رواية سعوديه/ احباب في مقبره الحب الفصل الأول 1 - بقلم مارسلين

هذه الروايه للمبدعه والمتألقه دائماً,,,,(( دجه ورجه وفله))
:
/
:

اتمنى لكـــــــــــم قرأه ممتعه ,,,,,,,,,,,,,محبتكم دائما
مارسلين 

.
.
.

أحيانا تحس أن القلم والورقة تناديك لتكتب كل مابداخلك فتبدأ بالكتابة حتى تتوصل لشيء....
أما رواية أو شعر أوخاطرة أو مقاله أو......ألخ
((من القلب للقلب))
هذه أول رواية لي وأتمنى أن تنال إعجاب كل من يقرأها....
أريدكم أن تساعدوني في روايتي
فأنا سأضع قلبي بين يديها سأضع كل ما أحس به وستصف نفسيتي وما أشعر به

أحيانا تكون القلوب قاسية ومتحجره ولكن هل سألنا أنفسنا لماذا هي هكذا متحجره؟ لماذا هي كريهه؟ لماذا لا توجد بقعه بيضاء في قلوبهم؟؟؟؟
ربما لأنها أرق القلوب تخفي المشاعر وتظهرها بطريقة الكره
لأنها
تخاف أن تصدم بحبها
تخاف أن تجرح بسبب حبها...
تخاف أن تقتل عندما تعترف بحبها ....
تخاف أن تموت في مقبرة الحب بدل الموت في مقبرة الأموات....

بسم الله الرحمن الرحيم
الشخصيات
سحر :عمرها 17 سنه وبصراحه غلطوا اهلها لما سموها سحر لأنه ما فيها شي يسحر متقلبة المزاج وانطوائية ما تحب الجنس الناعم و المايع ولا تحب تجلس معاهم، تحب الأولاد والجلسة معاهم هناك تشوف نفسها قصيره وبرونزيه شعرها أسود غجري(كيرلي) طويل لنهاية ظهرها عيونها واسعه وانفها طويل وفمها صغير جسمها مره حلو لكن مايبان لانها تلبس ملابس اولادو ملامحها الحلوه تختفي ماتهتم لمجتمع( الهاي كلاس) ابدا .

سمر: 22سنه جامعه (نظم حاسب) بنوته بمعنى الكلمة طويله وبيضاء ملامحها طفولية شعرها بني (عالموضه) قاصته مدرج لنص ظهرها عيونها صغيره عسلية وانفها صغير فمها صغير وجهها دائري نحيفه مره عاظمها بارزة ، اجتماعيه مره اللكل يحبها عشانها بنت رجال معروف واللكل يتقرب منها لمكانتها ابوها مغرورة شوية.

زياد:24سنه يدرس (حقوق)بره السعودية ملامحه سعودية مره يبان فيه العرق النجدي لكن مملوح و نسونجي وعصبي مرره وأفعاله غير متنبئ فيها رجل سعودي متمسك بالعادات والتقاليد بعكس ابوه .

سلوى:إحدى سيدات المجتمع المرموق تحب المظاهر، ربة منزل تحب تاخذ بنتها سمر معها في الجمعات النسائية لتفتخرفيها قدام الحريم وتتفشل من سحر مررررررررررررره وما تقول لزياد دلوعها لاابدا.

الشيخ محمد: الأب الغير موجود في العائله له أكبر شركة محماه في السعودية ولها أكثر من فرع في المملكة يعطي الحرية الكاملة للعياله يحب زوجته مره لما تتفاخر فيه ومهتم بمكانته في المجتمع .
يعتبرون ماديا أحسن ناس في عائلتهم لأن محمد مثال للولد اللي خرج من مجتمع العادي لمجتمع (الهاي كلاس) باقي أهلهم من المجتمع المتوسط ومالهم صلة ببعض مره لأنهم في الرياض وخالد في جده ولأنه المال يغير الانسان .

بيتهم كبير فيه كل وسائل الترفيه والترف مسبح و جاكوزي وسونا وحديقه كبيره وباركنق للسيارات ومسافه كبيره من البوابه للفليلا ونافوره عند باب الفيلا و سواقيين واحد لسمر و سحر واحد لمدام سلوى وواحد لأغراض البيت وواحد للشيخ محمد،وخدامات كثير كل وحده مسؤوله عن شيء وأهم وحده (دادا ناني )مهمته بالبنات.
.................................................. .................................................. ....................
كانت سلوى عامله حفله لصحباتها في بيتها نادت لناني
سلوى: روحي لسوسو و قوليلها تجهز عشان الحفلة اليوم.
ناني : وسهر مدام كلم كمان .
سلوى:لا.. تبغي تفشليني قدام صاحباتي .

راحت ناني لسمر .. سمر لها جناح خاص بباب يخرج برا على الباركنق وحمام بغرفة ومطبخ صغير وصالة كبيره متكامله لحفلات dj)) من التي في البلازما واستريو وإضاءة الحفلات الملونه وغرفتها كبيره فيها السرير الضخم(لشخصين) وتسريحه ودولاب الملابس اللي ماخذ جداريين من الغرفه.
ناني دقت باب الغرفة ودخلت: مس سوسو مدام سلوى في قول قوم اتجهز في هفله اليوم .
سمر تأفأفت :يوووه....يالله ليه ما قالت من زمان ؟... كم الساعه دحين؟
ناني :سلاسه زهر.
سمر: خلاص قايمه اطلعي برا ...وجهزي فطوري.
ناني: اوكيه.
قامت سمر وراحت استحمت وخرجت ولبست تنوره قصيره مره خصر نازل (لويست) جينز غامق وبلوزه ابيض ماسكه وفوقها بلوزه ثانيه من عند البطن ماسكه ومن عند الصدر واسعه طايحه من كتف وكتف ماسكه لونها رمادي وفيها رسمت بنت بالفوشي وكتابات بالأصفر والأخضر الفسفوري يعني لبسها مرررررررررررررررره كو ل استشورت غرتها وعملت بف صغير وحطت فيونكه فوشي .
خرجت الصاله طالعت بالفطور اخذت البيبسي و قطعة كورسون راحت لأمها عشان تشوفها وتمدحها شويه وتنفخ ريشتها.. سمعت صوت صراخ في غرفة سحر مشيت للغرفة لقيت الباب مفتوح وصوت صراخ ناني عالي
سمر:سحر اشبك؟ (سمر وسحر علاقتهم مو مره مع بعض لكن سمر تحن على سحرأحيانا وتغار منها مرررررررره مع أنه ماحد مهتم فيها لكن ماتحب أحد يهتم فيها أبدا وتحب يكون الإهتمام عليها وبس)
ناني : أنا في خاصم هو عشان مافي روح مدرسه .....هازا مافي روح مدرسه اسبوعين
سمر شهقت:اسبوعين! يا لظالمه حتى أنا ما عملتها و انا في الجامعه.
سحر ولا هامها الموضوع:أصلا تخاصمت مع المديره ونص ابلات المدرسه .......................وتبيني اروح كمان؟
سمر بغرور:ماتعرفي انت بنت مين....؟
سحر بلامبالاة: ياشيخه روحي.....أصلا ما وداني في داهيه إلا اسمي
سمر: المهم........ اليوم حتجلسي في البيت ولاراح تخرجي
سحر اتنهدت:مادري
سمر:روحي أي مكان عشان ماما ما تهزأك ...
سحر تبغى تنسى الحفلة حضنت ناني وسلمت عليها :اليوم الموعد حقي ..صح؟(تضيع الموضوع)
ناني فهمت عليها:ايوا
سمر:موعد أيه؟
سحر تبغى تقهرها:موعد ما يخصك
سمر انقهرت وقالت من بين أسنانها:والله زمن ...الشغالة تعرف وأنا ما أعرف (طالعت في الغرفة )انت ليه غرفتك مكتومه؟
سحر :عشان أنتي موجوده فيها
غرفة سحر غير عن غرف سمر و زياد هماّ جناح وهي غرفة بحمام لونها أبيض خافت وكلها صور للاعبين مشهورين وفنانين وصور لها مبروزه ومحطوطه بشكل مرتب وإضاءتها أزرق و أبيض وأخضر و أصفر و وأحمر خافته والسيراميك أسود فيه خطوط أبيض ورمادي وسريرها منفرد(لشخص واحد) وفيها كنبه صغيره ومكتبه صغيره فيها tv وdvd يعني غرفتها صغيرة رايقه وهاديه مره بالنسبة للبيت الكبير بس لو تشيل الصور.
خرجت ناني لأنها عارفه أنه راح تبدأ معركة ودخلت سلوى
سمر بغرور:أصلا تتشرفي أني أدخل غرفتك ....ماما هاي (راحت لسلوى حضنتها وسلمت عليها) أش رايك في لبسي ؟
سلوى تطالع في سحر أللي قامت لعند الدولاب تطلع ملابس :مره حلو ...........بس لو تعلمي غيرك
سحر طلعت بنطلون جنز زيتي كله جيوب وتي شيرت أبيض وعليه صورة بيكهام واصل لنص فخذها وواسع عليها
سحر ببرود وقلة أدب:أنا اللي بلبسها ولا أنتي؟
سلوى اتنرفزت: عيب عليك ....أصلا ذي ملابس قليلات أدب..... ماصخه تلبس ملابس معفنه ...فاكره نفسك رجال ترى أنتي بنت (طالعت في التي شيرت)أصلا مو منك من العريان هذا
سحرمسكت التي شيرت وحضنته وسلمت عليه :أموت بالعريان هذا(الأخ بيكهام متصور بالبوكسر بس) .............لو جاء العريان بعتك.... تبريت منكم بس عشان أجلس معاه شويه
سلوى تصارخ:انت وحدة قليلة ادب وماعرفت أربيك.
خرجت من الغرفة
سحر وسمر:ههههههههههههههه
سحر :مره اللي يشوفها يقول ربتني ..
سمر :سحر بلا قلة أدب..
سحر:روحي عني عامله فيها مؤدبه
دق جوال سمر وراحت لغرفتها
.................................................. .................................................. ....................

سمر بغرفتها:حبيبي والله مااقدر...اليوم ماما عازمه صاحبتها عندنا .
خالد :والله حرام عليك تعذبيني كذا..........أعرفك من سنتين ولا أشوفك .........كل هذا مو واثقه فيني
سمر: لا والله واثقه وبقوه كمان بس مو فاضيه .......(بدلع) بس أنا لما أشوفك لازم يكون في يوم مميزمو
خالد طبعا حيكون يوم مميز فيه فضيحتك على كل لسان ) طبعا لازم يكون يوم مميز وخصوصا لما تكون زوجتي.
سمر طارت من الفرح :ههههه حبيبي أعطيني بوسه بقوه .........ألخ
والباقي معروف كلام غلطxعيب .....
.................................................. .................................................. .....................................

الساعة 6المغرب والناس مالين الفيلا ، صالة فيهاdjوصالة حريم جالسين فيها والدور الثاني مليان بنات كثير وكأنه مو بيت مرقص أو قاعه
منال: سلوى ماشالله على بنتك سمر تأخذ العقل...شكلي راح أخذها لولدي
سلوى:ههههه أنا موافقه بس أهم شي هي ترضى
سعاد:لاوألف لا سمر لولدي أنا وبس
منال: لا يا حبيبتي أنا قلت أول هههه
سعاد:والله ولدي مره وسيم وحلو وأنا أعرف ذوق سمر..... وراح ترضى فيه على طول
سلوى: والله اللي تأخذ رضاها تأخذ سمر ولدها
.................................................. .................................................. .....................................

في نفس البيت بين أصوات الأغاني العالية والصراخ والضحك في غرفة هادئه جالسه على السرير حاطه البي أس بي في اذنها وتسمع لمحمد عبده فنان العرب أغنية قسوه وماسكه الجوال في يدها تبغى تبعد الأصوات اللي برا عنها ومغمضه عيونها وعايشه جو مع الأغنية تذكرت صاحبها معاذ دقت عليه يجي يسليها
سحر:ألوووووووووووووووووووووو
معاذ:وجع أذني ياحيوانه
سحر:ههههههه كيفك؟
معاذ: تمام
سحر: وينك؟
معاذ:انا بالميجا مول مع الشباب
سحر بفرح: والله ....أنا جايه
معاذ: لا..لا تجي هذولا مو اللي في الشقه
سحر :طيب عادي
معاذ عصب:لامو عادي هذولا ما عندهم عادي
سحر بخيبه:طيب أنا طفشانه ...مر عليّ ولا أجيك
معاذ: لا أنا حاجيك على صلاة العشا أنا عندك.....بس لاتتأخري
سحر k....باي
معاذ:سحورتي ....زعلانه
سحر:لا ........سلوى عازمه صاحباتها كلهم ...وأنا مخنوقه مره
معاذ:طنشي ولاتهتمي .............(بفرح)والله لا أخليك تكرهين اليوم اللي خرجتك فيه وبخلكتفلين اليوم مره وعلى راحتك.....وش تبين بعد
سحر:ههههههههههه يلا باي
معاذ:باي سحورتي(معاذ الوحيد اللي يدلع سحر)
ضحكت سحرعلى معاذ هي عارفه أنه ذحين قلبه معاها لأنه يعرف حركات أمها وش راح تسوي فيها (معاذ هو صاحب سحر المقرب لدرجه ولا أحد يتصورها هو صاحبتها وأختها و أمها و أهلها وكل شيء بحياتها ما عندها صاحبات كلهم أولاد وعن طريق معاذ لأنه مايضمن أي أحد عليها. تروح معاه شقق عند الأولاد ( لايروح تفكيركم بعيد) تلعب بلوت و كون كان وكوره وضحك و وناسه بس وكأنها ولد مو بنت عشان كذا ما تلبس إلا ملابس أولاد بس قدامهم تجلس بالعباية أما معاذ فتعتبره أخوها و تفصخ عبايتها عادي.... ولازم كل يوم تروح معاه أي مكان زي الشباب)
قررت تخرج من الغرفة تروح تأكل أي شيء ميته من الجوع أخذت نفس عميق وخرجت وياليت ما خرجت شافت الصاله مليانه بنات وكلهم مشخلعين وكأنهم نسخ من اختها سمر تنانير قصيره و شورتات وبودي ضيق ومفتوح الظهر وداخلين خارجين وكأنهم في بيوتهم وكان شكلها شاذ مره بينهم. كانت تبغى تصرخ عليهم وتقول )مو بيتكم عشان تعملوا كذا) بس هي عارفه سلوى أش راح تعمل فيها
شافت وحده بنت شايله صندوق خاص لسمر وممنوع لأي أحد يمسكه مهما سار
سحر:هي هي تعالي مين سمحلك تأخذي هذا الصندوق؟
رناد طالعت فيها محتقرتها: موشغلك..
مسكتها سحر من يدها بقوه:حلوه ذي بيت أبوي وتقولين مو شغلك..
عبير:فكي يدي وجع ..........وبعدين تبي تقنعيني أنه أنت أخت سوسو ...............لو وحده زيك مع سوسو في نفس البيت ما حتتركها في حالها
فكت يد البنت وقالت سحر بغباء: أش قصدك؟
رناد:ههههههههههه شاذه ومو فاهمه أش أقول.
انصدمت من كلام البنت ما توقعت لهذه الدرجة الوقاحة توصل فيها أنا وسمور؟... ليه أنا مو وسخه... وش عرفها فيني عشان تقول هذا الكلام؟...) انخنقت سحر من كلام البنت واتمنت إنها ما خرجت من الغرفة جلست عالدرج وسارت تطالع في الطالع والنازل وتشوف منهم نفس النظره إحتقار وبس دق جوالها وقطع تفكيرها (لا تخاف من الزمان الزمن ماله أمان .... )
خالد:سحرررررررررررررررررر ....وينك يا بنت الحلوين
سحر:خلوّوووووووووووووود كيفك يابن الملعونه
خالد:أفا ....يلا عشانها منك مقبولة يا قلبي... يا عمري.... يا حياتي
سحر:والله لو ماتحترم نفسك لأقفل في وجهك
خالد:خلاص ماراح أقول ...راح اكتم في قلبي بس عشانك (والله مو ناقص اللي أنتي يا يالبزتكتميني)
سحر طفشان تخرجي معاي....؟؟؟
سحر ليه بايعه نفسي أخرج مع وحد نذل زيك)لا أنا معاذ حيمر علياّ
خالد:طيب............ بروح الشقة وقابلوني هناك.
سحر:والله مادري أشوف واكلمك ok
خالد:خلاص ممكن تعطينيbig kiss
سحر:أصلا أنت ابن(عيب) تبغى الواحد يلعن شكلك عشان تتربى يا(عيب)
قفلت في وجهه خالد:خليك يا سحر قد اللي تقوليه إذا ما ربيتك ..زي ما رباك معاذ ما أكون خالد
.................................................. .................................................. ..........................

نزلت سحر عالمطبخ وكان وقت الصلاة وكان الهدوء مالي الجو وكانت تسمع وشوشة الحريم والبنات عنها(بأمانة هذا شكل بنت...........هذا الحلو ليه هنا شكله يبغى ال(عيب) ههههههه..............هذي بنت مين والله لو بنتي كان قتلتها..........عامله فيها ميته على بيكهام هههههههه)أول مره تحس بهذا الإحساس وكأن سلوى معاها حق لما تهزأها سحبتها سلوى عالمطبخ من كتفها وقالت من بين اسنانها:انتي وش جايبك هنا .....ليه ماخرجتي ؟....تبغين تفشليني قدام الناس ......الله يبلاك ببلوه ما تسلمين منها
سحرصرخت:الله يبلاك أنتي .........احترمي نفسك.......أنا جايه أكل بموت من الجوع
سلوى:يجعلها موتت الآخره يارب.... انقلعي عالغرفة و بتجيبلك ناني الأكل فوق...
سحر ببرود يقهر سلوى:بسررررعه
الناس طبعا سمعوا صراخها ولما خرجت من المطبخ اللكل يطالع فيها وبانوا الناس اللي يحبون التفشيل كانت سحر طالعه عالدرج..
نوره بإستهزاء والصالة هادئة :مين الحلوة دي؟ههههه (وقفت سحر و طالعت فيها بنص عين) بنت مين ياقمر؟هههههه(نص اللي في الصالة ضحكوا)
نزلت سحر وبخطوات ثقه وقفت قدام نوره الجالسة
سحر:الحلوة والقمر هذي اللي ماهي بعاجبتك بنت صاحب البيت (شهقوا الحريم ما صدقوا انه سلوى عندها بنت زي كذا وخصوصا إنه سلوى وسمر من اكثر الناس أناقه وجمال والحريم تقدي فيهم و اللكل يتمنى نص اللي عندهم) وإذا مو عاجبك ضفي وجهك وبدون مطرود..... هاهاي حريم آخر زمن في بيتي وتتفلسف كمان (سحر مبسوطه إنها فشلت سلوى ومبسوطه من الصدمة على وجه الناس لأنها بنتسلوى اللي ماقد شافوها)
الحرمة مصدومه وتبغى تلم وجهها بعد اللي سمعته وقفت: مو أنا اللي أنطرد...........
سلوى من ورا سحر:ما عاش اللي يطردك (وجهها أحمر من الفشيله )وسحر دحين بتعتذر
سحر:ههههاي ...حلم أبيلـــــــــــــــس في الجنة.........(قربت من سلوى وحطت عينها في عين سلوى وبقوه قالت) تحلمين تشوفيني أعتذر....لا وأعتذر لزبالة كمان ...
ماكملت كلامها إلا وكف أنطبع على وجهها من أمها و صحاها إنه في ناس حولهم شهقوا بقووووووووووووووووه
قربت من أمها وابتسمت و لادمعه نزلة من عينها ناظرت فيها بعتب:اضربي............بيني للحريم إنك امي مو سلوى (طالعت عالحريم بنص عين)... بصراحه أول مره احس أنك أم .....أو يمكن أم لي تربيني غيرناني .
طلعت ودخلت سكاكين في قلب أمها اللي كان نفسها تمسكها وتضربها عشان تحسسها أنها ام ...إذا بهذه الطريقة تحسسها إنها أمها مو سلوى.
سلوى: سامحيني يا نوره تعرفي البنات وهبلهم.(والله لأوريك يا سحر تفشليني قدام الحريم)
سعاد: لا نوره قلبها طيب وتسامح .....هذي فترة المراهقة دايم كذا البنات .........عادي
نوره: والله لومو معزتك كبيره في قلبي كان وريتها............بس خلاص ماصار شيء...................شغلي الأغاني نرقص شويه ننسى.
سلوى: ( كمان تغلطين عليها وتبغين توريها ........ناس قليلة أدب) من عيوني .......(ابتسمت)قومي نرقص أنا وانتي.
.........وكأنه مافي قلب ينحرق...............
.................................................. .................................................. ....................

رهف :سمر لو شفتي اللي صار اللي تحت
سمر:اش سار
رهف :عندك أخت بويه (مسترجله) وما تقولين..؟؟
سمراتفشلت:ها....سحر ههههههه..لا يغرك شكلها ترى هبله طنشيك منها .
رهف:اتخاصمت مع مامتك قدام الحريم وتضاربت مع خاله نوره.
سمر شهقت: قدام الحريم كلهم .......
رهف: وأمك اعطتها كف على وجهها معتبر
رناد:أحسن..أنا اول مسكت يدي و عورتني
سمر عصبت :احترمي نفسك...لا ألطشك كف زيها..........ايوا رهف كملي
رناد شمقت فيها: (أقص يدي إذا مافيه شيء بينك وبينها)
رهف:والكف كان قوي ........وفوق هذا كله مابكيت.......بنت سبع مو زينا
سمر ارتاحت :هههههههههههههه بنت بنوت............و ينها؟
رهف : دخلت غرفتها .......مشيت وراها ولا سمعتها تبكي ولا شيء وكأنها ما عملت شيء
سمر:هههههههههههههه والله أنها مجنونه....هذي سحر ممسوح الحيا من وجهها
.................................................. .................................................. ....................

أضحك والقلب يبكي من أعز الناس......

مين يأكل كف وما ينجرح وخصوصا لما تكون أول مره وقدام الناس يعني فيه شهود لأول كف بحياتك ...تخيل
دخلت غرفتها جلست عالسرير مصدومه دقت على معاذ
معاذ:هاااااااا....... خلاص أنا جاي في الطريق ما راح أتأخر...
سحر وصوتها متغير:يلا انا ....أستناك
معاذ:سحورتي فيك شيء؟
سحر:لا (بدأت تبكي) بسرعه تعال ........من الباب الخلفي الأول
معاذ خاف :طيب... سحورتي أنا جاي ........(يبغى يهديها) خذي نفسي وغني ...باي
(معلومه:سحر ومعاذ أصواتهم حلوه صوت سحر شبه صوت شيرين وأبراهيم الحكمي حاد وفيه بحه ناعمه وحلوه ومعاذ صوته شبه صوت راشد كله أحساس ..عندهم صفه مشتركه لما يزعلون يغنون بالأغنية اللي تناسب الموقف بهذه الطريقه يفضفضون علي في قلبهم ) قفلت وأخذت العبايا وشنطه((hand bag وحطت فيها كم لبس ومسحت دموعها ودقت على سمر
سمر ترقص وحاطه الجوال عالسيالنت في جيبها بس يهز وقاعده ترقص مع البنات دق جوالها سمر ردت بدون ما تشوف وكانت متأكده أنه خالد حبيب قلبها دق
سمر بدلع:الوووو
سحر:ألو...سمر تعالي عندي الغرفة
سمرتغيرت نبرة صوتها:يوووووه ليه؟؟؟
سحر صرخت:بسرعه تعالي وبقولك
راحت سمر على غرفة سحر وفتحت الباب
سمر :الله يفشلك أش سوتي تحت أنت وماما
سحر :خليها تقولك ..........المهم أبغى أخرج من غرفتك
سمر:ماقدر الجناح مليان بنات....ليه
سحر:ماراح أخرج من الباب اللي تحت العيون ماراح تسيبني ........تكفى سوسو
سمر استغربت سحر أول مره تترجاها: خلاص اوك.........أول ما أصرفهم حدق عليك اوك
سحر:بسررررعه......لما أخرج راح أعطيكي رنه
راحت سمر عند البنات وقفلت الآستريو وبصراخ :بنات تبغوا تشوفوا حبيبي
الكل صررخ وصفر :ايووووووووووووووا
دخلت الغرفة وقفلت الباب والكل دخل وراها يبغى يشوف من هذا اللي سمر تموت فيه بس سمر ذكية ماراح توريهم خالد راح تعمل مقلب عالبنات حتى تخرج سحر
فتحت اللاب توب والبنات كلهم حولينها حطت صورت ولد من اللي تعرفه مو حلوووو
سمر : وش رايكم ( أخذت الجوال ودقت على سحر دقه عشان تخرج)
البنات انفجعوا منهم اللي كتم الضحكة ومنهم يحش مع اللي بجنبه واللي جاملها وقال حلو وصاحباتها اللي مره بعضهم عارف أنها تكذب ومنهم ما يعرف
رناد:سمرررررررررر .....من جدك تحبي هذي الأشكال؟
سمر بهبل:ايوا هذا حبيب قلبي....ليه؟؟
عبير باستنكار: هذا مو ذوقك ابدا ...
سمر:ههههههههههههههههههههههههههههههههههههههههههههه
واللي يعرف :ههههههههههههههههههه
سمر:صح رنو مو مستوايا أطالع فيه أصلا ............هههه
رناد:ههههههههه الله يا لعنك صدقت أنك تحبيه
وكل شويه توريهم صورة لما ماعرفوا الحركة وفهموا أنها ما راح توريهم
.................................................. .................................................. ..................

سحر جالسة تأخذ نفس عميق عشان ما تبكي قدام أحد قاطعها صوت الجوال ( خد بالك عليا دي مش معامله تعاملني..) من سمر وعلى طوول جاها مسج من معاذ (توتsms ) من معاذ(انزلي بسرررعه )
سحبت الهاند باق من تحت السرير ولبست العبايا وغطت وجهها أي كلام وقفلت باب الغرفة ونزلت بسررررعه
معاذ واقف عند السيارة وشاف وحد جايه ومتغطيه ...عرف أنها سحر ضحك على شكلها وباين عليها أنها وحده ماتعرف تتغطى وكان يبغى يغير الجو
معاذ:هههههههه ما تشوفين شكلك وأنت متغطية تكرهين الغطى هههههههه
سحر ركبت السيارة ورمت الشنطة ورا :.............
معاذ ركب وعارف أنه المصيبة كبيرة : ..............
طالع فيها واستوعب اللي كان في يدها لف ورا:سحر ..وش ذا؟
سحر: امشي واقولك بالطريق (وقالت السالفه من وإلى ومعاها دموع ...........)
معاذ: أمك بنت كلب .....ويبغى لها تربية
سحر وهي تمسح دموعها :خلاص ما تفرق يا معاذ.........بناقص العيشة معاهم
معاذ افتكر الشنطة: وهذا الشنطة ؟؟؟ ..أش دخلها في الموضوع؟
سحر بلعت ريقها وبصوت واطي :أنت لا تعصب ok
معاذ ركز معاها :.....
سحر بتردد : أبغى استأجر شقه وأجلس فيها لما أهدأ...
سحر تطالع في الأرض ومعاذ شياطينه قامت: نعممممممممممممممممممم........الدنيا فوضى ياست سحر ..يعني كل وحده تزعل من أهلها تروح شقه ........
(يأشر بيده على نفسه)أنا ولد ما سويتها تجي حضرتك تقولين كذا
وانفجرت سحر: هيييييييي لاتصرخ علي مو عبده عندك .......... وبعدين بناقص اللي يطلب منك شيء ................ راح أكلم أي ولد غيرك وراح يستأجر ..ولا بيذلني زيك ...................... أوووف منك تقرف الواحد أعوذ بالله
معاذ:أعوذبالله منك(يطالع فيها بنص عين)
سكتوا فترة (سحر كانت عارفة أنه معاذ في قرارة نفسه ما راح يرضى أنه أي ولد يستأجر لها لأنه يعرف نية الأولاد)
هديت الأعصاب وراق معاذ وبدأ يدور على شقه قال بصوت هادي ريح سحر: خلاص موافق ... راح استأجر لكن بشروط
سحر فرحت :موافقه عليها كلها بدون ماتقول
معاذ :أسبوع واحد بس...
سحر:موااااااااااااااااافقه
ورجعت الأمور لطبيعتها وبما أن سحر نفسيتها تعبانه بدأت تغني
سحر :أنت أيه مش كفاية عليك تجرحني حرام عليك أنت ليه دموعي حبيب تهون عليك....

انتهى البارت