رواية رنين الاسد الفصل الخامس والعشرون 25 - بقلم فاطمة الزهراء

صحي أسد وراح الحمام أخد شور وطلع لقي رنين لسه نايمة. أسد قرب منها: "رنين حبيبتي قومي يلا." رنين بنوم: "حاضر قايمه." قامت رنين ودخلت الحمام، وأسد نزل تحت. بعد شوية خرجت رنين من الحمام وراحت لبست مينى درس كشمير وفيه من تحت أبيض وطرحة بيضة ونزلت تحت. نزلت رنين وكان أسد قاعد مع مالك وزين ومازن بيتكلموا، والجد قاعد مع حاتم، وزينب قاعدة مع صفية، والبنات في المطبخ. رنين: "ألسلام عليكم." الجميع: "وعليكم السلام."

بص أسد ليها وانبهر من جمالها وغمز ليها. اتكسفت رنين وراحت عند البنات. *** في المطبخ كانت ملك بتعمل الشاي ورهف بتحضر مقبلات، ونغم قاعدة بتاكل مش. دخلت رنين وشافت نغم وقالت: رنين: "يالهوي يابنتي مش انت قولتي مش هاتكلي تاني؟ نغم: "اعمل اه يا رنون مش قادرة." راحت رنين عندها وشالت المش وقالت: رنين: "ولله لو كلتي مش تاني، هقول لمرات عمي وهيا بقي تتعامل معاكي." نغم بغيظ: "لا خلاص مش واكله تاني، بس اه الجمال ده." وغمزت ليها.

ملك: "جدعه يابت يارنين، خلي الملزقة دي تتغاظ منك." رنين: "دا أنا هوريها." رهف: "شاطرة." وهنا دخلت نور. ملك بهمس: "أعوذ بالله الحرباية جت." ضحكت البنات واتغاظت نور. نور بغيظ: "انتوا هنا بتضحكوا وهما بره مستنيين الشاي؟ رنين ببرود: "معلش بقي أصل إحنا ناس فرفوشة." اضيقت نور وقالت: "إلا صحيح، يارنين انتي ليه مش بتحطي ميكب؟ أصل الصراحة شكلك ياي أوي."

رنين: "معلش ياروحي بس أسد حبيبي مش بيحب الناس اللي بتحط ميكب وأنا برضوا، وبعدين أنا بحب شكلي وأسد بيموت فيه." وكملت بسخرية: "أحلى ما أبقى شبه عروسة المولد كده." ضحكوا البنات عليها، وهيا اتغاظت وطلعت بره. ملك: "شاطرة يابت." رنين بضحك: "عيب عليكي، يلا عشان نطلع الشاي." وخدت رنين صينية الشاي وطلعت، والبنات طلعوا معاها. *** في الصالون كان الجميع قاعدين بيشربوا الشاي وبيتكلموا، قاطعهم أسد.

أسد: "طب يا جماعة، إحنا في موضوع عايز أقولكم عليه." الشارقاوي: "خير يا ولدي." أسد: "خير إن شاء الله، أنا ومالك ومازن وزين هانمشي على الفجر رايحين مصر." رنين بزعل: "ايه ليه؟ الشارقاوي بزعل: "ليه يا ولدي، يعني مش هتفطر معانا بكرة؟ أسد: "يا جماعة إحنا هنمشي الفجر عشان عندنا شغل مهم وهنيجي قبل الفطار." زينب: "تروح وتيجي بالسلامة يا ولدي." أبتسم أسد. الشارقاوي: "خلوا بالكم من نفسكم."

زين بمرح: "اه يا جماعة دا إحنا مش هنغيب غير ٤ ساعات، مش ماشيين ومش هنرجع تاني." نغم: "بعد الشر." وكل ده تحت أنظار رنين الحزينة التي لاحظها أسد. رنين: "بعد إذنكم هقوم أجهز السحور." ملك والبنات: "وإحنا قايمين معاكي." وراحوا البنات المطبخ يجهزوا السحور، وأسد استأذن وطلع الجناح بتاعه. *** في المطبخ كانوا البنات بيجهزوا السحور وهما مضيفين. رهف بزعل: "يعني هما مش قادرين يعملوا شغلهم المهم وهما هنا؟ ملك: "معرفش ولله."

نغم: "أنا قلقانه خالص." ملك: "إن شاء الله خير." رهف: "رنين رنين رنييين." رنين: "ايه في ايه." ملك: "كونتي فين، عمال ننادي عليكي." رنين بزعل: "معلش كونت سرحانة." راحت نغم عليها وحضنتها وقالت: "إن شاء الله هيجوا كويسين." رنين بعياط: "أنا خايفة خالص." راحوا البنات عليها وحضنوها. رهف: "إن شاء الله خير." رنين: "يارب." ملك: "طب يلا عشان نطلع السحور، خلاص الفجر فضل ساعة ويأذن." رهف: "يلا."

وطلعوا البنات وحطوا السحور على السفرة، وطلعوا نادوا على الجميع. رنين: "أمال فين أسد؟ مازن: "أسد فوق، اطلعي ناديه عشان يتسحر." رنين: "تمام." وطلعت رنين فوق. *** في جناح أسد دخلت رنين وكان أسد قاعد على اللاب توب. رنين بزعل: "السحور جاهز، يلا عشان تتسحر." ولسه هاتخرج راح أسد شدها من وسطها. رنين وهيا بتحاول تقوم: "أسد سيبني." أسد: "زعلانه ليه؟ رنين بزعل: "مش زعلانه وسبني بقي." أسد: "رنييين."

وهنا رنين عيطت وبدأت شهقتها تزيد. رنين بعياط: "عشان انت قولت أن عمرك ما هاتسبني وأديك ماشي وسايبني." أسد مسح دموعها وقال: "يا حبيبتي دي كلها ساعات وراجع تاني." رنين: "طب ما تخليك هنا." أسد: "ولله ما هقدر عشان دي صفقة مهمة جدا." رنين بزعل: "طب خلي بالك من نفسك." أبتسم أسد ولسه هايقبلها، راحت رنين قامت. ضحك أسد وقال: "يلا عشان ننزل." رنين: "يلا."