رواية وتين حبك الفصل الثالث 3 - بقلم ميرا ابوالخير

عاصي بغضب: لاااا يعني لا. وتين وقفت قدامه بهدوء: لا إيه يا عاصي؟ أنا حبيتك وفضلت طول عمري معاك، كنت بتمناك ترضى بس انت عملت إيه؟ كسرتني وكسرت قلبي معاك. طلعت عندك مجرد وسيلة، مش كده؟ أنا بنت زي أي بنت، عندي مشاعر وحياة وحب، عملتلك كل حاجة وأنت طلعت متستاهلش حب. عاصي بحزن: حقك عليا يا وتين، يلا نرجع بيتنا، أنا آسف. وتين بسخرية: نرجع؟ هو أنا لعبة في إيدك؟

أنا عندي كرامة وكبرياء ومش لعبة في إيدكم عشان تسيبونا وقت ما انتوا عايزين وترجعونا وقت ما انتوا عايزين. أنا اللي مش عايزاك تاني. عاصي بألم: ارجعي لي تاني، وأوعدك مش هزعلك. جيهان بصدمة فاقت: بتقول إيههه؟ لا يا ع... عاصي بص لها بغضب: أنا كنت مغيب، سبت الأصل عشان واحدة زيك، كنت أعمى القلب والبصيرة. وتين مشيت وهو جري وراها. طلع لاقاها بتلم هدومها. عاصي بخضة: أبوس إيدك يا وتين، خليكي معايا، والنبي أنا بحبك.

وتين بهدوء: هخليك تشوف ابنك، متقلقش يا عاصي، ياريت ورقتي توصل لي. عاصي بدموع لأول مرة: لا، عشان خاطري. وتين ابتسمت: آسفة، شوف واحدة تمرمطها غيري. عاصي لسه هيتكلم، مشيت. هو قعد على طرف السرير بحزن. مر 7 شهور وعاصي بيحاول يصالحها وهي رافضة تماماً. أم عاصي: أنت كسرت قلب بنت، استحمل بقى. عاصي بتعب ووشه بقى بهتان: نفسي ترجع تاني، أنا تعبان من غيرها. أمه بحنان: خلاص، هكلمهالك أنا. عاصي بأمل: بجد؟ أمه بهدوء: هحاول.

عند وتين، كانت بطنها كبرت وبقت في التاسع. أم عاصي: الواد اتربى أوي يا بنتي، ارجعي له بقى. وتين بحزن: مقدرش يا ماما، أنا خلاص. أم عاصي: هو واقف برا مستنيكي يا حبيبتي، ارضي بقى. وتين بتعب لسه هتتكلم، صوتت: اااه مش قااادرة يا ماما. أم عاصي بخوف: مالك يا بنتي؟ أنتي هتولدي؟ وتين بتعب: اااااااه مش قااااادددرة. أم عاصي: يا عاااااااااصييي، تعالي بسرعةةةةة.

عاصي سمع ودخل بسرعة واتصدم، جري على وتين بخوف، هيموته وشالها وداها المستشفى. بعد شوية. شايل ابنه بحب وماسك إيديها وهي نايمة. عاصي بحب: حقك على عيني يا روح عيني، أنا اتعلمت الدرس أوي. : بجد. عاصي بحزن وباس دماغها: بجد ياقلبي، كفاية بقى. وتين بتعب: فين ابننا؟ عاصي باسه واداها له: شبهك يا حبيبتي. وتين بابتسامة: مناخيره شبهك.

ضحك وشدها لحضنه: آسف إني أهبل وسبت اللي بتحبي ورحت لحد رخيص، لحد اتعذب عشاني، آسف إني لعبت بحبك ومثلت عليكي، انتوا حاجة نادرة في الدنيا، حقك عليا يا حبيبي. ابتسمت وتين وهو شدها لحضنها أكتر، هي وابنه.