رواية روح الاسر الفصل الخامس 5 - بقلم رحمه محمد

اسر اول ما شاف زين بيحضن روح اتعصب اوي. راح ناحيته بخطوات سريعة وشده بعيد عنها. لسه هيضربه بالبوكس، روح مسكت إيده بسرعة. "اسر عشان خاطري اهدي." اسر بغضب: "بيحضنك وتقوليلي اهدي؟ زين: "أنا ماكنش قصدي حاجة، هي بس كانت وحشاني وحضنتها." اسر بص له بغضب: "وحشاك وحضنتها، أممم." وهوب، أداله بوكس في وشه شقلبه على الأرض. روح بخضة: "يالهوي." زين قام ولسه هيضربه بالبوكس. روح وقفت في النص. روح: "بس بس، كفاية."

وبصت لزين: "لو سمحت يا زين امشي دلوقتي." اسر: "أيوا يلا، غور في داهية." زين: "ماشي يا روح." وبص لاسر بغضب وخرج من الشقة. روح: "ماكنش في داعي لكل ده يا اسر." اسر: "شايفاه بيحضن مراتي وكمان بجاحة؟ وتقوليلي (وقلدها) مفيش داعي لكل ده؟ ناقص تقوليلي أركب أريل؟ روح غصب عنها ضحكت: "خلاص اهدي، حصل خير." وقربت منه حضنته: "بحبك يا اسر." اسر حضنها جامد. روح بضحك: "إنت كدا هتكسرني."

اسر بعد عنها وابتسم، وبعدين بص باتجاه الباب وكشر تاني. روح: "اسررر." اسر: "بتزعقي لي، ما أنا مرمي جنبك أهو." روح بضحك: "وكّلني." اسر: "أوكلك." روح: "جعانة يا قرة عيني، وكّلني." اسر ابتسم: "هعملك أحلى أكل يا روح." وقاطع كلامهم صوت تليفون اسر بيرن، وفرح جدا لما شاف اسم اللي بيتصل. تاليا وباباها وجدتها وصلوا البيت. مامتها استقبلت جدتها بفرحة. وبعد وقت طويل وتاليا قاعدة معاهم. تاليا: "أنا هروح أنام."

جدتها: "ماشي يا حبيبتي." تاليا بابتسامة: "بابا حبيبي." باباها ضحك: "جبتهم في الأوضة بتاعتك." تاليا بفرحة: "تسلم ي راجل يا طيب." (وباسته من خده وجريت على أوضتها) جدتها باستغراب: "جبتلها إيه يخليها تفرح أوي كدا؟ مامت تاليا بضحك: "كتب." تاليا دخلت أوضتها وكانت فرحانة أوي بيهم. وافتكرت حاجة، مسكت تليفونها ورنت على شخص. تاليا: "رووووح، وحشتيني." روح: "الجزمة اللي مجتش فرحي."

تاليا ضحكت: "ما انتي عارفة إني كنت بجيب تيته من المطار." روح: "حمدلله على سلامتها يا حبيبتي." تاليا: "الله يسلمك، سلميلي على اسر لغاية ما أشوفكم." روح بضحك: "اسر مش فاضي دلوقتي، بيعملي أكل." تاليا ضحكت: "الشيف اسر." وقاطع كلامها صوت رسالة جت على تليفونها. ولما بصت فيها اتصدمت. تاليا بتوتر: "رووح." روح: "مالك ي بت." تاليا: "...