يتعقم حسن ويدخل لاجراء جراحه لوقف نزيف في المخ
حسن:: يبداء في اجراء الجراحه والمشرط يهتز في ايده
والدموع اللي في عيونه تحجب الرؤيه عنه
لتتدخل دكتورة سالي وتسحب المشرط
دكتورة سالى:- ممكن تسمحلي اقوم بالعمليه وتحت اشرفك انا تلميذتك واتمني احظي بالشرف اني اعمل جراحه في وجودك
حسن:- اتفضلي ويبداء بتقديم المشوره
وبعد فترة ■
دكتورة سالى:- الحمد لله النزيف وقف
تقدر تستريح حضرتك دلوقتي من امبارح وانت مانمتش
والاحداث متلاحقه اجهدتك نفسيا وجسمانيا
حسن:- خدي الحاله علي الانعاش فورا
وانا هجي اطمن عليها الاول وارتاح بعدها
دكتورةسالى:- حاضر وانا هشرف عليها بنفسي واتفضل انت
بعدها هي في ايد امينه
حسن:- مقدرش محتاج اكون مع الحالة
واطمن عليها لحد ما تفوق
ويخرج مع السرير اللي عليه الحاله
المتوجه الي اوضة العنايه المركزه
لكن لكل جسم طاقه وقدره علي الاحتمال
مجرد ما يخرج من غرفة العمليات
ينهار الدكتور حسن من الاجهاد والارهاق النفسي ويقع ارضا
ويجري الدكاتره لاسعافه وادخاله غرفه اخري لينال قسط من الراحه لاحتياجه ليها في هذا الوقت
¤💢▪¤▪💢¤▪¤▪¤▪💢¤ في احدي المباني
منى:- تفوق حسن فين انا عايزه حسن
يدخل عليها شخص يمسك سيجار في ايده
الشخص:- يبص ليها بغيظ بقي جوزك بيضحك علينا
ويلعب بينا وبيستغل ذكائه كويس اوووى
الاول انت تبوظي كل مخططاتنا وبعدين تساعديه
يلعب بعقولنا ونصدق انه فعلا اتمحت ذاكرته
انتي فاكره نفسك انت وهو اذكي منا
منى:- انتو مين انتو ؟؟
انتو مجموعة من الارهابين ومرتزقه ولصوص واقذر
خلق الله
انتو الانسانيه تتبراء منكم ومن افعالكم
الشخص :-يضحك تعرفي اني علمت جوزك ازاي يبقي دكتور
علشان يتفوق عليا وبحثه يسبق بحثي
عايز يثبت انه عبقري وافضل مني
منى:- يبقي انت دكتور توماس لدرجة دي الحقد يوصلك
انك تهدم انسان وتدمر اسرة وتنسب ابنك لغيرك
دكتور توماس:- انتي تخرصي خالص انت متعرفيش
جوزك اتسبب في اني ابيع نفسي للشيطان
علشان ادمر بحثه وادمره وادمر اسرتك
استحاله اكون فاشل وجوزك ينجح ويبقي احسن مني
وهو كان مجرد تلميذ عندي
منى:- بالعكس لازم كنت تبقي فخوربيه
ان ليك تلميذ تفوق عليك وانت سبب علمه
يعني كنت سبب مباشر علشان يبقي دكتور وعلمه من علمك انت ليك في نجاحه لانك لو فاشل زي ما بتقول استحاله يكون ليك تلميذ عبقري
زي حسن لانك سبب علمه واكتسابه كل مهاراتك▪
وموهبته مش اعتراف بفشلك لكن هبه من ربنا سبحانه وتعالي
دكتور توماس:- هو اللي اجبرني اعمل كده لما بدا يخفي تقدمه في البحث ورغم اني شجعته وبدات خطوات كتير معاه كان يقدر يشركني و لا يبخسني حقي
منى:- حسن انسان نزيه وعمره ما انكر فضلك عليه لكن اللي اكتشفه كان سبب خوفه لو البحث مخرجش للنور
حتي يتجنب استخدامه في الشر وانت عارف اسرار البحث ومقدرته علي تغير شخصية انسان او محو ذاكرته بعمليه بسيطه تضيع مستقبله لمجرد ان ليه اعداء
اتت استاذه وهتفضل صاحب فضل عليه حتي لو كنت سبب في اللي بيحصله دلوقتي هو واسرته
دكتور توماس:- فعلا انتم شعب عاطفي زيادة عن اللزوم لكن اسف ليكي يا مدام
المصلحه تحكم وحاليا مصلحتي مش مع جوزك
ويخرج ويسبها وتدعي منى من قلبها
ان ربنا يحفظ حسن من كل شر
¤¤¤_💢💢_¤¤¤___💢💢_¤¤ نعود للمستشفي
حسن يفوق في صباح اليوم التالي
حسن:- يبص في الساعه الثامنه صباحا
يقوم يجري علي غرفة العنايه المركزه
دكتورة سالى:- صباح الخير دكتور حسن
حسن:- صباح النور دكتوره سالي
ها اخبار الحاله ايه دلوقتي
دكتوره سالي:- الحمد لله الحاله مستقره وكل المؤشرات
الحيويه منتظمه وان شاء الله شويا وهيفوق
حسن؛- يارب ويروح للسرير ويبص علي المريض
اخويا حبيبي اوعي يجرالك حاجه يا على مقدرش اتحمل حاجه تحصلك وازاي اواجه امي وابويا ارجع بسرعه متسبنيش لوحدى بالذات دلوقتي
كفايه علي اختفاء منى
على:- يفيق و يشيل قناع التنفس انا معاك وهنرجع منى سوا
حسن:- يحضنه حبيبي يا اخويا حمدلله بالسلامه
على:- ايه اللي حصل
انا اخر حاجه فاكره وهما بيدخلو سرير منى لعربية الاسعاف
مين دول يا ابيه
حسن:- يفتكر الكلام اللي اتقال ليه بالمكتب
منى تعبت وجبتها المستشفي وحصل طلق نار لجوزيف ودخلت اعملها عمليه في الوقت ده كان في حد بيراقب المستشفي وبيخطط لاختطاف منى
وفي وقت انشغالي استغلو الفرصه وخطفو منى
لكن حظك السئ خلاك تشوفهم وكمان تطاردهم
وانقلبت سيارة الاسعاف ونزلت انت علشان تنقذ منى
لكن انضربت بشده علي دماغك الحمد لله انهم مش قتلوك
وطبعا كانو مرتبين ينقلو منى في عربيه تانيه
واختفت بعدها
على:- فعلا ده اللي حصل افتكرت
حسن:- بس انت ايه جابك علي المستشفي
على:- اللي مكلفه بمراقبة ليزا بلغني
لما كنت مع متى وطارق واحمد بالنادى معرفش يوصلي وبعدها روحت لشغلي واتصل بيا في الجريده
وقالي ان في ناس دخلو فيلتك وان ليزا خرجت تجري مع
واحد من اللي كانو بالفيلا وشايله طفل بس هدومها كلها دم
وقالي انهم راحو المستشفي بتاعتك
وحاولت اتصل بمنى ابلغها الاخبار
لقيت تليفونها مقفول
اتصلت بطارق لانه كان بيكلمها واحنا ماشين انا واحمد
قالي انه طلب يوصلها للفيلا رفضت
و قالت ليه هتروح مشوار وترجع بعد كده علي الفيلا
واتصلت علي اللي بيراقبك قالي انك خرجت من شقتك القديمه
وكنت شايل مراتك وروحتو علي المستشفي
جيت جري علي هنا اشوفوحصل ايه
وحصل اللي حصل
بس انت كنت في شقتك القديمه ليه انت ومنى يا ابيه
حسن:- انت مجنون كتت هتضيع نفسك
وكمان كنت بتراقبني كويس انك ملفتش انتباههم
على:- اسف اني راقبتك يا ابيه بس منى كانت خايفه عليك
وخافت ليقتلوك كنت بامنك بس والله
دكتوره سالى:- دكتور حسن كفايه كده التوتر مش كويس
عليها هو حاليا محتاج للراحه
حسن:- علي فكره دكتورة سالي هي اللي انقذتك
واصرت تعملك العمليه وقدرت توقف النزيف
على:- متشكر يا دكتورة ويبص لحسن بقي كده
تحطنى تحت رحمة بنت من بنات حواء
حسن:- يضحك بابتسامه حزينه هو ده اعترافك بالجميل
علي فكره دي تلميذتي
واختارتها بنفسي في لفريق الجراحي بتاعي لتميزها
يعتي انت تحمد ربنا انها فكرت تحط ايدها في دماغك المتخلف وتعالجك
الدكتورة سالى:- شكرا يا دكتور حسن بس اظن
انه محتاج تنظيف لخلايا مخه من التعصب لجنسه
على:- وده يبقي ازاي وليه الافتر بس
دكتورة سالى:- الغريب انك راجل مثقف وعارفه وواثقه
انك متاكد من دور المراءة في المجتمع ليه بتشكيكو في قدرتنا علي النجاح في اى مجال
حسن:- انا عن نفسي مؤمن بدور المراءة وانها نص المجتمع
وقدرتها علي النجاح في اي مجال
ومنى خير دليل مهما اتعرضت لمواقف او مصاعب بتتخطاها
بسرعه وسهوله ساعات بنبهر بحسن تصرفها
لكن تقولي ايه على ده متخلف عايز مخ غير مخه الصحفي
عنده ازدواجيه في التعامل المهني والشخصي
علي:- انا متخلف يا ابيه ابدا والله
كل الحكايه مش بحب اي بنت يكون ليها سلطة عليا او وصاية مهما كان لا وكمان يكون ليها عليا جميل لا لالا
ده كتير اووي اوووي والله يا ابيه
دكتورة سالى:- يعني كنت اسيبك والدكتور حسن مجهد
والموقف كان محتاج السرعه نسيبك تموت ونستني
دكتور يجي ينقذك لكن دكتورة تنقذك عيب صح
على:- كان ارحم والله انا مكسوف لنفسي تنقذني بنت
الدكتورة ساالى:- اولا انا دكتورة مش اي بنت وده صميم عملي انقاذ الناس من الموت
ومساعدتهم وعلاجهم طبعا كله بامر الله وحده اولا واخيرا
ايه رايك يا دكتور حسن احنا نخدره ونرجعه اوضة العمليات نعمله غسيل مخ ده مفيش منه امل وياريت نعمله شوية تحبيش بالمره
ونخليها يعشق بنات حوا بدل المخ العنصري ده
على:- انا شكلي بتهزق وفين في مستشفة اخويا حرام كده
انا تعبان ومحتاج للراحه وانتو بتهزقوني شكرا ليكم يا دكاترة
دكتورة سالى:- انا هريحك فعلا وتطلب من الممرضه اضافه امبول مخدر للمحلول وتقوله ارتاح يا استاذ على
حسن:- يضحك ارتاح بقي وبطل وجع دماغ وكلام كتير
وشويا ويروح علي في النوم
ويخرج حسن من غرفة العنايه
حسن:- متشكر جدا يا دكتورة سالي
وارجوكي متاخديش علي كلامه هو بيحب الهزار
دكتورة سالى:- بالعكس ده كان شرف ليا ان ساعدت في انقاذ واحد من عائلتك الكريمه انت صاحب فضل عليا
وده اقل واجب لرد جميلك
حسن:- الفضل لله وحده
ويرن تليفونه برقم غريب ويرد
حسن: الو مين
دكتور توماس:- ازيك يا عبقري
حسن:- اهلا انت شرفت احب اقولك ابنك كان بيموت وانقذته
دكتور توماس :- عرفت و وده رد لجميلك هخليك تكلم مراتك اتفضل؛؛
منى:- حسن انت بخير مش تخاف عليا يا حسن طمني عليك
حسن:- انا بخير طمنيني عليك انا هعمل المستحيل وارجعك
منى:- لا يا حسن اوعي تفرط في علمك وتعبك علشاني بلدك اولي بيه وكتير هيستفادو بعلمك بلاش تصحي علشاني
لو نصيبي اموت دلوقتي هموت وده قدر محدش يقدر يغيره
حسن:- فداكي نفسي يا نفسي مش تخافي انا هنقذك
لو علي حساب روحي وكل نقطة في دمي
دكتور توماس:- ايه رايك ده بقي رد جميلك
حسن:- اوعي تاذيها يا توماس انا هوصلك لو في اخر الدنيا واقتلك بايدي لو اذيتها
توماس يضحك ابقي وريني هتقدر تعمل ايه وبعدها
يسمع طلق الرصاص ومنى تصرخ وصوتها يسكت
وحسن:- يصرخ مش هرحمك يا توماس والله ما هرحمك