رواية وصيت الحب الفصل الرابع 4 - بقلم اسماء ابراهيم

نسيت صوتي بالسرعة دي.. جاسر بصدمة: جاسر! جاسر: اه جاسر.. كنت فاكر إني هختفي كده وخلاص؟ لأ.. زين: نورين معاك يا جاسر. جاسر: برافو عليك عرفت لوحدك.. لو عايزها تعال خدها.. قبل ما أعمل حاجة مش هتعجبك.. زين: عارف لو قربت منها هقتلك يا جاسر.. هقتلك.. جاسر: بتتكلم كتير.. والوقت بيخلص منك.. باي.. أشوفك على خير.. قفل في وشه وزين جري على برا ركب العربية.. بس جاسر كان غبي في حاجة، لأن زين راقب المواقع بتاعته وعرف مكانه..

ابعد عني يا حيوان.. لو راجل فكني.. جاسر بنظرة كلها شر: هاخد حقي اللي سبته زمان.. نورين: تبقى اتجننت يا جاسر.. اتجننت رسمي.. جاسر: اتجننت بحبك.. أنا بحبك يا نورين.. بحبك.. نورين: أنت عمرك ما حبيت حد.. أنت بتحب نفسك بس.. أنت أناني يا جاسر.. أناني.. قرب منها شدها من شعرها: في إيه أحسن مني عشان تحبيه ها؟ قول لي.. في إيه.. انطقي..

نورين: عشان هو أحسن منك يا جاسر.. زين طول عمره بيحبني.. زين عمره ما زعلني مرة.. عرفت بقى هو أحسن منك ليه.. قرب منها جامد شالها من على الأرض حطها على السرير.. وهي بتصرخ و بتقاوم لكن مش قادرة عليه.. زقها على السرير.. ولسه بيقرب منها.. مجرد لحظات.. وزين كسر الباب.. مسك جاسر من رقبته وفضل يضرب فيه جامد.. زين بعصبية: إيه يا حيوان.. أنت نسيت نفسك ولا إيه؟ بقا بتتهجم على بنت عمك؟ وغير كده كانت مراتك يعني في بينكم عشرة؟

بجد أنا شفقت على واحد مريض زيك.. أنت طول عمرك أناني ومش بتحب غير نفسك.. نورين بدموع: خلاص يا زين بالله عليك.. هيموت في إيدك.. زين وقف وبعد خطوة.. وبص على نورين: إيه؟ خايفة عليه؟ لسه بتحبي الحيوان ده؟ نورين بدموع: أنا.. أنا.. زين مسكه من إيدها: يلا قدامي.. لينا بيت نتكلم فيه.. وأنت لو قربت منها تاني أنا هقتلك.. أنت فاهم؟ نزلت نورين مع زين وهي بتعيط.. ركبوا العربية.. زين: ممكن أفهم بتعيطي ليه دلوقتي؟

نورين بتشهق: عشان.. آآآآآآآآآآآآآآآ.. زين بيحاول يهدا: يارب صبرني.. بتعيطي ليه.. انطقي.. ولا انتي خايفة على حبيب القلب؟ نورين بعصبية من كلامه: أنا بحبك أنت.. أنت فاهم؟ أنت ملكي أنا وبس.. زين ابتسم: قولتي إيه؟ نورين: قولت إيه؟ زين: روّحني بقى.. نورين: لا.. زين: قولي إيه من ثواني كده.. نورين: مقولتش حاجة.. زين بصلها: نوووورين.. نورين: نورين.. بحبك.. طيب أعمل إيه؟

زين بحب: خدها في حضنه وطبطب عليها.. خلاص اهدى بقى.. بس أنا خوفت الحيوان ده يعمل فيكي حاجة.. أنا آسف.. نورين: لا.. اوعى كده.. أنا زعلانة أصلاً عشان زعقتلي.. زين: خلاص آسف.. وهاتي دماغك أبوسها.. وفي كمان مفاجأة عشانك.. نورين: مفاجأة إيه؟ زين متكلمش معاها ومشي.. نورين: دا أنت رخـم.. زين: بتقولي حاجة يا عسل؟ نورين: لأ.. داليدا: اتأخرتوا كده ليه؟ الفرح بدأ.. زين: هقولك بعدين.. داليدا: نورين.. انتي كويسة؟

نورين: اممم.. كويسة.. دخلوا الفرح.. زين قرب من نورين.. زين: معاكي بطاقة؟ نورين بستغراب: آه.. ليه؟ زين: مليكيش دعوة انتي.. نورين: ياااااووه.. بقا لازم أعرف.. شخص من وراهم: زين بيه.. كل حاجة جاهزة.. زين: تعالي معايا.. أخدها ومشي وصلوا المكان.. كان عند البحر متزين بالورد.. زين بحب: تتجوزيني؟ نورين.. زين: تتجوزيني يا نورين.. تتجوزيني.. نورين هزت رأسها بـ آه.. زين قرب منها اخد البطاقة.. وكتبوا الكتاب..

بارك الله لكما وبارك عليكما وجمع بينكما في خير.. زين: مبروك عليا انتي.. نورين بكسوف: بحبك.. وحضنته.. زين: بوعدك إن إن شاء الله أخليكي أسعد إنسانة في الدنيا.. بحبك يا نوري..