رواية ونس الفصل الثاني 2 - بقلم رحاب رضا

نور!!! ماما!!! مين دي؟! دي... ونس صاحبتي. صاحبتك!!! آه. من إمتى! النهاردة. وفوراً اعتبرتيها صديقتك! فين كلامي ليكِ؟ مش قولتلك إن الصحاب غدارين! ونس: لا طبعاً يا طنط، الصحاب سند وقوة لبعض. مين سمح ليكي تدخلي بيني وبين بنتي؟ إنتِ مين أصلا! ونس: أنا صديقتها ونس. ونس علشان خاطري ابعدي عن بنتي، مش عايزة يحصل فيها زي ما حصل فيا! ونس: مش كل الأصحاب شبه بعض، وأنا بوعدك هكون صديقة لطيفة لنور. وأنا قلت لأ، متكلميش بنتي.

ونس: حاضر، بس افتكري ده كله غلط وربنا هيحاسبك عليه. كلامك زي حد أعرفه ونفس الملامح. ونس: يخلق من الشبه أربعين يا طنط، عن إذنك. نور: ونس!! ما تسيبنيش! بتعارضي كلامي يا نور!! فين النصايح اللي كنت بديهالك! زي ما ونس قالت يا ماما مش كل الصحاب زي بعض. لو ما سمعتيش كلامي هوديكِ مدرسة غير دي. حاضر يا ماما مش هكلم حد تاني. *** في المدرسة....

دخلت المُدرسة إلى الفصل وكان الفصل في حالة من الهدوء التام. ألقت السلام فرد الطلاب التحية. المُدرسة: جيالكم حصة احتياطي علشان ميس شيماء غايبة وحبيت الحصة دي تكون لطيفة على قلوبكم، عايزة كل البنوتات اللي قدامي تخرج النوت بتاعتها. الطلاب: ليه يا مس؟ دعاء: هتعرفوا كل حاجة. ودلوقتي كل طالبة تكتب هي محتاجة إيه، محتاجة والدها يجبلها إيه، أي شيء عايزينه؟ وبالفعل بدأ الطلاب في كتابة احتياجاتهم. ونس: نور هتكتبي إيه؟

نور: هقولك بعدين يا ونس. دعاء: دلوقتي طالب طالب يجيب النوت بتاعته وهنقول كل حاجة الطلاب عايزينها من غير ما نكشف عن اسم الطالب. نور: ومين هيجيب الحاجات دي يا مس؟ دعاء: أنا هجيب ليكم كل حاجة عايزينها. ونس: حقيقي أنا بحبك يا مس دعاء. دعاء: وأنا بحبكم كلكم. أثناء حديث المدرسة مع الأطفال دخلت والدة نور. نور: ماما! بتعملي إيه هنا. الأم: تعالي يا نور، علشان هنروح مشوار. نور: والمشوار ده في ميعاد المدرسة! نووور!!

حاضر يا ماما. ونس: نور تبقي تعالي المدرسة بكرة. حاضر. أكملت المدرسة فقرتها وأخرجت آخر نوت وكان محتواها ' أريد أصدقاء'. دعاء: اللي النوت دي بتاعتها تبقىٰ تجيلي المكتب بعد الحصة. بعد انتهاء الحصة وجدت دعاء ونس في غرفة المدرسين. دعاء: إنتِ صاحبة النوت؟ ونس: لأ، بس هيا بتاعة نور صاحبتي. دعاء: صاحبتك إزاي! وهيا بتقول محتاجة أصدقاء؟ ونس: مامتها بتمنعها إنها تكلم حد. دعاء: ليه كده! ونس: مش عارفة، ممكن آخد النوت بتاعتها!

دعاء: طبعاً! وتبقي قربي منها علشان هيا محتاجة ليكي. ونس: حاضر. في اليوم التالي كانت ونس تنتظر نور أمام المدرسة لكنها لم تراها. انتظرتها في الفصل أيضاً ولم تأتِ. كانت تجلس بمفردها في مكانها المفضل حيث لا يوجد ضوضاء. بعد مرور أسبوع..... ماما أنا قلقانة أوي على نور. نور مين؟ نور صاحبتي يا ماما اللي كلمتك عليها! مش إنتِ قولتي إنها قالتلك مش عايزة أصحاب!

لأ يا ماما كانت مجبرة تعمل كده علشان أمها ما تزعلش منها، بس هيا ما جتش المدرسة بقالها أسبوع. المفروض دلوقتي نعمل إيه؟ ينفع أروح ليها البيت؟ عارفة العنوان؟ أيوة، النوت بتاعتها معايا وأنا شفت فيها العنوان. بتقرأي حاجة مش ليكي يا ونس، أنا علمتك على كده! كان لازم أعرف العنوان يا ماما. مش هينفع تروحي طبعاً! لو سمحتِ يا ماما أنا قلقانة عليها جداً. ونس الكلام انتهىٰ، ويلا علشان تروحي المدرسة. في المدرسة..... دعاء: ونس!

كنت عايزة أسألك نور مش بتيجي لي؟ ونس: مش عارفة يا مس دعاء من ساعة ما أمها خدتها وهيا ما جتش تاني وأنا قلقانة عليها جدا. دعاء: إنتِ عارفة عنوانها طيب؟ ونس: أيوة. دعاء: خلاص هاجي النهاردة معاكِ البيت ونروح ليها أنا وإنتِ إيه رأيك؟ ونس: ماما مش راضية. دعاء: أنا هقنعها. ونس: يارب توافق. بعد المدرسة ذهبت ونس ومعها ميس دعاء إلى بيتها. الأم: اتفضلي. دعاء: أنا مدرسة الإنجليزي بتاعة ونس.

الأم: البيت نور بوجودك، هيا ونس عملت حاجة؟ دعاء: منور ب اللي فيه يا طنط، لا أنا كنت عايزكِ في موضوع. الأم: اتفضلي. دعاء: نور صديقة ونس بقالها أكتر من أسبوع مش بتيجي المدرسة وكنت حابة أروح أنا ونس نشوفها. دي طالبة وإنتِ مينفعش تروحي تشوفيها علشان غابت، لما تروحي عندهم هتقوليلهم بنتكم بتغيب ليه؟ أكيد أهلها عارفين. دعاء: إحنا هنروح نطمن عليها بس، علشان هيا مش بخير.

والله إنتِ قلبك طيب بس اللي أعرفه إنه مامتها مش بتحب كده، زي ما ونس ما قالت. دعاء: هنروح مرة ونشوف! خلاص هتروحي بس مازن هيروح معاكِ. تمام يا ماما. دعاء: شكراً ليكي والله. بعد ربع ساعة كانت سيارة مازن تقف أمام قصر كبير. مازن: متأكدة إنه ده بيتها! ونس: هو ده العنوان اللي كاتباه، تعالي نسأل الأمن ده. مازن: لو سمحت هو ده بيت نور! أيوة، مين حضرتك؟ ونس: نور صاحبتي وأنا عايزة أشوفها. إنتِ متعرفيش اللي حصلها!!

ونس: نور مالها! دعاء: إيه اللي حصلها! مازن: اهدووو! نور يا بنتي.....