رواية وما كتب العشق الا لها الفصل الرابع 4 - بقلم ندى سمير

بيت قدر قدر بغموض: ماما الأم باستغراب: نعم ي حبيبتي في إيه؟ قدر بنفس النبرة: قمر هتنزل مصر بكرة. الأم بقلق: إزاي بس، تنزل ليه؟ قدر: معرفش ي ماما، هي بقت كبيرة ومسؤولة عن حياتها. الأم: ربنا يقدم اللي فيه الخير. قدر بسرعة: ي لهوي، أنا اتأخرت على الشغل، هترفد من تاني يوم. وقامت تجري. الأم بضحكة: هتفضل هبلة كده دايماً، ربنا يباركلي فيكم ي حبيبتي. في شركة رعد رعد بغضب: هو مفيش حد هنا في الشركة دي بيعرف يشتغل؟

السكرتيرة بخوف: يا فندم، والله قدر اللي كانت مسؤولة عنه. رعد بغضب: وهي آنسة قدر دي فين؟ السكرتيرة بفرحة: لسه مجتش يا فندم، وطول الوقت ماسكة الفون بتاعها ومش بتشتغل. رعد بعصبية: طب يلا على مكتبك حالا، ولما تشرف الآنسة ابقي ابعتيهالي. السكرتيرة: حاضر يا فندم. قدر وهي طالعة على السلم: إيه دا، دا كله سلم، أنا نفسي انقطع، الحمد لله وصلت. السكرتيرة بشماتة: لا، دا صاحبة السمو وصلت أهي، يلا يا حلوة روحي شوفي المدير.

قدر باستغراب: وأنا أشوف المدير، أهبب بيه إيه؟ رعد بغضب: لا ولا حاجة، هتسلمي عليه علشان وحشك بس. قدر بتوتر: هو شكله يوم أسود من أوله. رعد بعصبية: اتفضلي قدامي على المكتب. قدر بجدية: تمام يا فندم، بس يا ريت الآنسة مي تدخل معانا. رعد بتريقة: لا متخافيش، مش هعضك. قدر بجدية: إني أكون أنا وأنت لوحدنا في المكتب، دي تعتبر خلوة غير شرعية ودا حرام. رعد مينكرش إنه عجبه تفكيرها، بس بيحاول إنه ميبانش عليه.

رعد: ورايا على المكتب، وابقي سيبي الباب مفتوح. قدر: تمام. رعد وهو قاعد على كرسي المدير: اممم، دلوقتي بقا ممكن أعرف فين ملف الصفقة بتاعت... قدر بهدوء: الملف أنا سلمته قبل ميعاد تسليمه بساعة، ف فين المشكلة مش فاهمة. رعد بعصبية: المشكلة إن الملف مش موجود على مكتبي، وإن حضرتك جاية الشركة متأخر. قدر باستغراب: مش موجود إزاي، أنا بنفسي كنت سايباه هنا. وقامت تدور عليه، وهو كان بيدور معاها. قدر بفرحة: أهو لقيته.

رعد بصدمة: إيه دااا؟! قدر باستغراب: الملف اللي حضرتك بتدور عليه. رعد بصدمة: غلاف الملف لونه بينك وعليه رسومات كرتونية؟!! قدر بضحكة: كنت عارفة إنه هيعجبك. رعد بعصبية مضحكة: هو إيه دا اللي يعجبني، أنت اتجننت؟ وبعدين أنت جبتي الغلاف دا منين أصلاً، دا مش من الشركة. قدر ببراءة: أنا ملقتش غلاف للملفات هنا في الشركة، رحت اشتريت من عمو محمد. رعد باستغراب: عمو محمد مين؟ وإزاي ملقيتيش غلاف ملفات في الشركة يعني؟!

قدر بابتسامة بريئة: إيه دا، أنت متعرفش عمو محمد؟ رعد باستغراب: لا معرفهوش. قدر ببراءة: عمو محمد دا فاتح محل جنب الشركة بيبيع شيبسي وحاجات حلوة، إزاي متعرفوش؟! رعد بصدمة: شيبسي وحاجات حلوة؟! هي غلطتي إني سألت أصلاً، تقدري تتفضلي على مكتبك دلوقتي. قدر بفرحة وصوت واطي: الحمد لله، أخيراً هفطر، الواحد جعان أوي. رعد باستغراب: أنتِ بتقولي إيه؟ قدر بسرعة: لا لا، مش بقول حاجة. رعد: تمام، اتفضلي على مكتبك. قدر: تمام، سلام.

وخرجت. رعد: دي أكيد مجنونة رسمي، أنا نسيت أقولها على بقية الملفات، أكيد هي لسه بره. خرج علشان يشوفها بره، بس كانت اختفت. رعد في نفسه: خلاص أروح المكتب بتاعها وخلاص. رعد وهو بيفتح الباب: آنسة قد... وفجأة فتح عينه على آخره من الصدمة.