رواية روح السيف الفصل الثاني 2 - بقلم منة محمد

يا دكتور استني بس هكملك بقيت المسلسل. يا دكتور خد هقولك، طب خلصنا محاضرة، أمشي ولا إيه؟ (أنا اسمي روح، طالبة في الجامعة، أوزعة وبيضه وحلوة وعيني لونها عسلي فاتح وشعري أسود وقصير، عندي ٢١، بابا متوفي، معنديش غير أمي وأخويا أحمد، أخويا خاطب.) نتعرف بسيف. (أنا معيد في الجامعة، ٢٥، شعري أشقر، عيني خضرا غامق وقمحاوي، تخيلوا بقى يا جماعة 😂) روح لمايا اللي جنبها: إحنا خلصنا يا وُختشي، كده أروح ولا أقعد وخلاص؟ مايا: اختشك؟

روح: خلاص أخويا. مايا: بصت بقرف. روح: انتي ليه محسساني إنك إنتي من إيجيبت وأنا من مصر؟ مايا: هو مش الاتنين واحد؟ روح: لا دي بالانجليزي ودي بالعربي، نيهاهاها. مايا: هوووف، أنا ماشية ناقصة استظراف هيا. تاني يوم في الجامعة. روح: مااات، يالهوي ماتتتت! دكتور سيف: استهدي بالله يا آنسة، في إيه؟ روح: اللي حكيتلك عنه امبارح مات، يادكتور استنى خليك معايا ثانية. روح: الو ياماما، بصي ولعي على حلة المحشي وأنا مسافة السكة.

أيوه ياماما، البتنجان مش الكرنب، لا ياماما لا مبحبش الكرنب، بصي خلاص انزلي هاتي من أم محمد واحشي عقبال ما أجيلك ونحشي سوا. ها يادكتور، كنت بتقول حاجة؟ الدكتور سيف وهو متنح. روح: يادكترههه! آآآاايه يا شيخة، ياخربيت دي شغلانة اللي خلتني أعرف أشكالك، يا شيخة روحي ادعي عليكي بإيه بس، محشي إيه وبتنجان إيه، ده انتي كوسة. روح

وهي مغمضة وبتتخيل الأكل: فعلاً أنا بحب الكوسة جداً يادكتور، وبلذات باللحمة المفرومة، أووووه، جوعت، تخيل إن أمي اتوحمت فيا على كوسة، أده دكتور انت رحت فين؟ وبصت تحت لقته مغمي عليه. روح: يالهوي، انت إيه اللي نيمك على الأرض؟ ياحرام، ممكن ميكنش عنده بيت. وعدت من عليه، روحت بيتها. وهي ماشية. روح: ازيك يا أم محمد؟ أمي خدت منك البتنجان ولا إيه؟ أم محمد: أه ياحبيبتي خدته واديتلها عليهم شوية كوسة، أي خدمة.

روح: الله يخليلك محمد. أم محمد: يخليكي ليا يارب، بس مين محمد؟ روح: فكك يا أم محمود. الست: الله يكون في عون أمك. روح: افتحي ياماما، إيه سنة عقبال ما تفتحي؟ انتي شكلك مش عايزاني أصلاً، أه يبقى كلامك صح لما قولتيلي لقناكي على باب جامع، أنا إزاي كنت غبية أوي كده. أم روح: باااااااااااااس، اخرسي، خلفة سودا، كل ده عشان مفتحتش بسرعة؟ انتي بالعة راديو. روح: معقول؟

أهه وأنا اللي بقول بلاقي نفسي بغني ليه، أتراري في راديو جوايا، بس دخلتيه إزاي ده يا أمي يا جميلة؟ أم روح: ااااااااااااااه ياااني منك يا أحمد يا أحمد، تعال شوف اختك اللي هتموتني دي. أحمد: إيه ياماما بتهزري معاكي، لا إنتي مش عجباني. أم روح: يا أخي اتلهي. الصبح. روح: أه أه بغرق بغرق، الحقوني، أحمد هتغرق يا أحمد، أانينيني، أحمد هتغرق، أنينيني. أحمد وهو فطسان ضحك: اصحي يابنتي، انتي بتتفرجي على تيك توك في حلمك ولا إيه؟

هموتتت مش قادر هههههههه. روح: بقى كده يا أحمد بترش عليا ميه وأنا نايمة؟ مكنش العشم يا أحمد. أحمد: يلا عشان تروحي الجامعة بقى. روح: حاضر، قايمة أهو يا فشة قلبي. أحمد: يلا يا قولون حياتي. روح: الا أمك فين؟ مش سامعة صوتها، يعني مش بعيدة. أم روح: والله. روح: روح قلبي، لسه بقول لحمادة كبدة قلبي فين. أم روح: إيه صباح الأعضاء ده؟ كتك قرف. روح: أنا نازلة بقى عشان متأخرش على المحاضرة. في الجامعة. صباح الخير.

سيف: استني عندك، مافيش حد يخش بعدي. روح: ابتدينا اهو. سيف: بتقولي حاجة؟ روح: حضرتك المحاضرة معادها ٨ ونص وأنا جيت ٨ وربع، انت اللي جيت بدري ودي حاجة متخصنيش بقى صح؟ أنا كده جاية في معادي وأقل كمان، صح يا شباب؟ المدرج كله: صح. سيف بغيظ: اتفضلي خشي. روح: ناس مش بتيجي غير بالعين الحمرا. سيف: بتقولي حاجة؟ روح: أه، كنت بقول حاجة ومش هقولك كنت بقول إيه. وطلعت لسانها وجريت. بعد شوية. روح: يابنتي انتي مستفزة أوي.

مايا: بتكلميني أنا؟ روح: لا أنا. مايا: أه بحسب. روح: لا اجمعي يا أختي، أيوه انتيي. مايا بمايصة: ممم وعايزة إيه؟ روح: يخربيتكك باردةهههه، إيه يا بت ده؟ مايا: أيوه أنا عملتلك إيه؟ روح: عملتيلي إيه فيه يا أستاذة إنك عمالة تتكلمي عليا؟ لا وكمان دلقتي الميه على هدومي اللي لسه جايبها من على الحبل طازة وعاملة نفسك من بنها. مايا: إيه بنها دي؟

روح: بصي ياستي، بنها دي اللي قبل المنصورة، بس حلوة جداً جداً مع إني معرفهاش أنا كمان وكده، بس أده أده انتي بتجريني بالكلام يابت صح؟ مايا: يابنتي انتي هبلة. الدكتور: بسسسسس انتي وهي، انتو الاتنين برااا. مايا بمايصة للدكتور: هو أنا عملت إيه يادكتور بس؟ روح بغيظ: راحت جبتها من شعرها، يابت انتي غلسة ومايصة كده ليه؟ انتي حسستيني إني راجل ليه؟ كتك قرف يا ملزقة، وإيه الشرشوبة اللي في راسك دي ها؟

الدكتور: بس سيبي شعرها، انتي اتجننتي؟ بس. مايا: أه يامفترية، سيبي الشرشوبة، أه قصدي شعري، أه يادكتور الحقها. روح: ماله شعرك؟ اتحول لمقشة ليه؟ أده دي باروكة هههههه. مايا بعياط: انتي واحدة قليلة الأدب. وجت تضربها بالقلم. سيف: انتي اتجننتي يامايا؟ قدامي انتو الاتنين عند المدير. المدير: فاتحين حضانة إحنا ولا إيه؟ رفض أسبوع.

روح بدموع: أنا آسفة، هي اللي اتكلمت عليا، أنا بجد آسفة، بس لحد يتكلم من ورايا، لو اتكلمت قدامي هبقى عادي ههههه. المدير: إحنا هنهزر يا آنسة. روح: احم، آسفة. مايا: أنا هكلم بابي. روح: شوفي البت مستفزة إزاي. سيف: اللهم طولك يا روح. روح: أده انت بتدعيلي؟ الله، أنا بجد كان نفسي في دعوة زي دي، لأني أوزعة أوي، الا قولي انت عرفت اسمي منين؟ سيف للمدير: معلش ممكن أنا اللي آخد رفض؟ بس مش أسبوع، لا لازم.

مايا: بابي انت جيت، بص يابابي البنت دي بتتبلى عليا. أبوها: أي ياقلب بابي. روح: هههههههههههههه، اوعو تقولوا إنكم اللي على التيك توك اللي بتقول ثانكس داري. سيف: تصدقي شبههم أوي هههههه، هموت. روح وسيف فضلوا يضحكوا. المدير: إحنا هنهزر ولا إيه يادكتور؟ سيف بضحك: احم، أنا آسف. المدير: إزيك ياباشا؟ اتفضل اتفضل، الظابط محمد عندنا كده مرة واحدة، اتفضل اتفضل. روح لسيف: شوف الراجل مدلوق كده ليه.

سيف: أه والله، اللي يشوفه من شوية ميشفهوش دلوقتي. روح: بقولك يسطا ماتيجي نخلع. سيف: أه معاك يسطااا، انتي إزاي يا آنسة تتكلمي معايا كده؟ روح: يا عم اتلهي. الظابط: ممكن أفهم إيه اللي بيحصل هنا وبنتي مضايقة ليه؟ مدير: شغل أطفال ياباشا وهيتحل. الظابط: كله إلا مايا بنتي. روح بتريقة وهمس: كله إلا مايا بنتي، اتبنت في الحيط ياشيخ انت وبنتك. سيف بضحك: صوتك عاليي.

روح: حضرتك أنا هاخد رفض ولا إيه وضعي، بس عشان زهقت وكمان المسلسل زمانه جاب الإعلان الأول وعايزة ألحقه، وكمان الوقت اتأخر، ممكن أمشي. المدير: تمام، اطلعي بس استنيني برا في المكتب التاني. روح: حاضر. عدى وقت كتير أوي. روح: ياربي الساعة بقت ١٢ بليل، هو إيه المدير ده؟ معقول اتنسيت؟ كاني ما جيت. روح: أنا هطلع بقى وخلاص، أنا غلطانة إني استنيت أصلاً. عند سيف، فلاش باك. المدير: وانت ياسيف، معلش استناني برا عايزك في موضوع مهم.

سيف: تمام. باااك. سيف: مش معقول كل ده مع الظابط وبنته، ده لو بيحققوا في قضية كانوا زمانهم خلصوا، أنا هطلع بقى وخلاص. سيف وروح: انتي! سيف وروح: انت بتعمل إيه هنا؟ انتي بتعملي إيه هنا؟ روح: يووه بقى، ياتتكلم انت يا أما أتكلم أنا، بص هتكلم أنا.

روح: أنا ياسيدي المدير قالي استنى، معرفش طول ليه كل ده هو والظابط، معقول بيرفعوا قضية عليا وأتحبس وأنا عيلة غلبانة وأمي أصلاً هتفرح إني اتحبست وأكل عيش وحلاوة ومش هاكل محشي تاني، كوسة عاااااااااا. سيف: ياااااااااااارب، أنا صبري يادوبك، يا تاخدها يا تاخدني. روح: استهدي بالله كده عشان أعصابك. سيف بصدمة: ااااده! روح: في إيه يادكتور؟ في إيه مالك؟ اددده ينهار أبيضضض!

(توقعوا كده شافوا إيه صدمهم كده، واللي هيتوقع صح مش عارفة هعمله إيه، اتوقعوا وخلاص بقى 😂😂😂)