رواية سعودية/ اللامبالاة هي آخر فصول الوجع الفصل الثامن 8 - بقلم r_x3366

{ اي.. Hi... }•°

°•{بسم الّٰله الرحمن الرحيم} °•

•°{السلام عليكم }•°

•°• اللامبالاة هي آخر فصول الوجع •°•°
.
.
.
.
.
. . .
إذا جاءت الريح.....

والنحت أمامها شجيرات....

إلا تنحني انت ايضا....

. أمام ريح الحب....

اتنوي الذهاب الان....

كم أتمنى لو بقيت....

لو أن السماء أمطرت.....

وامطرت وامطرت....

يقولون :....!

هذا جنون!... هذه حماقه!.

ولكنني لا أستطيع الخروج....

من ظلمات الحب...."".

في الليل..''

واتحدث إلي وسادتي :

تكلمني... تكلمني !... فأنا أحترق.. "

كما يلتصق الضباب....

بقمة الجبل الشاهق....

تلتصق عيناي به.....

المرحوم بإذن؛ الله، غازي القصيبي

البارت الثامن ( 8 )

بعنوانــــ{ـــــــالماضي لا يتركني.. }

______________________________________________________________________________

اليوم الثاني في المزرعة

المزرعة كانت كبيره وفيها الكثير من الأشجار وفيها فله صفير واسطبل خيول ومسح صغير

الساعة 4:30

صحت من النوم وتوجهت لنافذة وفتحتها ليدخل بعض أشعة الشمس ونسمات الهواء لقتراب دخول فصل الشتاء

اسيل تكلم نفسها/ الجو حلوه مره يريح العصاب بروح اصلي الفجر وتمشى في الخيل مدامهم نايمين

راحت دورة المياه وخدت لها دوش سريع وتوضت حق الصلاه وطلعت ولبست تيشيرت قطني ابيض وجنز اسود ونشفت شعرها وتركته مفتول وصلات صلاة الفجر وطلت برا وراحت للسطبل حق الخيول واختارت خيل ابيض وركبت عليه وصارت تسرع فيه وشعرها يطير مع الهواء

اسيل جاتها نغزه في قلبها / ااااه ياربي وجع قلبي زايد ذا الفتره استغفر الله والعلاج يخليني انام وانا مابي انام

وضرب الخيل وصار يجري في سرعة وطلعت برا المزرعة

______________________________________________________________________________
... /ابي اشوف ابوي كافي ظلم

.....ببرود / مافي

... بصراخ / مافي مافي وش الي مافي انا طلبتك فلوس طلبتك شوفت ابوي

قام بسرعة وهي رجعت على وراء / وانا وش قلت لك من يوم الزواج اهلاك ماتو يعني انسيهم

..... / لااااا مستحيل انت مجنون كيف انسى شي اعتبره الحياة و الروح هو ابوي وامي وابوي كيف انسى كيف

وأكملت بصراخ وهي تقرب منه وتضربه على صدره/ انتي عديم إحساس ولا ايش رد علي هاا انت مجنون مجنون مشعل الحين يبكي هو بعده صغير رجعني بيتي رجعني لحياتي اااه يبه

دفها بقوة وطحت على حافت السرير

______________________________________________________________________________

فزت من النوم مفزوعه

خلود صارت تبكي / اااااااه ياربي لاااااااااا يرجع اااااااه يبههه

في الصاله كانو جلسين يسالفون عن الشغل سمعوا صوت صراخ وبكى خلود
فزو بسرعة لغرفة خلود

مشعل راح يركض لأخته ويضمها / بسم الله عليك حبيبتي وش فيك

خلود يبكى / مم مشعل بياخدها مشعل لا لا تخليه يخدها انا انا حلمت فيه ااااه الماضي مو راضي يتركني اعيش

ابو مشعل يهديها / والله ميخدها هو مايدري عنك ولا عنها هو ماضي ولازم

خلود تشهق وتصيح / الا إلا بياخدها انا حلمت فيه يبه صقر بياخد بنتي هي بنتي انا محد له حق عليها انا الي ربيتها وكبرتها هي بنتي انا بس انا امها وابوها وكل شيء

مشعل / خلود اهدي حبيبتي اسيل لا تسمع مراح يخدها صدقيني هو طلقك اساس وتنزل عن حقوق اسيل وهو مابوها انتي ابوها وامها وكل شيء اهدي حبيبتي هو صار من الماضي

خلود تبكي وتتمسك في مشعل/ كيف ماضي وهو من 17 سنه مو تاركني في أحلامي مشعل حلفتك بالله لا تخليه ياخد بنتي هي قطعه من روحي ماقدر اعيش بدونها اموت والله اموت ااههه

مشعل يضمها بقوة / اهدي حبيبتي اهدي مراح يخدها هو مايدري انك عايشه وعندك بنت خلاص اهدي ياقلبي يله نام

بعد فتره نامت خلود وطلعو من الغرفه

مشعل / يبه لازم نرجع فرنسا من جينا السعوديه و نفسيتها كذا تبكي طول اليوم اخاف تسمعها اسيل أو تشوفها تبكي

ابو مشعل / ماقدر يا مشعل نقلت شغلي كله هنا بعد سنه اقدر انقل الشغل مره ثانيه فرنسا بس الحين ماقدر

مشعل بحزن / يبه و اسيل إذا درت انا ابوها هو السبب في شلل أمها وكل شي صار في الماضي يمكن تجن وتنتقم من صقر يبه اسيل واعرفها كل شي عندها انتقام الانتقام وأنها تاخد حقها يمشي في عروقها

ابو مشعل تنهد وجلس / اسيل لازم متعرف شي ولا تعبي كل ذا السنين اني اخفي اسيل وخلود عن صقر بيروح انا سجلت اسيل بسمي بس عشان مايدري صقر

مشعل / انشاء الله ماتدري

أبو مشعل يستغفر / استغفر الله العظيم

______________________________________________________________________________

كانت واقفه وراء الباب وتسمع كل شي يقولونه بعدت عن الباب بسرعة يوم شفتهم بيطلعون وراحت الغرفه وسكرت الباب وجلست على السرير وهي تحس انها بتتموت وهي تشوف امها تصارخ وتبكي كذا كل فتره تجيها ذا الحاله من الأحلام والكوابيس إلى تشوفها

اسيل ««

كنت ادري بكل شيء من ايام فرنسا كانت امي تشوف كوابيس وتقوم من النوم تصارخ وتقول لا تاخدها هذي بنتي هذي روحي كنت وراء الباب الغرفه كنت اسمع كل شيء كنت اسمع اسم كرهته لدرجة الانتقام كنت احلف كل يوم اني اشربه من نفس الكأس الي شرب امي منه صقر اكرهك كره ميوصف كنت اعرف عنه كل شيء من يكون اسمه عايلته اعرفها كلهم واحد واحد أدق التفاصيل عنه كنت اعرفها كنت ولا زلت اموت الف والف مره وانا اشوف امي كل يوم وهي تبكي في الغرفه انا اذا شفت امي تبكي يمكن انجن وسوي شيء انا بنفسي ماتوقعه بس ماكنت اقدر اوسيها واضمها وقول لها ماما راح اخد حقك منه لاني مابي احد يعرف اني اعرف الحقيقة كنت اشوف واسمع نظرات وكلام أهل أمي صج كنى عايشين في فرنسا بس أهل امي من بنت عمه وعماته يزرونها ويزرون جدي كانت نظراتهم لها شفقه ولا انسى الكلام الي اسمعه كل يوم واظغط على نفسي واسكت وتجاهل الكلام الي ينقال من يجون لين يرحلون كان مثل السم بنسبة لي يطعني في قلبي الف مره كنت اسمعهم يقلون كان يضربها كان يذلها كان يعملها مثل الخدم انشلت في عز شبابها اهربت من بيت زوجها متربت حسيت بالموت كانت وراء ضحكت امي حزن وجروح وألم سببه لها صقربس كانت تسكت بس مخفت عني لمعت الحزن في عينها شفتها شلون تقوم من النوم مفزوعها بسبب صقر حلفت اني آدمر صقر العالي واكسره واخليه يندم ندم على كل شي صار لأمي بصير له زي الكابوس له جمعت معلومات عنه وعرفت انه كان يتمنى يكون له بنت وانا البنت بس مو البنت الي يتمناها لاني راح اكرها عيشتها رسمت خطه بس عشان ارجع المملكه جلست حوالي اسبوع احن واقنع جدي وامي ومشعل نرجع وعشان ميرفضون لي طلب قرر جدي نرجع السعودية وهذا كان احلى خبر سمعته وهذا أول نجاح احققه في خطتي وهو اني اطلع في حياة صقر اول مرجعنا السعوديه بوقت قياسي عرفت عن عايلة العالي كل شيء عنوان بيتهم عنوان الشركه أسماء العايله كله اعرفه اخوان صقر عياله ابوه عيال اخوانها وبنات اخوانها ويده اليمن ذياب هذا الشخص الواحيد الي اعرف اسمه وشكله وكانت مل الصدف مقصوده من المطعم والمدرسة والحادث الي صار لذياب كنت مخطط لكل شيء وأوراق الطلاق و التنازل عني انا الي حطيتها في المكتب حق صقر والرجال الي يرسله صقر يجمع معلومات عني وعن صقر انا الي زوته في المعلومات بس باقي الجزء الاخير من خطتي وافجر القنبلة عليهم بس لما يعرفون مراح يلقون لنا إثر وهذا الشيء الي بخلي صقر يموت الف مره وخوانه راح اطلع خدعتهم ونصبهم على جدي من عيونهم راح اخليهم يندمون والي راح يندم أكثر الراس المدبر صقر هو الي مسك يد جدي الي تعوره يوم خله يوقع على أوراق تخليه يفلس ويمكن يدخل السجن ولا يزةجه امي كل هذا بس عشان جدي خسرهم صفقه وحده بس انا راح اخليهم يخسرون أكبر في الصفقه الكبير الي بينهم وبين الشركة راح اكسرهم شركاتهم الي في فرنسا وهدي راح تكون ضربه قاضيه لهم

اسيل / اكيد ماما الحين هدت شوي اوعدك يا ماما اني راح اخد حقك من صقر
تنهد وطلعت من الغرفه وراحت تدور في المزرعة مع مشعل

______________________________________________________________________________

الساعة 11:30 الظهر

بعد فتره قامت من النوم وهي مرعوبه من نفس الحلم

محد يادري وش المعنا الي عنيتها ضرب وذل واهانه كل يوم وكل ساعة
في أول يوم زواج كنت انقصب على كل شي كنت أنسب وانضرب وكنت حالي حال الخدم يمكن الخدم احسن كنت اشوف كل أنواع العذاب مو من العايله لا من صقر اي صقر أقسى انسان عرفته في حياتي اكره اكره بعرض السماء والأرض اكره قلبي مكان فيه نقطه أو ذرة من الكره الا بعد معرفته صقر كرهت الحياة و النفس وروحي كان يعاملني كأني حيوانه خدامه شي مله قيمه كان كذا يعاملني حتى يوم حملت صج كان فرحان ولا صار يضربني
ولا يخليني اشتغل في البيت بس كان يقط علي كلام يوجع القلب أكثر من الضرب من يوم تزوجت لين حملت ماشفت ابوي واخوي كنت جسد بلا روح سببته كنت أتمنى الموت كل يوم وكل دقيقه وثانيه لو الانتحار مو حرام كان انتحرت من زمان بس حرام روحي ملي حق عليه الحق عند الله وبس اااه بعد مقرب موعد ولادتي كنت أتمنى انه ولد عشان يذل صقر زي مذلني وحرمني من اهلي يوم قرب شهر ولادتي كان صقر متغير عن أول صار انسان طيب وحنون بس كن استحقر كنت ابي اذبح وانا اضحك لأنه قهرني والله قهرني
بس قبل ولادتي اتفقت مع زوجته الأولى وهربتني من البيت منسى وش كان حالي وش الي صار لي وشلون السيارة صدمتني بعد مادري وش صار قمت من نوم طويل لقيت ابوي ومشعل هنا حسيت روحي رجعت وبعد ماشفت ابوي شايل الطفل في يد تحسست بطني بعدين قعدت ابكي انه الطفل الي في يد ابوي ولدي بس مطلع ولد طلعت بنت وكانت احلى بنت سميته اسيل
لاني هذا الاسم كان له معنى بنت رقيه جذابة قويه كالخيل فى بنيانه قوية الشخصيه لها حضور خاص فى وسامتها و جمالها وطلع الاسم اسم على مسمى بنتي اسيل مثل البلسم الشافي بعد الأوجاع صارت لي حياة جديدة كانت مو مثل البنات الباقين كانت غير غير تشبهني وتشبه صقر شخصيتها قويه وحنونه زي صقر قويه وزيي حنونه وطيبه بس متسامح الي يغلط علي تسامح الي يغلط عليه بس الي يغلط على تمسح فيه الأرض مين مكان من يوم منشليت وانا اقول ربي عوضني في اسيلي وصج ربي عوضني مرات احس انه امي تهتم فيني تجلس معي من يوم كانت صغيرها وهي جنبي مافرقت عيني شلون لو صقر خدها مني والله اموت ويمكن انجن يوم عرفت انه طلقني بدون مايدري و تنازل عن اسيل احس اني سعيده ارتحت من صقر هو يفكرني اني متت احسن خل يحس في الذنب من يومها ابوي سجل اسيل في اسمه صار هو ابوها بس هي ماتقول بابا تقول صلوحي من يوم كانت صغيره زين تسميني ماما هي دلوعه بس يحق له الدلع لون عيونها رمادي بس فاتح مايل للأزرق غريب لون عيونها انا لون عيوني رمادي غامق بس هي عيونها غير بس حلوه بنتي مميزه بس روح امها طلعت مريضه من يوم كانت صغيرة في القلب بسبب الحادث الي صار لي شي واجد اخاف منه اسيل تعرف انا ابوها صقر الي بسبب هربت من البيت ونشليت والي سبب لي مشاكل ولي ضربنا وكلمني ولي ولي راح تنتقم منه بنتي وعارفه الانتقام في دمها اشتقت لها بهذي اللحظه شلون لو عرف صقر انا له بنت واخده راح اموت اموت

خلود بضيقه/ ميري ميري

جات ميري / نام ماما ( نعم ماما )

خلود / طالعيني المزرعة ابي اشم هواء

ميري / انساء الله ماما ( انشاء الله ماما )

وصارت ميري تدفعه لين طلعتها برا الغرفه ميري تهذر وتسالف وخلوه تسلك له طلعو برا في المزرعة بس شافت اسيل تركض وجايه لها اختف كل الحزن والضيق الي فيها اسيل بنسبه لها مصدر السعادة والفرح وكل شيء هي الي تروي روحها

اسيل وهي تنفس بسرعة من الركض ويدها على قلبها /مــ ا ما ماما مشفتك من الصباح

خلود / اسيل كم مره يا ماما قلت لك التركيين قلبك ضعيف يا ماما انتي متخلفين على نفسك متحبين نفسك ترا في احد يحبك وخايف عليك وميبي يخسرك
اسيل وهي تضمه / وانا احبك ولا اقدر اعيش بدونك فديت ماما والله من يوم طلعتي المزرعة نورت على طول

خلود دبوس راسه / فطرتي واكلتي ادويتك

اسيل بكذب / اي لا تخافين علي اكلته

خلود / عفيه على بنتي الشطوره

اسيل / ماما وش قالو لك أنا نونو ولا طفل عشان تقولين شطوره ومادري ايش
خلود وهي تضمه / انتي روحي وسعادتي و البيبي حقي واطفلتي وكل شيء حتى لو كبرتي

مشعل بحزن / تراني اغار من يوم جات اسيل وهي خربت علي كنت انا أدلوع و روحك وكل شيء

خلود تفتح يده له / تعال انتي بعد ولدي وحياتي

مشعل رح لها وضمها / فديتك يا حنونه

اسيل تدفعه / هاااايه وخر عن امي

جاء ابو مشعل وهو يضحك / ههههههه تغارين

اسيل / لا بس خله يواخر كفايه مناشبني فيك

مشعل / لا لا موتي يا غيور

قامت اسيل عليه وهو انحاش يركض وهي وراءه تركض تبي تصيده

خلود بصوت عالي / اســــــــــــــيل لا تركضين يا يمه

ابو مشعل / خلاص خليه شوي تركض وتلعب من يوم كانت صغير وانتي لا تركضين لا تركضين

خلود بحزن / بس يايمه هي تعبانه ودكتور قالت لا تركض كثير عشان متتعب وقلبه يوجعه بعدين

ابو مشعل / لا تخافين يا بنتي بتلعب شوي وتجلس بس ذي المره خليه تلعب

خلود / طيب

صار يطالع فيهم وهم يتخانقون ويلعبون وآسيا شوي تطقه وشوي تدفعه
وتنخاش وهي تضحك عليه كان يبتسم إذا شافه يبتسمون ويضحك إذا شافه يضحكون الحياة بدونهم ولاشيء هم فرح البيت وضحكت البيت صدقت خلود يوم قالت البيت بدونهم كايب

ابو مشعل / الله يخليكم لي ولا يفرق بينكم احد

خلود / امين يارب العالمين

جاء مشعل وجلس لأنه تعب من الركض

مشعل بتعب / والله اني تعبت يدها حاره

خلود / وينها الحين

مشعل / راحت المطبخ

خلود / ميري وديني داخل عند اسيل

ميري / انشاء الله

وبعد مارحت خلود داخل قام بضيق

مشعل يمسح على وجه / يبه بروح الأسطول اتمشى

ابو مشعل / روح يأبه انا بدخل داخل لا تتأخر على الغذاء

مشعل /انشاء الله
_______________________________________________________________________
_______

عند اسطبل الخيول كان يتمشى وهو يفكر بحال اخته الي كل يوم تسوى أكثر من اليوم الي قبله

مشعل ««

حسبي لله عليك يا صقر جعل الي شافته لختي تشوفه أضعاف جعل الله يحرق قلبك زي محرقة قلب اختي خلود كانت لي كل شيء عوضتني عن حنان امي اهتمت فايني من يوم كنت صغير ولين اليوم وهي تهتم فيني حتى بعد ماجابت اسيل اعدلت بينا كان تحبها وتحبني تخاف عليها وتخاف علي انا خايف بس من شيء واحد اسيل ياربي مادري وش راح تسوي يمكن تتقبل أن يكون لها ابو ويمكن ماتتقبل وتنصدم أن له أبو هي تعبانه ومريضه في القلب ويمكن يصير لها شيء التفكير بس ان اسيل يصير لها شيء يذبحني ماتخيل الحياة بدونها اول معرفت أن فيها القلب حسيت في الموت وكيف لو تموت مابي الحياة بعد ااه لو اعرف عايلة الزفت صقر وعرف عنوانه كان ولعت فيه يمكن الحره الي فايني تطفي اوف شيء واحد محيرني اسيل ولا مره سألت ليش تحمل نفس اسم ابوي أو حتى نفس عايلة امها ولا قد مره سألت ليش ماعندي ابو يمكن لان اختي كانت تهتم فيها ولا قصرت في شيء وابوي كان له الآب والجد و العم و انا كنت اخوها احبها مثل خلود اختي ويمكن أكثر على أنها عليها تصرفات مادري شلون يعني انا خالها بس مستحيل تقول لي خالي حاولت فيها تقول خالي بس ابد ما قالت احسن لا تقول احس إذا قالت بتغير كل شيء بيني وبينها وانا ابي أضل اخوها وبس

مشعل يشوف الوقت في ساعته / الله الساعة 2:15 شكلم تغذو تغذو

اسيل بصوت عالي / وجع ماتسمع لي ساعة إنديك

لف لها وابتسم

اسيل تصارخ / ههههااا لايكون تسوي لي دعاية معجون أسنان اقول قدامي تراني جيعانه بموت

مشعل / بسم الله عليك وبعدين وجع يوجعك ومره ثانيه لا تصارخين متفهمين الصراخ يعور القلب ويقطع النفس

اسيل / اي اي طيب بموت ابي اكل تعال بس ولا كثر حكي

مشعل / ههههههه امشي يله لا تكليني

اسيل / ههههههههه أسس محلو طعمك هههههه

_______________________________________________________________________
_______

تسريع الاحداث

اليوم الأخير في المزرعة

الساعة 11:15 اليل

عند عايلة العالي

كانو مسوين مسابقة خيول بين مقرن وسعود ونايف وخالد والبنات يشجعونهم والي يفوز يطلب من الكل شيء

ريم بصراخ / مقــــــــرن مقرن هااااا

نورة تشجع / خالد خالد

بشرى / مقــــــــرن مقرن

نورة / خالد يله فوز عليهم

نايف / واحنا من يشجعنا

سعود / لأن الله عرفت فايدة الأخت الحين

نايف / اي والله اقول يتفوق انت يا انا مانبيهم يفوز

سعود وضرب الخيل وصار يركض / يله نايف بسرعة

نورة/ خالد وجع بيفزون عليك بسرعة

ريم / مقــــــــرن يا زفت بسرعة

وانتهت المسابقة في فوز نايف

بشرى / اوف فاز الحين الله يعين على الطلبات اعرفه نذل

نايف / سمعتك ترا و أول طلب راح تنفذينه انتي

بشرى / لااااااا ياربي. وراحت داخل

الكل / ههههههههههه

سعود / هذا اخوي ذيب كفو والله

نايف بغرور / من يوم ذيب وكفو والحين راح اطلب طلبات تطلع عيونهم

مقرن / اااوف ملوم بشرى يوم قالت نذل يا الذل

سعود / هههههههه الطلب الثاني انت الي تسويه

ريم / هههههههههههههه احسن

ذياب بصوت عالي / يل ي بنات البس عبايتكم بنمشي

ريم / اشاء الله

والكل ركب السيارة متوجهين للبيت

_______________________________________________________________________
_______

في السيارة

ياربي وشلون اقول لعمي الحين يا الله الحين هو يعرف ولا مايعرف يدري انا زوجته خلود عايشه وعنده طفل مادري هو بنت او ولد ولا مايعرف بس الظرف انا الي فتحته مكان مفتوح وعمي دايم كان يقول الله يرحمها ام كانت تقول هي وخالتي ام خالد انه هربت وكانت حامل والي اعرفه والكل يعرفه أنه خالتي ام عبد الله هي الي هربتها من البيت ااوف شلون الحين خلاص بعدين راح اقول له

ام ذياب / ذياب يا يمه لي ساعة اناديك ماتسمع

ذيااب الي توه انتبه لامه/ الا اسمعك وش فيك أمري

ام ذياب / خواتك يبون من المحطه

ذياب / انشاء الله وانتو وش تبون

ريم / نبقى ماي و شبسات وعصيرات

ذياب / والله انكم فاضين بس تبون تزطون وتبلعون

بشرى/ وش وراي خل اكل

ذياب يخزها / وراك زواج لا تصيرين دبه وتقعدين في كبدي

بشرى تغطي وجه في يده / لا تخز وجع

ذياب / يوجعك

بشرى / لو اني رحت مع ابوي وجدي احسن لي

ريم / اي والله

ذياب اقول / سكتي انتي وياها لا اكفخكم الحين مكان ناقصني الا انتي وياها الي فيني كافيني

ريم بخوف / انشاء الله

بعدين نزل المحطه وجاب لهم الأغراض وكمل طريقه وهو يفكر في حل انه يقول ولا مايقول ويتدخل

_______________________________________________________________________
________________

صقر««

كنت في الطريق مستعجل مادري متى اوصل البيت عشان بسرعة اروح الشركة من يوم قال لي السكرتير انه جمع المعلومات الي بتخليني احل العقيده انا اسيل العبد الله كيف يكون خاله مشعل العبد الله وهم نفس العاليه ونفس اسم الابو من يوم شفت الأوراق الصفقه وقريت الأسماء انشغلت أطراف مشعل اخو خلود كبر كانت تترجاني عشان اخليه تشوفه بس ماتت ولا شفته حرمتها منه وهذا هو كبر وصار يملك أكبر الشركات بس هي كشفته الله يرحمك يوم كرهتها حياتها حبيتها وال مره اجرب الحب صج اني احب زوجتي مريم بس خلود حبيتها وعشقتها بجنون بس هي تكرهني لدرجه هربت من البيت وماتت ماتت بعد محبيتها وعشقتها وتعلقت فيها كنت راح اعترف لها في حبي بس هي راحت وتركت الحياة لي اول ماشفت اسم أوراق الصفقه كونها تملك النص الثاني من الأسهم في شركات العبد الله اسيل العبد الله كنت اقول تشبه اختها خلود ولا اهي غير عن خلود مكان يسحرني شي اكثر من جمال خلود اااه ليت الزمن يرجع وعتذر لها على ضرب له وتعذيب واقول له كلمه وحده بس احبك بس الموت خذاها معاد تبي الحياة و انا فيها كانت حامل كنت أتمنى انها تكون حامل في بنت حلم حياتي يكون عندي بنت كنت اشوف دلع ودلال بنات اخواني على ابوي وخوفه من ذياب اذا هوشه واتمنى تكون عندي بنت كبرهم ونفس اعمارهم كنت ابي بنتي تكون غير عن كل البنات كنت ابيها مميزه كنت ابيها حلوه وجميله زي خلود وشخصيته قويه وحنونه بنفس الوقت زيي بس ربي ما كتب لي يصير عندي بنت والله عوضني عندي عبد الله بكرا بعد عيني مخاوف يصير مصايب من نايف وسعود وراح يحميهم لأنهم بعدهم صغار وهمه العب والوناسه كنت اسمعهم دايمن يسألفون عن البنت اللي في المطعم ي سموها ام ثوب وشماغ وأنها صفقات ذياب كف ولسانه طويل العمر قويه مادري كيف تجرأ وصفقات ذياب كف مجابو طريها صار يبتسم شكله معجب فيها لأنه دايم يقول يبي يتزوج وحده شخصيتها قويه وهذي الي تصلح له اتوقع حتى بنات اخوي يسألفون عنها أنها معهم في المدرسه وأنها طيبه وحبوب وشريره شوي كانو طول الوقت يسألون عنها حق ابوي والشي الي صدمني انها طلعت اختك خلود ومشعل اسيل العبد الله طلعت صغيره وتدرس وتملك أكبر عدد من الأسهم في شركات العبد الله
وهينا تأكدت انها بنت صلاح واختتم خلود ومشعل عشان كذا صلاح كتب الأسهم نص لعلها ونص الثاني لمشعل طلبت من السكرتير يجيب لي معلومات عن مشعل واسيل كانت المعلومات كأي معلومات عايديه بس شي واحد حيرني انها اقلب وقتها مع خلها مشعل العبد الله شلون يصير خالها وهي تملك نفس اسم الأب والعايله واليوم راح اعرف انشاء الله فجاء جاني اتصال في الجول بدون اسم

صقر / الو مين معي

.... / انت صقر العالي

صقر / اي نعم

.... /اسمع

مسك بريك بسرعة

صقر بعصابيه وصراخ / مين انت الو الو

________________________________________________________________________________________

في مكان ثاني

رن رن

.... /الو سويت الي قلته لك

... / اي اتصلت عليه وسويت الي قلتيه لي

..... بفرح /المبلغ راح يوصلك

ونقطع الخط

~~~~~~~~~~~~~~~~~~~~~~~~~~~
قربت تكشف الحقيقه ادري ان الأحداث سريعه بس لازم تكشف الحقيقة لأن الرواية فيها قصة حب ولازم اخلص الأحداث الاوله بسرعة عشان البارتات الجايه تتكلام عن أبطال القصة الي راح يعيشون قصة حب

ودي ابكــي لين ما يبقى دمــــوع
من جروحٍ صارت بقلبي تنـــــوع

انطفت في دنيتي كل الشمـــــــوع
غربتي طالت متى وقت الرجـــوع

ان شكيت للحال محدٍ لي سمـــوع
طال صبري والزمن عيّ يطــــوع

ودي اشكي لين ما يبقى كـــــــلام
ومن همومٍ احرمت عيني المنـــام

والهنا ما يوم في دنيـــــــــاي دام
كل عام امني احلامي بعـــــــــــام

وان سكت الناس زادوني مـــــلام
والرجا باللي عيونه ما تنــــــــــام

~ انتهى ~

________________________________________________________________________________________

ومن هنا نوقف ونكمل بالبارت الجاي

أسفه على الأخطاء الإملائية

الموقع الأصلي موقع غرام

https://forums.graaam.com/618944-12.html

.. ⏳ انتظروني يوم الجمعه مع بارت جديد وجميل بإذن الله و الله يسعدكم
°

وإذا شفت تفاعل كبير وتعلاقات راح انزل بارت الأحد

R_x3366❤💭