رواية سعوديه/ احباب في مقبره الحب الفصل العاشر 10 - بقلم مارسلين

في بيت محمد الفهد
الساعة12:30 ليل
في الصالة محمد وسلوى وسمر جالسين
سلوى:بس بصراحه الكل تخبل لما شافها
محمد:طالعه لأمها
سمر:ههههههه ماكذبت
سلوى:أحم أحم أصلا أنا ماعرف أجيب غير الحلوين
سمر:طبعا أنا وزياد نجنن أما سحر مالت عليها معفنه
محمد انتبه أنه سحر مو موجودة :إلا صح وين سحر ؟؟؟؟ماشفتها اليوم
سلوى اتنهدت:الله يهديها بس.....خرجت من الظهر ومارجعت
محمد فتح عيونه :وشو؟؟؟؟
سمر سحبت نفسها وطلعت على غرفتها
سلوى بعد ماراحت سمر:لا تعصب أنا من أول أبي أكلمك في ذا الموضوع...
محمد بدأ يهدأ:ماشالله ذي ماعندها أهل يلموّنها داجه بالشوراع .........أنا شفتها وهي خارجه بس ماكنت أدري أن هي خارجه ومابترجع
سلوى:والله هي كذا من زمان فلتانه وماتسمع كلامي واليوم ماحضرت الملكة.............ولما اكلمها ماتسمع كلامي واليوم قلت لها بعلم أبوك قالت علميه مو خايفه منه اصلا كويس إذا عرفني
محمد حس ان ذي الكلمة جات عالجرح لأنه من جد ماعرفها
محمد:خلاص اليوم مابنام حتى وترجع واكلمها
سلوى:أنت بكره مسافر؟؟؟
محمد:لا
سلوى:خلاص بكره لما تصحى كلّمها
محمد:يسير خير
محمد قام هو وسلوى وراحو ينامون
.................................................. ...............
في الشقة
سحر استسلمت وماقدرت عليه هو اطول وأقوى منها رجعت لركن الغرفة طاحت وحضنت عبايتها بقوه وحطت راسها على الجدار كانت تصرخ في نفسها (معاذ......الحقني)وترتجف مره واسنانها كانت تصقع في بعض وصوتها مسموع من شدة الخوف أعصابها متشنجه مغمضة عيونها...كانت تحس بنفس خالد يقرب منها ....مسكت عبايتها وجاء بيسحبها بقوه لكن الباب أندق بقوه خلتهم ينفجعون وسحرفتحت عيونها تشوف مين
خالد:راجع لك.....والله ماسيبك.....سنيين وأنتي تسبين وتنعلين أهلي وأمي اللي ماتسوين ترابها....وانا ساكت لك لكن انا بوريك إذا ماضيعتك ماكون خالد إذا ماخذت أغلى شيء بحياتك ماكون خالد ولد هدى...
راح فتح الباب معاذ دفه بقوه ومسك من رقبته ولصقه في الجدار
معاذ عيونه حمرا ومعصب مره وعروقه طالعه:لوصار للبنت شيء بيكون موتك على يدي
راح لسحر ومسكها من كتفها:سحرر فيك شيء؟؟؟
سحر أول ماشفته نزلت دموعها وحست جسمها كله يعورها وحست بآلام فظيعه في رأسها رمت نفسها في حضنه وداخت
معاذ صرخ:سحررررررررر
معاذ شالها وخرج من الشقة ونزل عالسيارة بسرعه أما خالد وعزوز كانو مصدموين من ردت فعل معاذ
خالد:وش فيه؟؟!!!
عزوز:مادري لايكون تقرب له........سويت فيها شيء؟
خالد بقرف:الله يلعنه.....توني بمسكها دخل وخرب علي ابن(عيب)
في القراج..... كومار شاف معاذ واستغرب وجا عنده
كومار:أهلا مستر معاذ(انتبه إن اللي شايلها سحر)مس سهر أيس فيه؟!!!!
معاذ:خلاص روووح وأنا بجيبها
كومار:مس سهر .......فيه سيء؟؟؟
معاذ صرخ عليه:روووووووووووح .........ولاتعلم أحد فاهم
معاذ ركب السيارة وصار يصحيها ولا شعوريا دموعه نزلت كان خايف مره ومو عارف وش يسوي وشاف علبة مويه مرميه أخذها وصار يرشها على وجه سحر وفي الأخير سحر بدات تفوق معاذ مسح دموعه وجلّسها
معاذ :سحر خالد سوالك شيء؟؟؟؟؟
سحر كانت تحس بدوخه وشو شوي بدات تفوق حتى وانتبهت ان اللي قدامها معاذ يسألها وكأنها لما نادته جا
سحر تهز رأسها بلا
معاذ ارتاح نفسيا:الحمدلله
ركب السيارة ومشي وراح للبحر حتى وتهدأ وبعدين يوديها للبيت.....أماسحر كانت تعبانه و مرتاحه .....تعبانه من الموقف اللي صارلها وتحس جسمها كله يعورها لكن نفسيتها مع كل ذا مرتاحه لأنها مع معاذ في نفس المكان وأنه جا ساعدها
معاذ حس ان سحر فاقت خلاص وقف ونزل وفتح الباب حق سحر وصار متكى عليه ويطالع في البحر
سحر جالسه بالسيارة لكن رجولها برا السيارة وتطالع في البحر وساكته
معاذ طالع فيها بنص عين وشافها ساكته ومو على عادتها وباين عليها الصدمة
سحرانتبهت ان معاذ يطالع فيها فقطعت السكوت بأغنية :فقدتك ياأعز الناس فقدت الحب والطيبة وأنا من لي في هالدنيا سواك أن طالت الغيبة.......رحلت ومن بقا وياي يحس بضحكتي وبكاي(سارت دموعها تنزل) وحتى الجرح في بعدك يغزيني وأهلي به أنا من لي في هالدنيا سواك أن طالت الغيبة..........تصدق قد ماحنيت أشوفك في زوايا البيت وأسولف له عن حزني وأحس أن أنتا تدريبه.....شسوي بالألم والآه ولكن البقا لله يصبرني على بعادك وذا حظي وراضي به أنا من لي في هالدنيا سواك أن طالت الغيبة.(حطت يدها على وجهها وسارت تبكي وتشهق)
معاذ كان نفسه يبكي..... يبكي قهر على سحر وعلى كل شيء صارلها من وراه وقد ايه هو نذل وحقير ومايستاهل وحده زيها ......لكن كلام سمر صح هو الصح وسمر زوجتي ومستحيل تكذب علي
سحر مسحت دموعه لكن مو راضيه توقف....... وقفت وطالعت في معاذ ودموعها تنزل ومعاذ أكثر شيء يكره أن يشوفها تبكي
سحر بعتب:ليه يامعاذ ؟؟؟؟؟أنا سحورتك قلبك وام عيالك.......ليه ترميني ورا ظهرك؟؟
معاذ مايبغى يطالع فيها لأنه لو طالع فيها بيحن لها
سحر:أفــــآ يامعاذ تكّذب سحورتك ........ تكذب طبخ أيدك عشان سمور ........لذي الدرجة أنا أهون عليك ....خلاص ماصار لي أهمية بحياتك.... ماسرت سحورتك سرت سحروبس.. أنا أعرف ذا الشيء...لكن لاتنساني أنا مابقرب من حياتك وحياة سمر لأن الكل يكرهني ولو سويت لكم شيء بيكرهوني أكثر.....(لفت وجهها وصارت تطالع في البحر ومعاذ وراها)تصدق حتى كومار وناني يكرهوني ويبون الفكه مني بيسافرون ......وأبوي (رجعت تبكي وتشهق)أبوي يامعاذ ما يعرفني .....تخيل أبوك مايعرف إذا أنت ولده ولا لا .......يالله ياكبر الأهانه (ماقدرت تكمل وبس تبكي)
معاذ كان ساكت ويطالع فيها كان يفكر إذا هي تكذب عليه ولا تتكلم من جد
سحر :معاذ أنا محتاجتك ........
معاذ لفها عليه بحنيه:انا مانفع لك الحين.........أنا ملك لسمر
سحرصرخت بأعلى صوتها:سمر سمر سمر..ليه في كل مكان أسمع سمر ليه سمرتاخذ اللي أحبهم ليه سمر تغار مني وأنا ماعندي أحد..... ليه سمر أخذتك وهي عندها بدالك 10
ماكملت كلامها إلا ومعاذ معطيها كف على وجهها خلاها تتصنم في مكانها
معاذ:سمر تسواك وتسوى عشره من أمثالك...وسمر محترمه مو مثلك تعرف 100 ولد
سحر :حتى أنت تضربني!!!!!!!وأنا أعرف 100ولد......يالله لاتنسى مين عرفني ع الاولاد
معاذ:أنتي قذره وحقيره وواطيه أنتي ماتستاهلين إلا الواحد يدوس عليك..............زي ما سوالك خالد
انصدمت سحر من كلامه معقوله معاذ يقول كذا معقوله معاذ ينساها بذي السهوله ويشك في أخلاقها ........انصدمت من معذ مرره وماتبغى تنصدم أكثر ماستنت تسمع الباقي مشيت وطنشته
معاذ وهو واقف في مكانه :سحر تعالي.......انا ماخلصت
سحر مطنشته وماشيه
معاذ صرخ والناس الموجودين صاروا يطالعون فيهم (كان موجود ناس قليل مره لأن الوقت متاخر):سحرررررررر
سحر انتفضت من صرخته لكن مارجعت ...معاذ راح عندها وسحبها من شعرها بقوه:انا لما أقول ترجعين ترجعين
سحر كان شعرها يألمها لكن مابينت له :فك شعري وانا أرجع
معاذ انتبه ان الناس يطالعون فيهم فك شعرها ورجعو عند السيارة ....سكتوا شوي كانو يطالعون في بعض
معاذ:ليه تروحين الشقة؟؟؟؟
سحربتحدي:مو شغلك
معاذ أعصاب فلتت منه قال من بين أسنانه:لاتقولين مو شغلك.........انا مو حذرتك منهم
سحر ببرود يقهره:أنا أروح وين ما أبي (تأشر بيدها عليه)وانت آخر واحد تتدخل فيني..........روح أسأل زوجتك وين تروح وين تجي ... مو أنت مــــ
ماكملت كلامها إلا والكف الثاني جاها وهنا ماسكتت له طارت فيه وهي تبكي
سحر:خييييير أنت أش تبي فيني ....مو عندك سمر........ ليه تعذبني انا ماسويتلك شيء أنت تضرني من زمان وانا ساكته....روووح عني روح انا وحده كذابه ماحد يحبها ماعندها أهل يسألون عني أنا أبي خالد يسوي اللي يبي فيني أنا أكرهك(برجا) أبعد عني أبعد عني تكفيييين... كفايه عذاب...انا ماقدر أتحمل انا موقويه خلاص تعبت لاتكلمني أخرج من حياتي...كفايه اللي جا منك (طاحت على الأرض تبكي)
معاذ كان عارف أن سحر كاتمه بصدرها كل شيء كان ينرفزها عشان تتكلم وبعد ماطاحت وهي تبكي عرف أنها سحر القديمه سحر اللي ناقصها حنان وحب سحر اللي ماتعرف معنى القوه سحر اللي ترمي نفسها في حضنه عشان ترتاح جلس عندها في الأرض وجاء بيحضنها دفته بقوه :وخرررر عني انا مستاهل حضنك انا ماستاهل شيء أنا بنتحر وأموت احسن شيء عشان الكل يرتاح مني .
معاذ طالع في عيونها:وأنا......؟؟؟
سحر وقفت بكى وطالعت فيه باستغراب :أنت أيه؟؟
معاذ:أنا كيف أعيش ؟؟
سحر :معاذ لا تضحك علي .......روح لسمر خليها.. (رجعت تبكي وطلعت السيارة)
أما معاذ جلس مكانه وجلس يبكي بدون صوت بس دموعه تنزل مو عارف ليه يبكي غلطان ندمان حزنان على سحر مو عارف ليه
بعد نص ساعه هدأت سحر وهو هدي ركب السيارة وكانو ساكتين وبدون ولاكلمه حتى وووصلت البيت
الساعة 4:00 الفجر ....دخلت البيت وكالعادة ماحد يدري عنها دخلت غرفتها كانت تعبانه مرره رمت نفسه عالسرير ونامت....
ومعاذ رجع البيت ماقدرينام يحس أنه مخنوق صلى الفجر وقرأ قران وبعدها ارتاح ونام
.................................................. ...................
اليوم الثاني الساعة 12:00 ظهر
سلوى كانت في المستشفى ورجعت كان محمد جالس يقرأ الجريدة
سلوى مخنوقه:السلام عليكم
محمد:وعليكم السلام.......وين رحتي؟؟؟
سلوى:رحت عند وحده أزورها
محمد:اها........طيب نادي سحر عشان أكلمها
سلوى ندمت لما كلمته امس
سلوى:يمكن نايمه بعد ماصحت
محمد:صحيها....
سلوى:خلاص خليها حتى وتصحى
محمد بحزم:صحيها الحين
سلوى اتنهدت:طيب لكن لا تخاصمها أو تضربها
محمد بعدم اهتمام:طيب
طلعت تصحيها دخلت الغرفة ولقتها باردة مرره وسحرنايمه بالعبايا والجزمة ومومتغطية فتحت الستاير وقربت من سحر جلست عالسرير وحطت يدها على راس سحر وصارت تمسح على شعرها وتتأملها وتكلم نفسها: (متى قد مسكت شعرها؟؟؟متى قد لعبت معاها؟؟؟متى قلتلها أحبك؟؟أنا ليه أزعل منها؟؟؟ وأعصب عليها؟؟؟ليه أخاصمها وأتفشل منها قدام الناس؟؟؟؟أنا ماربيتها عشان أزعل منها...أنا ماربيتها زي ماربيت زياد وسمر...رميتها للخدامات يربونها...ماشفتها يوم نطقت اسمي ولا شفتها يوم مشت ولالعبت معاها ولا جلست معاها..مافتكر أول يوم راحت فيه عالمدرسة كنت معاها ولاّ لا ولاأعرف هي وش تحب وش تكره حتى ماعرف وين كانت أمس ليه نايمه كذا ماهتميت فيها لا أنا ولآمحمد ولاعطيناها نص
ماعطينا زياد وسمر من حب وحنان (طالعت في الغرفة)حتى الغرفة......ليه الفلوس غيرتني ....ليه الفلوس نستني أمومتي؟؟؟الله يمهل ولايهمل......على كثرة الفلوس والدنيا اللي انغريت فيها حط فيني بلى ماتشافا منه سامحيني ياسحر ربي وربك أخذ حقك مني ...)
قاطعها صوت سحر المبحوح:يمه وش تسوين هنا؟؟؟؟
سلوى:جيت أصحيك أبوك يبيك .
سحر قامت من النوم وجلست بخوف:وش يبي؟؟؟؟
سلوى ابتسمت:يبيك في موضوع......
سحر تطالع فيها بخوف باين عليها:ليه انا وش سويت ؟؟؟؟
سلوى حضنتها وسلمت عليها في راسها وسحر قرفت من امها لما قربت منها:سحر لاتخافين ذا أبوك مو غريب
قامت سلوى :قومي غيري ملابسك وغسلي وروحي له
فزت سحربسرعه خايفه استحمت ولبست بيجاما كم طويل لونها أبيض وفيها ورود ورديه خفيفه ....خرجت لمحمد لقته في الصالة اللي عند الغرف حقتهم جالس لوحده ويقرأ الجريدة
سحر:السلام عليكم
محمد بدون مايطالع فيها :وعليكم السلام....روحي أفطري وتعالي
سحر مالها نفس تاكل لكن عشان أبوها قالها راحت فطرت وكانت تفكر وش يبي أبوها منها ولما خلصت راحت لقته خلص من الجريدة
محمد:تعالي اجلسي
سحر جلست قدامه في كنبه بعيده عنه
محمد:وين كنتي امس؟؟
سحر عرفت ان أمهاعلمت أبوها وكرهتها مئة مره:كنت عند صاحبتي
محمد:من متى؟؟؟
سحر و كأنها في استجواب:من الظهر
محمد:ليه؟؟
سحر:اتغديت عندها
محمد:ولما متى جلستي عندها؟؟
سحر هنا ماعرفت ترد جات بنص الليل وش يعرفها متى أبوها نام:الساعة12
محمد :أها.......وليه ماحضرتي الملكة حقت أختك؟
سحر ماعرفت ترد لأنه ماعندها جواب محترم تقوله ..تطالع في الأرض:.........
محمد بصوت اعلى :أنا سألت .......ولما أسأل تطالعين فيني ....
سحر الخوف سارباين عليها:ما.......ماكان له داعي أجلس
محمد:أها ......وأمك مو قالت لك أجلسي وأنتي مارضيتي
سحر:ايوا
محمد بدأ يعصب:وقالت لك بعلم أبوك وقلتي كويس إذا عرفني
سحر ساكته قلبها في رجلها مستنيه الكف يجيها:....
محمد عصب من برودها وحس انها مو مهتمه:مو عيب بنت محترمه تتكلم عن أبوها بذي الطريقة
سحر: (مين قال انا محترمه) ......
محمد قام وراح جلس في الكنبة اللي بجنبها :سحر أنا مو أي أحد في ذا البيت أنا أبوك وولي أمرك
سحر : عارفه
محمد:ليه تتكلمين عني كذا أنتي ماتعرفين مين أنا........
سحر:إلا
قرب منها :والوحدة لما تغلط مو تعتذر....
سحر هنا فارت هي فين غلطت عشان تعتذر:أنا......آسفه
محمد عرف أنها تصرف الموضوع:هذا بالله أعتذار.....المهم أمك ثاني مره إذا قالت لك شيء يتنفذ فاهمه؟(بتهديد)ولا والله لأوريك النجوم في عز الظهر...........والحين روحي عن وجهي

سحرراحت للغرفة وهي مخنوقه وقبل ماتدخل ناني نادتها
ناني:سهر
سحر لفت عليها وكأنها لقت شيء مفقود:ناني........
ناني قربت من سحر بتحضنها لكن سحر دفتها بقوه وصرخت
سحر وهي تحك رقبتها بشكل غريب:لا......لاتمسكيني
ناني مستغربه:سهرأس فيه؟؟....أنا ماما ناني
سحر كانت تتذكر خالد لما يقرب منها وكانت تحس بنفسه في وجهها:مافي شيء .......وش تبين؟
ناني:أنا رايح كلاص......أنا في سافر عند أولاد
سحر انصدمت:هاااااااا...........وأنا؟؟
ناني دمعت عيونها :سامحني سهر بس أولاد أنا مهتاج انا
قربت منها وجت بتحضنها لكن سحر دفتها:لا تقربين مني........روحي عند أولادك ليه ترمينهم زي مارموني أهلي ......روحي عند أولادك
ناني وهي تبكي:سهر في سيء هصل معك؟؟؟؟انا أبغى أسلم عليك ...
سحر بدأت تبكي:وأنا كمان..... بس لاتقربين مني تكفين.....مع السلامة
ماكملت كلامها دخلت الغرفة وقفلت على نفسها الباب وسارت تبكي فقدت كل الناس اللي تحبهم وماباقي لها أي أحد........وسارت تفتكر اللي حصل معها أمس رمت نفسها في الأرض ورجعت للركن وسارت حاضنه نفسها وتبكي وتتخيل خالد قدامها وترفس برجلها في الهوا.......جلست طووول اليوم على هذا الحال ولا خرجت من الغرفة.......
.................................................. .........................
سمرصحت من النوم الساعة 2:00 ودخلت استحمت ولبست بلوزه مكتوب فيها...happy birth day to me وبنطلون جنز واستشورت شعرها ورفعته كله ولبست طوق وحطت كحل وماسكارا وقلوس وكان شكلها مره هادي وحلو....خرجت للصالة لقت أمها جالسه اتخصرت وصرخت
سمر:ماما.........اليوم عيد ميلاد
سلوى ابتسمت:عارفه...
سمرتتلفت يمين ويساروبعدين كشرت بدلع:ماما وين الحفله؟؟؟
سلوى:ماقدرت أعملك حفله عشان أبوك موجود في البيت.......اتصلي على صاحباتك وخليهم يجون هنا واعملي حفله مصغره في جناحك
سمر جلست وزعلت وسارت معصبه:مابتصل....أبي حفله كبيره .......دايما وانا أعمل حفله كبيره تبين البنات يتريقون علي...
سلوى:وليه يتريقون؟أصلا أغلبهم مايعرفون لعيدالميلاد طريق...واحمدي ربك أن حنا نسوي لك عيد ميلاد....شوفي سحر ولاقد سويت لها عيد ميلاد
سمر :يووووووو سحر سحر سحر...ليه دايما تقارنيني بسحر؟أنا غيروالبدويه غير
سلوى عصبت:احترمي نفسك ذي اختك .........وبعدين لاتنسين أصلك أنت بعد بدويه
سمر صرخت وحطت يدها على فمها:نووي أنا مو بدويه وععععع.....ماما بلييز لاتقولي عني كدا....
سلوى:أقوووول روحي ترى موفايقتلك.....أصلا الغلط مو منك من اللي رباك
سمر حست ان أمها زعلانه وأخلاقها قافله راحت عندها :ماما أش فيك؟شكلك تعبانه وجهك متغير
سلوى انقلب وجهها:هااا....لالا مافيني شيء ........(تغير الموضوع)خلاص بسويلك حفله..
سمر فرحت وحضنت امها وسلمت عليها:من جد......تسلمي ياحلى ام بالدنيا
سلوى ابتسمت:بس على شرط؟
سمر :آمري تدللي...
سلوى:سحر تروح معاك الحفله..
سمر وقفت وحطت يدينها على خصرها:نعـــــــــــــم ...........مس بوي تجي معي.....لالا بناقص الحفله اللي بتحضرها سحر....ليه تجي تبين البنات يتريقون علي زي ماترقوا عليك(جلست مكشره)
سلوى كانت عارفه أن ردت فعلها حتكون كذا:خلاص أنتي حره ........كنت بسويلك هي في الشيرتون..بس انتي ماتبين
سمر فتحت عيونها:هااااا.....قولي والله تسوينها لي في الشيرتون
سلوى:والله
سمر :والله تجي سحر وهي ماتشوف الطريق.....بس متى حتسوي الحفله؟
سلوى:وقت ماتوافق سحر..
سمر :الحين أجيب الموافقه..
راحت لغرفة سحر وقفت عند الباب وافتكرت الكلام اللي حصل بينهم.....هي محتاجه الحفله عشان تقابل خالد ولازم تتصالح مع سحر عشان تقابله .........وطبعا سمر ذكيه ولقت الحل ..دقت الباب على سحر مافتحت جلست تدق حتى وطفشت وانقهرت وراحت للغرفة معصبه مره ........بس مافي يدها شيء....اتصلت على خالد وكلمته
خالد:هلا والله بقلبي .......وينك ماتتصلي علي....ماوحشتك؟
سمر:لاوربي ياقلبي وحشتني مووووت.....بس طوول الفترة اللي راحت كنت مشغوله
خالد:أها ......كيفك وش أخبارك؟
سمر:تمام
خالد:تصدقي طول الليل ماأنام أفكر فيك وأحس نفسي متضايق....
سمر تلعب بشعرها:ليه؟؟
خالد:عاد هذي مايبغالها كلام ...وأنت عارفه ليه.......سوسو تعرفي أنا كنت أفكر وأقول هذي كم يوم سبتيني فيها أجل كيف لو ماتزوجتك.
سمر استحت:ههههه
خالد:ياقلبي اموت عالضحكه ذي
سمر:هههه لووودي خلاص
خالد:مستحيه؟؟
سمر:.....
خالد:السكوت علامة الرضا
سمر:ايوا لودي ........أبغى أقولك شيء ؟
خالد:هلا
سمر عضت على شفايفها:نفسك تشوفني؟؟
خالد: (وأخيرا جا اليوم)اليوم قبل بكره
سمر:خلاص طيب بس استنى كم يوم ؟
خالد:ليييييه؟
سمر:بيبي أنا اليوم عيد ميلادي وحسير 23 سنه
خالد:من جد مبررووك...هابي بيرث داي سوسو...
سمر:هههه تسلم
خالد:طيب متى أشوفك؟؟؟
سمر:ماعرف متى بالظبط بس حكلمك
خالد:خلاص اوك .........الحين بقفل وكلميني في الليل لاتصفيني زي أول
سمر:هههههههه من عيوني باي
خالد:باي
خالد:والله وجا دورك ياست سمر.....
وبدأ يفكر في الفريسة الجديدة.......
أما سمر راحت لغرفة سمرمره ثانيه دقت وفتحت لها الباب..........كانت سحر دوبها خارجه من الحمام لكن وجهها منفخ وعيونها حمر وباين عليها مصدومه من شيء
سحر ببرود:نعم؟؟؟
سمر تتكلم نجدي عشان تقنع سحر:أبي أكلمك في موضوع.....ممكن أدخل
سحر دخلت وسمر دخلت وقفلت الباب ....جلست سحر فوق السرير وجلست بجنبها سمر
سمر:أنا أبغى أكلمك في موضوع معاذ.....أنا عارفه أنك كارهتني ومو طايقتني........بس أبي أقولك أن أمه هي اللي خطبتني وانا ماقربت من معاذ.....أنا ماكنت أعرف أنك تحبينه ؟
سحر:أنا ماحبه
سمر تمشي الموضوع:طيب.....وخاله سعاد من زمان تبيني له يعني الكلام مو جديد.......
سحر:الحين وش تبين؟؟؟
سمر حطت يدها على كتف سحر:أبغاك تكونيني مو افقه على زواجي.......وإذا مو موافقه أفركشه الحين
سحر طالعت فيها وكأنها تقول بلا كذب
سمر:انا عارفه أنك مو مصدقتني لكن انا اتغيرت ياسحر وأبغى أبدا صفحه جديده معاك....قولي موافقه ولا لا؟
أنتي اختي ويهمني رايك
سحر بدأت تقتنع بكلام سمر:...
سمر:أنا أتكلم من جد إذا في معاذ شيء خطأ وبيضرني إذا تزوجته قولي عليه
سحر:معاذ مافيه شيء وكويس و... (سكتت)
سمر:ويستاهلني ؟؟؟سحر أمانه عليك لاتخليني ادخل على ذا الزواج بالغلط
سحر:خلاص معاذ ولد كويس وكل البنات يتمنونه والله يهنيك معاه
سمر حضنت سحر بقوه:تسلمين سحور ياقلبي
سحرابتسمت:...
سمر:وإذا من جد تحبيني وتبين لي الخير ومافي قلبك شيء علي .....تعالي عيد ميلادي
سحر طالعت فيها بنص عين:..
سمر تترجاها:تكفين أختي إذا تحبيني تعالي شوي وروحي لاتطولين
سحر:خلاص طيب
وقفت سمر ومسكت يد سحر:تعالي أبشر ماما
طلعوا الصالة عند سلوى
سمر مسكت سحرمن خصرها وسلمت عليها في خدها:ماما سوسو العسل حتجي عيد ميلادي
سلوى :هههههه وأخيرا اقتنعت
سحر كانت ساكته بدون ولا كلمه
سمر:أنا بروح أتصل على صاحباتي وأجهز كل شيء.....وأنتي ياماما جهزي كمان القاعه والبوفيه
سحر رجعت لغرفتها وقبل ماتدخل وقفتها سلوى
سلوى:سحر؟؟؟وش فيه وجهك مقلوب؟؟؟
سحر ارتبكت:مافيه شيء عادي
سلوى وهي تتفحص وجه سحر:إلا فيك شيء ......عيونك حمر وكأنك تبكين........ولا خرجتي اليوم من غرفتك
سحر تضيع الموضوع:يوووووه مافيني شيء بس جات العاده وبطني وجسمي قالب علي
سلوى:الله كل هذا عشانها جاتك
سحر:أنا دايما كذا أحب انطوي على نفسي إذا جات....لاني أعصابي تفلت إذا أحد نرفزني
سلوى تبغى سحر تبقى هاديه:خلاص براحتك
دخلت سحر عالغرفة وسارت تفكر في كلام سمر : (معقوله سمر تغيرت.....لا وجايه تاخذ رايي ......أكيد تغيرت وتبغاني أحضر عيد ميلادها كمان........من جد أنا ظلمتها .......خلاص خليها تتهنئ مع معاذ يمكن يطلعون ثنائي حلوو.....وأنا مابفكر في معاذ خلاص((كذابه))كل واحد يروح في طريقه أفضل شيء)رجعت لدوامتها القديمة خالد النذل الحقير.......انسدحت ونامت وكانت كوابيسها كلها مع خالد .......
..................................................

في بريطانيا
زياد عرف القرية وقرر أنه يروح لها ......جهزأغراضه ومشي كان هذا آخر مكان يدور فيه......سأل الناس ودلوه على البيت لكن قالوا أن البيت مهجور وقديم وماحد ساكن فيه وفي منطقه منعزله......كان يمشي في طريق ترابي ومنعزل مافيه بيوت ولاحياه اتوقع أنه غلط ولكن في الأخير شاف بيت قديم لوحده ومافي شيء حوله غيرالاشجار الخضرا وبس يعني خلا خالي والرب عالي ((طبعا هناك الطبيعه خلابه مو زينا الحمدلله))
المهم.....نزل من السيارة وكان حاس بالخوف شوي لان المكان مايأهل أن أحد يعيش فيه....لكن أستغرب من شيء أن المكان نظيف يعني مافيه غبار في الدرج ولا عناكب وحشرات ولاشيء من هذا اوكل على الله ودق الباب.........وماحد رد.....دق دق دق في الاخير سمى بالله وفتح الباب بشويش ودخل لقي المكان مرتب ونظيف الكنب نظيف والمكاتب ماعليها غبار وريحة النظافة في البيت وشاف كتب مرميه في الارض وكوب كوفي مخلص....عرف أن شذى هنا ......دخل المطبخ لقاه نظيف فتح الثلاجه لقى فيها أكل ((البيت صغير صاله جلوس والمطبخ مفتوح عليها (سيرفس) وفي درج من المطبخ يطلع على فوق وفوق فيه غرفتين نوم وحمامين غرفه كبيره الرئيسيه وفيها حمام وغرفه ثانيه صغيره وبجنبها الحمام )) طلع معاذ فوق جاء بيفتح باب الغرفة الكبيره لقيها مقفله ولقي باب الغرفة الثانية مفتوحه دخلها لقي شذى نايمه فوق السرير اتجنن كانت مشاعره متلخبطه فرحان وندمان مبسوط وزعلان قرب منها كان شكلها متغير من تحت عيونها أسود ونحفانه مره وباين عليها التعب والبهذله لاشعوريا حط يده على رأسها وسار يمسح على شعرها ويتذكر اليوم اللي اغتصبها فيه..... شذى حست بأحد عندها فتحت عيونها بهدوء اتوقعت نفسها تحلم زي كل يوم لكن ذي المرة حقيقه مو كذب صرخت بكل قوتها زياد حط يده على فمها
زياد:لاتصرخين مابسويلك شيء.......اسكتي والله ماسويلك شيء
شذى دفته بكل قوتها مسكت الشرشف حق السرير وبدأت تترجاه
شذى وهي تبكي:تكفين واللي يرحم أبوك أبعد عني......والله ماسويلك شيء أبعد عني بس
زياد وقف مكانه ولاتحرك:طيب مابقرب لاتبكين أنا جاي أصلح اللي خربته
شذى سكتت وسارت تسمعله:.........
زياد ارتاح لمن هدأت:أنا أبغى أتزوجك و..
ماكمل كلامه لان شذى صرخت بصوت أعلى:لا مابيك أبعد عني لالا.....أنت ماتصلح تكون زوجي
زياد قرب منها يبغى يهديها لكن هي رجعت لنهاية السرير وطاحت عالارض قرب منها يبغى يشوف صار لها شيء لكن هي رجعت للجدار واستندت عليه ومسكت الشرشف بقوه
شذى:زياد تكفين أبعد واللي يرحم أبوك اتركني هنا لحالي أموت.........مابي شيء منك مابي أتزوج أبي أموت من المكان اللي أنولدت فيه اتركني الله يخليك والله مااهينك قدام أحد ولا أسويلك شيء بس أبعد عني تكفين لاتقرب مني.......زياد أبوس رجولك أبعد عني
قربت تبغى تبوس رجله لكن دفها وخرج من الغرفة وطلع للسيارة وطلع أغراضه ودخلهم للصاله فضّا الشنطه وحطهم في درج المكتبه وأخذ لحاف ومخده وحطهم على الكنبه يعني ماخذ الصاله له وقرر أنه يخدمها ويعوضها بكل شيء حتى وترضى عنه وتتزوجه بعدها
................. بعد كم يوم
كان زياد دايما يعملها الاكل ويطلعه الغرفة ويتفنن في الاكل......كانت فارة تجارب لانو مايعرف يطبخ لكن مع الايام صار فيه طعم للأكل......أما شذى ماتخرج من الغرفة أبدا وملازمتها وماتاكل شيء من اللي يجيبه غير الاشياء الي تجي من برا والمويه والعصيرات بس لانها تتوقع أنه يحط لها سم لكن هي حاسه أنه متغير لكن تتوقع أنها حركة نذاله منه زي أول مره......
قامت شذى من النوم ودخلت استحمت وخرجت وحست نفسها بتموت جوووع قررت تنزل وتطرده خلاص هي مابتخاف منه وبترجع شذى القويه اللي ماحد يهزها........نزلت بشويش ودخلت المطبخ وأخذت لها كيس عيش توست وعلبة جبنه وقارورة مويه كبيره وطلعتها فوق الغرفة ورجعت نزلت واخذت كاسة مويه وطلعت للصاله ولقتها معفوسه(معلومه شذى تحب الترتيب مرره)اتنرفزت من شكل الصالة وجمعت كل قواها وقربت من زياد وطشت المويه عليه .......زياد قام مفجوع ومن الخوف صرخ فيها بكل قوته
زياد:هبلا أنتي ......موكذا الناس تصحي
شذى ارتعشت من قوة الصرخه ووجهها صار ألوان من الخوف لكن تقاوم وتمثل القوه بلعت ريقها:اطلع برا بيتي
زياد توه استوعب أن شذى خرجت من الغرفة هديت أعصابه طالع فيها وابتسم وبصوت راايق:أخيرا خلص الاعتكاف حقك
شذى استغربت منه كان معصب وبسرعه راااااق من جد يحير:أنا أتكلم.....أخررج من بيتي(تاشر عالباب)
زياد ضحك:ههههه وإذا قلت مابي
شذى:بتصل عالشرطه
زياد أخذ التلفون وأعطاها:خذي دقي ولاّ أنا أدق أبلغ عن نفسي
شذى شكت بالموضوع أخذت التلفون وجلست على كنبه بعيده ورفعت السماعه ودقت....طالعت فيه بحقد:ليه تفصله؟؟(بكل انتصار) ماقد سمعت عن الجوال
زياد وقف راح غسل وجه ورجع فتح واحد من الادراج حقت الصاله وطلع جوالها مكسور
هنا شذى فارت وقفت وصارت تصرخ:أنت بأي حق تكسره؟ماتعرف الخصوصيات.....أنت ماعرفت تتربى من جد قلة أدب....
زياد بكل برود طلع ملابس له طالع فيها :يلا على يدك ربيني
شذى عرفت أن الكلام معاه ماينفع طلعت لغرفتها وقفلت باب الغرفة وصارت تبكي من القهر والخوف...
زياد انبه ضميره جا يبغى يكحلها عماها من جد مايعرف يتعامل....راح غير ملابسه وعمل فطور لها وطلعه وصار يدق الباب ويسمع شهقاتها ويتألم...دق دق دق دق دق دق دق دق دق
زياد بعد ماتعب وهو يدق:شذى إذا فتحتي الحين بروح واسيبك
شذى بين البكى:لا تكذب علي
زياد:أنتي افتحي وشوفي إذا مارحت
شذى:......
زياد:والله لو فتحتي الحين(بصوت واطي ماتسمعه)ونفذتي اللي ابيه (بصوت عالي) لروح
شذى قامت مسحت دموعها ورتبت شكلها (الحين موتكره ليش ترتب نفسها وتطلع حلوه قدامه) فتحت الباب بتردد
زياد ابتسم :والله لوفتحتي الحين ونفذتي اللي أبيه لروح
شذى :أنت حلفت بربك أنك تروح
زياد:طيب اللي حلفته لو فتحتي الباب ونفذتي شروطي لروح
شذى:أعوذ بالله من أبليس........وش تبي خلصني ترى اكرهك كره مابيك مابيك ابيك تبعد بأي طريقه....تعرف بأعطيك اللي تبيه بس روحـ...
ماكملت كلامها إلا وكف جاها على وجهها
زياد بعصبيه وصراخ:مابيك تعيدين الكلام ذا فاهمه؟
شذى من الخوف حطت يدها على وجهها وصارت تبكي:طيب لا تصارخ....مو هذا اللي تبيه مني....مو هذا اللي ضيعتني عشانه.....
زياد دمعت عيونه وتكلم من بين أسنانه:شذى.....أنا أول غلطت لكن الحين جيت اصحح غلطي وأنا أبي أنسى الماضي
شذى :بس انا ماقدر.....الماضي صعب أنساه (اشرت عليه بحقد)أنت ضيعتني ولازم تستسلم للامر الواقع وتصدق
زياد دفها ودخلها الغرفة وسحب الصحن ودخله عندها:إذا بتنزلين عندي تسميني بالكلام ذا.....فعرفي أني مابصلح غلطتي بكمل الغلطة بموتك(نزل تحت)
شذى بلعت ريقها ونفذت أوامره وقررت انها ماتفتح الموضوع مره ثانيه عشان ماتموت لانه ذا الولد جدي واللي يقوله ينفذه
.................................................. ..................
.................................................. .................

انتهي