رواية وتين الفصل السادس 6 - بقلم محمد احمد

حور: عشان هتطلقني يا يوسف... يوسف بصدمة: أي اللي أنتِ بتقوليه ده يا حور أنتِ اتجننتي.... حور: لا متجننتش يا يوسف هو ده اللي لازم يحصل من الأول...... يوسف: حبيبتي أنتِ شكلك تعبانة دلوقتي روحي ارتاحي وبعدين أبقى نشوف الموضوع ده.......... حور: لأ يا يوسف مش تعبانة ومصرة على رأيي كمان هتطلقني يعني هتطلقني...... يوسف: وأنا قلت مفيش طلاق يا حور...... حور: مش هتطلقني يا يوسف.... يوسف: أيوة يا حور قولتلك مفيش طلاق.......

حور: خلاص يا يوسف وأنا هرفع عليك قضية خلع..... يوسف بصدمة: أنتِ واعية للي بتقوليه ده يا حور؟! ....... حور: أيوة يا يوسف واعية جدًا كمان..... يوسف: أنتِ عارفة أنتِ بتقولي إيه؟! حور: أيوة يا يوسف أنا أول مرة في حياتي أصلاً أفكر صح وده لازم يحصل... يوسف: أنا بحبك يا حور متعمليش معايا كده متخربيش حياتنا...... حور: أنت اللي خربتها يا يوسف لما قررت تتجوز عليّا أنت اللي دمرت كل الحب اللي بينا.......

يوسف: أنتِ عارفة ومتأكدة يا حور إني هعمل كده عشان ماما وبس أوعدك إني مش هلمسها وبعد كده هطلقها....... حور: وهي ذنبها إيه تتجوز واحدة تخرب حياتها يا يوسف خليك عاقل شوية........ يوسف: مقدرش أسيب ماما تتعب يا حور أنتِ عارفة أمي غالية عليّا قد إيه؟ ...... حور: عارفة يا يوسف وعارفة كمان إن راحة طنط هتكون في طلاقي منك.......... يوسف: أنتِ بتقولي كده لي؟؟ ...

حور: عشان دي الحقيقة يا يوسف طنط من ساعة ما اتجوزنا وهي مش طايقاني أصلاً........ يوسف: في البداية بس لكن بعد كده اعتبرتك بنتها....... حور: لا يا يوسف مش هنكدّب على بعض هي كانت ومازالت....... يوسف: عايزة تسيبيني يا حور هيّن عليكي طب فكرتيش أنا هعيش إزاي لو أنتِ سبتيني........ حور: لو عليّا يا يوسف أعيش معاك العمر كله لكن والله غصب عني حاول تحط نفسك مكاني وتشوف وجعي وكسرتي.......

يوسف: لا عاش ولا كان اللي يوجعك ويكسرك يا حوريتي....... حور: طلقني يا يوسف أرجوك وسيبني أعيش حياتي....... يوسف: عايزة تعيشي حياتك من غيري يا حور هتقدري تعيشي من غيري...... حور: أنا بعشقك يا يوسف بس غصب عني صدقني والله........... يوسف: وأنا مش هتنازل عنك أبداً مهما يكون........... وتين: بس يا ستي وبصراحة كده صعبت عليّا جامد....... سما: الله يكون في عونكم أنتوا الاتنين....

وتين: لو شوفتي يا سما دي بتحبه جامد لدرجة إنها مش راضية تقوله يطلقها عشان ميبقاش ضعيف سما: شكلها هبلة أوي أنتِ وشطارتك بقى بعد الجواز طيريها وعيشي حياتك بقى وتين: إخص عليكي أي اللي بتقوليه ده يا سما عايزاني أكون خرابة بيوت؟ سما: مش قصدي بس أنا عايزاكي تعيشي حياتك..... وتين: عايزاني أعيش حياتي على حساب الناس.... سما: خلاص خلاص كنت بهزر يا وتين خلاص وتين: ماشي يا سما ويا ربِّت مسمعش الكلام ده تاني.....

سما: حاضر أي أوامر تانية.... وتين: لا إلا صحيح مش ناويين تتجوزوا ولا رجعتوا في كلامكم...... سما: لا مش هنتجوز ده اتجنن أصلاً مش عارفة مالها مبقاش مازن بقى حد غريب لما يرجع زي زمان أبقى نتجوز........ وتين: أنتوا حرين كل واحد حر في حياته اللي يريحكم اعملوه........ سما: ماشي يا وتين ماشي يا جزمة وتين: يلا يا أختي من غير مطرود قومي روحي عشان خالتك هتبهدلك...... سما: دي جايبالي عريس ومصرة تجوزني مازن: نعم يا روح أمك

سما: وأنت مالك أنت وبعدين واقف تسمعنا احنا بنقول إيه لي مش كده عيب...... مازن: سما متجننيش والعريس ده مرفوض....... سما: وأنت مالك كنت ولي أمري وأنا معرفش...... مازن: سما الكلام انتهى خلاص العريس ده يترفض...... سما: مش هيترفض يا مازن وأنا موافقة عليه...... ليلى: أخوك ومراته وابنة جايين النهاردة يا يوسف لما عرف إنك هتتجوز ....... يوسف: أها تمام....... ليلى: مرات أخوك حامل.... يوسف: ألف مبروك يا ماما.... ليلى: عقبال ما

أشوف عيالك أنت كمان يوسف: بإذن الله لما ربنا يريد........ ليلى: ما أنا هجوزك إيهو عشان تجيبلنا عيال كتير...... يوسف: تمام يا ماما إن شاء الله "بارك الله لكما وبارك عليكما وجمع بينكما في خير" جملة نطق بها المأذون بعد أن أتم زواج يوسف ووتين وبعدها انطلقت الزعاريط ليلى بفرحة: ألف ألف مليون مبروك يا يوسف ألف مبروك يا مرات ابني.... يوسف: الله يبارك فيكي يا ماما...... وتين: الله يبارك فيكي يا طنط.....

ليلى: لا طنط أي ما أنتِ خلاص بقيتي بنتي........ وتين: تسلمي يا طنط أحمد: مبروك يا باشا ربنا يرزقكم بالذرية الصالحة.... يوسف: الله يبارك فيك يا أبو حميد أحمد: مبروك يا عروسة أنا أخو يوسف.... وتين: اتشرفت بحضرتك.... أحمد: لا حضرتك أي أنا اسمي أحمد والله وبعدين أنتِ مرات أخويا يعني زي أختي..... الاء: مبروك يا جو مبروك يا قمر...... وتين: وتين اسمي وتين... الاء: فل عليكي يا وتين...... سما: هتوحشيني أوي يا وتين

وتين: الله البيت مش بعيد عنك تعالي نطي كل شوية مشحوار..... سما: عاااا أمي مش هترضى...... وتين: لا متخافيش خالتك هتسيبك تيجي عندي يا سمسم..... سما: ربنا يسعدك يارب يا بنت خالتي وأختي