رواية وردة بيضاء الفصل الثاني عشر 12 - بقلم نور رمضان

ورد بفزع: لاااا لااااا ريحان لااا ريحان بخضة: فيه إيه مالك؟ ورد بدموع وخجل: نزلتي بس. نزلها ريحان باستغراب وقلق عليها. ريحان بقلق: مالك حصلك إيه؟ ورد بخجل وهي عارفة هتقول إيه: م مفيش، أنا بس عايزاه أنام. ريحان بغضب: ورد في إيه، متجننيش. ورد بدموع وخجل: عندي عندي ظروف. ريحان بضحك جامد وقهقه كي يشيل عنها الخجل والإحراج. ريحان: ماشي ياستي، أتمنى أمنية دلوقتي حالا. ورد: بجد؟ ريحان: جد الجد. ورد بهدوء:

نفسي أنزل أتمشى أنا وانت بس ميكونش في حد في الشارع، نكون لوحدنا نسمع أغاني هادية، نفسي أفصل عن الناس شوية. ريحان بحنية: عيوني، لست. ورد بصت في الساعة لقيتها 1:30، ثم أكمل بحب: ننزل الساعة 3 إيه رأيك؟ ورد بحب راحت باسته من خده: ريحان أنا بحبك أوي. بعدها بوقت. ورد: ريحان يلا قوم بقا. ريحان بحب: يلا بس البسي تقيل الجو برد. ورد: حاضر. دخلت لبست وهو كمان. بعدها نزلوا. ورد بضحك وفرحة: ريحان الحق بتمطر. ريحان بخوف عليها:

يلا نطلع ونبقى ننزل بكرة علشان متتعبيش. ورد بضحك وفرحة: دي كانت أمنية تانية، الحمد لله الحمد لله. قعدت ورد تلعب في المطر، كان ريحان فرحان أنها قدرت تتخطى كلام الناس وأنها بقت قوية وأنها بقت تحبه. ( لا هروب منك الا فيك ❤️ ) ريحان بحنية: لا نروح علشان الجو بقى برد أوي. ورد بفرحة: يلا بينا بس لحظة، أن في راجل واقف بعيد عمال يشاور. ورد: ريحان بص كده في راجل هناك. ريحان باستغراب: فين ده؟ ورد: اهو يا ريحان بص كويس. ريحان:

آه شوفته اهو، تعالي نروح له. بعد ما وصلوا. ريحان: محتاج مساعدة؟ الراجل: آه آه يا نبي. ريحان بوضوح: متقلقش. كان ريحان بيصلح له العربية والراجل عمال يبص على ورد بقرف وورد واخدة بالها بس مش مدياه اهتمام. ريحان: أنا خلصت العربية اهو تقدر تروح بيها. الراجل: شكرا. ورد بقوة: لا العفو جداً، ممكن أفهم بقى سبب نظرات القرف دي من حضرتك؟ الراجل بسخرية: ما هو شكلك بصراحة مثير للقرف.

ريحان بغضب بس جاي يتكلم، ورد مسكت إيده وخدت نفس طويل. ورد بقوة: سبحان اللي خلق فيا شكل مميز وخلق فيك لسان سليط، أنا ميهمنيش إيه كلمة منك، أنا مبسوطة إني مميزة بشكلي وأخلاقي ولساني، أنا خدت كلمتك رميتها في أقرب زبالة، وخدها مني نصيحة، الشكل عمره ما كان مقياس لشخصيتك أو أخلاقك، كلمتك ما أثرتش فيا بس ممكن تأثر في غيري، متقولش عيوب الناس وانت مش قادر تعالج عيبك. يلا يا ريحان. ريحان أخدها ومشيوا. ريحان بحب:

أنا فخور بيكي يا وردتي البيضاء. ( لا تهتم لكلام الناس فالناس يتكلمون حتى عن الميت في القبر، شكلك مش مقياس لشخصيتك، صوتك العالي مش مقياس لقلة أدبك، بكائك السريع مش معناه ضعفك، أنت مميز بأي شكل وبأي حال )