رواية رسالة الي زوجي العزيز الفصل الأول 1 - بقلم نبض القلب

مراد: الأول فريدة بنت عمك كانت عايشة معاك في نفس البيت. الأمر كان عادي لأن مامتك كانت عايشة. بصراحة كده بنت عمك مينفعش تقعد معاك في بيت واحد بعد مامتك ما توفت. أوافقك على العريس اللي جاي يتقدم لفريدة. أو اتجوزها أنت. مرتضى: أنت بتقول إيه؟ فريدة لسة في تالتة ثانوي. فريدة بسم الله ما شاء الله على طول بتطلع الأولى على المدرسة. طموحها تكون دكتورة.

ثم تابع حديثه بحزن وجع: أنا أكبر منها بـ 12 سنة. تعليمي دبلوم تجارة. أنا لو اتجوزتها أنا كده بدمر حياتها معايا. صدقني يا صاحبي. أنا نفسي تكون أحسن مني. أنا عاوزها تحقق أحلامها مع شاب من سنها. يكون من عائلة كويسة. تشرفها قدام أصحابها. يكون متعلم معاه شهادات وغني. يسعدها يحقق لها كل اللي هي عايزاه.

مراد: أنت عملت عشانها كتير. أنت بتشتغل ليل مع نهار عشان تصرف عليها. هي أكيد شايفة وعارفة. ولازم توافق عشان تحمي نفسها من كلام الناس. إلا لو كنت هتطلعها باره بيتكم. مرتضى: إزاي تقول كده. ده أنا أنام في الشارع. ولا أخليها تسيب البيت. مراد: افهم بقى. مش عاوز أقولك من الأول. كلام ناس كتير ويجرح. كل اللي في شارعنا بيكلم. إزاي واحدة وابن عمها عايشين لوحدهم في نفس البيت.

ثم تابع حديثه بهدوء: اتجوزها يا صاحبي عشانها. عشان تحميها من كلام الناس. أنت عارف إنها ملهاش حد غيرك بعد ربنا. مرتضى ظل ساكت لفترة طويلة. ثم ذهب. خلال الطريق وهو متوجه للمنزل. كان شارد في كلام مراد. عندما وصل أمام المنزل. أوقفه صوت سيدة تدعى نعيمة. هي أحد الجيران. وكان معها راجل كبير في السن يدعى محسن. محسن: مرتضى عاوزين نكلم معاك. مرتضى: خير يا حج محسن. محسن: أنت يا ابني إنسان طول عمرك محترم وكويس.

نعيمة: بصراحة كده فريدة بنت عمك مينفعش تقعد معاك بعد كده. هي لازم تتجوز. مرتضى: أنتي مين أنتي عشان تتحكمي في حياتها. نعيمة: الحق عليا إني خايفة على كرامة بنت عمك. مرتضى بعصبية وغضب: بنت عمي أحسن منكم كلكم. وأنتي عارفة كده كويس. كمان ابنك جاه يتقدم لها. محسن: محدش قال عكس كده يا ابني. صوت مرتضى العالي جعل كل من كان في الشارع يتجمع حوله. وكذلك فريدة خرجت على صوت مرتضى ووقفت في شرفة الطابق الثاني من المنزل.

مرتضى: إيه عاوزين تغصبوها على جواز. محسن: يا ابني اهدى مش غصب. لكن دي الأصول. قبل أن يتكلم مرتضى نظر إلى فريدة التي كانت تبكي. والخوف قد تملكها. مرتضى بعصبية: ادخلي جوه. ثم نظر إليهم. وتمالك أعصابه: أنا هتجوز فريدة النهارده. وتابع حديثه بصوت عال وقوي: حد عنده كلام تاني. ذهب كل من حوله. محسن بفرحة: مبروك يا ابني. ربنا يسعدكم. مرتضى: ممكن أطلب منك خدمة. محسن: قول أنت عاوز إيه يا ابني. مرتضى: تكون وكيل العروسة.

محسن: من عنيا. أنتم زي أولادي. فجأة حضر مراد. مراد يلتقط أنفاسه: مين اللي كان بيتخانق معاك يا مرتضى. محسن: مفيش خناق يا ابني. مرتضى: أنت كنت بتجري. مراد: وليد قالي الحق صاحبك بيتخانق. جيت أجري. محسن: ده في جواز مش خناق. مراد: جواز مين. محسن: خليه شاهد على جواز يا مرتضى. عن إذنكم يا ولاد. مراد بفرحة: أنت هتتجوز. مرتضى: أيوه هتجوز فريدة. مراد: كنت عارف إنك هتجوزها. مبروك يا صاحبي. أخذ مراد مرتضى بالأحضان.

ثم تابع حديثه: أنا هقول لمراتي منال وهجيلك بسرعة عشان نروح نجيب مأذون. نظر مرتضى إليه بابتسامة. ثم ذهب مراد. ودخل مرتضى المنزل. ثم صعد درج المنزل وهو يبطئ من حركته ويده تستند على سور الدرج. ثم تقدم وطرق باب الشقة. دخل مرتضى الشقة فوجد فريدة تجلس على الأريكة ودموع في عينيها. ثم جلس هو الآخر على الأريكة المقابلة لها. ثم نظر إليها بحزن: أنا آسف إني اتعصبت عليكي. فريدة: أنا خوفت عليك يا بابي إنك تتخانق مع حد.

مرتضى ابتسم لها: مكنش في خناق. فريدة: أومال كانوا عاوزين إيه منك. مرتضى بتردد: بيقولوا مينفعش إني أنا وأنتي نعيش لوحدنا في نفس البيت. هم عندهم حق. أنا سألت على خالتك لقيتها مش في بيتها وسافرت لابنها خارج الدولة. معتش قدامي غير حل واحد. فريدة: إيه هو. مرتضى: إني اتجوزك. باكف كلية طب. ندى: بفرحة: حفلة تخرج بعد شهر. هالة: أخيرا بعد تعب سبع سنين. ندى: أنا هقول لأهلي من دلوقتي يحضروا نفسهم. دي حفلة تخرج بنتهم الدكتورة.

ثم نظرت لفريدة: مالك يا فريدة. فريدة بحزن: مفيش. تعبانة شوية. أنا هروح البيت. ندى: هنكلمك. في شقة فريدة. عايدة: مالك يا فريدة. فريدة: مفيش يا خالتي. عايدة: دموع اللي في عينيكي. من إيه. فريدة: أنا جاية كان فيه دخان في الشارع. أنا هدخل أوضتي. دخلت فريدة غرفتها. وجلست على كرسي وأمامها منضدة عليها بعض الأوراق. أخذت ورقة بدأت تكتب وهي تمسح دموعها. رسالة إلى زوجي العزيز.

حفلة تخرجنا من كلية بعد شهر. مش هتجي يا مرتضى تحضر حفلة تخرجي. بقالي سبع سنين مستنية إنك تيجي أو تكلمني. خلال المدة دي مرفعتش سماعة التليفون تكلمني. مش عاوزة منك فلوس. عاوزاك تسأل علي. واسمع صوتك. تكلم كل اللي حواليه يسأل عني. طب ليه مش عاوز تكلمني. نسيت وعدك ليه. فلاش باك.

مرتضى: إني اتجوزك. عشان مش هعرف أسيبك لوحدك. لمصلحتك. عشان أحميكي من كلام الناس. أنا عارف إنك لسه صغيرة. بكرة تعرفي كلامي وتفهميني إني كنت خايف عليكي. جوازنا ده على ورق. أنا هفضل أخوكي اللي بيحبك ويخاف عليكي. كملي في طريقك حققي حلمك. أنا هفضل جنبك هعمل المستحيل عشان أجيب لك اللي انتي عاوزاه. الوقت اللي هشوف الشخص اللي يستحق يكون جوزك. هطلقك عشان تكملي حياتك معاه. ساكتة ليه. فجأة قطع حديثه طرق على باب.

ذهب لفتح باب الشقة. مرتضى: مين حضرتك. غفير: حضرتك مطلوب في قسم الشرطة. فريدة بخوف ولهفة: ليه هو معملش حاجة. غفير: اتفضل يا أستاذ. مرتضى: دقيقة واحدة هتصل بحد يقعد معاها. منال ومراد كانوا وصلوا. مراد: ادخلي يا منال اقعدي مع فريدة. فريدة وهي تمسك يد مرتضى: أنا هاجي معاك. مرتضى: متخافيش. هاجي بسرعة. لو حصل أي حاجة اتصلي بالحج محسن. فريدة ببكاء: حاضر.