رواية ورقة عرفي الفصل الخامس 5 - بقلم ميرا ابو الخير

الكل بصدمة. رهف بصت للصوت لاقتها سمر ومعها شخص. "إيه اتصدمتوا ليه كده." حسام بغضب: "إنتي عايزة إيه بالظبط؟ رهف أشرف منك." أبو رهف مسكها من شعرها: "يا بنت كلاب لازم تموتي ونغسل عارك." حسام راح شدها: "رهف هكتب عليها رسمي والحقيرة دي تطلع برا." وبيشاور على سمر. الشخص: "مش مصدقين سمر ليه فعلًا رهف مش... وقبل ما يكمل ضربة قوية وقعته أرضًا: "اخرس." الأم: "هنعرف دلوقتي إذا صح ولا غلط." حسام: "هاتوا المأذون."

سمر بشهقة: "بعد كل ده هتتجوزها." حسام وقف ببرود: "وإنتي مالك." سمر بغضب: "لأ بقى أنا بحبك، سيبها هي اتجوزني أنا. شوفت الفضيحة اللي عملتها البت دي." حسام ببرود: "يلا يا شيخنا اكتب الكتاب." أبوها بغضب: "مفيش كتب كتاب، هتتجوز ابن عمها." حسام ببرود: "أنجز أحسن آخدها ونمشي غصب." أبوها اتخض وحسام عيونه كلها شرار: "أما نشوف آخرتها." "بارك لكما وبارك عليكما وجمع بينكم في خير." سمر واقفة

مش مستوعبة كل خططه فشلت: "تمام أوي سلام." أخدت اللي جايباه ومشيت وعلى شفايفها ابتسامة خبيثة. أبوها بيطلع السكينة ورايح عند رهف. حسام وقف في النص: "رايح فين." أبوها بغضب: "ابعد يا جدع إنت، هقتلها." حسام بنظرة غريبة: "لما تسمعوا كل حاجة الأول." الكل: "نسمع إيه." حسام بص لرهف: "رهف ملهاش أي ذنب في أي حاجة، أنا السبب وأنا اللي عملت كده." أبوها: "يعني إيه." حسام بتنهيدة: "رهف مضت على ورقة الجواز العرفي من غير ما تعرف."

رهف سامعة ودموعها نازلة: "مين ساعدك." حسام: "اللي ساعدني... أبوها مقاطعًا: "وليه متكونش بتدري عليها؟ رهف ابتسمت وقامت وقفت. *** سمر: "نفذ دلوقتي." الشخص بشر: "أمرك." سمر: "أخيرًا هنخلص." الشخص بمكر: "قبل ما أنفذ آخد اللي عايزه الأول منك." سمر بتافف: "تمام." داخلوا الأوضة و"فعلوا ما حرم الله." ***

رهف مسحت دموعها ووقفت: "شكرًا على العيلة اللي المفروض سند، العيلة اللي عمرها ما ساعدتني ولا حتى قالت لي عاملة إيه، العيلة اللي أهملتني وكأني من الشارع. أنا نفسي أفهم ليه كل الكره ده، طب خلفتوني لي طول ما إنتوا للدرجة دي؟ هو الأهل كده اللي المفروض سند وضهر؟ كلهم بصوا على الأرض بخجل من نفسهم. رهف بدموع: "شكرًا بجد واللهي شكرًا." حسام كان سامعها وقلبه وجعه، حتى هو عمل معاها كده. رهف بصت ليهم ونزلت جري.

حسام: "أنا آسف بجد، آسف رهف مش تستاهل كل ده." أبوها بحزن: "عندك حق يا بني، إحنا كلنا ظلمناها." حسام لسه هيتكلم ويقول مين ساعده في إمضاء رهف على الورقة العرفي سمع صوت صراخ رهف. كلهم نزلوا جري لاقوا لمة ناس: "بنتي." وقفوا مصدومين من اللي حصل: "رهف."