رواية سعوديات في بريطانيا الفصل السادس والخمسون 56 - بقلم angel

(( ياسلامي عليكم يالسعوديه..
يادار الشيم يادار الاوطاني ..

ياالسعودي نحي روحك الحيه ...
اشهد انك اصيل وطيب الفالي ...))

ارقصوا بالسيف مثل الجنادريه ...

الجوري ونواره وذوق يصفقون ويصارخون مسوين جو ...

.............

رناد: يالله الستره زوجة اخونا شفطه

رنده: امها بريطانيا وشتبغي

ام سعود: وين ام بدر تجي تشووف من مناسب ولدها ...

مزون : لا وابراهيم يقول خوش بنت

رنده: يوووه لو درى بدر

رناد: علقها بالمروحه

لمياء: اسكتوا لاتحكون لبدر شي مو ناقصين حنا يرتفع عنده السكر بعد ...

ام سعود ابتسمت بخبث كيف تفوت عليها الشماته بام بدر ...

...................

سماح: الله يحفظه يهبل

سميه: والله اني اقول على ذوق فاصخه بس يوم اني شفت صاحباتها عذرتها ..

ام رائد جائت : ها بنات وشرايكم بالعروس

سميه وسماح : حلوه ...

ام رائد: ههههه عيونكم الحلوه ..

.................

طلع محمد وجلسوا شوي ...

رائد: الله يحفظك من العين والحسد .. طالعه قمر

البندري : تسلم ...

رائد: الله يسلمك من كل شر ياحياتي

البندري: رائد خلاص والله استحي

رائد: يالبيه قلبي اللي يستحون

البندري زاد حيائها قالت بدلع : رودي

رائد : ذوق ذوق يله ابغى اجلس معها لوحدنا

البندري وجهها زاد حمره لحد ماصار طماطم ...

ذوق: ان شاء الله .. بكلم الديجيه لزفه الوداعيه

الجوري: هههههه ماجلستوا كثير

رائد: انتي متزوجه وعارفه

الجوري وجهها صار احمر

ذوق ونواره والبندري ماتوا ضحم عليها سكتها : هههههههههههههه

الجوري: مع وجهك مبسوطه اكيد لازم دام رودي حبيب القلب اللي قال

البندري تفشلت وانقهرت من الجوري

رائد: هههههههه ...

زفوهم لحد الغرفه اللي بيلبس فيها رائد البندري الخاتم " الشبكه "..

.....................

دخلوا للغرفه ... وكانت جنان وقمة الرومنسيه كلاسيكيه لاخر درجه ... ودخل معهم البنات كلهم مع امهاتهم وخواتهم .. واهل رائد خالاته وعماته وبناتهم ... وباقي الحضور بالقاعه ومعم صفاء ومروه خوات نواره ....

رائد لما شاف جمال الغرفه مشى لعند اخته ذوق قدام الكل وباس جبهتها : الله لايحرمني منك ياختي ..

ذوق غرقة عيونها : ولامنك ..

رجع لعند زوجته بنو ..قرب منهايلبسها الشبكه ... البندري قلبها يدق بسرعه وحرارتها ارتفعت ...
ام البندري عطته الخاتم قبل ... لبسها الخاتم وهو مرتبك وهي ارتبكت لربكته ابتسم بتوتر وقالهابهمس : داخل على الله ثم عليك بنودي لاترتبكي لاني خلقه مرتبك

البندري ضحكت بخفيف زوجها خبل : هههههههههههه

نواره : اعقلوا انتي معه حنا هنا ...

رائد: ههههه مالكم دخل زوجتي وبكيفي

لبست البندري الخاتم وهي متوتره ....

وبعدها لبسها باقي الشبكه العقد والحلق وتوهق بالحلق .. لحد مالبستها امها اياه ..

ام البندري والجوري بكوا ...

ذوق: هيه اتعوذوا من الشيطان..

طلعوا بسرعه علشان مايبكوا البندري ..

قصوا الكيكه اللي باسمهم وشكلهم .. طبعا من ورى الكل راحوا لاستديوا صوروا بس ذوق كانت محرمهم .....

طلعوا وتركوا العرسان براحتهم ........

................

الجوري راحت عند اهل بدر : وشفيكم ماقمتوا للعشاء

رناد : الاخ بدر يقول يله

الجوري: يله وين بدري حتى ماشفتوا زوجة عمي وعيال عمي ...

رنده: والله هذي اوامر العزيز رجلك ...

لمياء : مشكوره على لعزومه

الجوري: والله ماتطلعون واذا على بدر انا بكلمه

مزون: لا مانبعى نسببلك احرج مع بدر هو عصبي واذا قال شي خلاص

الجووري مستغربه: بدر عصبي ...؟

رناد: ممصيرك بتجربي عصبيته

رنده: وع ماينطاق

ام سعود سوسه: جربي حاكيه

الجوري: وهذا اللي بسويه ... بس انادي ام عبدالرحمن اعرفكم فيها قبل ... نوره نوره

نوره لفت وهي تكلم الصبابات : نعم

الجوري: تعاي شوي

نوره جئت : هلا ...

الجووري بابتسامه ريضه : هذولا اهل بدر

نوره: اهل بدر ....؟؟ هم جئوا الله يسامحك ليه ماقلني من اول ...هلا والله هلا فيكم تو مانور المكان ...

ام سعود: منور بوجودك ..

الجوري: هذي ام سعود زوجة ابو بدر

ام سعود : انتي ام سعود هلا والله الجوري تمدح فيك

ام سعود صدقت نفسها اكثر :من ذوقها والله

الجوري: وهذولا رناد ورنده ولمياء خواته ... وهذي مزون زوجة اخوه ابراهيم

نوره: حياكم الله هلا ومسهلا

باصوات متفرقه: هلا فيك ...
الله يحيك .....

راحت الجوري وتركت اصول الضيلفه على نوره .. دقت الجوري على بدر مايرد : يالله ليه مايرد اكيد الجوال مو معه او مطنشني ... بس انا لك يابدر ... دحمون دحموني

عبدالرحمن: نعم الجوري ...

الجوري: اسمع روح لبدر ووقرب من عنده وقول باذنه سمعت باذنه ... الججوري تبغاك بره ضروري ...

عبدالرحمن : ان شاء الله

الجوري ناظرت نفسها بالمرايه اللي عند المدخل وزادت الروج اللي بداء يروح وحطت عطر ..

,..........................

رائد فسخ بشته ولزق بالبندري اللي منزله راسها من الحيء

رائد : مبروك علينا ياقلبي

البندري بهمس : الله يبارك فيك

رائد: ماتتصوورين فرحتي انا معك ..- باس ايدها – الله لايحرمني ممن هالوجه ...

البندري ابتسمت بخجل عذري .. هذي اول مرخ حد يقرب منها كذا ..

رائد: ياحلو هالبتسامه ...الله لايخليني منك

البندري كانها مخدره تحس انها جد مبسوطه الله عوضها برائد اللي يحبها .. بعد ماعاشت القهر بحياتها قالت له من قلب : ولا منك ...

رائد: حرام عليك لابسه ناري والله ماقوى هالحلى كله

رائد باس جبينها وخدها وخشمها الصغير ... و ... و... و.. وماقتصرت على البوس على اشياء اكبر لحد ماصرت يوم دخلتها ..

................

ذوق معصبه : تصوري ينواره السخيف طلع وترك بابا لوحده مع الضيوف

نواره : هدي اعصابك اكيد عنده مشوار.. وبعدين ابوك عنده ياسر وعيال عمامك ..

ذوق : انتي مو عارفه هو متغير هذي الايام ..

نواره: انتي متوتره من قرب الزواج علشان كذا تقولي كذا

ذوق تنهدت : يمكن معك حق ...

......................

بدر جالس يتقهوى مع ياسر صديق رائد ... كان حبوب واجتماعي درجه او وبدر ارتاح له نفس ميوله وتفكيره

ياسر : يوووووه ولك من العلوم الطيبه بعد

رائد: هههههههه والله انك زاحف

ياسر : جد تحس باهل الشرقيه طيبه تجذب مواللي عنده

بدر: وط صوتك لايقوموا عليك الشايب والله انك تصير ت

قاطعه عبدالرحمن بصوت واطي مايسمعه الا بدر وياسر : تقولك الجوري تبغاك ضروري

بدر يقلد صوته الواطي : وليه مادقت ..؟

عبدالرحمن رفع اكتوفه : والله مادري اسالها مو انت اخذتها مننا اكيد بتقولك

ياسر: هههههههه يلعن الاسلوب

بدر : شفت هذا النسيب الصغير

ياسر: ههههههه رح لزوجتك قبل لاتصير قضية الامه ...

بدر : ههههههه عندك خبره يالعازب ههههه

ياسر : ههههه من اخواني

مشى بدر لوين ماشر له عبدالرحمن .. الجوري كانت واقفه تناظر الجوال .. بدر اول مره يشوفها بالحلا جد انها حلوه بس مو كذا تنهد وهو يحس بمشاعر غريبه كان وده يلعب بخصل شعرها اللي مرميه على كتفها من التسريحه .. الفستان كان خيال عليها .. قلبه انتعش وهو يشوفها

الجوري كانت كذا لعانه مالبست عبايه ... تبغاه يشوفها حلوه ماتدري ليه ...؟ عندها رغبه قويه تشوف ملامح وجهه .. وخاب ضنها كله وتحطمت لما شافته يمشي لعندها ويناظره ببرود ...قلبها دق بسرعه بس شافته وهي كذا مشاعرها تلخبطت ...

بدر : ها بغيتيني ..

الجوري ارتبكت ودقات قلبها زائدت : ايوه .. ليه ماترد على الجوال ..

بدر بخبث : ليه دقيتي علي ..

الجوري: ايوه ...علشان ..كنت .. انت صحيح قايل لاهلك يله

بدر : ايوه الساعه 12 لمتى يعني

الجوري بسرعه من غير لاتفكر قالت : وليه ماقلتلي مو انا من حسبت اهلك ..
بعدها ندمت على كل كلمه قالتها ...

بدر ابتسم وقرب اكثر منها : الا كل هلي انتي ..

الجوري ارتبكت اكثر وارتفعت حراره جسمها (( لا لاتقرب اكثر تراك تاثر علي )): المهم خلهم شوي بدري..

بدر : اوكيه بس بشرط

ارفعت راسها مستغربه : وشو

وياليتها مارفعت راسها تلاقت العيون

بدر عطاها خده : بوسيني واخليهم

الجوري كان شي قارصها : لا احلف

بدر : انا عند كلمتي

الجوري: لا لو ايش

بدر بضيقه : لهذي الدرجه .. – بعد عنها - اوكيه قوليلهم لحد الساعه 1 ونص ومافيه زياده وانتي اذا حبيتي تجي معهم حياك ..

الجوري تضايقت حست انه تضايق اول مره تضايق لزعله :بدر

بدر مشى وتركها ...

الجوري انقهرت من نفسها ماتدري ليه ودخلت تقول لاهله رضى لوحده ونص

رناد: والله اني قايله من زمان محد جاب راسه الا انتي ..

رنده: وانا اشهد

نوره كانت مندمجه مع مزون لانها بمثل عمرها تقريبا ولمياء اصغر من جوري بسنه بس ركبت معهم ...
بعد يومين من الملكه ..

بريطانيا – لندن

لوجين صحت من الغيبوبه .. فتحت عيونها وكان راسها ثقيل والم بكل جسمها تحس بضعف بكل جسمها .. لفت راسها للجهه اليمين شافت عامود وعليه المغذي وموصل بيدها ... رفعت ايدها بهدوء وضغطت على راسها اللي يالمها انتبهت بالشاش الابيض الملفوف بايدها .. حست بوخزة الم بيدها... تاوهت كل شي فيها يالمها ....ناظرت حولها هي بغرفتها البيضاء .. وعلى سريرها وببيتها الكبير والباره بيتها الموحش بالنسبه لها .. بلعت ريقها تبغى مويه تحسس بجفاف بحلقها نادت بوهن : مسفر مسفر..
مافي رد رطبت شفايفها بلسانها : مسفر
تذكرت شكله وهو يطلع وكانت طلعته بدون رجعه : مسفر ... م...س..ف..ر

نزلت دموعها غصب عنها وراح صوتها : مسفر لاتتركني ..مسفر احبك ..
بكت بكت وهي تحس بحرقان بخدودها تحس الدنيا سوداء حواليها تبغى تتكلم تنادي احد ... لكن مثل العاده هي وحيده وبتضل وحيده ...

رفعت جسمها بالم .. داخت وطاح جسمها : يمه يمه
هذي او مره تحتاج فيها امها مثل كذا .. : يمه يم.. – راح صوتها ..غمضت عيونها بقوه تحس بالضعف بالوحده ياليتها ماتت ولا تعيش كذا وحيده حتى مسفر تركها تخلى عنها في اصعب ظروفها ..

نادت بصوت هامس ومتقطع : يمه تكفين ردي علي يمه محتاجتلك يمه
بكت من قلب قلب محروم .. وين الامان وين الحنان . وينها اللي تحت اقدامها الجنه ..وينها تبغاها هاللحين ...

قطعت انبوب المغذي ورجعت تحاول توقف اسندت ايدها على المكومدينه .. طاحت صورة ابوها على الارض وقالت بشفايف مرتجفه / يبه ..
سحبت الصوره بسرعه بين القزاز ضمتها بقوه : بسم الله عليك ... بسم الله عليك يالغالي ... والله والله احبك اقسم بالله اموت فيك ومسامحتك .... بس انت ارجع ...مابغى منك ولا دولار بس ارجع لي محتاجتلك ..

وقفت بتوازن مختل زاد الم راسها .. تمسكت بالصوره اكثر ومشت لعند الباب وهي تترنح ماهي قادره تشوف عدل الغرفه من حولها تدور ... بجهد متعب .. مسكة مقبض الباب حطت كل قوتها فيه انفتح بسرعه من قوة الضغط
اسندت اايدها على مدخل الباب .. وقفت بجسمها المرتعش : يبه – نزلت دموعها اكثر - .. يبه ..؟

مايا انتبهت فيها وشهقت: انسه لوجين

لوجين بس شافت مايا ضاعت كل قوتها جسمها استرخى وتخدر .. طاحت على الارض

اركضت لها مايا تمسكها ..

ولوجين تبكي بضعف وتهذي : يبه ..وينك ... يبه ضاقت فيني الدنيا ...يبه تكفى ارجعلي – اشهقت بالبكي - لو ثواني .. يبه محتاجتلك ...

مايا نزلت دموعها غصب عنها حالها يكسر الخاطر .. ارفعتها من ايدها بسرعه لانها كانت خفيفه .. حطتها على السرير وهي لحد هاللحين تهذي .. لوجين تبغى ترفع ايدها تقوولها ابغى مويه بس ايدها ثقيله وجسمها مخدر من قلة الاكل ..

اذا حاولت تقول مويه تقول مكانها : يبه ...

مايا رفعت التلفون بسرعه ودقت على ناصر بفرحه وحزن : الانسه صحيت الانسه لوجين صحيت

ناصر ترك الاوراق اللي بيده وطلع لفوق بسرعه : الحمد لله الحمدلله

مايا ودموعها تنزل على خدها : والله صحيت ..

ناصر يناظر لوجين ..
اللي بس شافته بكيت اكثر وحاولت تحكي عطشانه وجوعانه اسبوع مادخل جسمها اكل طول الوقت على المغذيات

ناصر قرب لعندها : الحمدلله على سلامتك طال عمرك

لوجين مسكت ايده بضعف : يبه .. – زادت بكي – يبه

ناصر بلع ريقه اكيد هي منهاره مثل ماقال الدكتور ...: مايا كلمي الدكتور يجي هاللحين بسرعه ...

لوجين تحس بالالم يتضاعف بجسمها ماهي قاره تحكي ولا احد فاهمها ..ماعندها الا البكي وسيلتها الوحيده كانت تصرخ بداخلها (( تعبانه تعبانه مررررره .. تكفون ابغى مويه بس قطرة مويه .. تكفون ))

ناصر ابتسم : لا تخافي الدكتور على وصول ..

لوجين سكرت عيونها مافيه فايده مهما حاولت محد يسمعها ...

ناصر خاف انه اغمى عليها من جديد : انسه لوجين .. انسه لوجين

لوجين فتحت عيونها بضعف : مسفر ..

ناصر هز راسه ودق على الدكتور يستعجله ...

بعد دقايق الدكتور وقف قدام لوجين يعاينها ..

(بعدالترجمه )
د: من الضروري ان تنقل الى المستشفى باسرع وقت ممكن ..

ناصر : انقلوها

د: ولكن اوراقها ليست لدينا

ناصر : حسنا الطائره جاهزه هل تستطيع التحمل ريثما ننصل لالمانيا

د: لا اظن ... سوف اذهب معكم بالطائره ...واحاول ماقدر عليه ..

ناصر ناظر الدكتور وخبثه يستغل المواقف علشان الفلوس جد ناس ماعندها احساس ولا ضمير ناس خاليه من جوه عبد فلوس ...: حسننا ولكن الان مابها ..

د: انها تحتاج الى المخدرات بالتاكيد فجسمها قاومه بالفتره اللتي سبقت ذلك بحالة الغيبوبه ولذلك هي بخمول واسترخى تام ... ولكن هذا قد يودي الى وفاتها يجب ان تنقل فورنا الى المانيا ..

لوجين ناظرت الدكتور ودموعها تحكي : مسفر

الدكتور : يبدو انها تريد ماء ..

لوجين بكت بقوه وشهقت تايد كلامه ..

مايا جابت لها المويه وشربتها اياه ..
اكره شي عند الانسان العجز حتى المويه مايقدر يطلبها ..شربت من المويه بسرعه

نقلوها بالكرسي لطياره ومعهم الدكتور والممرضه ..ولوجين اول ماتمددت على السرير تذكرت مسفر وعلي والمخدرات تذكرت كل هذولا ارتجفت وكثرت دموعها اللي ماسكتت من اول ماصحت ..

الدكتور : دعوها تاكل في بحاجه للغذاء ..

لوجين بعد كم لقمه قالت بشفايف مرتجفه : تعبانه

ناصر : لماذا لاتحقنونها بمنوم

د: مع الاسف جسمها لايستجيب لاي منوم او بنج من الادمان ..

ناصر تنهد : لاحول ولاقوة الا بالله ..

***************
السعوديه – الرياض

نواره اليوم بعد قلبها مقبوض من ثلاث ايام وهي على هالحاله ..(( يالله وش هذا احس بضيقه وقلبي مقبوض ..ياررررب ريحني ))

بو نواره بين الصاحي والسكران : شفيك جالسه هنا لوحدك وين اخواتك عنك ..؟

نواره : آف مالي خلقك اروح بيت امي احسن

بو نواره بانفعال : امك المومس القذره الخاينه

نواره وقفت بعصبيه : ماسمحلك مهما كان هي امي

بو نواره : روحي لها بتشوفيها بخضن واحد قذر مثلها

نواره: لاحول منك اطلع احسن لي ..

طلعت فوق جهزت لها شنطه صغيره ليومين تروشت وبدلت ..ونزلت ..: بتوصلني والا اروح مع السايق

بو نواره: لا اااااااااا مراح اوصلك للقذره هذي ...وبعدين كيف تطلعي والجو كذا ضباب ...

نواره فكرته سكران ويخرف وطلعت ...بس جد كان الجو ضباب حطت الشنطه ونادت على اكبر" السايق " ..: على بيت ماما كبير بسرعه

وصلت لبيت امها والضباب كان كثيف مره وكان الجو ليل مو ظهر .. نزلت من السياره وحطت الشنطه عند ..الباب وطلعت لامها فوق اكيد نايمه لازم اخوفها فتحت الباب بقوه وبسرعه : بووووووووم

شافت امها مع طلال بوضع مخل للادب والحياء ... لفوا عليها الاثنين مخترعين .. فنحت عيونها مو مستوعبه : طلال

طلال اقوى من صدمتها : نواره

امها بسرعه لملمت نفسها بالشرشف : نواره وش جابك ..

نواره حطت ايدها على فمها مو مستوعبه .. صار عندها مثل موت للسانها وهي محتاجه تتكلم وتصرخ تكذب اللي تشوفه ..وموت قلبها لما تحتاج للحياه والحب ....وجفاف عيونها لماتحتاج اللبكي ...وانها لوحدها مثل اغصان الخريف لما تحتاج اللكل والناس ..

اللكل لثواني معدوده وثقيله .. كان واقف مكانه مصدوم ...

طلال وقف : نواره انا

نواره ركضت بسرعه لتحت لبره هذي الغرفه لبره البيت بعييد عن هالمكان ..

طلال بسرعه يلبس بنطلونه ويكلم نفسه بصوت مرتفع : كيف جئت لهنا ..؟ وكيف تدخل كذا ..؟ ليه ليه جئت

ام نواره بضيه : هذي بنتي

طلال لف عليها بسرعه لثواني ماستوعب وش قالت : كيف ...؟

ام نواره بكت : ايوه بنتي .. هذي اخر بناتي

طلال تفل بوجهها وطلع بسرعه يلحق نواره ..

نواره طلعت من البيت تركض من غير دموع من غير كلام كانت تركض بوسط الضبااب ماتفكر وين بتروح ولاتدري وين بتروح كل اللي تشوف شكل طلال مع امها ..

طلال تلفت يدورها ماشاف احد ..
اكيد ارجعت لبيتهم مع السايق ..
ركب سيارته بسرعه لبيت نواره دق الجرس من غير لايفكر ...

نواره مشيت و مشيت لحد ماوصلت لحديقه ماتدري وش حديقته جلست على اول كرسي صادفهاا ... جلست وشافت المكان فاضي من الضباب محد يجي ..حست برعشه اهتز لها جسمها ..نزلت دموعها دموع قهر وظلم ..

واخيرا بعد 6 رنات على الجرس انفتح باب البيت

بونواره : خير

طلال: وين نواره

نزل المطراللي مستكه الغيوم طوال الوقت ...

بو نواره: والله خوش واحد جاي عند بيتي و يسال عن بنتي

طلال: انا .....ان ........ ا اخو ذوق ... ذوق تعبانه وتبغاها

بو نواره: اها ... نواره ببيت امها مو هنا

طلال: مارجعت

بو نواره: لا السايق رجع لوحده ..

طلال بسرعه دخل سيارته اجل وين راحت حس بحقارت نفسه وطيشه لوين وصله ... لعن نفسها وامها بخاطره .. حس بخوف عليها وين راحت هاللحين

نواره جالسه بالحديقه وفوقها المطر الغزير ..تحس بنار بقلبها.. طعنات قويه بصدرها ..ارفعت راسها لسماء واختلطت دموعها بالمطر : يارررررررررررب يارررررب ارحمني يارب ...

طلال بسيارته يدور وعيونه على اللي بره وين راحت ..؟ يارب مايصير لها شي .... يارب احفظها واحرسها ... يارب بعينك اللي ماتنام اغفرلي ..- نزلت دمعه حاره من عينه – يارب خذني انا واحفضها ... يارب اموت ولا يصير لها شي ... خذ من عمري وواعطيها اياه .. دق عليها

*******************

الجوري جالسه بغرفتها ومعهارناد ورنده ..

رناد : ماتوقعت ان بدر يتزوج بحياته كلها

الجوري : ليه وش معنى ..

رنده : يووووووووه انتي ماشفتيه قبل لايموت حسان ويمرض نواف وع تلوع كبدك ..

رناد: تخيلي كنت ماطيقه اذا جلس بمكان اطلع منه

رنده: وعععععع تقولي دراكولا المرعب .محد يقدر يحاكيه

رنده : حتى بابا تصوري ... بابا ماله كلمه عليه اي شي براسه يسويه من غير لايفكر

الجوري : مو لهذي الدرجه

رنده وهي تقطع البسكوت : تصوري مره ضرب ماما ....

الجوري فتحت عيونها : امك ....؟

رنده : ايوه لانها باختصار تلبس عبايه كتف ..

الجوري: طيب انا البس عبايه كتف وماحكى معي شي

رناد: انتي زوجته غير وبعدين انتي بنت البريطانيه يعني يحمد ربه انك لبستي عبايه..

الجوري: شكلكم فاهمين غلط انا صحيح ماما بريطانيه بس ماعشت معها عشت كل حياتي هنا .. وبس 4 سنوات الجامعه و4 سنوات الثانويه انتقلت لمانشستر ولاية ببريطانيا لانو بابا توفى وماعندي غير ماما ومع الاسف سفرتي على الفاضي درست بمدرسه داخليه لان ماما باختصار قالت ماتبغاني

رناد ورنده : ماتبغاك ..؟؟؟

الجوري: ههههه لاتستغربوا عادي ماما اجنبيه والاجنبيات كذا دمهم بارد او نقول ازرق

رناد متعاطفه معها : عادي الدنيا كذا

رنده : وبعدين لما رجعتي لسعوديه وش جارلك ..

رناد : ههههه حلوه هذي وش جرالك ذكرتيني بابلة العلوم

رنده تغمز لها : تراني اعجبك

الجوري: ههههههه ...- تضيع الموضوع – الا بنوتات وشرايكم بالبندري تقطع القلب صح ..

رنده : مشاء الله مزيونه

رناد: وبيضاء ..

رنده: مسكينه اختي عندها نقص من البياض

رناد : لااااااااا مو انتي اللي عندك نقص وتقولي دايم ياليتني بيضاء ..

رنده :لاااااااااا متى قلت

رناد: لاااااااااااا تقولي دايم

رنده: لااااااااا متى دايم

الجوري: واللي يرحم والديكم خلاص فجرتوا راسي

بدر دخل : ها وش مسوين بحبيبتي ..

الجوري استغربت من متى وهو هنا الله يستر ليكون سمع ..

رنده ورناد : ههههههههه سلامتك

بدر : اقول شقل ومنقل ..هونا .. يعني انقلعوا
(( شنقل ومنقل شخصيات رسوم متحركه على قناة سبيس تون ))

رنده : ضروري

رناد : بدري مابعد سمرنا

بدر بعصبيه : شنقل منقل بسرررررررعه

وقفوا بسرعه بيطلعوا وهم يتحلطمون ...

رناد: هذا وانت راجع من الشرقيه وشايف البحر اخلاقك كذا

رنده : يقولوا مويه البحر تذوب الحجر وانت قلبك ماذاب

رناد : انتي شوفي وجهه تقولي عدو مو اخو

رنده : بدل ماياخذنا بالحضن يعصب

لحد ماطلعوا وسكروا الباب ..

الجوري ماسكه ضحكتها على اشكالهم التحفه .. لفت عللى بدر يومين ماشافته بعد الملكه ماجلس بالبيت راح مع ربعه لشرقيه ...

بدر : جهزي شنطك بنرجع بريطانيا

الجوري : ليه ... تو ماصار لنا شي هنا ..

بدر : نواف لوحده هناك

الجوري وقفت بعصبيه : لا ماني مسافر

بدر لف عليها : نعم

الجوري: ماني متحركه من هنا

بدر جلس بهدوء على الكنبه : ليه ..؟

الجوري : بس كذا

بدر : قولي اسبابك يمكن اقتنع ..

الجوري : اول شي زواج ذوق بعد يومين وانا واعدها احضره ... ثاني شي مانمت ببيت عمي ولايوم وهو دايم يكلمني ويعزمني .. وثالث شي بنو تبغاني بكم هاليوم اختار معها فستان الزواج وكروت الزواج

بدر ماقتنع باسبابهاضل يناظرها ...وعلى وجهه عدم الاقتناع ..
الجوري حست انه ماقتنع ابدا قالت بتهور : وبعدين لحد هاللحين ماشفت امك وماعرفتني عليها

بدر استغرب: امي .. ليه وش لك بامي ..

الجوري: عادي ابغى اشوفها ماقد شفتها ..

بدر : الا شفتيها كانت معنا بالسفره اول ماوصلنا

الجوري: مانتبهت فيها ..

بدر وقف : اجل تعالي اوريك اياها

الجوري: هاللحين

بدر : ايوه هاللحين علشان نسافر بكره

الجوري عصبت : يالله مابغى اسافر ماتفهم ماحب لندن ماحب بريطانيا بكبرها ..

بدر استغرب فكرها تحب بريطانيا لان امها منها : وليه ماتحبيها ..؟

الجوري : كيفي ماحبها

بدر : غريبه امك من هناك فاتوقع انك بت

الجوري قاطعته معصبه وهي تمشي لغرفتها : ومن قالك اني احب ماما علشان احبها .. خلاص بجهز الشنط ..ومابغى اشوف امك

سكرت الباب بقوه .. بدر تافف الواحد راجع من السفر بدل مايشوف حد يستقبله كويس هذي تصرخ

*************************
المانيا

اول يوم للوجين بالمانيا كان الدكتور مسلم وعربي من مصر ... انبسطت كثير ماتدري ليه يمكن انها بايديي امينه ..
جسمها لحد هاللحين خامل حركتها شبه مشلوله .. الدكتور بدى معها مسيرة العلاج .. وهي كانت ساكته مثل المصدومه تحس انها مبنجه ..
وهذا حالها طول ايام العلاج

*******************

نواره شافت رقمه وبكيت اكثر سكرت بوجهه الظروف علمتها تكون قويه واللي شافته هزها من جوه بس قدرت تمسك نفسها دقت على اكبر وبين دموعها قالت : تعال بسرعه عند الحديقه اللي عند بيت الحقيره الكبيره ..

اكبرا: مافي معلوم هذا حديقه

نواره بانفعال: ماما كبير

اكبر: اها اوكيه ..

سكرت منه ومشت لعند مدخل الحديقه وهي مقرره تمسك هذي الدموع لانها لاشخاص مايستحقونها .. بس دموعها كانت مثل المطر تنزل بعناد ..

طلال يتنهد وهو يدورها ... وكل شوي يمر على بيتها مارجعت حس نفسه مخنوق مرره الدنيا ضايقه فيه ..خلاص حبيبته وحلم حياته ضاعت منه ...

نواره : وقف عند بيت ماما ايوه هنا بالضبط ...

ام نواره جالسه على السرير تبكي تمنت الموت ولا تشوفها بنتها باللي شافتها فيه .....

دخلت نواره على امها قبل لاتتحرك امها او تنطق ركضت لعندها نواره وضربت امها ... ضربت امها من كل قلبها طلعت قهر سنين ..... تنزيلت الراس والذل فيها اضربتها وهي بدون وعي ..وماتصورت انها بيوم تضرب امها ... ضربتها وامها تحاول تتخلص منها كان ضوب نواره يالم مره طلع الدم من انفها وفمها بس نواره لا ماهتمت ماتشوف قدامها تضرب وتضرب بامها : ياحقيره ياواطيه انتي اللي ضيعتي ابوي .. انتي ماتستاهلي تعيشي ...ياقذره

دخلت الخدامه من صراخ ام نواره وسحبت نواره مع خدمه ثانيه من على امها ...
نواره تفلت بوجهها امها : انتي ماتستاهلي تكوني ام ... انا امي ماتت من اليوم ورايح سمعتي .. ماتت ... – نزلت دموعها اللي مسكتها - والله اذا شفت وجهك عند بيتنا والله اقتلك ولا تدقي علي ... انسي ان عنك بنات سمعتي .. واذا مت مابغاك تزوري قبري سمعتي ... لاتنجسي قبري بوجودك .... – شهقت بالبكي – اكرهك يانجس وحده شفتها بحياتي ... الله لايسامحك ...الله لايسامحك ...

طلعت بسرعه لسيارتها ..وتركت ام نواره منهاره مو من الضرب من الكلام اللي سمعته من بنتها ..

طلال لحد هاللحين يلفلف ببينجن لكن انتبه بسيارة السواق تدخل للبيت نزل من السياره للبيت من غير استاذان : نواره نواره

نواره شافته مسحت دموعها ونزلت من السياره حست بقوه فضيعه ماتعرف مصدرها .

طلال ركض لعندها : نواره انا م

قاطعه كف من نواره على وجهه : انت انجس انسان شفته بحياتي ... اطلع بره مايشرفني تكون هنا

طلال : نواره انا احبك والله ماكنت عارف انها امك

نواره : ههههههههه وفر كلامك لامي واشكالها .. واطلع بره من هنا .. على كثر ماحبيتك كرهتك – تفلت بوجهه – يانذل ..

طلال مسح تفلتها : اضربين هاوشيني بس لاتقولي اكرهك

نواره : ههههه لا رومنسي والله ... اكبر اكبر اقلع الحشره هذا من البيت .. وانت لاتفكر تعدي هنا ... والله والله اذا شفت رقعت وجهك ماتلوم الا نفسك ...

دخلت للبيت ببرود ولاكانه صاير شي ..

طلال وقف يناظرها تحت المطر ببنطلون من غير بلوزه .. خلاص مستحيل ترجع له نواره .. سامحته كثير بس هذي غلطه ماتتصلح ..

بس سكرت الباب طاحت على الارض تبكي هذي القوه كانت ظاهريه ..قناع تحطم بسرعه بكت بشهقات

بو نواره خاف : نواره وشفيك

نواره ضمت ابوها : يبه احبك يبه ماتستاهل ضيعت نفسك علشانه يبه هذي احقر ماخلق ربي ... يبه سامحني اذا زعلتك بيوم علشانها ...

بو نواره ضم بنته بقوه حسها منهاره مع انه مو صاحي ومو سكران بس حس بضعف بنته الول بالنسبه له وجرح قلبها ...

بو نواره: لا يانواره انتي قويه مهما كان ماتبكي ..

نواره: يبه اترك هذا الخايس علشاني يبه تعال نروح لبريطانيا ونترك كل هذا ... يبه تكفى .. خلنا نطلع من هنا ..

بو نواره غرقة عيونه : بس ياقلب ابوك دموعك تقتلني ..

نواره ضمته بقوه : بسم الله عليك انا مالي غيرك

*********************

البندري نزلت عند اخوها محمد وامها ومريم : السلام عليكم

اللكل : وعليكم السلام

محمد: اوه من وين طالعه الشمس البندري نازله عندنا ... وينك من بعد الملكه ماشفناك

البندري مستحيه تشوف اخوها محمد بعد الملكه واللي صار لها مع رائد مع انه بالحلال بس مستحيه مره : ههههه كنت مشغوله

مريم: ايوه جاء من يشغلك عننا

البندري على غير العاده محترم نفسها ولسانها قصير : شدعوه انتم الاصل

ام البندري: الله يوفقك يابنتي ان شاء الله

البندري: ان شاء الله

محمد :ههههههه لو ندري زوجناك من زمان ...

البندري طاح وجهها من الفشيله : ..............

ام البندري : لا هي من زمان شيخة البنات

دق جوال البندري (( حياة قلبي )) يتصل بك ..ابتسمت

محمد: اوه اوه النسيب يدق

البندري: لا هذي ذوق

مريم : آها علينا ردي بس ردي على الرجال

البندري قامت بسرعه لداخل المطبخ : آلو

رائد: هلا هلا بكل هلي انتي ...

البندري مستحيه : هلا فيك

رائد وكانه يحاكي بزر : كيف قلبوا انا اليوم

البندري: مم كويسه ... وانت

رائد : انا بخير دام نور الدنيا كلها بخير .. ها حبيبتي وين جاهزه تطلعي معي اليوم

البندري من الربكه تفتح بالثلاجه وتسكرها : وين..؟

رائد: لمحلات الاثاث علشان تختاري اللي بحبيته بقفصنا الذهبي

البندري: اوكيه

رائد وهو يدخل بيتهم لان الخدامه افتحت له : خلاص ربع ساعه وانا عندك

البندري: لا وش ربع ساعه مايكفي اتجهز

رائد: خذي راحتك ياقلبي اجل مع عمتي ومحمد على ماتخلصي ..
اشر لهم السلام

البندري (( الله لايحرمني من الحنون انا )): خلاص حياك الله ..

رائد وهو ياشر لهم وينها : الله يحيك ويبقيك ياعمري
مريم وام البندري متحمسين ياشروا له على جهة المطبخ

البندري لحد هاللحين تسكر وتفتح بالثلاجه : تسلم ..

رائد : والله انتي اللي تسلمي لي .. الا بنودي بسالك ..

البندري : تفضل

رائد: ليه تفتحي وتسكري بالثلاجه

البندري ماستوعبت : ها

رائد: ههههههههههههههههههه

البندري لفت عليه منحرجه : ههههههههه

رائد يقرب لعندها : مساء الخير

البندري متفشله :مساء النور

رائد : وش هالحلاء كله

البندري ناظرت شكلها بالبيجامه الشتويه : يووووووه اطلع بره

رائد: هههههه والله بكل الحالات قمر

البندري تمشي بسرعه لبره المطبخ : ياحبك للاحراج

رائد: هههههههههههههههه

طلعت بسرعه فوق ومحمد وامها ومريم ميتين ضحك على شكلها ماتناظرهم متفشله ...طلع رائد من المطبخ وجلس معهم .. رائد شخصيته خفيفه على النفس اللي يجلس معه يرتاحله وياخذ راحته بالحكي معه وكانه يعرفه من قبل ..

******************
*
ذوق معصبه : ماما لاتحاولي قاهرني مطنش

ام رائد: ياحبيبتي شي طبيعي زواجكم الثلاثاء يعني بعد يومين اكيد بيختفي شوي

ذوق : قولي لامه اذا مايبغاني والله ان في الف من يتمناني ..

ام رائد : ياحبيبتي وش هالحكي انتي اعصابك تلفانه لان زواجك قرب ..

ذوق تتنهد : يمكن ... الا وش الموضوع الخطير اللي تحكين فيه مع ام عادل

ام رائد : اها الموضوع ... هذا الريم بنت خالة عادل انفصلت عن مسفر رجلها قبل العرس بيوم وهو ولد عمها يحاول يرجعها مو راضيه ..

ذوق باهتمام : ايوه مسفر انفصل عنها ليه

ام رائد: والله مادري اللي يقول انهم كانوا مغصوبين وعلشان كذا ماقدروا يكملوا ...

ذوق : مغصووووووووب لا كان معنا بالجامعه وكان مبسوط بالملكه

ام رائد : والله كان معكم حلو ..وسيم يعني

ذوق: يمه وش هالحكي استحي شوي انا بنتك

ام رائد: هههههه لا تفهميني غلط يابنت.. بس ام عادل تقول عنه حلو ...وعورت راسي فيه

ذوق تناظر السقف : اممم على ماذكره كان حلو بس فيصل اكيد احلى ..

ام رائد : من فيصل

ذوق توهقت شلون نسيت نفسها وثالت كذا : ها .. لا اقصد هذا واحد كان معناويايمه وش مزيون يخبل ..

ام ذوق : والله طويل

ذوق: اممممم تقريبا طول رائد يعني قدامه تصيرين نمله

ام ذوق: دامه مثل رائد وش زينه

ذوق: مو عادل مع وجهه

ام ذوق: هههههههه هذا مابعد تتزوجيه وتعيشي معه ..

ذوق : آه يمه احس اني استعجلت مرررررررره

ام ذوق : لا صدقيني تراه رجال سنع وامه صاحبتي من سنتين ..

ذوق: ياليتني ماوافقت

ام ذوق: ههههههههه كل العرايس يقولوا كذا ...

دق جوال ذوق ..((عادل )) كانت كاتبته عادل وبس لانها مو متاكده من مشاعرها له ...

ام ذوق: وراك ماتردين ...

ذوق: مالي خلقه

ام ذوق مستغربه من بنتها : لا يابنتي انتي باول حياتك ومايصير كذا .. ردي عليه حرام يمكن بيشرحلك ظروفه ...

رمت الجوال على الكنبه : انا من يوم يومي عزيزة نفس ومحد ذلني ولما فكر احد يذلني ندم هاللحين قد شعر راسه .. وماعاش هذا عادل علشان يذلني

ام ذوق: لا يابنتي الدلع ماينفع بالزواج انتي هاللحين مراءه كبيره اترك دلعك وانسي يعاملك عادل مثل مايدللك ابوك ...

رجع الجوال يدق ..
ذوق: لاحول ..الو خير

عادل: هلا والله بحبيبتي

ذوق: نعم عادل في شي ضروري

عادل : لا القمر زعلان مره والله سوري حياتي انشغلت بهالكم يوم

ذوق: وش اللي ممكن يشغلك عني

عادل: انتي ياقلبي اسمعي مجهزلك مفاجاءه تاخذ العقل بيوم زواجنا

ذوق نست زعلها : وشو ..؟

عادل: نو .. نو .. مفاجاءه

ذوق بدلع وهي تلعب بخصل شعرها : عدولي

عادل: لا ماقدر على دلعك والله ماقدر احكي بعد يومين ان شاء الله ...

ذوق: امم ابصبر بس ودي اعرف

عادل: لا لاتضغطين علي شي جنان بيبسطك

ذوق الفضول قاتلها : مثل شنو لمح مثلا ..

عادل : لا ماقدر قبل لانسه ذوذو حياتي ابغاك بيوم الزواج تفتحي شعرك

ذوق مستغربه : افتح شعري ليه ..؟

عادل: بس علشان المفاجاءه ..

ذوق تناظر شعرها الطويل لاخر ظهرها مطولته علشان الزواج : لا عدول ماينفع

عادل: واذا قلتلك علشان حاطري

ذوق : لحضه عادل دقيقه بس...

عادل: اوكيه خذي راحتك

ذوق: ماما

ام ذوق تناظرها بخبث وعلى وجهها ابتسامه لعوب : هلا

ذوق فهمت على امها : مااااااااااما

ام ذوق: هههههه ها

ذوق: ماما عادل يقول يبغاني افتح شعري واحط الطرحه ينفع

ام ذوق مستغربه : يوه تفتحيه كيف ..والتسريحه اللي متفقين عليها

ذوق مدت وزها : بس عادل يبغى كذا

ام ذوق : لا لاتخافي جو رعد خبير بتصفيف الشعر واكيد بيحصل لك شي مثل طلبك

ذوق رفعت السماعه لاذنها : اوكيه عدول تامر امر

عادل: يابعد قلي والله ... تامرين على شي بروح للفندق علشان الحجز ..

ذوق عصبت بيسكر بسرعه : مايامر عليك ظالم .... باي

لما سكرت امها انفجرت بالضحك : ههههههههههههههههه

ذوق : ماااااااااااااااااااااما

ام ذوق : ايوه هاللحين باي ومايامر عليك ظالم ... وعدولي ..

ذوق : هههههههه قلب المراءه يامامتي ..

ام ذوق : المهم هاللحين ندق على جو نساله اذا يعرف لتسريحه مفتوح فيها الشعر ..

ذوق : وانا بجرب ادق على لوجين يمكن ترد هي وعدتني تحضر زواجي ..
الفصل التاسع والثلاثون ..

الساعه 11 الظهر ..

نواره صحيت من النوم على صوت دقات باب خفيفه .: صفويه ادخلي .. – تذكرت انها ببيت ذوق وعلى سرير رشا – اوه ادخل

ام ذوق : مساء الخير

نواره: اوه خالتي كم الساعه ...

ام ذوق : الساعه 11 الظهر يله قوموا اليوم نوره عازمتنا على الفيصليه ... وعلى الغداء ...

نواره : جد وناسه ...

ام ذوف ناظرت ذوق ولانت ملامح وجهها : ماوصيك اقنعيها

نواره: ياحياتي مانامت امس طوال الوقت تتقلب بالسرير ..

ام ذوق بحزن : هذا حال من اللي صار ولا هي براضيه تطلع من البيت

ذوق كانت صاحيه بس مثلت النوم ...

نواره : خالتي انتم ماعرفتم ليه الحيوان عمل كذا ..

ام رائد : الا بكل وقاحه امه جاءت وقالت قولي لرجلك انه سرق المناقصه من بو عادل ولما قلت لبو رائد قال سالفه قديمه وماتوقع انهم بيحقدون عليه لليوم وافتكر انهم اخطبوها يصلحوا الامور بينهم لان امه صارت صديقتي فتره لكن حسبي الله عليهم ..

نواره فتحت فمها يعني فيصل على حق علشان كذا ذوق ماتبغى تحكي لهم عن شي

ام رائد: حبيبتي نواره لاتنسي وتقول لاحد انتبهي ترى ذوق بتزعل

نواره اابتسمت : تطمني سرك ببيئر ..

ام رائد : يله صحي ذوق ام عبدالرحمن وام محمد وممريم يحترونى بالفيصليه ...

طلعت ام ذوق من الغرفه وهي تدعو لبنتها ن الله يهدي سرها ..

نواره : ذوق اصحي داريه انك مو نايمه ...