رواية وما كتب العشق الا لها الفصل الثامن عشر 18 - بقلم ندى سمير

قدر: على فكرة أنا مش... رعد: خد بال... رعد وقف مصدوم ومش بيتكلم. قدر وهي بتحاول تكتم ضحكتها: رعد أنت كويس؟ رعد بعدم استيعاب: هو إيه اللي حصل ده؟ قدر بضحكة: لا مفيش حاجة، أنت كلك كده اتغرقت. وبتبص على الطفلة الصغيرة اللي بتلعب بالمية وبتضحك. رعد بعصبية: والحل دلوقتي؟ أنتِ السبب في التأخير، اتصرفي. قدر بمشاكسة: والله عندي فساتين، بس لو حابب ممكن أجيب لك واحد. رعد بغضب جحيمي: قدررررر.

قدر بتوتر: استهدى بالله كده، بس يعني أعمل لك إيه يعني؟ أنت بتقول لي اتصرفي. رعد: يا رب أنت العالم بيا. بصي يا حبيبت قلبي، أنا مليش دعوة تتصرفي إزاي، دا شغلك، ماشي يا حبيبتي. قدر: طب وأنا دلوقتي هعمل إيه؟ إممم، خلاص لقيتها. أنا هجيب لك بدلة من بتاعة بابا. رعد: تمام، متتأخريش، كفاية التأخير اللي اتأخرناه. قدر: تمام، دقيقة. (ومشت) رعد في نفسه: إيه اللي أنا قولته ده؟ هتاخد عني فكرة إيه دلوقتي؟

لالا، هي أكيد مخدتش بالها، طالما معلقتش. بس أنا عمري ما قولت لحد كده، ليه قولتلها هي؟ مش عارف أنا مالي. قدر: يا ترى هو قصده الكلمة دي ولا هي حاجة عفوية طلعت منه؟ طب أنا مهتمة ليه؟ أنا بسمعها كتير، ليه دا بالذات؟ عايزة أعرف إن كان يقصدها أو لأ. حور: أنا لازم أعرف مكان أخويا ضروري، أنت فاهم. ... : هتدفعي كام؟ حور: اللي أنت عايزه، المهم أعرف هو فين. في خلاص أسبوع بالكتير، أنت فاهم. ... : تمام، عايز 10 آلاف بس.

حور: 10 إيه يا عنيا، هما 5. ... : والله أبداً، أخرى 9. قولتي إيه؟ حور: تمام، بس المهم متتأخرش. ... : تمام. في المطعم. طارق: هي فين قدر يا ندى؟ ندى بصدمة: هي قدر هتيجي؟ طارق بتريقة: هي مش السكرتيرة بتاعت رعد برضو، ولا أنا غلطان؟ ندى: يا نكدي، أنا سايبة البت في سابع نومة، كنت عرفني كنت صحيتها طيب. طارق بتمثيل: أنا لو كان معايا رقمك كنت هعرفك. ندى بتريقة: لا غلبان، قال مش أنت اللي بترن عليا كل يوم ومتتكلمش يعني.

طارق بصدمة: إيه دا؟ أنتِ عرفتي إزاي؟ ندى بضحكة: أنا خمنت بس، أنت اللي أكدت لي. أهو. طارق: مش سالكة والله. ندى: طب اتلم، هو رعد فين هو كمان؟ طارق بمشاكسة: أكيد عند قدر بيصحّيها. ندى: وهو يصحى قدر ليه؟ الكل بص ناحية الصوت. طارق بابتسامة: إيه التأخير ده يا آنسة ملك؟ هتتجازي على فكرة. ملك بابتسامة: والله فيه مشكلة في المرور. إيان بصوت واطي: أنت ياحيوان مش تقول لي إن ملك جاية. طارق بصوت عالى ومشاكسة: قصدك إيه يا إيان؟

مش عايز ملك تيجي؟ ملك بحزن واضح: عادي، ممكن أرجع تاني لو أستاذ طارق مش محتاجني. إيان بسرعة: أنتِ بتصدقيه؟ والله ما كان ده قصدي، أنا بس اتصدمت إنك جاية، يعني. قال آخر كلامه وهو بيدلك رقبته. ملك: محتاجني يا أستاذ طارق ولا أستأذن أنا؟ طارق وهو بيبص لإيان بمشاكسة: والله يا ملوكة أنا... آها. إيان بغل: مالك يا روح قلبي؟ مالك؟ ألف سلامة.

طارق بوجع: والله يا آنسة ملك، إحنا محتاجينك معانا. آه يا رجلي، آه. حسبنا الله ونعم الوكيل. إيان بابتسامة: اتفضلي يا ملك. طارق: آنسة ملك يا إيان، ها؟ متنساش الألقاب. إيان بتحدي: آنسة ندى، أنا حابب أعرفك على ياسمين، هتحبيها جدا. طارق بسرعة: إيان يا روحي، أنت ناديلها. حياتي، والله ما هتكلم تاني. ندى بفضول: مين ياسمين؟ طارق بسرعة: دي أخت فاضلة كانت بتعلمني العزف على البيانو. إيان بمشاكسة: دي عليها حتت بيانو، أما إيه؟

الكل بيحلف بيها. طارق: إيان، أنت كنت عايز ملك تبقى السكرتيرة بتاعتك وأنا آخد علا؟ صح؟ أنا موافق. إيان بابتسامة: طالما كده، ماشي. ملك بضجر: هو أنا لعبة؟ مهند بضجر: ممكن تهدوا شوية؟ وحد يرن على رعد علشان أستاذ مارك عنده موعد تاني بعد ده. رعد: أنا هنا أهو، أسف على التأخير. مهند: أستاذ رعد، إن... إن أنتِ؟ قدر بصوت رعد بس اللي سمعه: هو إيه اللي جابه هنا؟ رعد بشك: انتوا تعرفوا بعض منين؟

عمر بمشاكسة: افرح يا عم، مش هتدور عليها كتير. رعد بغضب: آه، ما إحنا شكلنا هنفرح سوا، مش كده ولا إيه يا آنسة قدر؟ قدر: ...