رواية وتين الصقر الفصل العاشر 10 - بقلم جنى طوبار

صحي صقر، وبس لي وتين اللي كانت في حضنه، بس كانت بتعيط. صقر: هشش خلاص بقا كفايه. وتين مسحت دموعها ودخلت في حضنه أكتر. وتين: أنا عاوزه أروح. صقر: هنمشي انهارده الفجر أو بكرة الصبح. وتين هزت راسها. صقر شال وتين ودخل الحمام. بعد شوية كان خارج وهو شايلها وهي ملفوفة بفوطة وفي حضنه. وتين: أنا سقعانه. صقر: هلبسك أهو. بعد شوية صقر طلب من الخدم يطلعوا له الفطار في الأوضة. بعد شوية الفطار أجا وخلصوا.

وتين كانت في حضن صقر ومشغلين التليفزيون وقدوا اليوم على كده. تحت، صفية بمكر: ينفع كده يحج؟ هما يأكلوا فوق ودي مش أصول عاد. إحنا يعني مش قد المقام ولا إيه؟ الجد حمدان: مليكيش صالح يا صفية ومتدخليش في اللي ميخصكيش. سكتت صفية. فوق، وتين وصقر كانوا بيجهزوا الشنط وخلصوا وناموا على السرير. وتين قربت من صقر: أنا هموت وأنام. صقر: يله نامي يا حبيبي. ناموا. صقر صحي بدري جداً. صقر: وتين، وتين اصحي عشان نروح يله.

وتين: طيب شوية كده، أنا عاوزه أنام. صقر: أفف منك يا وتين. وغيرلها: قومي بقا. وتين قامت وهي مش شايفة قدامها. صقر شالها. وتين شهقت بصدمة: صقر! أوعى تنزل كده، مينفعش، نزلني بقولك. صقر ضحك: مش انتي اللي مش عاوزة تقومي؟ وتين: قومت خلاص أهو. صقر فضل شايلها وأخد الشنط ونزل تحت، ونزل وتين وهي كانت هتموت من الكسوف. مريم: شوفتي يا ماما؟ صفية: أيوه. الجد: خلاص هتمشي يا ولد الغالي؟ صقر: باس إيده، هبقى أجلك يا جدي.

وصلّموا عليهم كلهم. أسامة: هتوحشيني مرات أخوي. وباص لي وتين. صقر سلم عليه بحدة وكان هيخلع دراعه: وانت أكتر يا ولد عمي. ومشوا. وتين طول الطريق كانت نايمة. صقر: وتين، أخيراً قمتي يا شيخة. وتين: إيه ده؟ أنا نمت حبة صغيرين. صقر: آه، حبة صغيرين. وتين: المهم أنا جعانة. صقر طلع لها أكل وكلت. بعد وقت وصلوا وطلعوا. يدوب غيروا وناموا. بعد وقت طويل صحيت وتين ونزلت تطبخ الغدا.

كانت قربت تخلص، اتخضت لما لقت إيد على وسطها جامد وصرخت. صقر بضحكة: متخفيش. وتين: حرام عليك يا صقر، خدتني. صقر قرب منها وحصرها بين إيديه على الحيطة وقرب من شفتيها وألتهمهم، بعد عنها وكانوا بيخدوا نفسهم بصعوبة، وكانت شفت وتين ورمة ووجعتها. وتين بعدت عنه: على فكرة وجعتني. صقر: أمال لو عملت أكتر من كده هتعملي إيه؟ بعدت عنه وراحت تكمل. صقر: ها، بتعملي إيه بقا؟ وتين: بعمل مكرونة بالبشاميل وصدور فراخ.

صقر: لما نشوف طبيخك، ليكون اتنصب عليا. وتين بتكبر: ده أنا بعمل أحلى أكل، هتاكل صوباعك وراه. صقر: ربنا يستر. وتين كانت بتحط الأكل على السفرة وقعدوا يأكلوا. صقر: الله، تحفة يا قمري، تسلم إيدك. وتين جربت وكان الأكل طعمه مش أحلى حاجة: حلوة إيه؟ صقر بحب: أي حاجة من إيدك حلوة. وتين قربت منه وبسته من خده. صقر: لا، أنا مش هقدر أستحمل كده، ما تيجي لما أعلمك تتبخي إزاي. وتين: آه، اتبخ برضه؟ ولا عشان تتغرغر بيا؟

صقر: أتغرغر بيكي إيه يا ذكية، أنا جوزك. وتين: برضه مش مبرر. صقر بضحك جامد: ههههه، ربنا يخليكي. صقر: وتين، أنا هنزل الشغل بكرة إن شاء الله. وتين: ماشي. صقر: قرب منها وحطها على رجله: مش هتأخر بره. وتين: ماشي. صقر دخل المكتب، ووتين دخلت تغسل المواعين وخلصت وطلعت فوق، وصقر خلص برضه. وتين جابت فشار وحلويات كتير أوي. صقر دخل: أوبا، دي السهرة صباحي. وصهروا سوا. عند صفية وولدها.

صفية: لازم انتي وأخوكي تسافروا لي صقر وتأجروا بيت جنبه. مريم: حاضر يا ماما، المهم إني أكون مع صقر. صفية: قدمنا فرصة حلوة لأن صقر أكيد هيروح الشغل.