رواية سعودية/ اللامبالاة هي آخر فصول الوجع الفصل الرابع عشر 14 - بقلم r_x3366

هذا البارت ««13»» أقروا البارت 12 نزلته يوم السبت و الجمعة الجاي مراح اقدر انزل بارت اختبارات الفترة الثانية 😢

أسفه على الأخطاء الإملائية .^-^

بسم الّٰله الرحمن الرحيم*

السلام عليكم ورحمة الله *

مدخل...

تغيب يا غايب
..
.
تغيب يا غايب وانا دوم مشتاق
..
.

أحرقت قلبي طالبك خافي الله
..
.

ان كان في غيبتك تلمحينه فراق؟
..
.

لا شفتني ميت!
..
.

ترى الذنب ذنبك
..
.

بموت انا
..
.

والله تعبت
..
.

من همي من ظلمك شبعت
..
.

كلما اقول انك عقلت
..
.

ترجع تدوخني معاك
..
.

..................
.

‏ كن راضياً ، وكأنك تملك كل شيء ، فما يكتبهُ الله لنا ، ألطفُ مِما نشاء .

بعنوانــــ(ــــالوقت ينسي الألم لكن لا ينسي الانتقام)

£££££££££££££££££££££££££££££££££££££££££££££££££££££££

في بيت العبد الله

الساعة 6:15

أصبحنا بخيرك الدائم ولطفك الخفي أصبحنا بك يالله

خلود تمسح على شعرها / اسيل حبيبتي يله قومي عندك مدرسة

صحت من النوم فركت عيونها وبصوت مبحوح من النوم / ماما مابي اروح
والله فيني منمت أمس بدري

خلود تضمها / ي ماما قومي مابقي الا سبوع على الاختبارات النهائية وانتي
لك سبوعين غايبه راح ينزل مستواك

اسيل قامت من السرير وهي تتمقط ابتسمت بنعومة وباست رأس امها /صباح الخير ماما

خلود / صباح النور والبسمة الحلوه

ضمت امها بسرعة وطلعت من غرفة امها وصعدت فوق جناحها تروشت و تروشت ولبست مريولها وشعرا وصلت وخلت شعرها مفتوح الي وصل لركبتها وخذت المشط والشنطه و جلست على الكرسي ترتب الكتب في شنطتها

في الصاله كان جالسين على الطاولة يفطرو مشعل بيروح الشركة و ريان بيروح المدرسة اول يوم بعد منقل من مدرسة جده حط راسه على الطاولة ونايم وكل شوي مشعل يشوتها عشان يقوم من النوم بس ابد عديم احساس مكمل نوم والجد يقرأ الجريدة و خلود تجهز فطور حق اسيل في الصحن على متنزل من فوق

بعد خمس دقائق أنزلت اسيل والمشط في يده

اسيل / Bonjour { صباح الخير }

الكل / Bonjour {صباح النور}

راحت وجلست في الأرض جنب امها وعطت امها المشط / ماما مشطيه صار طويل مره زحقت

خلود تاخد المشط وتمشطه لها / لا في العكس حلوه كذا الحين اجدله لك

اسيل / شكلي بقصه

ابو مشعل نزل الجريدة / ياويلك اقص يدك انا احب شعرك طويل

مشعل / وانا بعد احبه طويل كافي تصرفاتك تصرفات عيال

اسيل وهي تاخذ كريب وحليب شوكولاته / اقول انت اسكت انشاء الله صلوحي مراح اقصه علشانك بس

مشعل / اقول افطري وانتي ساكته عشان تاكلين ادويتك

اسيل تاكل بسرعة وتشرب الحليب دفعه وحده

خلود / بشويش لا تشرقين في الأكل

اسيل تمسح فمها وتاكل الأدوية / انشاء الله ماما يله سلام

ضمت امها وجدها ومشعل سحبت الشنطتها ولبست العباية ورفست ريان الي نايم فز بسرعة / اح وجع وش فيك

اسيل / يله قوم عشان توصلني وتروح مدرستك

قام وهو يتمقط واخذ شنطته و كوب قهوة ومفتاح السيارة / يله بسرعة

.
.
.
.
.

£££££££££££££££££££££££££££££££££££££££££££££££££££££££

في شركة العالي

الساعة 1:30

وبالتحديد في مكتب ذياب

جالس وراء طاولته بثوبه الأبيض وشماغه الأحمر ويكلم في الجوال : ابيك تجيب لي صاحب العنوان هذا .. *****âڈ³***** وتحة في المستودع القديم حق الشركة لين اجي

..... / انشاء الله طال عمرك

سكر الجوال والابتسامه شاقه الوجه اخيرن قدر يجيب معلومة عن الشخص الي قاعد يلعب مع العالي هذي العبة الوصخه بعد سبوعين من البحث والتعب والسهر

دخل علية خالد بسرعة وهو معصب / ذياب الحقير سرق أوراق مهمه صفقات يمكن تخسرنا 30 مليون ريال في يوم واحد ورسل هذي الرسالة

فز بسرعة من الكرسي / وش رسل و الأوراق الي انسرقت شلون انسرقت

خالد مد الجوال له وقرأ الرسالة

>> Comment tu me manques tellement, j'espère que tu as été surprise >>

««كيف حالك لقد اشتقت إليكم كثيرا ارجو ان تكون المفاجئ اعجبتكم ««

رمى الجوال على خالد بقوة وبصراخ / كيف دخل الشركة وسرق أوراق مهمه وانتو متحسون

خالد / اقول لا تقعد تصارخ على انا مالي ذنب

ذياب تنهد بنزعاج شلون دخل وسرق الأوراق يتجول على كيفها ويرقبهم وهم مايدرون عن شي رمى نفسه على الكرسي / اسمع اسأل عبد الله وش الاوراق الي نسرقت

دخل عبد الله و ظرف في يده و ورقة صغير / شباب الأوراق رجعت في ورقه صغير مكتوب فيها

«« كنت امزح معكم أدري إن مزحي خفيف ههههه اي سلمو على صقر وعبد الرحمن و عبد العزيز ««

عبد الله / ابوي وعمامي يعرفون هذا الشخص

ذياب بعصبية / مادري مادري لازم نوقفه عند حده

خالد / خن نعرف من يكون بعدين يصير خير

ذياب / قريب انشاء الله راح نعرف من يكون

عبد الله / انشاء الله يله استأذن

خالد / انظر بجي معك

طلعو من المكتب جلس شوي وتنهد بنزعاج اخذ مفاتيحه والجوال وطلع برا المكتب وتوجه للبيت

.
.
.
.
.

££££££££££££££££££££££££££££££££££££££££££££££££££££££
في بيت العالي

في الصالة كل العايلة جالسه

الشباب و معاهم خالد وعبد الله قاعدين يلعبون سوني والي يخسر عليه العشاء اسبوع كامل وضحك على استهبال نايف

والبنات في الصالة الداخلية قاعدين يشوفون فلم هندي وياكلون شبسات و شوكولاته ويشربون كولا وكل شوي الحريم يهوشونهم بس ابدا ولا كان أحد يتكلم وسارة كل شوي تصارخ وتتحمس مع الفلم وهي أكبر وحده فيهم و اهبلهم

الجد جالس مع عبد العزيز وعبد الرحمن وبنته والحريم يشربون قهوة ويسالفون وصقر ك العادة مو معهم جالس يفكر في المصايب الي متخلص ولا راح تخلص

نزل من الدرج لابس ثوبه وماسك المسبحة في يد مع مفتاح السيارة / السلام عليكم

الكل / وعليكم السلام ورحمة الله وبركاته

صقر / وش الجديد

ذياب / على حطت يدك

صقر / إذا صار شي قول لي

ذياب / انشاء الله

الجد / ي ذيب وين بتروح

تقدم وباس رأس جده وابوه وأمه / بروح الشركة عندي كم شغلة

ام ذياب / لا تتأخر على العشاء

ذياب / انشاء الله يله سلام

.
.
.
.
. ££££££££££££££££££££££££££££££££££££££££££££££££££££££

في بيت العبد الله

الساعة 6:22 المغرب

عند اسيل الي من ارجعت من المدرسة وهي نايمه توها صحت من النوم خدت لها دوش ولبست بلوفر رمادي عشان الجو بارد و بنطلون اسود و جزمه سبورت ورفعت شعرها ذيل حصان وخذت جوالها وسمعات الجوال المدرسة ونزلت تحت

اسيل رحت عند امها وضمتها و باست راسها / مساء الخير

الكل / مساك الله بالخير

خلود تبوسها / وش سويتي في المدرسة اليوم

اسيل / تمام الحمد لله

مشعل قام جلس جنبها وضمها على جنب / تغديتي

اسيل / لا بس والله جوعانه ودي في جراند تشيكن

مشعل في ملل / انتي متفهمين الدكتور يقول ممنوع الوجبات السريعة

اسيل تضم ذراعه وبدلع / آخر مره

مشعل يتنهد وبهمس / ياربي صبرك آخر مره ي اسيل ولا والله اقول حق خلود أن فيك فقر الدم وعاد شوفي شنو راح تاكلين بعدين

اسيل تبتسم / اك

مشعل يطالع فيها / من وين طالعة الشمس اسيل متعاند

اسيل وهي تبتسم / اليوم صار شي خلاني سعيدة

مشعل / وش ذا الشي

اسيل ببرود وعبست / مالك دخل

مشعل / وجع رجعتي زي مكانتي حالتك مبتسمه

اسيل تتلفت / الا وين ريان

مشعل / نايم

اسيل ابتسمت بخبث ومشعل بدلها الابتسامه وقاموا بسرعة المطبخ وتركت الجوال الي يرسل من العصر
.
.
.
.

££££££££££££££££££££££££££££££££££££££££££££££££££££££££

الساعة 6:50"

عند مساعد

في مستودع قديم مربوط على كرسي و مضروب ضرب من شدة الالم مهو قادر يتكلم من العصر وهو محبوس في المستودع و رجال لابسين اسود محوطين المكان وهو كل شوي إذا كانو مشغولين عنه يرسل رسالة ل جوال اسيل بس ما ردت عليه من العصر وهذا الي زاد خوفه خاف ينكشفون هو يشتغل عند ابو مشعل من سنين بس بعد ماقدمت له اسيل عرض شغل وافق وترك الشغل عند ابو مشعل وصار يشتغل عند اسيل من جابوه وهم بضربونه يبونه يعترف من الي وراه بس هو لا نطق حرف واحد بعد فترة دخل رجال لابس ثوب وطويل وعريض والشرار باين من عيونه وتوجه له ولكمه على وجهه وصرخ فيه

ذياب / انت مين تكلام ومين الي وراك

مساعد ساكت ولا رد

ذياب قام وتوجه له و سحبه من ثوبه وصرخ فيه / تتكلم والا ورب البيت اذبحك هنا تكلم من الي وراك

مساعد يحاول يفك نفسه / تذبحني ولا اخون وتكلم

ذياب / اهاا وفي لكلابك

مساعد صرخ بصوت عالي / انت الكلاب

ذيااب معاد يشوف من العصبيه / شوفو شغلكم

وصار الرجال يضربونه يبونه يعترف بس هو ولا حرف ساكت

مساعد / لو تموت ما اقول شي

ذياب تضحك / ههههه اك نشوف الحين يا وافي

.....................

‏ ماأروع الوفاء بين العباد فهو :

يمسح عن النفس الشقاء..

ويحيل الليل ضياء..

ويحيطك بالدعاء..

والمغفرة سترك..

والسعادة طريقك..

..
.
.
.

££££££££££££££££££££££££££££££££££££££££££££££££££££££££

في بيت العبد الله

الساعة 7:15

فز من النوم و صرخ في صوت عالى / ااااههه ااااههه

مشعل و اسيل صارو يركضون بسرعة وينزلون من الدرج وريان وراهم الي كبوة عليه ثلج و ماي وطحين

خلود انفجعت وهي تشوفهم يركضون حركة كرسيها بجهتهم/ وش فيكم

اسيل وهي تركض عند الباب الي يطلع على الحديقة / ريان بيذبحني." فتحت الباب وصارت تركض و مشعل ماسك يدها و ريان يركض بسرعة وكل مقرب منهم صرخو و زادو السرعة

ابو مشعل / الكل يكبر الا مشعل

خلود تضحك / هههههههه مادري وش مسوين في ريان والله لو تدري رحاب كان جات خذته

ابو مشعل / ههههههههه اسيل اكيد فكرتها مكانتي مثلها يوم كنتي صغيره مادري على منو طالعه

خلود / يبه بنتي مميزه مافي منها يشبها هي طالعه على نفسهاههههه

ابو مشعل / وانا اشهد

.
.
.
.

££££££££££££££££££££££££££££££££££££££££££££££££££££££££

في الحديقة

برا كان الجو بارد وجميل

كانت تركض ويده على قلبها تعبت بس تكابر وقفت هي ومشعل وصاروا يضحكون على شكل ريان الي خلاص تعب وجلس على الأرض وقام يصارخ

ريان بتعب / ي كلاب والله اوريكم ااااااهههه اسيل ي نذاله ادري انها فكرتك بس والله مردوده

اسيل جلست على الأرض ويده على قلبها / اي يصير خير

مشعل راح وجاب الأرنب / اسيل أرنبك

اسيل نقزت بسرعة وخذات منه / يمه يقلبش اشتقت له

وجلست تبوس فيه / صاير دب

مشعل / اي خلود اهتمت فيه يوم سافرتي

اسيل تمسح على رأس الارنب/ فديت ماما

ريان انسدح على الأرض / جوعان

اسيل / و انا بعد ما تغذيت جوعانه

مشعل / خلاص طلبو من المطعم بس شوفي هذي اخر مره ي اسيل

اسيل / اوك وين جوالي

صارت تدور الجوال في جيوبها قامت وحطت الأرنب في حظن ريان / شكله داخل بروح اجيبه وش تبي اطلب لك

ريان / زيك

اسيل / مشعل وش تبي

مشعل / نفسكم

اسيل / طيب

دخلت داخل وشافت امها وجدها يشربون قهوة ويسالفون خذت الجوال من على الطاولة وشافت 4 رسايل من مساعد طلبت من المطعم بسرعة وصعد غرفتها وسركت الباب

اسيل بنفسه / اكيد صاير شي مهم

طلعت جوالها الثاني من الدرج وشغلته وتصلت على مساعد

.
.
.
.
.
.
£££££££££££££££££££££££££££££££££££££££££££££££££££££

في المستودع

الساعة 8:00

عند ذياب ومساعد

ذياب الي زهق من مساعد ااي مو راضي يتكلم وقف وهو فاقد أعصابه وصرخ/ اقول تكلم

مساعد بتعب و الألم من الضرب /مراح اتكلم ي كلاب

ذياب قام من الكرسي كان بيعطيه بكس بس صوت الجوال وقفه

رنننننن رنننننن

ذياب لف على الرجال / من جواله

واحد من الرجال تقدم من مساعد وطلع الجوال من جيب مساعد الي خايف أن الي متصل اسيل كان يرد إناء الله ينقطع الخط أو الي متصل ماتكون اسيل

مد الجوال ل ذياب / تفضل طال عمرك

خذ الجوال وشاف الاسم وبسخرية / اهاا طويل العمر شكلي بسلام عليه

وبصوت عالي / اسمع الحين بفتح الخط وابيك ترد عليه عادي و اذا قلت له شيء بتندم صدقني

مساعد هز راسه

انفتح الخط وانبعث صوتها المبحوح / الو مساعد وش صار

ذياب الي انصدم مااخطر بباله ولا واحد بالميه أن الي يهدد و يلعب مع العالي تكون مراه

... / الو مساعد تسمعني

ذياب أشر لمساعد يتكلم

مساعد بسرعة / طال عمرك سكري الخط بسرعة هذا فخ يبون يعرفون انتي مين

انقطع الخط بسرعة وذياب هجم على مساعد وعطه بكس وغاب عن الوعي اخذ الجوال ومفتاح السيارة وطلع بسرعة وهو معصب

..
.
.
...
££££££££££££££££££££££££££££££££££££££££££££££££££££££££

في بيت العبد الله

عند اسيل

سكرت الجوال وجلست على السرير بصدمة /شلون قدرو يجيبون معلومات عن مساعد شلون شلون مستحيل اكيد واحد من العالي جاب المعلومات

وقفت بسرعة وصارت تردد بكلام كثير وتدور في الغرفه / مستحيل شلون كيف مستحيل انتقامي وخططي وتعبي لازم انتقم من العالي عشان ماما وجدي مستحيل خططي وتعبي عشان ادمر العالي مساعد الوحيد الي يقدر يساعدني

صرخت بصوت عالي وصارت ترمي كل شي في الارض / لااااااااااااااا آآآآآآآآآآآآآآآآه آآآآآآآآآآآآآآآآه مستحيل لااااااا اكرهكم آآآآآآآآآآآآآآآآه

.
.
.
.

£££££££££££££££££££££££££££££££££££££££££££££££££££££££.

في الصاله

عند بو مشعل وخلود كانو جالسين يطالعون التلفزيون ويشربون قهوة سمعو صوت صراخ اسيل وتكسر

خلود طاح الفنجان من يده و بو مشعل وقف بسرعة وراح عند الدرج

حركت كرسيها جهة الدرج بسرعة وهي تصارخ وتبكي / بنتي وش فيها هذا صوت اسيل اسيل وش فيها

دخلو بسرعة من برا بعد مسمعو صوت الصراخ

مشعل / وش فيه

خلود وهي تبكي / اسيل مـ... مادري وش فيها

ريان صعد فوق بسرعة و وراه مشعل وبو مشعل

ريان دخل الجناح وتوجه لغرفة اسيل وصار يحاول يفتح الباب حق الغرفة ويطق الباب بقوة / اسيل فتحي الباب وش فيك اسيل ي اسيل

جاء مشعل بسرعة وحاول يكسر الباب / اسيــــــــل فتحي

اسيل بصوت عالي / روحو من هنا مابي احد روحو

ابو مشعل سحب مشعل وريان عن الغرفة / اسيل حبيبتي أن جدك افتحي الباب

اسيل بصراخ / مابي احد مابي آآآآآآآآآآآآآآآآه بنام

ابو مشعل نزل ومعه ريان ومشعل

خلود بخوف / وش فيها

أبو مشعل جلس على الكنبه / مادري ي خلود كل الي قالته انها بتنام

خلود قامت تبكي ومشعل وريان ساكتين قبل شوي وش حلاتها مافيها شي وش صار لها

.
.
.
.
.
£££££££££££££££££££££££££££££££££££££££££££££££££££££££

في بيت العالي

الساعة 10:30

كان جلسين في الصاله الكل

تن تن

تن تن

سبع جوالات رنت إعلان على وصول رسالة جديد

جوال ذياب وصقر وعبدالله و خالد و عبدالرحمن وعبد العزيز و و الجد

السبع أشخاص فتحو الجوال ناس بسرعة وناس عادي معطو اهتمام

كانت الرسالة

"" أنا من أصّحاب الإنتقام البارد,يعني أعطيّكم وضعية إللي مادرا عنكم وأتجاهلكم وبعدين أنهِيكم كأني مَ أقصد صدقوني راح تندمون ي عالية العالي والايام بينا ""

وقف الجد وصرخ / وش صاير

الكل انفجع من صرخت الجد و وقفو بسرعة

.
.
.
.
.
£££££££££££££££££££££££££££££££££££££££££££££££££££££££

في بيت العبد الله

عند اسيل

انسدحت على السرير بعد مرسلت الرسايل وبهمس / ومن هنا راح ابدا العب معاكم ي العالي صح

.
.
.

لستُ حقوداً ولكنِ لا أرغب في رؤية وجوه أساءت لي شخص يعني لي يوماً!!

.
£££££££££££££££££££££££££££££££££££££££££££££££££££££££

.

. أن " اللامبـآلاه
هـي آخر فصَـول / الوجـعَ
هنيئـاَ لي . . يبدو أننـي وصلت
لـ . . المنعطف الأخيـَر
.

.
.
.

انتهى ~

££££££££££££££££££££££££££££££££££££££££££££££££££££££££

اتمنى انه نال اعجابكم

مع حبي 💙

حسابي في wattpab

https://my.w.tt/UiNb/rL68WWJvlH

اشوفكم الجمعه القادم في بارت جديد انشاء الله. ⏳

للامبالاة هي آخر فصول الوجع / موقع غرام

R_x3366