانت لسه صاحية. الباب خبط. فكرت هو. قامت تفتح. فايزة: مساء الخير ياحبيبتي. آسفة على الإزعاج. ليال: مساء النور ياماما. إزعاج إيه بس. اتفضلي. فايزة: يوسف رجع؟

أصل كان خارج وأنا تحت وقلت مش عارفة أنام. ليال: ها، آه. آه رجع من شوية. هي بياخد دش. نامي انتي متقلقيش عليه. فايزة: طيب الحمدلله. تصبحي على خير. ليال: وأنتي من أهله. دخلت وقفلت الباب. ليال: أووف. وبعدين معاك. كل ده فين؟ فضلت مستنية مجاش برضو. رنت مرة مردش. مي: سيبك من الفون دلوقتي. اللقطة دي جامدة. يوسف: آه عارف. لما هتنزل من الشباك وهو هيشوفه. ليال فضلت ترن وقلقوا عليهم. مي خدت الفون. مي: هرد أنا.

يوسف كان سكران ومش فايق. يوسف: تمام تمام 😴. ليال: الوو؟ يوسف أنت فين؟ سمعت صوت بنت بترد عليها.