رواية رنين الاسد الفصل العاشر 10 - بقلم فاطمة الزهراء

خرج أسد من الحمام واتجه إلى غرفة الملابس بتاعته. اتصدم باختبار حمل. أسد بغضب: إيه اللي جاب ده هنا؟ ليكون... راح عند رنين وقومها من النوم. رنين بنوم: صباح الخير. أسد بغضب، وهو بيدي اختبار الحمل لرنين: إيه ده يا هانم؟ رنين: معرفش إيه اللي جاب ده هنا. أسد بغضب: إحنا هنستهبل يا روح... رنين بعياط: متجبش سيرة أمي على لسانك. قولتلك معرفش. أسد وهو يخرج من الجناح: هنشوف ده. ***

تحت في غرفة الطعام، كانوا الكل يجلسون ليتناولوا الطعام ويضحكون. مازن: كل ده يا أسد؟ مردش عليه أسد وقعد. استغرب الجميع. بدأ الكل بتناول الطعام، معدا أسد اللي كان بيفكر في أشياء كثيرة. الشرقاوي: مالك يا أسد؟ فيك إيه؟ أسد: مفيش، يا مرت عم. أنا عايز دكتورة نسا النهارده. الشرقاوي باستغراب: ليه يا أسد؟ في إيه؟ أسد بجدية: مفيش، بس رنين تعبانة شوية. سحر بخبث: أنا أعرف دكتورة شاطرة جداً. أكلمها تيجي؟ أسد: تمام.

واتجه إلى المكتب بتاعه. ملك، وهي تحمس في ودان نغم ورهف: أنا حاسة إن فيه حاجة غلط. تعالوا نطلع لرنين. نغم: يلا. وطلعوا البنات إلى جناح رنين. خبطوا الباب ودخلوا. اتصدموا برنين على السرير عمالة بتعيط. جريوا البنات عليها. رهف بخوف: فيه إيه يا رنين؟ رنين بعياط: ما... ما... مفيش. ملك: إزاي مفيش؟ أسد متعصب ناحيتك وانتي بتعيطي فوق. غي إيه؟ نغم بحب: مالك يا روحي؟ رنين: أصل... وبدأت تحكي كل حاجة. ملك: عشان كده طلب دكتورة.

رنين: هو طلب دكتورة؟ رهف: آه. نغم: طب هتعملي إيه دلوقتي؟ رنين بتحدي: يجيب دكتورة. أنا واثقة في نفسي. ملك: طب ارتاحي دلوقتي وهنيجي بليل. رنين: تمام. سلام. وخرجوا البنات. قعدت رنين عمالة تفكر في اللي هيحصل. *** في فيلا السيوفي. محمد بغضب: إنت بتقول إيه؟ مجهول: زي ما بنقولك يا باشا. عمر بيه أسد الشرقاوي حجزوه في المخزن. محمد بغضب: طب غور يا حيوان دلوقتي. وقفل محمد مع الشخص وعمل مكالمة. مجهول: خير يا باشا؟

محمد بغضب: نفذ بكره. مجهول: إنت تأمر. بس الفلوس؟ محمد: نفذ انت والي انت عايزه، هتاخده. مجهول: إزاي كده؟ تمام. سلام يا باشا. وقفل محمد معاه. *** في المساء في قصر الشرقاوي. سحر بخبث: الدكتورة وصلت. أسد: تمام. مش عايز حد عند الجناح. وخد أسد الدكتورة وطلع على الجناح بتاعه. رنين بخوف: مين دي يا أسد؟ أسد بجدية: دي الدكتورة هتكشف عليكي. بصت رنين له بصه ندم. الدكتورة: اتفضل حضرتك بره.

وخرج أسد. بدأت الدكتورة بأن تكشف على رنين. بعد نص ساعة خرجت الدكتورة. أسد: ها يا دكتورة؟ الدكتورة... أسد بصدمة...