رواية رسالة الي زوجي العزيز الفصل الخامس عشر 15 - بقلم نبض القلب

مراد: شكلك تعبان قوي يا مرتضى. مرتضى: مفيش، يمكن من السهر. مراد: ارحم نفسك. مرتضى: لازم أوفر الفلوس عشان فريد. مراد: بحس من كلامك إنها بنتكم. مرتضى بابتسامة: هي كل حاجة في حياتي. ثم تابع حديثه: أروح أشحن من المحل اللي هناك ده. مش معايا رصيد، عاوز أطمن على فريد. مراد: طب خلي بالك وأنت بتعدي الطريق. مرتضى، بدون وعي وتركيز أثناء عبور الطريق، عربية جت بسرعة صدمته، وهو وقع على الأرض. مراد بصراخ: مرتضى!

عند فريدة في الجامعة، كانت جالسة مع أصدقائها ندى وهالة في كافيه داخل الجامعة. هالة: فين الورق ومذكرات بتاعتي يا ندى؟ ندى: آه، نسيت. فريدة: طب صورتي الورق. ندى: آه، نسيته. هالة تضحك: إيه يا بنتي، كل حاجة نسيت؟ اللي واخد عقلك. ندى بحب: مفيش غيره، حضرت الظابط. فريدة: آه، فهمت لما شافت خطيبها جالها فقدان ذاكرة. ندى: بطلو ضحك انت وهي. أنا انبهرت لما شفته بدلة التخرج. كان شكله فيها زي القمر. فريدة: الورق خلاص.

فجأة شعرت بنغزة قلبها. بقلق: يا رب يكون خير. هالة بقلق: في إيه يا فريدة مالك؟ فريدة: مفيش. ثم ذهبت بعيدًا عنهم. هي تحاول الاتصال. اتصال بمرتضى، ولكن تليفونه كان مغلق. فريدة تحدث نفسها: إيه القلق ده. قطعت تفكيرها: ندى: يلا يا فريدة، المحاضرة بدأت. فريدة: حاضر. ذهبت فريدة، حضرت المحاضرة، ثم خرجت من الجامعة متوجهة إلى المنزل. أثناء الطريق وهي تحاول اتصال بمرتضى بقلق وخوف عليه. في المستشفى عند مرتضى ومراد.

مرتضى يجلس على سرير داخل المستشفى، وإيد مرتضى اليمين ملفوفة عليها الجبس. مراد بقلق: كويس إنها جت على كده. دخل صاحب العربية. شاب: أنا آسف، بجد آسف. حضرتك اللي طلعت فجأة قدامي. أنا عارف إني غلطان. لو عاوزني أدفع لحضرتك أي مبلغ، قول لي. مرتضى: اتفضل امشي. مش عاوز منك حاجة. خرج الشاب تحت أنظار الغضب من مراد. مراد بنرفزة: عيل صغير، يركب عربية مش عارف يسوق، يدوس في ناس. أنت ليه خليته يمشي؟

مرتضى: شكله صغير، لسه في كلية يا مراد. شفته خايف إزاي، صعب عليا. كمان أنا اللي غلطان، وقفت قدام العربية، مأخذتش بالي من الطريق. ثم انتبه وتابع حديثه بخضة: أوع تكون قلت لـ منال. أكيد هتقول لـ فريد. مراد بتردد: بصراحة كده، قلت لـ منال. مرتضى بنرفزة: ليه كده؟ ثم بحث بعينه عن الموبيل: موبايلي فين؟ مراد: في العربية، هنا. مرتضى: كمان. هات الموبيل بتاعك. أخذ الموبيل واتصل بـ فريد. مرتضى: الو، أيوه يا فريدة.

فريدة بلهفة وخوف: أنت كويس؟ قفل موبايلك ليه؟ مرتضى: أيوه، أنا كويس، ماتقلقيش. فريدة: حصلك إيه؟ قول لي عشان خاطري. مرتضى: مفيش حاجة. فريدة ببكاء: أنت بتكذب عليّ. مرتضى: بلاش عياط يا فريدة، صدقني أنا كويس. فريدة: طب هتجيني امتى؟ مرتضى: هاجي بالليل. فريدة: خلي بالك من نفسك. مرتضى: أنتِ فين الوقتي؟ فريدة: راجعة من كلية. مرتضى: طيب روحي بيت مراد، اقعدي مع منال. أنا هاجيلك هناك. فريدة: توصل بسلامة. فجأة دخل الدكتور الغرفة.

مرتضى: ممكن أخرج يا دكتور؟