صقر بغضب شديد:
معتز!
معتز بزعر:
إيه يا صقر، بتزعق لي؟ وبرضه مش عرفت مين المزة.
صقر قام بسرعة وأعطاه بوكس في وشه وقال:
دي مراتي يا حيوان.
معتز بصدمة مضحكة:
نعم! إزاي؟ امتى؟ فين؟
صقر ببرود راح كمل أكل ولا كأن حاجة حصلت.
معتز بأسف:
عن أبو غباوتك يا خي، ما كنت تقول من غير ضرب. لازم تضرب يعني؟
صقر بغضب:
اِقعد كل عشان مكملش عليك.
معتز بخوف بعد وقال:
منورة يا مرات أخويا.
صقر بص له بغضب وتهديد.
معتز بخوف ومرح:
خلاص، مش منورة يا مرات أخويا.
صقر بيبص عليه بغضب.
معتز بخوف:
أومال أعمل إيه طيب؟
صقر بتهديد:
اِقعد واقفل خشمك ومش تحكي عاد.
روح بصت له بذهول وفي سرها:
هو بيتحول ولا إيه؟ مش كان بيتكلم عادي، إيه اللي حصله؟
صقر خلص أكل وقال:
لازم أروح المصنع ضروري ومش هتأخر.
هنينه بهدوء:
هتروح المصنع عاد ليلة الصباحية؟ يولدي، الناس عتاكل وشني.
صقر ببرود:
ملهمش حاجة عندي. واللي عيفتح خشمه بنص كلمة عاد، عوريه مين هو صقر الجاسمي.
ومشى.
عند روح، راحت تساعد هنيه وبعدين مها ندهت عليها.
روح بطيبة:
نعم يا مها.
مها بتكبر:
مها كده عاد. اسمي مها هانم ومش تنسي إن هنا عشان تجيبي ولي العهد بس.
روح بضعف وكسرة:
حاضر.
مها:
امشي جيبي لي قهوة.
روح راحت وهي مكسورة وحزينة عشان هي دي الحقيقة. وعملت القهوة وراحت أعطيتها لها.
مها بتكبر وصوت عالي:
إيه القرف ده يا مجصوفة الرقبة، يا جلاّبة المصايب!
ورمت القهوة على الأرض بغضب وقالت:
دي قهوة؟ انزلي لمي اللي على الأرض ونضفي مكانها واعملي حاجة تانية.
روح نزلت ولسا بتلم الإزاز. قاطعها صوت صقر قوي:
إيه اللي بيحصل هنا ده؟
وراح لروح وقال:
قومي، إيه اللي حصل؟
مها بتصنع العياط:
روح حطت لي ملح بدل السكر يا صقر.
روح بصدمة ودموع وبتهز راسها بلا.
صقر بغضب:
وقال وهي تعملك ليه؟ وانتي مش تعملي لنفسك لي؟
مها بتلعثم:
آآآسف، أه... أيوه، الخدامة مش كانت موجودة وطلبت منها ووافقت، بس حطت لي ملح بدل السكر.
صقر ببرود:
أكيد مش قصدها يعني. وكمان مش كان فيه لازمة كل ده.
ونده الخدامة وقال بغضب:
هياتم! هياتم!
هياتم بخوف:
نعم يا سي صقر.
صقر بغضب شديد:
أنا بديكي فلوس كل شهر ليه؟ كنتي فين؟
هياتم بخوف:
والله يا سي صقر ما انتقلت من المطبخ ولا خرجت.
صقر بص لمها اللي علامات الزعر والخوف بانوا عليها.
صقر شد روح وطلع غرفتهم. وقال بغضب:
إيه اللي حصل تحت ده؟
روح بدموع وأسف:
والله مش عملت حاجة. هي نادت عليا وقالت اعملي لي قهوة. عملتها لها، وبعدين لقيتها بتزعق وبتقول إني حطيت ملح بدل السكر. وأنا والله دوقتها الأول قبل ما أعطيها لها وكانت حلوة، بس مش عارفة ليه قالت كده.
صقر بحنان:
هش هش، خلاص يا روحي.
وخدها في حضنه وهي حضنته جامد وقال:
لو قالت لكِ حاجة، مش تسمعي كلامها. فيه خدام كتير هنا.
روح بخجل بعدت وقالت:
أنا آسفة. مش عرفت عملت كده إزاي.
صقر شدها من أيدها وحضنها جامد وقال لها:
ده مكانك على طول يا روحي.
روح بخجل وقالت بتلعثم:
لأ، كده قلة أدب.
صقر بضحك:
قلة أدب إيه بس؟ أنا جوزك. ههه.
روح سرحت في ضحكته.
صقر بمشاكسة:
عارف إني حلو.
روح بخجل بعدت وخرجت على الحمام وقفلت الباب ووقفت وراه وحطت إيدها على قلبها وقالت:
بيدق كده ليه؟
وشوية وخرجت لاقت صقر قاعد وماسك اللابتوب ومندمج أوي.
راحت قعدت ومسكت فونها وكانت عفاف (مرات أخوها) بتتصل.
روح بخوف شديد ردت وقالت:
آآآلو.
عفاف بحب مصطنع:
روح حبيبتي، عاملة إيه؟
روح بخوف:
الحمد لله.
صقر لاحظ خوفها وارتجافها وقام لها.
عفاف بحب مصطنع:
خدي أخوكي عاوز يكلمك.
فارس بغضب:
عاملة إيه يا بت؟ مش عاوز مشاكل هناك، عشان وربنا وما أعبد، هموتك وأشرب من دمك.
قاطعه صقر وهو بيقول بغضب شديد:
فاااارس! انت إزاي تكلم مراتي بالأسلوب ده؟ وربنا ما هرحمك.
وقفل السكة.
روح بخوف:
مش تعمله حاجة.
صقر بحنان وقعدها على رجله وقال لها:
خايفة ليه كده؟ وهو إيه اللي بيكلمك كده؟
روح بدموع:
عشان هو مش بيحبني، وع طول بيقول إني مش أخته، إني بنت الست اللي أخدت أبوه منه. بس أنا بحبه، بس هو بيضربني وبيِقفل النور عليا بالليل، وعفاف بتضربني بس مش قدام، وبتحرمني من الأكل.
واهي اهي، وانفجرت في العياط.
صقر بأسى وحنان:
ما تبكيش يا روحي، خلاص. أنا معاكي، مش تخافي يا روحي. أنا معاكي ومش هخلي حد يقرب منك.
وقعد يطمنها ويضحكها لحد ما راحت في النوم.
صقر بحنان:
كل ده حصل لك يا روحي؟ بس خلاص، أنا معاكي ومش هخلي حد يقرب لكِ أبداً. هبقى أنا أبوكي وأخوكي وكل حاجة.
ولاحظ هو كمان في نوم عميق.
عند مها.
مها بشر:
شفتي يا ماما اللي حصل؟ بقا أنا أعمل كل ده وفي الآخر يعمل فيا كده؟ وربنا ما هرحمها بنت***.
أزهار بغضب:
انتي غبية! اهو سأل الخدامة وعرف. كنتي استني لحد ما ننفذ الخطة. بس إزاي؟ انتي متسرعة. اخفي من قدامي.
مها بخبث:
لاقتها يا ماما، لاقتها. عرفت هنعمل إيه. شوفي هنعمل كده***.
أزهار بشر:
كده تبقي بنتي حبيبتي قبل أي حاجة. تشوريني الأول.
اليوم عدى عادي.
وفي الصباح، روح صحيت ولاقت نفسها في حضن صقر. اتكسفت أوي وحاولت تقوم بس مش عرفت. وبعدين بصت له وشرّدت في ملامحه ومدت إيدها وبتلمس دقنه برقة ورموشه.
فجأة صقر فتح عيونه. روح اتخضت واتكسفت جامد. وصقر قرب منها جامد وقال:
كنتي بتعملي إيه؟
روح بخجل:
مش كنت بعمل حاجة.
صقر بمرح لأول مرة:
أومال مين اللي كان بيتحرش بيا الوقتي؟
روح بخجل وخلاص هتعيط. صقر بحب حضنها جامد وقال:
بضحك معاكي يا بنت. كنت بتكلم باللهجة الصعيدية.
روح باستغراب:
هو انت إزاي كل شوية تغير في الكلام؟
صقر بهدوء وحنان:
أنا عشان العمده بتكلم قدامه صعيدي. أما نكون مع بعض بتكلم عادي عشان مش تفهميني يا روحي.
روح بخجل بعدت وراحت أخدت شاور ولبست فستان أزرق وسابت شعرها ولبست كوتش أبيض.
صقر بغضب:
لمي شعرك، مش تفرديه. وابسي جاكيت على الفستان.
روح لبست جاكيت جينز على الفستان وعملت ديل حصان ونزلت.
وهي نازلة، لاقت معتز بينادي عليها وقال:
إزيك؟ مش عرفت أتعرف عليكي امبارح من هولاكو. ههه.
وبيمد إيده يسلم. روح بتردد مدت إيدها وقالت:
أنا روح.
ولسا هاتمشي، كانت هتقع بس معتز ساعدها.
صقر طالع وشافها وقال بصوت عالي جداً:
روووووووووووووح.