رواية روح اخويا الفصل الثاني عشر 12 - بقلم سحر سمير

افاقت سحر بخمول لتجد نفسها مربطة ولا تستطيع الحركة. على عينيها رباط يمنع الرؤية. سحر: ااااه ساعدوني، حد يساعدني. فتحي: هههههه، تب كويس إنك فوقتي عشان تموتي وأنتِ مصحصحة. سحر بخوف: أنا سامعة صوت عمي فتحي، يا عمي فتحي الحقني وحياة مليكة. فتحي: هههه، دا على أساس إن أنا اللي مش خاطفك. سحر بصدمة: أنت تعمل كدا يا عمي فتحي. مليكة بحدة: هو دا وقت صدمات، متخلونا نخلص بقى. سحر بصدمة: مليكة كمان! إيه اللي حصل للدنيا دي؟

أنا جيت لك جري أول ما اتصلتي بيا، دا انتي كنتي أكتر من اختي يا شيخة، دا أنا... قاطعتها مليكة بزعيق: ما خلاص بقى حرقتي دمي، عملت لك وعملت لك إيه؟ هو انتي مفكرة نفسك أساسا بنت عمي؟ سحر بصدمة: يعني أنا مش بنت عمك؟ قاطعها فتحي: ههههههه، دا انتي متشرّدة، انتي مش بنت أخويا. بنت أخويا هي وفاء وبس. سحر بدموع: ليه بتقول كدا بس؟ مش معنى إن في مشاكل ما بينك أنت وبابا، يبقى إن انت تقولي إن أنا مش بنتهم؟

لا وكمان خاطفني وعايز تقتل*ني. فتحي بزعيق: دي الحقيقة، إيه وجعتك؟ أمال لو عرفتي أمك تبقى مين وإيه اللي حصل لها هتعملي إيه؟ أنتِ تخرسي خاااالص. سحر بانهيار: لا مش هخرس، انتوا كذابين وبتألفوا عليا وأنا مش هصدقكم. فتحي بحدة: ماشي، وأنا هثبت لك. عند أحمد. أحمد بصدمة: مستحييييل. أم سحر بدموع: بنتي، هاتوا لي بنتي، مليش دعوة. أبو سحر بحدة: ألبت راحت فين تب؟ والناس اللي برا وشكلنا قدام الناس اللي هتيجي.

أحمد: أنا مش هسكت، أنا لازم ألاقيها. قاطعه صوت تليفونه. أحمد بحدة: الو، يا مليكة الكلب. مليكة: لا حيلك عليا، أنا معايا حاجة تخصك، افتح الواتس كدا. أحمد فتح الواتس وشاف الصدمة. سحر مربطة وقاعدة على حافة عمارة كبيرة. أحمد بصدمة: لاااااا. أحمد معقباً باندفاع: لااا، لا يا مليكة، سحررر، لااا، هعملك اللي أنتِ عايزاه. التقاطعه أم سحر بدموع: يالهووووي، يالهووووي يا بنتي.

مليكة بزعيق: خلي اللي عندك يسكتوا، بعد نص ساعة بالظبط تجيب عمي وتيجي على كوبري قصر النيل، يالا. أحمد: حاضر، حاضر، بس سمعيني صوتها الأول. مليكة: هههههه، سلاااام يا حبيب. و قفلت الخط في وشه. أحمد: الو.... الووو. الكل بلهفة: هاااه؟ أحمد باندفاع: مش وقته، تعالا يا عمي بسرعة. أبو سحر بلهفة: يالاااا. أم سحر بدموع: أنا هتصل بالبوليس. أحمد باندفاع: لا، لحسن تأذي سحر ولا حاجة. أم سحر بانهيار: تب خدوني معاكم.

أبو سحر بحدة: ناخدك فين؟ هو إحنا رايحين رحلة؟ اقعدي هنا وادعي لنا، يالا يا بني. أحمد: يالا يا عمي. ومشوا. أم سحر بدموع: يارب جيب العواقب سليمة يا رب. وفاء بدموع: إحنا لازم نبلغ البوليس. أم سحر بدموع: مسمعتيش. وفاء: لا، أنا هتصرف. عند سحر. فتحي شد الرباط اللي على عينيها. سحر وهي بتبص حواليها: يا نهار أسود. وتحاول ترجع. فتحي بحدة: اثبتي، اثبتي يا بت. سحر بخوف: ليه؟ ليه كدا؟

سحر بصويت: الحقووونيييييي يا ناااااااس، يا احمدددددددد، الحقني. فتحي بحدة شدها من شعرها. فتحي بزعيق: مش بقولك اخرسي، اخرسي يا بت. سحر بدموع: أنا عملت لك إيه؟ ليييه؟

فتحي بحدة: انتوا اللي أجبرتوني على كدا، بعد ما أخويا كتب لك كل حاجة باسمك، العمارة والشركة والمخزن، كل حاجة كتبها باسم واحدة من الشارع ولا تقرب له بأصل، واحدة كانت بتنام على الرصيف، ونسي أخوه اللي بنى له الشركة ووقفها على رجلها، نسي آخوه اللي آخرتها خلي واحدة زيك كدا تبقى عندها أملاااك أكتر مني، ليييه هااااه؟ ما تردي عليا.

سحر بانهيار: أقسم بالله العظيم ما أعرف حاجة عن اللي انت بتقولها، أملاااك إيه وشركة إيه ومخزن إيه؟ أنا مش عايزة حاجة منكم، أنا مش عايزة حاجة يا شيخ، ينعل أبو الفلوس اللي تعمل في الناس كدا......... إيه؟ فلوس إيه اللي انتوا بتدوروا عليها؟ فلوس إيه اللي تخلي أخ يقتل أخوه عشانها؟ فلوس إيه اللي تخلي البنت تقاطع أبوها وتمو*ته بحسرته عليها؟ انتوا إيه؟ هي دي الدنيا بالنسبة لكم؟ فلوس في فلوس في فلوس؟ إيه؟

بقت الفلوس مهمة للدرجة دي؟ أنا وقسما بالله عندي إني أعيش في عشة ولا إني أمد إيدي وآخد حاجة مش من حقي، والله العظيم أنا مش عايزة فلوس، اشبعوا بيها، يكشي يكون دي اللي هتغنيكم عند ربنا، دا إحنا بصحتنا اللي بنجيب الفلوس، مش هي اللي بتشترينا. قاطعها فتحي بحدة: ما هي مش ناقصة فلسفة، أمك يا بنت الرقاصة. سحر بضحك من بين دموعها: هههههه، رقاصة؟ أنا أمي رقاصة؟ أمال أمك تبقى إيه يا ابن تفيدة؟ ماسكة سجات؟

فتحي بحدة: هوريكي أمي تبقى إيه. وشدها وقربها من نهاية السور. سحر بخوف: عااااااااا، لا والنبي الحقوووونييييي. فتحي بزعيق: أنا أمي مش رقاصة يا بنت الكلاب، أنا أمي كانت فنانة، عمرك وعمر أهلك ما يقدروا يوصلوا لها، يا بنت الكلب. سحر بخوف: خلاااااااص، والنبي صلى على النبي، أنا عارفة، استهدي بالله، وحياة اللي خلفوك. فتحي بحدة رجعها. فتحي: عليه الصلاة والسلام، خدي بقى يا زفتة، أنتِ امضي على الأوراق دي.

سحر: ودي أوراق إيه إن شاء الله؟ فتحي بحدة: امضي يا بنت، لحسن هقت*لك.