رواية روح الفصل الأول 1 - بقلم حبيبه احمد

أنا عاوزة نتطلق يا جدي. قلت الكلمة دي وأنا ببص لعيلتي اللي كانت قاعدة على السفرة، وجوزي اللي هو ابن عمي. كلهم كانوا مصدومين، بس قدروا يستوعبوا أنا قلت إيه. حماتي قامت من مكانها وجت ناحيتي. حياة: تطلقي يا بنتي يا روح، هو آسر عملك حاجة؟ الجملة الأخيرة دي قالتها وهي بتبص على ابنها. نزلت راسي تحت وقلت. روح: لأ يا حماتي. سليمان (جدي) : اومال عاوزة تطلقي منه ليه؟ روح: مش هقدر أقلكم يا جدي، بس لو سمحت قوله يطلقني.

آسر كان قاعد على السفرة وهو ساكت، بصلي بطرف عين. وأنا رفعت راسي فوق. ولما شفت العيلة كلها بتبصلي، طلعت أوضتي قبل حتى ما أتعشى. وقف جدي من مكانه وقال بصوت جهوري. سليمان: روح عاوزة تطلق منك ليه يا آسر؟ آسر ببرود: مش عارف يا جدي. أنا هطلع وأشوفها. آسر طلع أوضتنا لقاني قاعدة على السرير وأنا بطبق الهدوم. قرب مني وقعد معايا على السرير. حط إيده على إيدي وأنا اتخضيت لما عمل كده. روح بخضة: آسر، انت دخلت امتى؟

آسر: عاوزة تطلقي ليه يا روح؟ روح: مش هقدر أقلك يا آسر، بس لازم نتطلق بأقرب وقت. آسر: ليه؟ أنا عملت كل حاجة عشانك وعشان أرضيكي. حبيتك من كل قلبي. وأنا عارف إنك بتحبيني ومش عاوزة نتطلق. قوليلي السبب يا روح. باعدت إيدي عن إيده وبصيت في عيونه كتير. قد إيه كان باين عليهم الحب والحزن. قلت وأنا بقوم من السرير وبحط الهدوم في الدولاب. روح: أنا مش بحبك إنت دلوقتي. فاكرني بحبك؟

لأ يا ابن عمي. أنا عمري ما نسيت قد إيه كنت بتكرهني لما كنا صغيرين. عاوز مني إيه دلوقتي؟ آسر: أنا كنت غلطان، بس دلوقتي مش عاوز أعيد نفس الغلطة. قوليلي يا روح. روح: أنا هرفع عليك قضية خلع. واللي عاوزه تعمله اعمله. وحلاقيك بالمحكمة يا طليقي. قلت الكلمة دي ودموعي نزلت. آسر أخد البطانية والمخدة وطلع بره عشان ينام في البلكونة وقفل الباب من بره. وقعت على الأرض وأنا بعيط. إزاي عملت كده؟

وأنا وهو بنحب بعض ومفيش حد حب تاني زيه. آسر كان حياتي وأنا حياته. إزاي هعدي المحنة دي؟ قمت دخلت الدوش، اتوضيت وصليت. وأخدت القرآن وكنت بقرأه. *** حياة: مالها بنت أخوك يا عامر؟ هي عاوزة تطلق من آسر ليه؟ وهما امبارح كانوا حبايب. عامر: مش عارف يا حياة. الحكاية دي فيها إن. حياة: يا ربي، كون معاهم. ***

تاني يوم في بيت السيوفي. قمت أخدت شاور ونزلت بدري. رحت عند المحامي وهو جوز صحبتي. هو زي أخويا بالظبط. دخلت لقيته هو ومراته قاعدين مع بعض في المكتب. روح: ازيكم يا جماعة. فرح: أهلاً بروح. إحنا كويسين، مش كده يا حبيبي؟ وانت؟ روح: الحمد لله، أنا كويسة. نديم: مدام روح السيوفي في مكتبي. خير إن شاء الله. روح: هو انت بتعامل أختك بالطريقة الوحشة دي؟ نديم: أه يا روح. انت زي أختي بالظبط. فيه إيه؟ هو آسر زعلك في حاجة؟

روح: أنا عاوزة أرفع قضية خلع على جوزي. *** آسر دخل الأوضة وأنا مكنتش موجودة فيها. أخد شاور ونزل. الكل كان قاعد على السفرة مستنيين الخدامة علياء تحضر الفطار. قعد معاهم آسر. آسر: ...